مباحث قسم الصناعات تنهي نشاط شبكة النصب والاحتيال عبر إستخدام تطبيق بنكك المزيف    بولس : توافق سعودي أمريكي للعمل علي إنهاء الحرب في السودان    إجتماع بسفارة السودان بالمغرب لدعم المنتخب الوطني في بطولة الأمم الإفريقية    عقار: لا تفاوض ولا هدنة مع مغتصب والسلام العادل سيتحقق عبر رؤية شعب السودان وحكومته    البرهان وأردوغان يجريان مباحثات مشتركة    شاهد بالصورة.. الطالب "ساتي" يعتذر ويُقبل رأس معلمه ويكسب تعاطف الآلاف    شاهد بالفيديو.. الفنانة ميادة قمر الدين تعبر عن إعجابها بعريس رقص في حفل أحيته على طريقة "العرضة": (العريس الفرفوش سمح.. العرضة سمحة وعواليق نخليها والرجفة نخليها)    شاهد بالفيديو.. أسرة الطالب الذي رقص أمام معلمه تقدم إعتذار رسمي للشعب السوداني: (مراهق ولم نقصر في واجبنا تجاهه وما قام به ساتي غير مرضي)    بالصورة.. مدير أعمال الفنانة إيمان الشريف يرد على أخبار خلافه مع المطربة وإنفصاله عنها    وحدة السدود تعيد الدولة إلى سؤال التنمية المؤجَّل    بعثه الأهلي شندي تغادر إلى مدينة دنقلا    تراجع أسعار الذهب عقب موجة ارتفاع قياسية    عثمان ميرغني يكتب: لماذا أثارت المبادرة السودانية الجدل؟    الخارجية ترحب بالبيان الصحفي لجامعة الدول العربية    ألمانيا تدعو لتحرك عاجل: السودان يعيش أسوأ أزمة إنسانية    الفوارق الفنية وراء الخسارة بثلاثية جزائرية    نادي القوز ابوحمد يعلن الانسحاب ويُشكّل لجنة قانونية لاسترداد الحقوق    ياسر محجوب الحسين يكتب: الإعلام الأميركي وحماية الدعم السريع    محرز يسجل أسرع هدف في كأس أفريقيا    شاهد بالصور.. أسطورة ريال مدريد يتابع مباراة المنتخبين السوداني والجزائري.. تعرف على الأسباب!!    وزير الداخلية التركي يكشف تفاصيل اختفاء طائرة رئيس أركان الجيش الليبي    سر عن حياته كشفه لامين يامال.. لماذا يستيقظ ليلاً؟    "سر صحي" في حبات التمر لا يظهر سريعا.. تعرف عليه    والي الخرطوم: عودة المؤسسات الاتحادية خطوة مهمة تعكس تحسن الأوضاع الأمنية والخدمية بالعاصمة    فيديو يثير الجدل في السودان    إسحق أحمد فضل الله يكتب: كسلا 2    ولاية الجزيرة تبحث تمليك الجمعيات التعاونية الزراعية طلمبات ري تعمل بنظام الطاقة الشمسية    شرطة ولاية نهر النيل تضبط كمية من المخدرات في عمليتين نوعيتين    الكابلي ووردي.. نفس الزول!!    حسين خوجلي يكتب: الكاميرا الجارحة    احذر من الاستحمام بالماء البارد.. فقد يرفع ضغط الدم لديك فجأة    في افتتاح منافسات كأس الأمم الإفريقية.. المغرب يدشّن مشواره بهدفي جزر القمر    استقالة مدير بنك شهير في السودان بعد أيام من تعيينه    كيف تكيف مستهلكو القهوة بالعالم مع موجة الغلاء؟    4 فواكه مجففة تقوي المناعة في الشتاء    اكتشاف هجوم احتيالي يخترق حسابك على "واتسآب" دون أن تشعر    رحيل الفنانة المصرية سمية الألفي عن 72 عاما    قبور مرعبة وخطيرة!    شاهد بالصورة.. "كنت بضاريهم من الناس خائفة عليهم من العين".. وزيرة القراية السودانية وحسناء الإعلام "تغريد الخواض" تفاجئ متابعيها ببناتها والجمهور: (أول مرة نعرف إنك كنتي متزوجة)    حملة مشتركة ببحري الكبرى تسفر عن توقيف (216) أجنبي وتسليمهم لإدارة مراقبة الأجانب    عزمي عبد الرازق يكتب: عودة لنظام (ACD).. محاولة اختراق السودان مستمرة!    