قرارات لجنة الانضباط برئاسة مهدي البحر في أحداث مباراة الناصر الخرطوم والصفاء الابيض    غوتيريش يدعم مبادرة حكومة السودان للسلام ويدعو إلى وقف فوري لإطلاق النار    صقور الجديان" تختتم تحضيراتها استعدادًا لمواجهة غينيا الاستوائية الحاسمة    مشروبات تخفف الإمساك وتسهل حركة الأمعاء    استقبال رسمي وشعبي لبعثة القوز بدنقلا    منى أبو زيد يكتب: جرائم الظل في السودان والسلاح الحاسم في المعركة    نيجيريا تعلّق على الغارات الجوية    شرطة محلية بحري تنجح في فك طلاسم إختطاف طالب جامعي وتوقف (4) متهمين متورطين في البلاغ خلال 72ساعة    بالصورة.. "الإستكانة مهمة" ماذا قالت الفنانة إيمان الشريف عن خلافها مع مدير أعمالها وإنفصالها عنه    شاهد بالفيديو.. فنانة سودانية مغمورة تهدي مدير أعمالها هاتف "آيفون 16 برو ماكس" وساخرون: (لو اتشاكلت معاهو بتقلعه منو)    «صقر» يقود رجلين إلى المحكمة    بالفيديو.. بعد هروب ومطاردة ليلاً.. شاهد لحظة قبض الشرطة السودانية على أكبر مروج لمخدر "الآيس" بأم درمان بعد كمين ناجح    ناشط سوداني يحكي تفاصيل الحوار الذي دار بينه وبين شيخ الأمين بعد أن وصلت الخلافات بينهما إلى "بلاغات جنائية": (والله لم اجد ما اقوله له بعد كلامه سوى العفو والعافية)    منتخب مصر أول المتأهلين إلى ثمن النهائي بعد الفوز على جنوب أفريقيا    شاهد بالصورة والفيديو.. الفنان شريف الفحيل يفاجئ الجميع ويصل القاهرة ويحيي فيها حفل زواج بعد ساعات من وصوله    شاهد بالفيديو.. وسط سخرية غير مسبوقة على مواقع التواصل.. رئيس الوزراء كامل إدريس يخطئ في اسم الرئيس "البرهان" خلال كلمة ألقاها في مؤتمر هام    لاعب منتخب السودان يتخوّف من فشل منظومة ويتمسّك بالخيار الوحيد    كيف واجه القطاع المصرفي في السودان تحديات الحرب خلال 2025    صلوحة: إذا استشهد معاوية فإن السودان سينجب كل يوم ألف معاوية    إبراهيم شقلاوي يكتب: وحدة السدود تعيد الدولة إلى سؤال التنمية المؤجَّل    كامل إدريس في نيويورك ... عندما يتفوق الشكل ع المحتوى    مباحث قسم الصناعات تنهي نشاط شبكة النصب والاحتيال عبر إستخدام تطبيق بنكك المزيف    عقار: لا تفاوض ولا هدنة مع مغتصب والسلام العادل سيتحقق عبر رؤية شعب السودان وحكومته    بولس : توافق سعودي أمريكي للعمل علي إنهاء الحرب في السودان    البرهان وأردوغان يجريان مباحثات مشتركة    وحدة السدود تعيد الدولة إلى سؤال التنمية المؤجَّل    تراجع أسعار الذهب عقب موجة ارتفاع قياسية    ياسر محجوب الحسين يكتب: الإعلام الأميركي وحماية الدعم السريع    شاهد بالصور.. أسطورة ريال مدريد يتابع مباراة المنتخبين السوداني والجزائري.. تعرف على الأسباب!!    وزير الداخلية التركي يكشف تفاصيل اختفاء طائرة رئيس أركان الجيش الليبي    "سر صحي" في حبات التمر لا يظهر سريعا.. تعرف عليه    والي الخرطوم: عودة المؤسسات الاتحادية خطوة مهمة تعكس تحسن الأوضاع الأمنية والخدمية بالعاصمة    فيديو يثير الجدل في السودان    ولاية الجزيرة تبحث تمليك الجمعيات التعاونية الزراعية طلمبات ري تعمل بنظام الطاقة الشمسية    شرطة ولاية نهر النيل تضبط كمية من المخدرات في عمليتين نوعيتين    الكابلي ووردي.. نفس الزول!!    