سودارس : كمان جابت ليها (بزازات)

قالت إنّها خرجت من آلية تحديد أسعار الوقود..الطاقة تكشف تفاصيل 20 باخرة في محيط البحر الأحمر شاهد بالفيديو.. داخل حرم إحدى المدارس.. والي النيل الأبيض ينفعل على وزير التربية والتعليم ويحظى بإشادة الجمهور: (لن أذهب حتى ينتهي البناء) شاهد بالفيديو.. الفنانة هدى عربي تخلع حذائها أثناء الحفل وتدخل في وصلة رقص مثيرة اختبار نسخة مدفوعة جديدة من "إنستغرام" "آبل" تستعد لإطلاق أول آيفون قابل للطي النفط ينخفض 1% بعد تقرير ترامب إنهاء حرب إيران "يغفر الله للجميع إلا باجيو!".. مأساة اللاعب الذي مات واقفا – فيديو عيد ميلاد إيمى سمير غانم.. خطوات ثابتة واختيارات مدروسة فى مسيرتها الفنية قرار لحكومة السودان بشأن معبر أدري قيادي بحزب المؤتمر الوطني يحسم جدل مثير صبري محمد علي (العيكورة) يكتب: *هذا ما قاله لي وزير التعليم العالي والبحث العلمي ظهر اليوم* عثمان ميرغني يكتب: فساد.. الفساد.. والي الخرطوم يوجه وزارة التخطيط العمراني بتطبيق القوانين وتسريع إجراءات معاملات الأراضي جهاز المخابرات العامة يدشن مبادرة العودة الطوعية للاجئين السودانيين من مصر إكتمال فتح الطرق والشوارع الداخلية بمنطقة وسط الخرطوم ارتفاع جديد في أسعار الوقود بالخرطوم شاهد بالفيديو.. رمى عليهم عبوة ناسفة وهرب.. جنود بالدعم السريع يضبطون مرتزق من جنوب السودان في وضع مخل مع سيدة داخل "راكوبة" بمدينة الفولة شاهد بالفيديو.. فنان "ربابة" سوداني يثير تفاعل الجمهور بعد ترديده أغنياته الشهيرة (صورة وصوت) في حفل حاشد بالسعودية الهلال يواجه أُماجوجو لتوسيع فارق الصدارة شاهد بالفيديو.. داخل حرم إحدى المدارس.. والي النيل الأبيض ينفعل على وزير التربية والتعليم ويحظى بإشادة الجمهور: (لن أذهب حتى ينتهي البناء) الأهلي يخسر من ساردية بدوري شندي (أماجوجو والنقطة 54) برشلونة يتلقى دفعة معنوية قبل مواجهة أتلتيكو مدريد شراكة استراتيجية بين "الشباب والرياضة" و"الصناعة" لتمكين المبتكرين ودعم الإنتاج الشبابي كريم عبد العزيز وفريق مطلوب عائليا يبحثون عن دولة أوروبية للتصوير الخارجى أزمة منشطات تشعل دوري أبطال إفريقيا.. الهلال السوداني يشكو نهضة بركان المغربي ل"الكاف" أيهما أكثر فائدة القهوة أم عصير البرتقال صباحًا.. والكميات المناسبة آلام الدورة ليست دائمًا طبيعية.. إشارات تكشف بطانة الرحم المهاجرة مبكرًا فصيلة الدم تكشف احتمالية الإصابة بالسكري السيسي للرئيس ترامب: لا أحد يمكنه وقف الحرب في المنطقة إلا أنت "فيفا" يتّخذ موقفًا حازمًا بشأن مشاركة إيران في كأس العالم مصر.. الدولار يقترب من 54 جنيها لأول مرة سارة بركة: أحمد العوضى مجتهد بشكل كبير وبيحب شغله جدا اختيار غير متوقع لمستقبل "الملك المصري" وجبة سمك تُنهي حياة 3 سودانيين بالقاهرة وتتسبب في إصابة 4 آخرين بحالة تسمم غذائى حاد بسبب ضعف الراتب.. وزير الثروة الحيوانية بالسودان يبحث عن عمل إضافي رئيس الوزراء يصدر قرارًا بشأن الرسوم الجديدة في المعابر محمد عبد الباسط يكتب: لهذا تحركت باكستان الآن للوساطة بين أمريكا وإيران السكوت على هذا الأمر لا يرضي الله ولا رسوله!! ارتفاع أسعار الذهب في السودان الخليج الضحية الكبرى: إيران وجهت 83% من هجماتها إليه… و17% فقط إلى إسرائيل مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية ترامب يصدر أوامره ويكشف تطورات مثيرة مع إيران الأمن يداهم مخزن يبيع الوقود المهرب لعصابات التنقيب عن الذهب رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة ضبط 238 كجم من "الآيس" وأسلحة بجانب نحاس بولاية البحر الاحمر ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد قيم الهلال المتوارثة يجب أن تبقى أبد الدهر في زمن الضجيج.. القرآن بوصلة المعنى والسكينة د.مزمل أبو القاسم يكتب: دموع الباز.. وزاهر! (2) السودان.. الدفاع المدني يستعين ب"التوك توك" طفح جلدي في رقبة الرئيس ترمب يثير تساؤلات حول صحته صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

كمان جابت ليها (بزازات)

كورة سودانية نشر في كورة سودانية يوم 02 - 04 - 2015

محمد عبد الماجد
دق الدلجة
كمان جابت ليها (بزازات)
قاعدين في الضل متل (الشوالات) الفاضية – جانا زول قال لينا شفتوا ليكم
زول طويل اخضر ..شعرو كتير وشايل ليه (14) جنيه.. جاء فايت بي جاي.