انخفاض أسعار السلع الغذائية بسوق أبو حمامة للبيع المخفض    ضبط أخطر تجار الحشيش وبحوزته كمية كبيرة من البنقو    البرهان يصل الرياض    ترامب يعلن: الجيش الأمريكي سيبدأ بشن غارات على الأراضي الفنزويلية    قوات الجمارك بكسلا تحبط تهريب (10) آلاف حبة كبتاجون    مسيّرتان انتحاريتان للميليشيا في الخرطوم والقبض على المتّهمين    إسحق أحمد فضل الله يكتب: (حديث نفس...)    مياه الخرطوم تكشف تفاصيل بشأن محطة سوبا وتنويه للمواطنين    محافظ بنك السودان المركزي تزور ولاية الجزيرة وتؤكد دعم البنك لجهود التعافي الاقتصادي    الصحة الاتحادية تُشدد الرقابة بمطار بورتسودان لمواجهة خطر ماربورغ القادم من إثيوبيا    مقترح برلماني بريطاني: توفير مسار آمن لدخول السودانيين إلى بريطانيا بسهولة    الشتاء واكتئاب حواء الموسمي    عثمان ميرغني يكتب: تصريحات ترامب المفاجئة ..    "كرتي والكلاب".. ومأساة شعب!    ما الحكم الشرعى فى زوجة قالت لزوجها: "من اليوم أنا حرام عليك"؟    حسين خوجلي: (إن أردت أن تنظر لرجل من أهل النار فأنظر لعبد الرحيم دقلو)    حسين خوجلي يكتب: عبد الرجيم دقلو.. إن أردت أن تنظر لرجل من أهل النار!!    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



في جماعة لمن تصعّب ليهم الحكاية بيقولوا ليك : (بيناتنا تلفون)
كورة سودانية نشر في كورة سودانية يوم 26 - 04 - 2015


دق الدلجة
محمد عبد الماجد
في جماعة لمن تصعّب ليهم الحكاية بيقولوا ليك : (بيناتنا تلفون)
تصريح غريب صدر من الامين العام لمجلس ادارة نادي المريخ ..(تصريح
عاطفي) يثبت ان الامين العام لمجلس ادارة نادي المريخ يغرد خارج السرب.
تصريح لو سمعوا بيه ناس (الترجي) بيدوكم عشرة.
اسكتوا على (التصريح) دا – وما تتطلعوه برة.
الكمدة بي الرمدة.
لو ناس الترجي سمعوا بالاستقالات دي …دستة ما بتمرقكم منهم.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
بس مباراة الترجي قربت!!.
الامين العام لمجلس المريخ اثبت ان دوره في مجلس ادارة نادي المريخ في
حدود (فاعل خير).
بس دي كل مهمتو.
او ان الذي يمكن ان يخرج من الامين العام لمجلس المريخ لا يتجاوز حدود
(بيناتنا تلفون).
فقط (بيناتنا تلفون).
طبعا في ناس وقت تصعّب ليهم الحكاية بيقولوا ليك (بيناتنا تلفون).
ويهربوا ليك على كدا.
تاني ما بتلم فيهم.
لا في الواقع ولا في التلفون.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
بس الاوضاع صعبة شوية في المريخ.
حسب ما جاء في موقع نادي المريخ وبعض المواقع الاخرى فان تصريح الامين
العام للمريخ كان على هذا النحو : (اوضح الامين العام لنادي المريخ
الفريق طارق عثمان الطاهر فى تصريح خاص للموقع الرسمي بانه سوف يقوم
بالرد علي خطاب مفوض هيئات الشباب والرياضية لولاية الخرطوم حسب موجهات
اجتماع مجلس الادارة . من ناحية اخري يناشد الامين العام كل المجتمع
المريخي بترك الحديث عن استقالات الضباط الأربعة ومساندة المجلس لمواجهة
الاستحقاقات القادمة وخصوصا مباراة الاياب امام الترجي التونسي وهي
مباراة هامة تحتاج لتركيز خاص).
بالله شوفوا الزول دا طيب كيف؟.
دي طيبة مبالغ فيها.
اصلو زي دي نحن ما شفنا.
ولا سمعنا.
الزول دا بيناشد المجتمع المريخي بترك الحديث عن استقالات الضباط الاربعة.
طيبة فايتة الحد.
الحمدلله ما طالبنا نحن كمان بعدم التحديث عن هذه الاستقالات.
ولا مشى لمجلس الصحافة والمطبوعات عشان اعلام الهلال ما يتحدث عن هذه الاستقالات.
بالله شوف.
الكلام دا لو طلع من متوكل أحمد علي كان بكون مقبول شوية.
