سودارس : المريخ (الخامس) لو باريتوا (الجوهرة الزرقاء) بتنزلو من الممتاز

رئيس مجلس السيادة يؤكد عمق العلاقات السودانية المصرية رونالدو: أنا سعودي وأحب وجودي هنا وزير الخارجية المصري يصل بورتسودان محمد حامد جمعة نوار يكتب: نواطير "فينيسيوس جونيور خط أحمر".. ريال مدريد يُحذر تشابي ألونسو الهلال يدشن انطلاقته المؤجلة في الدوري الرواندي أمام أي سي كيغالي كُتّاب في "الشارقة للكتاب": الطيب صالح يحتاج إلى قراءة جديدة مستشار رئيس الوزراء السوداني يفجّر المفاجأة الكبرى عثمان ميرغني يكتب: إيقاف الحرب.. الآن.. مان سيتي يجتاز ليفربول التحرير الشنداوي يواصل إعداده المكثف للموسم الجديد دار العوضة والكفاح يتعادلان سلبيا في دوري الاولي بارقو كلهم حلا و أبولولو..!! السودان لا يركع .. والعدالة قادمة شاهد.. إبراهيم الميرغني ينشر صورة لزوجته تسابيح خاطر من زيارتها للفاشر ويتغزل فيها:(إمرأة قوية وصادقة ومصادمة ولوحدها هزمت كل جيوشهم) لقاء بين البرهان والمراجع العام والكشف عن مراجعة 18 بنكا شاهد بالفيديو.. لدى لقاء جمعهما بالجنود.. "مناوي" يلقب ياسر العطا بزعيم "البلابسة" والأخير يرد على اللقب بهتاف: (بل بس) السودان الافتراضي ... كلنا بيادق .. وعبد الوهاب وردي شاهد بالصورة والفيديو.. ضابطة الدعم السريع "شيراز" تعبر عن إنبهارها بمقابلة المذيعة تسابيح خاطر بالفاشر وتخاطبها (منورة بلدنا) والأخيرة ترد عليها: (بلدنا نحنا ذاتنا معاكم) جمهور مواقع التواصل بالسودان يسخر من المذيعة تسابيح خاطر بعد زيارتها للفاشر ويلقبها بأنجلينا جولي المليشيا.. تعرف على أشهر التعليقات الساخرة أردوغان: لا يمكننا الاكتفاء بمتابعة ما يجري في السودان وزير الطاقة يتفقد المستودعات الاستراتيجية الجديدة بشركة النيل للبترول المالية توقع عقد خدمة إيصالي مع مصرف التنمية الصناعية أردوغان يفجرّها داوية بشأن السودان وزير سوداني يكشف عن مؤشر خطير شاهد بالصورة والفيديو.. "البرهان" يظهر متأثراً ويحبس دموعه لحظة مواساته سيدة بأحد معسكرات النازحين بالشمالية والجمهور: (لقطة تجسّد هيبة القائد وحنوّ الأب، وصلابة الجندي ودمعة الوطن التي تأبى السقوط) إحباط محاولة تهريب عدد 200 قطعة سلاح في مدينة عطبرة السعودية : ضبط أكثر من 21 ألف مخالف خلال أسبوع.. و26 متهماً في جرائم التستر والإيواء الترتيب الجديد لأفضل 10 هدافين للدوري السعودي «حافظ القرآن كله وعايشين ببركته».. كيف تحدث محمد رمضان عن والده قبل رحيله؟ محمد رمضان يودع والده لمثواه الأخير وسط أجواء من الحزن والانكسار وفي بدايات توافد المتظاهرين، هتف ثلاثة قحاتة ضد المظاهرة وتبنوا خطابات "لا للحرب" مركزي السودان يصدر ورقة نقدية جديدة "واتساب" يطلق تطبيقه المنتظر لساعات "أبل" بنك السودان .. فك حظر تصدير الذهب بقرار من رئيس الوزراء: السودان يؤسس ثلاث هيئات وطنية للتحول الرقمي والأمن السيبراني وحوكمة البيانات ما الحكم الشرعى فى زوجة قالت لزوجها: "من اليوم أنا حرام عليك"؟ غبَاء (الذكاء الاصطناعي) مخبأة في باطن الأرض..