إلي اين نسير    منشآت المريخ..!    كيف واجه القطاع المصرفي في السودان تحديات الحرب خلال 2025    صلوحة: إذا استشهد معاوية فإن السودان سينجب كل يوم ألف معاوية    إبراهيم شقلاوي يكتب: وحدة السدود تعيد الدولة إلى سؤال التنمية المؤجَّل    كامل إدريس في نيويورك ... عندما يتفوق الشكل ع المحتوى    أيهما تُفَضَّل، الأمن أم الحرية؟؟    مباحث قسم الصناعات تنهي نشاط شبكة النصب والاحتيال عبر إستخدام تطبيق بنكك المزيف    عقار: لا تفاوض ولا هدنة مع مغتصب والسلام العادل سيتحقق عبر رؤية شعب السودان وحكومته    إجتماع بسفارة السودان بالمغرب لدعم المنتخب الوطني في بطولة الأمم الإفريقية    بولس : توافق سعودي أمريكي للعمل علي إنهاء الحرب في السودان    البرهان وأردوغان يجريان مباحثات مشتركة    شاهد بالصورة.. الطالب "ساتي" يعتذر ويُقبل رأس معلمه ويكسب تعاطف الآلاف    شاهد بالفيديو.. الفنانة ميادة قمر الدين تعبر عن إعجابها بعريس رقص في حفل أحيته على طريقة "العرضة": (العريس الفرفوش سمح.. العرضة سمحة وعواليق نخليها والرجفة نخليها)    شاهد بالفيديو.. أسرة الطالب الذي رقص أمام معلمه تقدم إعتذار رسمي للشعب السوداني: (مراهق ولم نقصر في واجبنا تجاهه وما قام به ساتي غير مرضي)    بالصورة.. مدير أعمال الفنانة إيمان الشريف يرد على أخبار خلافه مع المطربة وإنفصاله عنها    وحدة السدود تعيد الدولة إلى سؤال التنمية المؤجَّل    بعثه الأهلي شندي تغادر إلى مدينة دنقلا    تراجع أسعار الذهب عقب موجة ارتفاع قياسية    عثمان ميرغني يكتب: لماذا أثارت المبادرة السودانية الجدل؟    ياسر محجوب الحسين يكتب: الإعلام الأميركي وحماية الدعم السريع    محرز يسجل أسرع هدف في كأس أفريقيا    شاهد بالصور.. أسطورة ريال مدريد يتابع مباراة المنتخبين السوداني والجزائري.. تعرف على الأسباب!!    وزير الداخلية التركي يكشف تفاصيل اختفاء طائرة رئيس أركان الجيش الليبي    سر عن حياته كشفه لامين يامال.. لماذا يستيقظ ليلاً؟    "سر صحي" في حبات التمر لا يظهر سريعا.. تعرف عليه    والي الخرطوم: عودة المؤسسات الاتحادية خطوة مهمة تعكس تحسن الأوضاع الأمنية والخدمية بالعاصمة    فيديو يثير الجدل في السودان    إسحق أحمد فضل الله يكتب: كسلا 2    ولاية الجزيرة تبحث تمليك الجمعيات التعاونية الزراعية طلمبات ري تعمل بنظام الطاقة الشمسية    شرطة ولاية نهر النيل تضبط كمية من المخدرات في عمليتين نوعيتين    الكابلي ووردي.. نفس الزول!!    حسين خوجلي يكتب: الكاميرا الجارحة    احذر من الاستحمام بالماء البارد.. فقد يرفع ضغط الدم لديك فجأة    استقالة مدير بنك شهير في السودان بعد أيام من تعيينه    كيف تكيف مستهلكو القهوة بالعالم مع موجة الغلاء؟    4 فواكه مجففة تقوي المناعة في الشتاء    اكتشاف هجوم احتيالي يخترق حسابك على "واتسآب" دون أن تشعر    رحيل الفنانة المصرية سمية الألفي عن 72 عاما    قبور مرعبة وخطيرة!    شاهد بالصورة.. "كنت بضاريهم من الناس خائفة عليهم من العين".. وزيرة القراية السودانية وحسناء الإعلام "تغريد الخواض" تفاجئ متابعيها ببناتها والجمهور: (أول مرة نعرف إنك كنتي متزوجة)    حملة مشتركة ببحري الكبرى تسفر عن توقيف (216) أجنبي وتسليمهم لإدارة مراقبة الأجانب    عزمي عبد الرازق يكتب: عودة لنظام (ACD).. محاولة اختراق السودان مستمرة!    ضبط أخطر تجار الحشيش وبحوزته كمية كبيرة من البنقو    البرهان يصل الرياض    ترامب يعلن: الجيش الأمريكي سيبدأ بشن غارات على الأراضي الفنزويلية    قوات الجمارك بكسلا تحبط تهريب (10) آلاف حبة كبتاجون    مسيّرتان انتحاريتان للميليشيا في الخرطوم والقبض على المتّهمين    إسحق أحمد فضل الله يكتب: (حديث نفس...)    مياه الخرطوم تكشف تفاصيل بشأن محطة سوبا وتنويه للمواطنين    الصحة الاتحادية تُشدد الرقابة بمطار بورتسودان لمواجهة خطر ماربورغ القادم من إثيوبيا    مقترح برلماني بريطاني: توفير مسار آمن لدخول السودانيين إلى بريطانيا بسهولة    الشتاء واكتئاب حواء الموسمي    عثمان ميرغني يكتب: تصريحات ترامب المفاجئة ..    "كرتي والكلاب".. ومأساة شعب!    ما الحكم الشرعى فى زوجة قالت لزوجها: "من اليوم أنا حرام عليك"؟    حسين خوجلي: (إن أردت أن تنظر لرجل من أهل النار فأنظر لعبد الرحيم دقلو)    حسين خوجلي يكتب: عبد الرجيم دقلو.. إن أردت أن تنظر لرجل من أهل النار!!    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



المريخ ركب التونسية – وما سافر بيها
كورة سودانية نشر في كورة سودانية يوم 02 - 06 - 2015


دق الدلجة
محمد عبد الماجد
المريخ ركب التونسية – وما سافر بيها
الزول وقت يكون ما عندو قروش – ظاهر عليه.