حسين خوجلي يكتب: الكاميرا الجارحة    احذر من الاستحمام بالماء البارد.. فقد يرفع ضغط الدم لديك فجأة    استقالة مدير بنك شهير في السودان بعد أيام من تعيينه    كيف تكيف مستهلكو القهوة بالعالم مع موجة الغلاء؟    اكتشاف هجوم احتيالي يخترق حسابك على "واتسآب" دون أن تشعر    رحيل الفنانة المصرية سمية الألفي عن 72 عاما    قبور مرعبة وخطيرة!    حملة مشتركة ببحري الكبرى تسفر عن توقيف (216) أجنبي وتسليمهم لإدارة مراقبة الأجانب    عزمي عبد الرازق يكتب: عودة لنظام (ACD).. محاولة اختراق السودان مستمرة!    البرهان يصل الرياض    ترامب يعلن: الجيش الأمريكي سيبدأ بشن غارات على الأراضي الفنزويلية    مسيّرتان انتحاريتان للميليشيا في الخرطوم والقبض على المتّهمين    إسحق أحمد فضل الله يكتب: (حديث نفس...)    مياه الخرطوم تكشف تفاصيل بشأن محطة سوبا وتنويه للمواطنين    الصحة الاتحادية تُشدد الرقابة بمطار بورتسودان لمواجهة خطر ماربورغ القادم من إثيوبيا    مقترح برلماني بريطاني: توفير مسار آمن لدخول السودانيين إلى بريطانيا بسهولة    الشتاء واكتئاب حواء الموسمي    عثمان ميرغني يكتب: تصريحات ترامب المفاجئة ..    "كرتي والكلاب".. ومأساة شعب!    ما الحكم الشرعى فى زوجة قالت لزوجها: "من اليوم أنا حرام عليك"؟    حسين خوجلي: (إن أردت أن تنظر لرجل من أهل النار فأنظر لعبد الرحيم دقلو)    حسين خوجلي يكتب: عبد الرجيم دقلو.. إن أردت أن تنظر لرجل من أهل النار!!    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



خطبة جمعة سيحة المعتادة (الجهاز اتعطل)
كورة سودانية نشر في كورة سودانية يوم 07 - 03 - 2015


محمد عبد الماجد
دق الدلجة
خطبة جمعة سيحة المعتادة (الجهاز اتعطل)
يجتهد رضا مصطفى الشيخ في كل جمعة ان يقدم فقرة (الامبراطور) بشيء من
الابتهال والفرح والتضخيم للضيف.
والخروج فاصل اعلاني ثم العودة.
تشويق واثارة واحداث ساخنة اليوم.
ورضا يتحدث.
الان معنا الخبير التحكيمي الكبير فيصل سيحة وفقرة تحليل اداء الحكام
عبر فقرة (الامبراطور).
كابتن (سيحة) اهلا وسهلا بيك فى فقرة الامبراطور.
سيحة يتكلم – اهلا وسهلا بيكم – حقيقة اليوم عندنا كثير من الفقرات
التى سوف نقف عندها ونحللها ، فقط ان شاءالله الوقت يسعفنا…انا اليوم
كلو (مسجون) في البيت بجهّز في اللقطات والاخطاء التى وقع فيها الحكم –
بس للاسف الشديد جهاز وحدة الانتاج اتعطل.
والله اتعطل لي في اللقطة دي (يعرض التلفزيون لقطة من مباراة الهلال
والميرغني الاخيرة).
بالله دا تلفزيون قومي.
قومي على شنو؟.
دا تلفزيون بنقل اكبر المنافسات الكروية في السودان.
دي حكومة ما قادرة تصلح جهاز وحدة الانتاج.
انتوا شغالين تمنتجوا المباريات واللقطات بي جهاز (غسيل كلي).
معقولة تلفزيون فيه قرابة ال (13) غرفة مونتاج بكامل وحداتها واجهزتها
الانتاجية والكهربائية ..يقولوا ليك ساعة الجد واعادة اللقطة ان جهاز
وحدة الانتاج معطل.
اجهزة وحدة الانتاج طبعا بتتعطل كل ما تكون في احداث ساخنة طرفها المريخ.
كل ما تكون في تجاوزات من المريخ وخروج من السلوك القويم يقولوا ليك
جهاز وحدة الانتاج اتعطل.
انتوا شغالين في ابودليق؟.
شغالين في سوق ابونعامة؟.
شغالين في هيا؟.
في سوق الناقة؟.
بتخزنوا سمك؟.
بتفتلوا حبال؟.
يا جماعة انتوا قاعدين في التلفزيون القومي وفي الاستديوهات الرئيسية
..يعني ما في منطق بقول ان الجهاز اتعطل.