قلنا ليه شفنا لينا زول طويل.
بعد شوية شفنا لينا زول اخضر.
بعد شوية شفنا لينا زول شعرو اخضر.
بعد شوية في (14) جنيه جات فايتة فينا.
هسع ال (14) جنيه دي فيها كم طلب فول؟.
فيها طلب فول واحد – ومعاهو عيشة زيادة.
قلنا ليه بعد ما ملينا صدرنا (هوا) مواصفاتك دي شفناها في تلاتة
انفار..انت قلتها لينا في نفر واحد.
الزول شال (استغرابو) وطلع ..وقال لينا الزول دا ما بعيدة عليه ..يكون
(فكوه) ليكم – عشان كدا جاكم على تلاتة دفع.
موش الخمسين جنيه مرات بفكوها عشرات.
عليكم الله – هو نحن فاضيين عشان نقعد نراقب في الناس.
دا طويل.
ودا اخضر.
ودا شعرو كتير.
وكمان نقعد نعد ونحسب في القروش.
هي حصلت كمان – عشان نحسبها ونعرفها بالتحديد كدا (14) جنيه.
والله (الواتسابات) ما خلت لينا اي وقت ..وقتنا كلو بقى في
(الواتسآب)..وباقي الزمن يا الله يا الله نقسمو في الشغل.
يا دوب ..يكفينا.
الواحد بقى لو عندو فاتحة …ما يلقى ليها وقت.
و
(ونحن عايشين والحمدلله (النفس) بينزل ويطلع إلى الآن..ولا تنقصنا شيء
سوى رؤياكم الغالية).
بس عمك (عبدالله ود التريبة)..ليه (15) يوم بفتش ليه عن (شاحن جلاكسي)
في الحلة ما لقاهو.
اهلو نصحوه وقالوا ليه امشي (الجوهرة الزرقاء) بتلقى فيها شاحن الجلاكسي.
الجوهرة الزرقاء فيها اي حاجة.
ومرة تانية – ما عندها اي علاقة بالمرة الاولى ..كنا قاعدين ومفتحين
عيونا زي (قسم الحوادث)..جابوا لينا (بامية مفروكة) ضربناها ليك زي
(الرصيد) البكون حايم بدون سيد.
قلنا بعد (البامية المفروكة) دي – نحن احسن حاجة نعملها نمشي (الجوهرة
الزرقاء)..نشوف الحاصل شنو؟.
احسن نمشي نتأكد برانا.
ناس (الجرايد) ديل ما بدونا حقيقة.
بنفخوا فينا ساي.
احسن نمشي نشوف الحاصل شنو؟..عشان لو جابوا لينا (سؤال) في امتحان
الشهادة نكون ناقشين اي حاجة.
الكيمياء جات صعبة.
كمان الكيمياء وضعها الكاردينال.
ما نقوم نسطح ساكت.
لقينا لينا (امجاد)..قال بودينا (الجوهرة الزرقاء) ب (80) جنيه.
قلنا ليه : ليه يا ود الناس؟ ..نحن (الجوهرة الزرقاء) دي ماشيين ب
(فيزا)..المشوار دا (40) جنيه كتيرة عليه.
