سودارس : كمان يا الكاردينال ما تعصروا على مستر (فو)

بايرن ميونخ يتغلب على تشيلسي نادي دبيرة جنوب يعزز صفوفه إستعداداً لدوري حلفا أول دولة تهدد بالانسحاب من كأس العالم 2026 في حال مشاركة إسرائيل 900 دولار في الساعة... الوظيفة التي قلبت موازين الرواتب حول العالم! "مرصد الجزيرة لحقوق الإنسان يكشف عن انتهاكات خطيرة طالت أكثر من 3 آلاف شخص" "نهاية مأساوية" لطفل خسر أموال والده في لعبة على الإنترنت د.ابراهيم الصديق على يكتب: معارك كردفان.. رئيس اتحاد بربر يشيد بلجنة التسجيلات ويتفقد الاستاد سيناريوهات ليس اقلها انقلاب القبائل على المليشيا او هروب المقاتلين عثمان ميرغني يكتب: المفردات «الملتبسة» في السودان خطوط تركيا الجويّة تدشّن أولى رحلاتها إلى السودان شاهد بالصورة والفيديو.. حصلت على أموال طائلة من النقطة.. الفنانة فهيمة عبد الله تغني و"صراف آلي" من المال تحتها على الأرض وساخرون: (مغارز لطليقها) شاهد بالفيديو.. خلال حفل بالقاهرة.. فتيات سودانيات يتفاعلن في الرقص مع فنان الحفل على أنغام (الله يكتب لي سفر الطيارة) وساخرون: (كلهن جايات فلاي بوكس عشان كدة) شاهد بالصورة والفيديو.. حصلت على أموال طائلة من النقطة.. الفنانة فهيمة عبد الله تغني و"صراف آلي" من المال تحتها على الأرض وساخرون: (مغارز لطليقها) حياة جديدة للبشير بعد عزله.. مجمع سكني وإنترنت وطاقم خدمة خاص إحباط محاولة تهريب وقود ومواد تموينية إلى مناطق سيطرة الدعم السريع شاهد بالصورة والفيديو.. خلال حفل خاص حضره جمهور غفير من الشباب.. فتاة سودانية تدخل في وصلة رقص مثيرة بمؤخرتها وتغمر الفنانة بأموال النقطة وساخرون: (شكلها مشت للدكتور المصري) السعودية وباكستان توقعان اتفاقية دفاع مشترك هدف قاتل يقود ليفربول لإفساد ريمونتادا أتلتيكو مدريد المالية تؤكد دعم توطين العلاج داخل البلاد مبارك الفاضل..على قيادة الجيش قبول خطة الحل التي قدمتها الرباعية غادر المستشفى بعد أن تعافي رئيس الوزراء من وعكة صحية في الرياض تحالف خطير.. كييف تُسَلِّح الدعم السريع وتسير نحو الاعتراف بتأسيس! دوري الأبطال.. مبابي يقود ريال مدريد لفوز صعب على مارسيليا شاهد بالفيديو.. نجم السوشيال ميديا ود القضارف يسخر من الشاب السوداني الذي زعم أنه المهدي المنتظر: (اسمك يدل على أنك بتاع مرور والمهدي ما نازح في مصر وما عامل "آي لاينر" زيك) ماذا لو اندفع الغزيون نحو سيناء؟.. مصر تكشف سيناريوهات التعامل الجزيرة: ضبط أدوية مهربة وغير مسجلة بالمناقل السودان يدعو المجتمع الدولي لدعم إعادة الإعمار ريال مدريد يواجه مرسيليا في بداية مشواره بدوري أبطال أوروبا ماذا تريد حكومة الأمل من السعودية؟ الشرطة تضع حداً لعصابة النشل والخطف بصينية جسر الحلفايا شاهد بالصور.. زواج فتاة "سودانية" من شاب "بنغالي" يشعل مواقع التواصل وإحدى المتابعات تكشف تفاصيل هامة عن العريس: (اخصائي مهن طبية ويملك جنسية إحدى الدول الأوروبية والعروس سليلة أعرق الأسر) السودان يستعيد عضوية المكتب التنفيذي للاتحاد العربي لكرة القدم إنت ليه بتشرب سجاير؟! والله يا عمو بدخن مجاملة لأصحابي ديل! وزير الداخلية يترأس إجتماع لجنة ضبط الأمن وفرض هيبة الدولة ولاية الخرطوم عودة السياحة النيلية بالخرطوم في أزمنة الحرب.. "زولو" فنان يلتزم بالغناء للسلام والمحبة إيد على إيد تجدع من النيل شاهد بالصورة والفيديو.. عروس سودانية ترفض "رش" عريسها بالحليب رغم إقدامه على الخطوة وتعاتبه والجمهور يعلق: (يرشونا بالنووي نحنا) حسين خوجلي يكتب: الأمة العربية بين وزن الفارس ووزن الفأر..! ضياء الدين بلال يكتب: (معليش.. اكتشاف متأخر)! في الجزيرة نزرع أسفنا من هم قادة حماس الذين استهدفتهم إسرائيل في الدوحة؟ مباحث شرطة القضارف تسترد مصوغات ذهبية مسروقة تقدر قيمتها ب (69) مليون جنيه في عملية نوعية.. مقتل قائد الأمن العسكري و 6 ضباط آخرين وعشرات الجنود الخرطوم: سعر جنوني لجالون الوقود السجن المؤبّد لمتهم تعاون مع الميليشيا في تجاريًا وصية النبي عند خسوف القمر.. اتبع سنة سيدنا المصطفى عثمان ميرغني يكتب: "اللعب مع الكبار".. جنازة الخوف حكاية من جامع الحارة حسين خوجلي يكتب: حكاية من جامع الحارة تخصيص مستشفى الأطفال أمدرمان كمركز عزل لعلاج حمى الضنك مشكلة التساهل مع عمليات النهب المسلح في الخرطوم "نهب وليس 9 طويلة" وسط حراسة مشددة.. التحقيق مع الإعلامية سارة خليفة بتهمة غسيل الأموال نفسية وعصبية.. تعرف على أبرز أسباب صرير الأسنان عند النوم بعد خطوة مثيرة لمركز طبي.."زلفو" يصدر بيانًا تحذيريًا لمرضى الكلى الصحة: وفاة 3 أطفال بمستشفى البان جديد بعد تلقيهم جرعة تطعيم

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

كمان يا الكاردينال ما تعصروا على مستر (فو)

كورة سودانية نشر في كورة سودانية يوم 01 - 04 - 2015

دق الدلجة
محمد عبد الماجد
كمان يا الكاردينال ما تعصروا على مستر (فو)
عشان الموضوع يبقى ليكم واضح.
وما تلخبطوا لينا بين استاد الهلال واستاد المريخ.
ما تعملوا لينا مقارنات بين الجوهرة الزرقاء والرد كسل.
نشرحها ليكم.
ونديكم ليها واحدة – واحدة عشان تقع ليكم.
بنوقع ليكم الفهم.
الجوهرة الزرقاء دي (كمال ترباس) الاستادات في السودان.
انتوا يا ناس المريخ (الرد كسل) حقكم دا يبقى أحمد الصادق.
يبقى طه سليمان.
يبقى انصاف مدني.
ما عندنا معاكم شغلة.
المهم عندنا (الجوهرة الزرقاء) كمال ترباس الاستادات في السودان.
على كدا شوفوا الفرق بين احمد الصادق وكمال ترباس.
و
(ونحن عايشين والحمدلله (النفس) بينزل ويطلع إلى الآن..ولا تنقصنا شيء
سوى رؤياكم الغالية).
بس نادية بنت شيخ الخط ..ضرسها حاميها النوم ..الدكتور قال ليها لا
تاكلي سكريات لا تدخلي (واتس آب).
قبل ايام قريت لي حوار لي احمد الصادق قال فيه ان تسجيل نزار حامد في
المريخ مسؤليته.
جمال الوالي فك اللعب.
التسجيلات في المريخ مسكها (احمد الصادق).
يعني ناس المريخ لو عندهم مباراة يرفعوا (الساوند) مع التسخينة.
ولمن الشوط الاول ينتهي ..يقولوا ليك الفاصل الاول انتهى.
ناس ضفر وبلة وعلى جعفر وبكري المدينة ح يمشوا (الكورس).
وتشكيلة المريخ ح تكون كلها من (دار فلاح).
احمد الصادق ..بيسجل ليكم ..يعني ح يسجل ليكم شنو؟.