حادثة غريبة في الخرطوم صفعة البرهان حرب الأكاذيب في الفاشر: حين فضح التحقيق أكاذيب الكيزان دائرة مرور ولاية الخرطوم تدشن برنامج الدفع الإلكتروني للمعاملات المرورية بمركز ترخيص شهداء معركة الكرامة السودان.. افتتاح غرفة النجدة بشرطة ولاية الخرطوم 5 مليارات دولار.. فساد في صادر الذهب حسين خوجلي: (إن أردت أن تنظر لرجل من أهل النار فأنظر لعبد الرحيم دقلو) حسين خوجلي يكتب: عبد الرجيم دقلو.. إن أردت أن تنظر لرجل من أهل النار!! السجن 15 عام لمستنفر مع التمرد بالكلاكلة عملية دقيقة تقود السلطات في السودان للقبض على متّهمة خطيرة وزير الصحة يوجه بتفعيل غرفة طوارئ دارفور بصورة عاجلة الجنيه السوداني يتعثر مع تضرر صادرات الذهب بفعل حظر طيران الإمارات تركيا.. اكتشاف خبز عمره 1300 عام منقوش عليه صورة يسوع وهو يزرع الحبوب (مبروك النجاح لرونق كريمة الاعلامي الراحل دأود) المباحث الجنائية المركزية بولاية نهر النيل تنهي مغامرات شبكة إجرامية متخصصة في تزوير الأختام والمستندات الرسمية حسين خوجلي يكتب: التنقيب عن المدهشات في أزمنة الرتابة دراسة تربط مياه العبوات البلاستيكية بزيادة خطر السرطان والي البحر الأحمر ووزير الصحة يتفقدان مستشفى إيلا لعلاج أمراض القلب والقسطرة شكوك حول استخدام مواد كيميائية في هجوم بمسيّرات على مناطق مدنية بالفاشر السجائر الإلكترونية قد تزيد خطر الإصابة بالسكري

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

المريخ (الخامس) لو باريتوا (الجوهرة الزرقاء) بتنزلو من الممتاز

كورة سودانية نشر في كورة سودانية يوم 30 - 03 - 2015

دق الدلجة
محمد عبد الماجد
المريخ (الخامس) لو باريتوا (الجوهرة الزرقاء) بتنزلو من الممتاز
الطالب (الشفت) زمان وقت يكون ترتيبه متأخر في المدرسة ..بيحاول يتحرفن.
يتشفتن.
بيحاول يغير سيرة الموضوع – وبعمل المستحيل عشان ما يجيبوا سيرة (النتيجة).
تلقاهو ضعيف من السيرة.
زي العود.
عمكم وقت يقول ليه يا ولد تعال غسل لي عمك في المناسبة ..عشان ما يجيب
ليه سيرة المدرسة ويقول ليه جيت الكم؟..بقوم الولد يفتح ليه موضوع.
يقوم يقول ليه مثلا ..يا عمي..ناس فتاح قطعوا شجرة (اللبخة) حقتهم.
عمكم يمسك ليك في (اللبخة)..اصلو ما معقول ..واصلو ما ممكن ما كان يقطعوها.
والله كانت (لبخة) سمحة.
دي لبخه يقطعوها.
الناس ديل ما عندهم رأس.
انتوا فاكرين (اللبخة) عندها علاقة بالموضوع الفي رأسكم دا؟..ابدا والله.
ما تقعدوا (تلبخوا) لي ساكت.
الولد ينتهي من الغسيل لي عمك ..ويتخارج على ضوء (اللبخة) دي من غير ما
يكون عمك سألو من النتيجة.
والطالب في الحلة وقت يجيبوا سيرة (النتائج) بقوم يقول للناس ..ناس
عباس (التور) حقهم مات.
مات من شنو؟.
من كوبري المنشية.
مات مغصة.
مات من البتسوى فيه دا.
الناس ينسوا ليك موضوع (النتائج) على حساب هذا (التور).
هسع ناس المريخ ركبوا نفس الموجة.
ركبوا نفس الماكنة.
ناس المريخ ما عاوزين زول يجيب ليهم سيرة روليت الدوري الممتاز.
ولا عاوزين يقولوا ليهم يا جماعة انتوا بتطيروا من البطولة الافريقية
..(كلامي دا ما ترموه في الواطة).