بتاع امجاد قعد يحكي لينا قصة حياة امجاد..قال لينا والله (اللستك)
الوراء دا دافع فيه قبل يومين (350) جنيه..وناس الترخيص ..كانوا حاجزين
العربية دي (21) يوم.
والبنزين …والله لو عاوز تقطع الكوبري عاوز ليك (7) جوالين بنزين.
والفرامل ذاتها كانت واقفة – صلحتها ب (250) جنيه.
وسيد العربية دي ..رابط معاهو اورد ليه في اليوم (100) جنيه.
بيستناها من سبعة مساء.
وناس الحركة !!.
قلنا ليه يازول الحكاية شنو؟..والله ناس كوريا لو كانوا عارفين الحاجات
دي كلها بتحصل في العربية دي كانوا قبال ما يملكوك ليها بسلموك (سلفية).
او كانوا قلبوها (قطر).
معقولة تصرف الصرف دا كلو.
اصلو ناس كوريا ديل ما بعملوا ليهم حاجة كويسة.
عربياتهم (البتصرف) دي ..بتجي تقع في رأسنا نحن..نصرف على العربية زي (التور).
عليك الله هسع (التور) الدخلو في الموضوع دا شنو؟..لو انت ما عاوز ليك سبب ساكت.
بتاع امجاد في النهاية جاملنا ..ودانا (الجوهرة الزرقاء) ب (70) جنيه
..وقال لينا والله لو كنتوا ماشيين (الرد كسل) ما كنت بشيل منكم اكتر من
(20) جنيه.
قلنا ليه : ليه يا معلم؟.
قال لينا انتوا ناس (الجوهرة الزرقاء) ..الكاردينال في طقة واحدة دفع
ليه (40) مليار جنيه ..انتوا في مشوار من اخر الدنيا ما عاوزين تدفعوا
(70) جنيه.
دا نحن ذاتو الخايفين منو؟.
الكاردينال ح يجيب لينا الكلام.
ح يطمع فينا ناس الامجاد.
خلاص تاني ما في زول بقطع ليه كوبري من غير ما يدفع ليه (100) جنيه.
خلاص خربت لينا السوق يا الكاردينال.
و
(ونحن عايشين والحمدلله (النفس) بينزل ويطلع إلى الآن..ولا تنقصنا شيء
سوى رؤياكم الغالية).
بس (الشيخ ود السوتربي) بنتو الكبيرة جابت ليها (ولد) سموه على عمو الفي امريكا.
الولد عندو عشرة اعمام في (مدني) زول اشتغل بيهم ما في.
فاتوا فيهم زي الحلاوة.
نزلنا على (الجوهرة الزرقاء) من عربية الامجاد ..صنقعنا فوق ..قلنا
(الاعمدة) الخرسانية بتكون في السماء.
افتكرنا (الاعمدة) الصحفية حقتنا دي تكون اترجمت (اعمدة) خرسانية في
الجوهرة الزرقاء.
ما في اي حاجة ظهرت.
قلنا ليهم جيبوا لينا موية باردة ..يمكن (العطش) عامل لينا (طشاش)
..حجب عننا رؤية الطابق التاني.
جابوا لينا الموية الباردة.
قطعنا ليك الموية الباردة زي حواشات البصل.
قعدنا شوية كدا – ما في زول ظهر علينا..قلنا ليهم جيبوا لينا مستر
(فو)..رئيس مجلس ادارة الشركة.
جيبوا لينا (فو) ذاتو – نحن الكاردينال دا ما اقتنعنا بي كلامو.
احسن نشوف (فو).
بعدين عليكم الله يا ناس الهلال المستر (فو) دا كرموه ..امنحوه العضوية
الفخرية للهلال..الزول دا ما قصر معاكم.
والله (الصيني) دا عمل عمائل ولاد البلد ما بعملوها.
ناس الحكومة ما عملوا لينا البعمل فيه (فو).
و
(ونحن عايشين والحمدلله (النفس) بينزل ويطلع إلى الآن..ولا تنقصنا شيء
سوى رؤياكم الغالية).
بس (التايا بنت الفرزابي) قالت ما بتصوم رمضان في السخانة دي في البلد دي.
قالت ح تمرق تصوم برة البلد.
كتر خيرهم ناس (الجوهرة الزرقاء) جابوا لينا مستر (فو).
اول حاجة قلنا لي مستر (فو) ..هسع نحن بنعرفك كيف انك مستر (فو) ..يمكن
تكون مستر (كو) او مستر (شو) او مستر (لو) …البخلينا نقتنع انك مستر
(فو) رئيس الشركة شنو؟.