التلفزيون القومي فيه (3) الف عامل وفيه اكثر من (500) فني ..وتقولوا
الجهاز اتعطل.
اتعطل في السبلوقة؟.
في محطة ابوحراز الحرارية؟.
انتوا عاوزين تعملوا ترسيم للقلب؟.
عاوزين تعملوا موجات صوتية؟.
تخطيط للمخ؟.
انتوا عاوزين تعيدوا ليكم (لقطة) في مباراة اتلعبت قبل اكثر من (72) ساعة.
ما قلنا ليكم جيبوا لينا حاجة من كأس العالم القادم.
شريط عندكم وبطرفكم غالبكم ترجعوا لبعض اللقطات وتقدموها لينا تاني.
كل يوم جمعة اجهزتكم بتتعطل.. يمكن اجهزتكم دي يوم الجمعة ما بتشتغل.
وقت اجهزتكم معطلة في داعي لفقرة (الامبراطور) يا رضا مصطفى الشيخ.
الغوها!!.
خللوها!!.
الغريبة رضا مدير البرامج الرياضية والمسؤول الاول في التلفزيون عن
الرياضة وبيسأل فيصل سيحة عن موقف الاجهزة وهل يمكن ان تتصلح الاسبوع
القادم؟.
سؤال لي فيصل سيحة.
يعني انت (ضربة الجزاء) التى قلت انها ارتكبها لاعب الهلال بوتاكو مع
مهاجم الميرغني حارقك شديد كدا.
زولكم لابس ليه (بدلة سفاري) ..ونظارة وطالع من بيتهم من صباح الرحمان
عشان يقول ليك مخالفة بوتاكو (ضربة جزاء) صحيحة.
ويرجع على كدا.
ليه الاجهزة ما اتعطلت في الكلام البتقول فيه دا؟.
وليه قدرت تقول شوفوا (ايد) بوتاكو عندما وضعها على مهاجم فريق الميرغني.
لا ضربة جزاء واضحة.
دي بتشوفها يا سيحة بدون اجهزة.
ولا عاوزة ليها اجهزة.
بتحسي بيها احساس.
ومباراة الاهلي شندي والمريخ يقولوا ليك (الاجهزة) اتعطلت.
وفيصل سيحة بدون اي خجل بقول ليك طبعا ما بنقدر نتكلم عن احداث
المباراة عشان الاجهزة اتعطلت.
يا سلام.
تعيش العبقرية.
قدرت كيف تتحدث عن الجهاز الفني لفريق هلال الفاشر الذي قلت انه دخل
لملعب المباراة في مباراة الخرطوم الوطني ومريخ الفاشر.
ولا جابوا الصورة.
في مباراة الاهلي شندي والمريخ (محسن سيد) دا ما كان ساكن عديل كدا في الملعب.
اي زول شاف دخول الجهاز الفني للمريخ في مباراة شندي.
واي زول شاف الاعتداءات التى تمت من قبل لاعبي المريخ على طاقم التحكيم.
بكري المدينة اعتدى على الحكم.
واعتدى على سفاري.
اشمعنا دي ما اتكلمت عنها.
ولا جاب ليها سيرة.
لا هو ولا رضا مصطفى الشيخ.
فالحين لي بس لي ضربة جزاء ضد الهلال …وللجهاز الفني لهلال الفاشر.
مباراة الخرطوم وهلال الفاشر من غير ما يعرضوا الصورة ويقدموا اللقطة -
سيحة بقول ليك انا امس شفت دخول الجهاز الفني لهلال الفاشر في ارض الملعب
– حقيقة دا ما سلوك حضاري.
البتعمل فيه دا يا سيحة هو الما سلوك حضاري.
حاجات تشوفها (خيالا) وحاجات ما بتشوفها وهي اوضح من الشمس.
وسيحة يقول ليك : ليه في اوروبا ما في اخطاء والحكام ما بقعوا في مثل
هذه الاخطاء؟.
بي بساطة شديدة يا سيحة في اوروبا ما في اخطاء عشان عندهم (اجهزة) ما بتتعطل.
وعندهم ضماير.
وعشان ما عندهم (خيار وفقوس) في عطب اجهزة المونتاج.
وباختصار شديد كدا – عشان ما عندهم (فيصل سيحة).
فيصل سيحة حوّل فقرة (الامبواطور) الى فقرة جوائز ومسابقات برعاية سوداني.
والفقرة يفترض ان تحلل اداء الحكام لا ان تقدم الجوائز والمسابقات التى
ترعاها شركة سوداني.