لكن يطلع من سعادتو!!.
انتوا وقت ما عاوزين زول يتكلم عن (الاستقالات) بتقدموها ليها؟.
في زول ضربكم في ايدكم.
الفريق طارق ضابط من الضباط الاربعة لمجلس المريخ ..يعني قدم استقالته
بنفسه ..وعاوز مجتمع المريخ (يسكت ساي) وما يتكلم عن الاستقالات.
ظريفة دي.
الاغرب من هذا ان الامين العام لمجلس المريخ بعد هذه الاستقالات طالب
مجتمع المريخ بمساندة المجلس لمواجهة الاستحقاقات القادمة خصوصا ان
المريخ عنده مباراة الاياب امام الترجي التونسي.
شوفوا الزول.
هو وينو المجلس عشان يساندوه؟.
مجلس ضباطه الاربعة استقالوا ..وبطالب مجتمع المريخ بمساندته.
يا جماعة الله ..الكلام دا وقع ليكم.
انا خلوني.
انتوا اقتنعتوا بالكلام دا.
قدموا استقالاتهم ..وطالبوا بالمساندة.
المساندة عشان شنو؟.
عشان المريخ عندو مواجهة صعبة امام الترجي.
يعني عارفين مباراة (الترجي).
عادل أبوجريشة كان قد حمَّل مسؤولية أية نتيجة سلبية في مباراة الترجي
للضباط الأربعة في تصريحات رسمية نشرت له.
انتوا السبب.
مع ذلك بتقدموا استقالاتكم في هذا التوقيت..وتقولوا الفريق عندو مواجهة مصيرية.
هل يوجد في الدينا مجلس اضعف من هذا المجلس.
هذا المجلس الذي يطالب بالمساندة رغم تقديم الاستقالات – استمراره سوف
يكون (كارثة).
يستقيلوا ويطالبوا بالدعم.
اغرب حاجة.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
بس نحن لو عارفين (الترجي) دا بعمل فيكم كدا كان حولنا ليكم (سانغا).
سانغا حنين.
قريب من هذا خرجت تصريحات من المدير الفني للمريخ نشرت في صحيفة (الزعيم).
عارفين غارزيتو قال شنو؟.
في صحيفة الزعيم نشر (اكد مدرب المريخ دييغو غارزيتو انه جلس مع رئيس
نادي المريخ السيد جمال الوالي واطلعه على كافة التفاصيل التي تتعلق
باستقالته واضاف الوالي قال لي : انه لن يتوقف عن دعمنا ماليا و سيقوم
بحل كافة المشاكل ومرتبات اللاعبين و ان تركيزهم منصب في اعداد اللاعبين
لمباراة تونس وسنعود ببطاقة الترشح للمجموعات التي تجبر الوالي على سحب
استقالته).
غارزيتو فكت منو؟.
الكبر حصل.
الناس في شنو وهو في شنو؟.
الزول دا همو في المرتبات.
غارزيتو بتحدث عن امر فني وبقول ان الوالي اطلعه على كافة التفاصيل
التى تتعلق باستقالته.
الموضوع دخل الحوش.
غارزيتو ذاتو خايف.
اتجهجه ..عارف ليك ناس متوكل أحمد علي ديل ما عليهم تكل ..لا بدفعوا ولا حاجة.
ولا عندهم قروش.
غارزيتو الشافو في (الفيفا) ما كضب.
اصلو متعود.
الاغرب من كل هذا ان (غارزيتو) قال سوف نأتي ببطاقة التأهل لمرحلة
المجموعات عشان يجبر جمال الوالي على سحب الاستقالة.
دا كلام يا جماعة.
كلام غارزيتو دا (برهان تية) ما بقولوه.
برهان شنو؟.
الكلام دا في حق (محسن سيد) ما جميل.
هل سوف يذهب غارزيتو الى تونس ويلعب هناك فقط من اجل ان يسحب جمال
الوالي استقالته.
يا حليل المريخ!!.
يعني ما عشان يتأهلوا لمرحلة المجموعات.
ابدا.
سوف يقصوا الترجي عشان جمال الوالي يسحب استقالته.
ناس (بكري المدينة) عارفين الكلام دا.
ناس (ضفر) سمعوا بالموضوع دا.
غايتو بكري المدينة دي فرتكم فرتكة شديدة.
استقالة الضباط الاربعة او استقالة (جمال الوالي)..لأن ناس طارق
وعبدالصمد وادروب ما فارقين كتير..استقالة (جمال الوالي) كشفت ان الاوضاع
داخل مجلس المريخ ملتهبة.