واضح.
قدر ما يتحرفن.
بكون ظاهر فيه.
تلقاهو بدون مناسبة كدا بقول ليك : (الليلة شفت السخانة دي كيف؟).
سخانة شنو؟..جايبنك انت من (جنيف).
بلدنا دي نحن اصلو كدا.
السخانة ما جديدة عليها.
سخانة وكباري مقفلة.
والخريف وقت يجي ..يقولوا ليك الولاية تطالب من المواطنين الحيطة والحذر.
بس دا البتعرفوا ليه.
والزول وقت يكون مفلس بتلقى في حركة غير ارادية بيدخل ايدو في جيوبو.
والجيوب فاضية.
الجيوب ما فيها اي حاجة.
وغالبا ما يكون الجيب فيه (حبة بندول).
بس دا البتعرفوا ليه.
شفتوا الزول من يقعد يتكلم ليك عن (الطقس) – اعرفوه طوالي (مفلس) وما عندو قروش.
الزول المفلس …كل ما تجيب ليه سيرة العرس.
بقول ليك عرسي في العيد.
الزول المفلس واضح …بتعريفات زمنا دا ..الزول المفلس يضرب ليك تلفون
من الصباح…ويقول ليك : (ارجع لي).
ترجع ليه ما بتطلع منو بي اي حاجة.
تكون بتتكلم معاه..رصيدو ينتهي.
ما عندو مكالمة بتكتمل.
تتضرب ليه من القرفة – يقول ليك : (التلفون في الشاحن).
شفتوا الزول من يكتر عبارة (التلفون في الشاحن) اعرفوه (مفلس).
وما عندو قروش.
علامات الفلس ظاهرة.
هسع الحركات البعملوا فيها ناس المريخ دي ..حركات ناس ما عندهم (فلوس).
بثبت ليكم (الفلسة).
قالوا ليك ناس بلة جابر الايامات دي الفول بياكلوه (سادة).
رغيفة زيادة في المريخ – الايامات دي بتعمل مشكلة.
نشوف (الفلسة) واضحة كيف في المريخ.
ناس المريخ ديل من (فلسفتهم)…ظلوا طوال فترة التسجيلات بأكدوا ان
(امير كمال) تسجيله سوف يكون صباح اليوم.
وان جمال الوالي قعد مع امير كمال ..وحسم كل المواضيع.
وان اللاعب سوف يوقع اليوم.
وسوف يتوجه اللاعب اليوم الى مكاتب الاتحاد العام من اجل اعادة قيده في
كشوفات المريخ.
أهو كلام.
التسجيلات انتهت …امير كمال نكروه حطب.
سيرتو بقى ما بجيبوها.
لا وقع ..ولا شفنا حاجة.
موضوع امير كمال دا موضوع (فلس).
قروش تحويل الرصيد ..ما بتسجل (امير كمال).
امير كمال إلّا تسجلوه بي قروش (النفط).
تحويل الرصيد ما بسجلو.
عليكم الله في فلس اكتر من (تحويل الرصيد).
امين خزينة المريخ بقى حائم من اذاعة لي تلفزيون ..بيعلن عن ارقام تحويل الرصيد.
وبشرح في الطريقة.
في (فلسة) اكتر من كدا.
امين خزينة نادي المريخ ذكرنا ليك بالسيول والفيضانات.
الناس ديل ما خلوا ليهم حاجة في (الجرسة) من اجل التبرع للمريخ.
اعلام المريخ ظل يغشش في جماهير المريخ الى ان انتهت فترة التسجيلات
ولم يعاد قيد امير كمال في المريخ.
امير كمال مع (فلستكم) دي اقنعوا منو؟.
اديناكم الفرصة كاملة في مايو – ما استفدتوا منها.
في نوفمبر إلّا تعملوا ليكم ارقام جديدة للتبرع من اجل اعادة قيد امير كمال.
ارقام (مايو) ما عملت حاجة.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
بس (التجاني ود الثابتة) دخل جوازو السفارة ..قال عاوز يتخارج من البلد دي.