ما عاوزين زول يقول ليهم الحقيقة.
عشان كدا حاولوا يصرفوا الناس بالجوهرة الزرقاء.
حاولوا يرموا ليهم (دراريب) كدا ..وحاجات ما منطقية عشان الناس ينصرفوا
من موضوع الدوري.
ونقوم ننسى ليهم حكاية المركز الخامس.
عشان بننسى ليكم.
نحن بننسى كمان.
و
(ونحن عايشين والحمدلله (النفس) بينزل ويطلع إلى الآن..ولا تنقصنا شيء
سواء رؤياكم الغالية).
انتوا ناس المريخ ديل الحاصل عليهم شنو؟.
دي ما ملاريا.
يا زول الملاريا ظاهرة.
كمان نحن ما بنعرف (الملاريا).
ناس المريخ مالهم بقوا في كل اسبوع بينزلوا ليهم درجة في ترتيب الدوري الممتاز؟.
نازلين على طول.
تدحرج شديد.
ألحقوا الفريق بي طابق في الرد كسل.
محتاجين ليكم (طابق).
ناس امير كمال ألكزوهم بي طابق.
زمان كان معانا (طالب) بيدخل الامتحان شايل ليه (سندوتش طعمية).
يضرب ليك (سندوتش الطعمية) ..وينضرب في الامتحان 6 / صفر.
كل مرة بيسقط في الامتحان.
نسوان الحلة شايلات حالو.
كمان عندنا نسوان في الحلة (النتيجة) بيعرفنها قبل ما يعلنوها.
الواحدة فيهن تلقاها عندها توب شفون – حايمة بيه الحلة كلها.
الغريبة النسوان ديل وقت يكونن عاوزات يسكنن ليهن في بيت ايجار ..بقعدن
يفتشوا في البيوت الكبيرة.
يقولن ليك لازم البيت يكون فيه (4) غرف وهول ومطبخ واسع.
(4) غرف لي شنو ..وانتن اليوم كلو واقفات في الباب.
ولا في داعي للغرف.
لو في بيت باب ومطبخ كفاية.
انتوا تعالوا هنا.
ليه (المرا) بتهتم بنتيجة (ود الجيران) اكتر من اهتمامها بنتيجة ولدها.
مدير المدرسة مرة ثبت ليك الطالب الساقط ديمة داك وقال ليه والله انت
ما في حاجة عاملها فيك غير (سندوتش الطعمية).
تاني ما تدخل الامتحان بي (سندوتش طعمية).
الغريبة – والحاجة الما لاقى ليها تفسير الى الان ..الزول دا لمن بطل
(الطعمية) وبقى يدخل الامتحان شايل ليه (سندوتش جبنة) ..بقى يمر في
الامتحان.
في علاقة بين الجبن والمرور.
الطعمية مالها؟..عيبوها لي.
وعشان تفكيركم ما يمشي لي بعيد …(الطعمية) ما عندها اي علاقة بي ازمة الغاز.
وعشان اكتل ليكم قلبكم – فرنسا ذاتها الايامات دي فيها (ازمة غاز).
يعني انتوا احسن من فرنسا.
فرنسا فيها ازمة غاز.
ومويتها قاطعة.
قالوا ليك لو ما قمت اربعة صباحا في فرنسا ما بتلقى موية.
فرنسا تعبانة.
و
(ونحن عايشين والحمدلله (النفس) بينزل ويطلع إلى الآن..ولا تنقصنا شيء
سواء رؤياكم الغالية).
التدحرج والتقعر البتعملوا فيه دا شنو يا ناس المريخ؟.
يلعب مريخ الفاشر في كادوقلي يقولوا ليك المريخ اصبح (الثالث).
بدون سبب.
يكون الاتحاد العام قاصدها.
انتوا دخلكم شنو عشان تنزلوا درجة بسبب مباراة ملعوبة في (كادوقلي)؟.
الجماعة مصيرهم بقوا مربوط في يد (مريخ الفاشر).
في كل مباراة يلعبها مريخ الفاشر يقولوا يا الله درون.
مريخ الفاشر اسنتر في موقعهم ..وبقى ليك وصيف رسمي للهلال.