وان العلاقات بين اعضاء المجلس متوترة ..اذ لا نستبعد ان تكون استقالة
جمال الوالي فقط من اجل ابعاد بعض العناصر غير المرغوب منه في مجلسه.
وكما فعل جمال الوالي مع الفريق عبدالله حسن عيسي وعصام الحاج عندما
استقال لاحراجهما وابعادهما ليعود بعد ذلك عبر لجنة تسيير ..ربما يريد ان
يفعل الآن مع الفريق طارق وادروب.
ادروب خاصة.
انظروا لهذه التصريحات التى نشرت في صحيفة (الصدي) أمس : (حمل الفريق
فاروق امين عام مجلس الشوري استقالة الوالي لامين خزينة المريخ ادروب
وقال ان الولي رفض كل الرجاءات وكذلك عبد الصمد ونسعي لمجلس يتحمل
المسئولية في الفترة المقبلة وناشد اهل المريخ بالتكاتف من اجل المريخ
وقال ان المريخ يمر بفترة صعبة تحتاج لتكاتف جماهيره).
ادروب ذنبو شنو؟.
ادروب عشان قال دا ما وقت استقالات.
ناس المريخ كل مرة يشوفوا ليهم (ضحية) عشان يحملوه اسباب استقالة جمال الوالي.
الفريق فاروق امين عام مجلس الشوري ..كشف الاوراق واوضح ان السبب امين
خزينة المريخ (ادروب).
وهذا يثبت الخلافات والصراعات داخل مجلس المريخ.
براكم بتكشفوا الاوراق.
الترجي ما يسمع بالكلام دا.
الكلام دا لو سمعوا بيه ناس (الميرغني) الليلة ان شاءالله ما بتمرقوا منهم.
جمال الوالي خلاص واضح انه قنع من هذه المجموعة التى يعمل معها.
وواضح ايضا ان المجموعة التى تعمل معه ايضا قنعت منه.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
بس حركاتكم دي اوعكم تعملوها في (رادس).
انظروا الى هذا الخبر : (عقد مجلس ادارة نادي المريخ اجتماعا رقم 16
برئاسة السيد عبدالصمد محمد عثمان نائب رئيس مجلس الادارة مساء السبت 25-
ابريل بفندق كونفورت بحضور الامين العام الفريق د. طارق عثمان الطاهر . –
استكمل المجلس تشكيل بعثة المريخ لمدينة كسلا التى سوف تكون برئاسة امين
المال السيد عثمان ابراهيم أدورب ونائب الامين العام متوكل احمد علي و
المهندس عبدالرحمن أبراهيم والسيد حمد السيد مضوي . وسوف تغادر البعثة
صباح الاحد لمدينة كسلا بطائرة خاصة وتعود فى نفس اليوم – تكليف السيد
حاتم عبدالغفار والسيد صديق علي صالح بمهمة وفد المقدمة لتونس والذين
سيغادران اليها فجر الاحد 26-ابريل حيث يؤدي الفريق مباراة الاياب امام
الترجي يوم 3- مايو القادم , فيما تغادر البعثة فجر الثلاثاء 28- ابريل
برئاسة المهندس حمد الريح سنهوري والمهندس عبدالقادر همد . ولأهمية
المباراة سوف يحضرها السيد رئيس مجلس الادارة جمال الوالي والسيد نائب
رئيس مجلس الادارة عبدالصمد محمد عثمان).
خلاص ديل بقوا يفكروا من غير جمال الوالي.
بقوا يفكروا براهم.
وبقوا يقرروا كمان.
الاجتماع دا افضل عنوان ليه ..(جمال الوالي ما فارق معانا).
الملاحظ ان (ادروب) يتصدر الموقف في المجلس الان ..وهذا يعني ان محاولة
جمال الوالي للانقلاب على مجلسه كما فعل مع عصام الحاج والفريق عبدالله
حسن عيسي ما نجحت هذه المرة.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
بس (السخانة) كتلتنا.
………
و
الليلة ناس المريخ ما بمرقوا ان شاءالله من الميرغني.
واحد كفاية.
تمشوا بي طيارة ..بي قطر ..ما بتمرقوا.
يا ناس الميرغني لو عاوزين تقعدوا في الممتاز اغلبوا الليلة.
الناس ديل قاعدين ساكت.
مجلسهم استقال.
وادروب دا (نقطة) كتيرة عليه.
برجع ليكم.
….
السيدة (ل) الواحد لو عاوز يقول ليك (شكر) بالعملي ..يشربك (حاجة باردة).
وقرّض على كدا.

انقر هنا لقراءة الخبر من مصدره.