كلكم بتشابهوا يا ناس الصين.
مستر (فو) ..ما كضب ..طلع لينا صورة (بشه).
اقتنعنا ليك لمن بي غادي…قلنا ليه طيب وين موسى الزومة؟.
الزول دا في الصورة سرحان.
قلنا في بعضنا – هسع (فو) دا يتخاطبو معاه كيف؟.
الكاردينال جايب لينا (صيني)..ونحن في اللغة الصينية دي كلها ما بنعرف
غير (الفيكس).
تاني ما بنعرف اي حاجة.
واحد صاحبنا قال احسن اول حاجة نسأل مستر (فو) عن (الفيكس)..اصلا نحن
ما بنعرف حاجة اكتر من كدا.
قلنا لي مستر (فو) ..اها (الفيكس) كيف؟.
مستر (فو) ..قال لينا انتوا عليكم دافعين ليكم (70) جنيه لي لبتاع
الامجاد عشان تسألوني من (الفيكس).
اتعقدنا في الدنيا دي جنس تعقيد.
ما عرفنا نشمي وين؟.
ما عرفنا نعمل شنو؟.
مستر (فو) ..عرفنا تعابنين في اللغة الصينية….قال لينا هسع لو دخلتوا
(غوغل) ما كان اضهمتوا لي كدا..لكن ما مشكلة ..انا ح اوريكم الحاصل شنو؟.
الكلام دا كلو طبعا بالصيني ..لكن مستر (فو) كان بيساعد الحكاية دي بالاشارات.
ونحن ركزنا على (الاشارة).
احسن من تركز على (غوغل).
مستر فو – قال لينا ..نحن اتهينا من المرحلة الاولى من الجوهرة الزرقاء
..وح ندشن في الاسبوع القادم ..المرحلة الثانية من الجوهرة.
فرحنا جنس فرح.
لمن جابوا لينا حاجة باردة.
قلنا ندخل في المفيد …يا مستر (فو) ..اثناء (الحفريات) كدا ..ما قابلتك حاجة.
ما في شيء ..عترت ليكم.
مستر فو ..قال لينا حاجة زي شنو يعني؟.
قلنا ليه يعني ..اي حاجة كدا.
مستر (فو) رفع صوتو ..ورفع الاشارة ذاتها ..وقال لينا حاجة زي شنو يعني اتكلموا.
بيني وبينكم ..نحن كنا خجلانين ..لكن مستر فو ..اصرّ علينا ..وقال لازم
يعرف نحن قاصدين شنو؟.
قلنا ليه : يعني ما في (بزازة) كدا واجهتكم اثناء الحفر.
بزازة بالغلط ان شاءالله.
مستر (فو) ..جدع ليك (النضارة) من ايدو ..وقال لينا ..نحن بنلعب
..انتوا عاوزين تعملوا لي شغل (هلال مريخ) في الشغل كمان.
اوعكم حركات (النت) دي تجيبوها لي هنا.
بزازة ..نحن شركة محترمة ..وشركة كبيرة ..جينا من الصين ..تقولوا لي (بزازة).
قعدنا نتعذر.
معليش يا فو.
ونحن ما قاصدين حاجة يا فو.
وامسحها في وشنا يا فو.
وفو يشيل ويهرج ويقول لينا كمان جابت ليها (بزازة).
انا كنت عاوز اسألوا عن (المرايل)..لكن خفت..قلت احسن اخلي سؤالي دا
للمرحلة التانية.
غايتو يا مزمل دخلتنا في حتة حرجة شديد ..خليت مستر فو يأخد فكرة ما
كويسة عن السودان.
بزازات.
بزازات يا مزمل.
واتخارجنا على كدا.
لكن ناوي ليكم على (المرايل).
و
(ونحن عايشين والحمدلله (النفس) بينزل ويطلع إلى الآن..ولا تنقصنا شيء
سوى رؤياكم الغالية).
بس (الموية قاطعة).
الصراحة راحة.
……….
و
والله يا جماعة انا خايف على المريخ في لواندا من (البزازات).
البزازات دي اصلو ما بتروح ساكت.
نحن ما عندنا حاجة بتروح ساكت.
الواحد ما يحذركم يعني.
ما يقول ليكم الحقيقة.
…….
السيدة (ل)..الدنيا مالها بقت ضيقة كدا ..فرقتنا الحياة ولمانا قُرب
واحد في الواتسآب.
وقرّض على كدا.

انقر هنا لقراءة الخبر من مصدره.