تلعب الخرطوم الوطني في الخرطوم …المريخ ينزل درجة.
يقوموا الشفوت بدون مقدمات كدا يقولوا ليك المريخ اصبح في المركز الرابع.
علاقة المريخ بالخرطوم الوطني شنو؟.
نمشي شندي نشوف مباراة الاهلي شندي.
الارسنال يلعب في شندي – المريخ بعد نتيجة المباراة يقوم تاني ينزل ليك رتبة.
يقولوا ليك المريخ اصبح (الخامس).
علاقتكم شنو بي اهلي شندي؟ ..عشان تنزلوا ليه درجة في روليت الدوري الممتاز.
هسع انتوا بينكم وبين نفسكم كدا ..(الخامس) دي ما قاعدين تتعقدوا منها.
ما بتخجلوا.
ما حمتكم النوم.
ما عملت ليكم قرحة.
والقرحة القاصدها ..ما هي القرعة البتفكروا فيها انتوا الان.
القرحة القاصدها انا قرحة عادية.
ما عندها اي علاقة بالغاز.
مريخ الفاشر قدامكم.
الخرطوم الوطني قدامكم.
الاهلي شندي قدامكم.
ولا مريخ الفاشر ولا الخرطوم الوطني ولا الاهلي شندي عندهم (مقصورة طايرة).
ولا عندهم (جمال الوالي).
ولا عندهم (8) محترفين اجانب.
ولا عندهم جهاز فني بقيادة غارزيتو وابنه.
ولا بطلعوا ليهم (الشرطة).
ولا بقولوا ليهم اختاروا (حكامكم) بي نفسكم.
انتوا يا ناس المريخ عندكم الحاجات دي كلها – وبتجوا في المركز (الخامس).
والله لو في (غاز).
اقصد لو في سلطة ..تشيل منكم (المقصورة) وتصادر منكم (الطابق التاني).
جماعة بعد التسهيلات دي كلها بيجوا في المركز (الخامس).
الهلال دا يا جماعة – الاسبوع الفات كان في الراحة ..برضو محافظ على مركزو الاول.
الاندية كلها بتلعب.
ناس الهلال قاعدين في بيتوهم – حافظوا على مركزهم الاول – غايتو يا
(بشه) عندكم جنس طبع.
طبعكم كعب يا مدثر كاريكا.
انتوا في بيوتكم متصدرين.
ناس الهلال الاسبوع دا قالوا ما بيلعبوا.
قالوا ما فاضيين للممتاز.
قالوا مسافرين.
تتخيلوا بعد دا ..حافظوا على مركزهم الاول.
وناس المريخ يلعبوا ويطلعوا ليهم (الشرطة) ويختاروا في حكامهم براهم
وبعد دا في المركز الخامس.
انتوا اخبار (المول) شنو؟.
خلوها الجوهرة الزرقاء.
يا زول (المول) ما عندو علاقة بالكلام.
ما تقوم تدخلوا لينا ساكت كدا بدون سبب وتعملوا لينا موضوع.
وعشان تفكيركم الكعب دا ما يمشي لي بعيد.
المول ما عندو اي علاقة بالغاز.
ما تعملوه لي سبب.
و
(ونحن عايشين والحمدلله (النفس) بينزل ويطلع إلى الآن..ولا تنقصنا شيء
سواء رؤياكم الغالية).
…………
و
الهلال قال ما بلعب.
وما لعب.
شفتوا البرمجة.
اتحاد ما بجيبوه إلا الضغط.
إلّا يعملوا ليهم كدا.
يكونوا شافوا (الجوهرة الزرقاء).
الجوهرة الزرقاء اصلها بترهب الناس كدا.
انتوا يا ناس المريخ تقعدوا تتابعوا لي (الجوهرة الزرقاء) كدا بتلقوا
نفسكم في التانية.
بتنزلوا التانية.
ركزوا في فريقكم.
و
(ونحن عايشين والحمدلله (النفس) بينزل ويطلع إلى الآن..ولا تنقصنا شيء
سواء رؤياكم الغالية).
والسيدة (ل)…ناس المريخ ديل عادي جدا ممكن يطلعوا ليك (الصين) دولة افريقية.
وقرّض على كدا.

انقر هنا لقراءة الخبر من مصدره.