توضيح من سوداتل حول مشروع ممر Bypass الإقليمي لحركة الترافيك العالمية عبر السودان    حساسية الجلد أثناء الحمل.. متى تستدعى القلق واستشارة الطبيب؟    تحديث ذكي جديد ل"واتساب" في آيفون    نائب البرهان يفجّرها بشأن حل مجلس السيادة واتّهام قادة كبار في جوبا    تشابه دماغ البشر والذكاء الاصطناعي يدهش العلماء    القانون يلزم الشركات السياحية بسداد تأمين مؤقت عن رحلات العمرة    لو ليك فى الرومانسى.. لا تفوت هذه المسلسلات فى دراما رمضان 2026    كاكا قال لدوائر فرنسية إنه يتوقع إنهياراً وشيكاً لقوات التمرد السريع    اكتشاف وجود علاقة بين الاكتئاب وهشاشة العظام    دراسات: إوميجا 3 تحسن الإدراك وتعزز المزاج    قرارًا جديدًا لوزير التعليم العالي في السودان    عقوبة مالية على الإتحاد وإيقاف عضو الجهاز الفني لنادي المريخ    الجيش يفشل هجومًا عنيفًا لميليشيا الدعم السريع    والي النيل الأبيض يشيد بالليلة الثقافية الأولى لهلال كوستي    (ده ماهلالك ياهلال؟؟)    السعودية تدين بشدة الهجمات الإجرامية لقوات الدعم السريع على مستشفى الكويك العسكري وعلى قافلة إغاثية لبرنامج الغذاء العالمي    مهارات يامال تعجز مبابي ونجم مانشستر سيتي    شاهد بالصورة والفيديو.. الفنانة إيمان الشريف تشعل حفل زواج صديقها "حتة" بأغنية (الزعلان كلمو) والعريس يتفاعل معها بالرقص    شاهد بالفيديو.. نجم السوشيال ميديا "حتة" يضع يده على عروسه ويحتفل معها بطريقة طريفة على أنغام (الما بحبونا والبكرهونا)    بالصورة.. دكتورة من مريدات شيخ الأمين تكتب: (الشيخ بجيب القروش دي من وين؟ داير تتأكد تعال مسيده في الثلث الاخير من الليل)    الفنان محمد صبحى يعود إلى ماسبيرو بالمسلسل الإذاعى «مرفوع مؤقتا من الخدمة»    بالصور.. الشيخ محمد هاشم الحكيم يحتفل بزواج إبنته الدكتورة من زميلها بالجامعة (قلت له لا أريد منك شيئا سوى أن تتقي الله فيها وتعينها في دراستها)    أفراد من الشرطة يلقون القبض على السائق الخاص بالقائد الميداني لمليشيا الدعم السريع "جلحة" داخل "ركشة" بحي بري    بنك الخرطوم يتعهد بإرجاع مبالغ «ضمان الودائع» ويتحمل التكلفة كاملة    ذكرى رحيله.. قصة حب نور الدمرداش وكريمة مختار وزواجهما    الهلال يتلقى أول خسارة بدوري المجموعات أمام مولودية الجزائري    أبل تفتح CarPlay أمام تطبيقات الذكاء الاصطناعي الصوتية    هلال كوستي يدشن برامجه الثقافية بليلة ثقافية كبرى وتكريم رموز النادي والمجتمع    السودان يرحّب بالقرار 1591    شاهد بالفيديو.. سرقة محل مجوهرات بشارع الوادي بأم درمان وقيمة المسروقات تقدر ب(ترليون) جنيه    شاهد بالصور.. سيدة الأعمال ونجمة السوشيال ميديا السودانية الحسناء ثريا عبد القادر تخطف الأضواء من معرضها ببورتسودان    الجوهرة السودانية عامر عبد الله ينضم رسمياً لأحد الأندية الخليجية    محاولة أوكرانية جديدة لإفشال مفاوضات السلام بعيداً عن ارض المعركة    وزير الثروة الحيوانية: البنك الزراعي وبنك النيل يمولان صغار المربيين لزيادة الإنتاجية    رفض الزوج شراء سجائر لها فقتلته.. جريمة زوجة مصرية تثير الجدل    توصيات المؤتمر القومي لمعالجة قضايا الشباب    بيان مهم لوزارة المالية في السودان    المركزي يوجه بنك الخرطوم بإيقاف الاستقطاعات وإرجاع المبالغ المخصومة للعملاء    لجنة أمن ولاية الخرطوم تؤكد المضي قدما في تنفيذ موجهات رئيس مجلس السيادة لبسط الأمن وفرض القانون    ضبط اسلحة ومخدرات بكسلا    حريق كبير في سوق شرق تشاد    صعود الذهب عالميًا يرفع أسعار المعدن النفيس فى قطر صباح الخميس    صلاح يتحدى مرموش.. موعد مباراة ليفربول ضد مانشستر سيتي بكلاسيكو إنجلترا    رسالة أخيرة في بريد الرئيس البرهان قبل تمرد الحركات المسلحة الدارفورية    تعرف على سعر الأسمنت اليوم الاثنين 2 -2 -2026 فى مصر    ترامب يحذر إيران: الوقت ينفد والهجوم القادم سيكون أشد    مباحث الخرطوم تعلن توجيه ضربة موجعة لمافيا السيارات..إليكم التفاصيل    تلفزيون السودان يستأنف البث المباشر من مقرّه الرئيسي    وزير الصحة: التبغ عدو الحاضر والمستقبل و فاتورته الصحية تفوق عائداته الضريبية    هل قتل السحر الأسود الإسرائيلي عبد الناصر؟.. كتاب جديد يكشف خفايا خطيرة في مصر    سباق اختراق الضاحية باكورة بطولات الاتحاد العربي لألعاب القوى    شركة اتصالات في السودان تعلن عن توقف خدمات    "مَا حَرَّمَ إِسْرَائِيلُ عَلَى نَفْسِهِ"!    أحمد الشاكر: انا أعجز عن شكر جميع الإخوة الأشقاء في المملكة العربية السعودية    ترامب للإيرانيين: واصلوا الاحتجاج.. المساعدة في الطريق إليكم    السودان..حصيلة صادمة بمرض شهير في ولايتين    إسحق أحمد فضل الله يكتب: (حديث نفس...)    "كرتي والكلاب".. ومأساة شعب!    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



الحمام عمل ليه (قرون)
كورة سودانية نشر في كورة سودانية يوم 21 - 04 - 2015


دق الدلجة
محمد عبد الماجد
الحمام عمل ليه (قرون)
هيثم مصطفى لمن كان بيلعب في الهلال (17) سنة زي (الورد) – ناس المريخ
ما خلو ليه (قارورة).
مدرجات كاملة بتهتف ضدو.
وهيثم كابو ما بشرب ليه (قهوة) من غير ما يهاجم هيثم مصطفى (الارشيف قاعد).
كلو قاعد.
استهداف على اصولو.
والبرنس في الهلال لم يكن كابتن الهلال وحده..كان كابتن المنتخب الوطني ايضا.
كابتن السودان.
مع ذلك احترام كان مافي.
ما في اي تقدير.
وكانت اية مقارنة بين هيثم مصطفى ..وفيصل العجب.
بقولوا فيصل العجب دا الرجل الفضائي.
فيصل العجب الزول الودانا (غانا).
اول ما هيثم مصطفى مشى المريخ ..قالوا لي فيصل العجب …(الملك) معليش
تكتب لينا (خطاب اعتزال).
تكتب لينا خطاب اعتزالك الآن.
ولا دقيقة.
ولا ثانية.
ولا لحظة يا عجبكو الهندسية.
برنس وملك في فريق واحد ما بتلموا.
ضحوا ليك بالملك.
العجب مرقها للفاشر.
قالوا الخرطوم الوطني ما تلعب فيها.
تمرق لينا برة العاصمة.
و
(ونحن عايشين والحمدلله (النفس) بينزل ويطلع إلى الآن..ولا تنقصنا شيء
سوى رؤياكم الغالية).
بس مع (الترجي) قلنا ليهم كوبري الفتيحاب ما بودي (توتي)؟.
قالوا لينا لو مشيتوا (توتي) بي كوبري الفتيحاب يا بتبقوا (خلفاء) يا
كمان والي الخرطوم دا بكون زي ما حول (المواقف) حول (الكباري).
قادر الله.
علم والله.
لمن بكري المدينة كان بيلعب في الهلال..قالوا بكري (اروش)..وزول بتاع (جري) ساكت.
تقول ساكي ليه قطر.
زي مفتاح الروحة.
زي سير النبلة ..تفكو ..برجع ليك تاني.
نحن في (سكوكية).
تقول دافن صرتو في (جبل جاري).
وقالوا بكري المدينة بيصل المرمي ..لكن لمن يصل المرمي ما بفكر في
(الكورة) بيفكر في (الحافز).