اللاعب يخطفوه من مركز شباب بحري.
واللاعب البجيبوه من مركز شباب السجانة بكون ما فيه كلام.
بيسجلكم احمد الصادق – اعمل ليكم شنو؟.
يا احمد الصادق انت اغنية ما قادر (تسجلها) عاوز (تسجل) نزار حامد.
ألعب بعيد.
انت قايل نزار حامد دا (لحن).
تسجل شنو؟.
لو (الغنا) غلبكم …امشي (الرديف) ما تجي تحوم لينا جوار (نزار حامد).
الغنا البتغني فيه دا ما غنا نزار حامد.
غناك دا يا دوب كدا بيجب (ضفر).
ممكن يجيب بلة جابر.
لكن يجيب نزار حامد – انت قايل نفسك (كمال ترباس).
بعدين يا أحمد الصادق لو فكت منك في (الغنا) ما برجعوها بي الطريقة دي.
اعملها ظريفة شوية.
معقولة عاوز تبني سيرتك الفنية بي (نزار حامد).
خلاص غلبتك.
يعني تاني لمن يجيبوك في برنامج تلفزيوني ويقولوا ليك جديدك شنو؟.
ح تقول ليهم جديدي عاوز اجيب نزار حامد للمريخ.
لمن تمشي ليك حفلة وتطلع في المسرح ..ح تقول ليهم نزار حامد عندو اصابة.
لمن تظهر في برنامج (اغاني واغاني) يا احمد الصادق ..وقت السر احمد
قدور يقول ليك سمعنا حاجة لي الطيب عبدالله ..ح تسمعهم هدف نزار حامد في
الرصاصات.
يا زول شوف ليك شغلة.
والموضوع دا تاني ما تخش فيه.
اوعك.
انت الحاجات دي ما قدرها.
يعني عشان عملت ليك (14) مستمع ..عاوز تودي نزار حامد المريخ.
طيب لو بقى عندك جمهور محمود عبدالعزيز ..كان ح تودي (بويا) ريال مدريد.
اوعك تاني تقول كلام زي دا.
الناس بتضحك فيك.
يا احمد الصادق اعمل ليك اول حاجة اغاني زي الناس – بعداك تعال اتكلم
عن (نزار حامد).
انت فاكر نزار حامد دا بتاع جيتار.
قايلو بتاع بنقز.
الزول دا بتاع كورة.
والكورة لو بقت عليكم انتوا يا احمد الصادق ..ح نقنع منها.
كفاية لجنّتوا لينا (الفن) ودخلتوا لينا الاغاني الهابطة ..كمان عاوزين
تقبلوا على الرياضة.
كفاية اننا بقينا نسمع أحمد الصادق.
عاوزين كمان نبقى بنتفرج في كورة بيخطط ليها أحمد الصادق.
و
(ونحن عايشين والحمدلله (النفس) بينزل ويطلع إلى الآن..ولا تنقصنا شيء
سوى رؤياكم الغالية).
بس ليلى بنت الشيخ حمد عندها وجع عيون من متابعة المسلسلات التركية
والقاعد في الواتس آب.
جاء في صحف الامس ان رئيس مجلس ادارة نادي الهلال اشرف سيد أحمد
الكاردينال قد قام بزيارة عند الحادية عشرة من صباح امس الاول لتفقد سير
العمل بالجوهرة الزرقاء وكان في استقبال رئيس نادي الهلال نائبه أحمد
عبدالقادر والسيد (فو) رئيس مجلس ادارة الشركة الصينية المنفذة للمشروع
والباشمهندس شاكر على طاهر المدير العام للمكتب التنفيذي واعضاء المكتب.
يا الكاردينال ..انت ما شايف المستر (فو) دا عصرتو عليه شوية.
الكاردينال الصيني دا بيشلخو ليكم.
خلاص عاوزين تقعدوا ليه في رقبتو.
عاوزين تحرسوه.
الصيني دا لو ما قعدتوا ليه كدا بقوم يعملها ليكم كلها (فيكس).
الكاردينال شفت ..قام ليه من الصباح..زول دافع ليه (40) مليار جنيه
..طبيعي يقوم ليه مع (النجمة).
الزول دا عاوزنو يسلمكم الجوهرة الزرقاء في سنة…احرسوه.
راقبوه.