وسيحة في مقعدو وبي بدلتو ومن الخرطوم بحلل ليك احداث مباراة ما شافها.
وبتكلم ليك عن حكم في مباراة في (نوري) وبقول الحكم انهى المباراة قبل
موعدها الرسمي.
دي شفتها كيف؟.
اكيد سمعت بيها سمع.
مباراة الاهلي شندي والمريخ الناس كلها شافوا التجاوزات التى تمت فيها
من قبل المريخ..وسيحة (كلمة) ما عاوز يقولها عن هذه التجاوزات.
وفيصل سيحة الناس كلها شافوا ان مباراة المريخ ومريخ الفاشر الحكم اوقف
المباراة (60) دقيقة.
والجمهور طلّع الشرطة.
وسيحة ما عاوز يتكلم عن هذا السلوك.
ويقول ليك ليه في اوروبا ما في اخطاء؟.
ويقول ليك مفروض حكم نوري يكتب زمن بداية المباراة وانتهاء الشوط في (نوتة) خاصة.
بالله انت من زمن (النوتة)..ليها حق (اجهزتكم) تتعطل اذا كنتوا شغالين
لي الى الآن بالنوتة.
عاوزين تحللوا لينا بالعقلية دي.
عاوزين تحللوا لينا بالفكرة دي.
صاحبكم بس فالح لي حكاية في (ضربة جزاء) للميرغني كسلا ما احتسبها
الحكم امام الهلال.
دي الجابتك من البيت.
وقت تكون اجهزتك معطلة – عليك الله ما تظهر لينا.
ولا تجينا.
خطبتك دي نحن حفظناها.
نحن شربناها شراب.
لو عاوز ترجع تاني للاتحاد او بتبحث عن منصب جلست فيه (20) سنة ما تخلى
دا يكون عن طريق (الطبطبة) للمريخ ..والظهور في شكل (رجل شجاع) بقدر يدين
الهلال وبقدر يقول في ضربة جزاء ضد الهلال.
عاوز يثبت للمريخاب انه قادر على قول ذلك.
صاحبكم عارف (السلطة) مع الجماعة – وعاوز جمال الوالي يرجعو للاتحاد او
يشوف ليه منصب (دولي) كدا.
كفاية علينا انك بتطلع كل يوم جمعة في التلفزيون بي خطبتك التى تقول
فيها ان هناك ضربة جزاء ضد الهلال.
بعد ما يقول جملتو دي ..زولكم طوالي بقول ليك (الاجهزة) معطلة.
معطل حيادكم.
معطلة نزاهتكم في التحليل.
ورضا مصطفى الشيخ فالح بعد الكلام دا يعاين في الساعة ويقول ليك (الزمن
انتهى) الى ان نلتقى الجمعة القادمة لكم تحيات الفريق العامل.
هو وينو الفريق العامل؟.
فريق عامل ما قادر يعيد ليه (لقطة) في المباراة.
انتوا بتفتكروا انو البتعملوا فيه دا حل.
وانكم بتمرقوا من الحرج وقت تقولوا اجهزة المونتاج اتعطلت.
كان تشيلوا شريط المباراة وتمشوا قناة النيل الازرق او تمشوا قناة
الشروق بمنتجوا ليكم المباراة.
او ادوهم الاشرطة خليهم يمنتجوا بي طريقتهم اذا كان الحل الاول غير
ممكن لكي يقدموا تحليل عبر برمجتهم في قنواتهم.
ماسكين لي (الصندوق الاسود) بتاع المباراة ويقولوا ليك اجهزة المونتاج معطلة.
طيب بي اجهزتكم المعطلة دي ..ح تعملوا لينا انتخابات حرة ونزيهة كيف؟.
لو دي اجهزتكم – الله يستر على الانتخابات.
………
و
المنتخب الاولمبي انتصر مع روعة في الاداء.
وكان جمهور الابيض اروع.
الرمال تضحك براها.
والفرحة شوف عيني دي حايمة في المدرجات.
والانتصار يتاوق لينا من وقت لي اخر.
ماهر ..فعلا ماهر.
والشعلة شعلة.
وبشه الصغير ..بشه عديل كدا.
وشمس الفلاح كان فلاح.
واطهر اطهر.
ووليد علاء ..كان علاء.
وخالد نعم القايد.
واحمد عبدالعظيم الحارس مالنا و(ولدنا).
……..
السيدة (ل) ..لو عندكم جهاز تلفزيون او موبايل او تلاجة معطلة جيبوا ليها (سيحة).
وقرّض على كدا.

انقر هنا لقراءة الخبر من مصدره.