عشان كدا كورتو بتمشي برة.
قلنا ليهم بكري ما بفكر ..دي ما كورة زول بفكر.
لمن بكري المدينة مشى المريخ كتبو فيه (شعر).
كتبوا فيه روايات عبير.
ناس طلعوه لينا رونالدو.
وناس سلك قربو يقولوا لينا (ميسي) لو خلي حركاتو البعمل فيها دي بيبقى
(بكري المدينة).
زمان قالوا (بجري المدينة).
هسع قالوا افضل مهاجم في السودان.
كاريكا دا بيبع ليمون؟.
محمد عبدالرحمن …شغال (تمرجي)؟.
سلك كان بيطلع في التلفزيون ..يقول ما في لاعب في الهلال بنتمناه في المريخ.
ولا في لاعب من الهلال بيستحق يلعب في المريخ.
الكلام دا سلك كان بقولوا في قناة النيل الازرق.
اول ما بكري المدينة ..مشى المريخ..اهملوا ليك (رمضان عجب).
انا قلت رمضان عجب دا تمت اعارتو لهلال الابيض.
وينو راجي عبدالعاطي؟.
يا زول راجي شنو؟.
المقصورة الطايرة ذاتها خلوها.
وتراوري.
تراوري الكانو بعملوا ليه كل 24 ساعة (حفلة شاي) قالوا لاعب ما منضبط.
ومحترف غير ملتزم.
طبعا في الموسم الاول ..تراوري عشان كان يا دوب قادم من الهلال كانوا
ما بيقبلوا فيه كلمة.
زي بكري المدينة الآن.
بكري المدينة المريخاب قربوا ينزلوا لافتة النادي ويرفعوا لافتة بكري
المدينة ..بدل نادي المريخ للتربية البدنية قربوا يكتبوا نادي بكري
المدينة للتربية البدينة.
بقى لا ضفر.
ولا علي جعفر.
لا وانغا.
ولا مصعب عمر.
مسحوا ليك الجماعة ديل كلهم..وركبوا ليك (بكري المدينة).
عاجبهم الجري.
ونحن من زمان قلنا ليهم (الجري دا ما حقنا).
يا بكري المدينة نحن جايبنك ..تشوف لينا (النشرة الجوية).
بكري المدينة دا لو ما بتمها (حكام)..كان هسع يكون مع ناس مصطفى عثمان
اسماعيل في مجلس الشوري.
مامون ابوشيبة خلى الحكام..بقى يكتب كل يوم ارفعوا العقوبة من بكري المدينة.
من الخلعة بقت لمن تكون في مباراة بين الامل عطبرة والاهلي مدني
..بقولوا نجم المباراة بكري المدينة من المريخ.
جماعتكم بي بكري دا.
في الممتاز (وصافة) متعودة دائما.
في البطولة الافريقية على مشارف الكونفدرالية.
و
(ونحن عايشين والحمدلله (النفس) بينزل ويطلع إلى الآن..ولا تنقصنا شيء
سوى رؤياكم الغالية).
بس قبل مباراة الترجي في تونس قالوا لينا عاصمة فرنسا شنو؟..قلنا ليهم
(انجمينا) بالفرنسي.
معقولة والي الخرطوم دا يكون عمل (تحويلات) في العواصم كمان؟.
وإلّا اللخبطة دي من (الترجي)؟.
غارزيتو دا لمن كان في الهلال..قالوا لينا (العجوز) النصو فرنسي ونصو
ايطالي دا عاوزين بيه شنو؟.
قالوا لينا دا ما مدرب.
دا محارب النجوم.
يا ناس الهلال جايبين ليكم مدرب (التمرين) لو ما سبقو ب (21) شكلة ما بقسمو.
اول ما غارزيتو جاء المريخ طلعوه لينا مورينيو.
غارزيتو بقى خطير.
وبقى شباب كمان.
و
(ونحن عايشين والحمدلله (النفس) بينزل ويطلع إلى الآن..ولا تنقصنا شيء
سوى رؤياكم الغالية).
بس قبل مباراة الترجي (شية الجمر) بقينا نشوفها (قرع – قرع).
قلنا معقولة والي الخرطوم عمل تحويلات في (الطبائخ).
وإلّا الترجي ساط الحكاية؟.
ناس المريخ لمن عملوا ليهم (سور).
سور للاستاد..بقوا كل خميس يعملوا ليهم حفلة.