و
(ونحن عايشين والحمدلله (النفس) بينزل ويطلع إلى الآن..ولا تنقصنا شيء
سوى رؤياكم الغالية).
بس الطيب ود عجبنا وقع من رأس البيت كسر كراعو وموبايلو.
الكاردنيال دفع خمسة مليون دولار …والتكلفة الحقيقية للجوهرة الزرقاء
قد تصل لتمانية مليون دولار.
ما تعصروا علي (فو) شديد.
الزول دا ما يقوم يطفش منكم.
فو دا جاملكم.
اصلو ما قصر معاكم.
وبعد دا كلو ..اليوم والتاني الكاردينال بنط على المشروع ويشوف الحاصل شنو؟.
احسن يكون واقف على العمل بي نفسو.
عشان المشروع دا لو ما وقفتوا فيه براكم في السنة لا بكتمل ليكم ولا حاجة.
السنة ذاتها اتقسمت.
ورمضان على الابواب.
والعيد.
وعيد الضحية.
طبعا الصينين لا عندهم رمضان ولا عندهم عيد فطر ولا عندهم عيد ضحية.
يعني السنة كلها بكونوا شغالين.
ما تخافوا.
ما تشيلوا هم.
جمعة ما عندهم.
لكن مع ذلك ما تعصروا على مستر (فو) ..الزول دا ما قصر …كافية انو
واقف على المشروع بي نفسو وهو رئيس مجلس ادارة الشركة الصينية.
و
(ونحن عايشين والحمدلله (النفس) بينزل ويطلع إلى الآن..ولا تنقصنا شيء
سوى رؤياكم الغالية).
بس التجاني حاج حمد ..طقتو عقرب …كتلت شفعو الاربعة.
طلع من (الواتس آب).
مستر (فو) قالوا ليك كل دقيقة بنط ليه (صحفي) في الجوهرة الزرقاء بقول
ليه اها الشغل وصل وين؟.
الصحفيين الشفقة كاتلاهم.
وما عندهم صبر.
يا الكاردينال انتوا الزول دا لو دفعتوا ليه (مليار) تاني …ما بسلمكم
الجوهرة الزرقاء قبل مباراة القمة القادمة.
الصينيين ديل ما عندهم حاجة صعبة.
لو عاوزين يتموا ليك الشغل بتموه.
لو عاوزين يسلموكم الشغل في اسبوع بيسلموكم.
لكن برضو ما تعصروهم.
عشان ما يكلفتوا لينا الشغل.
و
(ونحن عايشين والحمدلله (النفس) بينزل ويطلع إلى الآن..ولا تنقصنا شيء
سوى رؤياكم الغالية).
بس خليفة ود الحسن مرق من بيتهم تاني ما رجع.
اوصافه كالاتي ..اليوم كلو في الواتس آب.
الحالة : من شهر نوفمبر ما صرف ليه ماهية.
ناس المريخ زمان وقت عملوا (الرد كسل) قالوا ح يجيبوا في حفل افتتاح
الاستاد كاظم الساهر.
تتخيلوا جمال الوالي كان قاصد منو ب (كاظم الساهر)؟.
كاظم الساهر القاصدنو طلع جمال فرفور.
عشان كدا اعلام المريخ ما عندو ثقة في (الجوهرة الزرقاء).
بفتكر الجوهرة ح تطلع زي (الرد كسل).
و
(ونحن عايشين والحمدلله (النفس) بينزل ويطلع إلى الآن..ولا تنقصنا شيء
سوى رؤياكم الغالية).
بس سخنت شديد.
و
قالوا ليك ناس المريخ ..مجموعات سيكافا قسموها.
خلاص الجماعة بقوا على سيكافا.
تراوري دا الاتحاد ح يدفعو كم؟.
هيثم مصطفى قالوا 110 الف جنيه.
تراوري كم؟.
قلنا ليكم ..ما في زول بنفعكم من الهلال.
قعدتوا تغالطوا.
و
(ونحن عايشين والحمدلله (النفس) بينزل ويطلع إلى الآن..ولا تنقصنا شيء
سوى رؤياكم الغالية).
بس الشهر طلع فيه 52 يوم.
……
السيدة (ل) ..تتخيلي (السُكات) مرات بكون مزعج اكتر من النضمي.
وقرّض على كدا.

انقر هنا لقراءة الخبر من مصدره.