احتفالات..ومهرجانات ..وتلفزيونات.
وكاظم الساهر.
اول ما الهلال جاب ليه شركة صينية لاستاد الهلال ..قالوا الشركة دي
بتاعة مستلزمات اطفال.
قلنا ليهم عشان كدا (النفط) السوداني بدل البترول بقى يطلع مرايل.
شركة صينية بتاعة (عقارات) طلعوها بتاعة بزازات.
في علم اكتر من كدا.
و
(ونحن عايشين والحمدلله (النفس) بينزل ويطلع إلى الآن..ولا تنقصنا شيء
سوى رؤياكم الغالية).
بس قبل مباراة الترجي ..عاوزين نمشي كسلا مشينا سنار.
وقت نزلنا في سنار ..قلنا معقولة ..والي الخرطوم دا عمل تحويلات للمدن كمان.
وإلّا الترجي؟.
غايتو الترجي دا لخبطنا ليكم جنس لخطبة.
ما لخبطة نصاح.
هسع حنك المريخاب….(مراقتهم)…الحكم بمنحهم في (ضربات الجزاء).
كل مباراة بي (ضربة جزاء)..وبتكلموا عن اي نادي ينتصر عليه الهلال
ويقولوا دا (حمام ساكت).
بخلوا (الحكام)..ويتكلموا عن (الحمام).
يا جماعة برشلونة لو لعبت امام الاهلي المصري ..اي زول في الدنيا ح
يقول الاهلي المصري دا حمام ساكت.
وريال مدريد لو لعب امام الترجي ..اي زول في الدنيا ح يقول الترجي دا حمام ميت.
وشيلسي لو لعب امام وفاق سطيف ..ح يقولوا وفاق سطيف حمام لمن بي غادي.
عشان كدا قوة الهلال ونظامو.
سحرو وجمالو ..خلى ليك اي فريق يلعب امام الهلال يظهر على انو (حمام).
والمريخاب يفتكروه (حمام).
عشان بنغلب بدون حكام ..بيستغربوا.
لعبنا في دور ال (64)..قالوا حمام.
طيب عزام العمرو (7) سنوات جاكم من الدوري الانجليزي؟.
لعبنا في دور ال (32) واتأهلنا.
قالوا الهلال فاز على حمام.
وانتوا كابوسكورب دا ..الما في زول سمع بيه ..كانت عندو تؤمة مع ريال مدريد.
وصلنا دور ال (16)..المرحلة المتقدمة في البطولة الافريقية وانتصرنا
على سانغا الكونغولي.
عشان المريخاب ما متعودين على الانتصارات برة ..قالوا سانغا الكونغولي (حمام).
في حمام عندو (قرون).
في حمام عندو (سنون).
لو اي فريق بقابل الهلال (حمام ميت)..يبقى الهلال دا اخطر فريق في العالم.
البطولة الافريقية خلوها.
انسوها.
صدراتنا للممتاز الآن ..اكيد على مجموعة من (الحمائم).
بداية من الحمام الاكبر (الوصيف)..وحتى الحمام الاصغر.
كلهم حمام.
و
(ونحن عايشين والحمدلله (النفس) بينزل ويطلع إلى الآن..ولا تنقصنا شيء
سوى رؤياكم الغالية).
بس قبل مباراة الترجي في تونس ..الواحد بقى يكون ماشي البيت ..بلقى
نفسو في بيت تاني.
معقولة.
معقولة والي الخرطوم عمل (تحويلات) في البيوت.
وإلّا الترجي.
كلو من الترجي.
…………..
و
ناس الترجي خلعو لي رمضان عجبنا ضرسو.
نحن قلنا ليكم عاوزين رمضان ..ماى ضرسو.
الكاردينال اعلن عن مفاجأت في تسجيلات الهلال.
مفاجأة غير رمضان.
الهلال الفريق الوحيد الذي عاد بانتصار من خارج الارض كما اشار رمضان أحمد السيد.
معقولة البطولة دي كلها ما فيها (حمام) تاني.
المريخ ح ينزل للحمام في بطولتو.
الكونفدرالية ..بطولة رسمية للحمام.
انكروها.
انستروا قدام الحمام.
……..
السيدة (ل) جربت كل جدول الضرب عشان اطلع بي احتمال (لقيّا) طلعت لي بي
كمية من المضادات الحيوية…ولا بتعمل حاجة.
وقرّض على كدا.

انقر هنا لقراءة الخبر من مصدره.