من دلائل الفلس في المريخ ..ان مجلس ادارته الى الان ما قدر يحسم موضوع
معسكر الفريق.
الهلال في تونس ليه ثلاثة اسابيع ..وناس المريخ الى وقتنا هذا بتكلموا
عن (الجوازات).
وزي ما كان اعلام المريخ بغش في جماهيره باعادة قيد امير كمال بتمويه
من المجلس …كان مجلس المريخ ايضا بيخدع في الجماهير وذلك بالاعلان عن
معسكر المريخ في تونس يوم بعد الاخر.
وبدلا من ان يركبوا التونسية ويسافروا الى تونس..ركبوا التونسية وما سافروا.
كل يوم بقولوا الفريق سوف يغادر في مقبل الايام القادمة.
الايام المقبلة دي متين؟.
الموسم القادم.
الممتاز سوف ينطلق بعد اسبوع والى يومنا هذا – المريخ ما حسم معسكر تونس.
وبتكلموا عن الايام المقبلة.
لاثبات الفلس ..ان الفريق القومي نفسه فشل في السفر الى تونس ..عشان ما
عندهم قروش.
انتوا قايلين (تونس) دي ساهلة.
لو ما عندكم قروش (تونس) دي ما تفكروا فيها.
ولا تحلموا.
الهلال في تونس الآن اخر (استعدادات).
تمارين سباحة.
وتمارين على شؤاطي البحر.
وتمارين على الصالة.
ومباريات اعدادية امام النجم الساحلي.
وجماعتكم ديل الى وقتنا هذا منتظرين (التأشيرات).
الجميل ان خماسي الهلال في المنتخب الاولمبي ..بما فيهم لاعبي الرديف
سوف يغادروا صباح اليوم من اجل الانضمام للمعسكر.
شفوتوا الشغل كيف؟.
وناس المريخ منتظرين (الجوازات).
تقول تجار شنطة.
اخر تقليعة لمجلس المريخ ان معسكر المريخ سوف يكون في مصر.
علما ان انطلاقة الممتاز الدورة الثانية تبقى لها اسبوع.
والمجموعات تبقى ليها ثلاثة اسابيع.
وجماعتكم عاوزين يسافروا مصر.
عشان يصلحوا الموضوع.
قالوا المريخ سوف يلعب امام سموحة والزمالك.
كأنوا سموحة والزمالك في (الانتظار).
طبعا مستحيل ان يلعب المريخ في الفترة القادمة امام سموحة والزمالك
…(دا كلام بخدعو بيه الجماهير).
وذلك لسبب منطقى جدا ..وهو ان الدوري المصري مضغوط وتلعب الاندية فيه
مباراة كل 72 ساعة.
يعني ما عندهم اي وقت او فرصة من اجل ان يلعبوا مباريات ودية مع المريخ.
ويمكن ان نراهن على ذلك منذ الان …وهو ان المريخ لن يتمكن من ان يلعب
اي مباراة ودية في مصر اذا عسكر شمال الوادي.
اعلام المريخ ومجلسه …ظل في الفترة الاخيرة يخدع في جماهير النادي
ويقدم لهم في كل يوم (كضبة) جديدة.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
بس (الشيخ ود بلة) ..قال (الخريف) السنة دي ح يجي من رمضان مع بيوتنا
الواقفة ساكت دي بنمشي نشوف لينا (رخصة) طبية.
بيوتنا دي تفطر عديل كدا.
لو جات مطرة ..نقعد نحرس (الصالون) زي المداحين.
الهلال السنة دي يسحروه.
قولوا ما شاءلله عليه.
حكاية (الجوازات) في السفارة.
والمحترف سوف يصل الاسبوع القادم.
الحاجات دي السنة دي نحن ما عندنا.
كل محترفي الهلال وصلوا في الوقت المحدد.
وكل الاصابات تمت معالجتها.
والمعسكر يسير بصورة نموذجية في تونس.
وتكتمل الروعة ..ان خماسي المنتخب الاولمبي سوف يلحق اليوم بالهلال في تونس.
واجمل من هذا.
ان الهلال اعاد قيد نزار حامد والشغيل ومساوي في التسجيلات الاخيرة.
يعني ما عندنا اي مشكلة.
اي حاجة تمام.
كل الامور مية – المية.
المشاكل كلها في المريخ.
قالوا ليك غارزيتو مدخل الجماعة في عنق الزجاجة.
المشاكل ح تظهر الاسبوع القادم.
ح تشوفوا الكثير.
خاصة ان ناس امير كمال والباشا وراجي وبلة جابر عندهم كلام تاني.
…………..
و
الهلال في الغد سوف يلعب امام النجم التونسي.
لا نخشي على الهلال من شيء غير الاصابات.
نتوقع ان يكون حضور وليد الشعلة لافتا في مباراة الغد.
بكرة تعالوا شوفوا الشعلة.
الكوكي خلق اجواء اكثر من رائعة في معسكر الهلال في تونس.
ناس المريخ لو سافروا وعسكروا في مصر ..إلّا يلعبوا في مصر امام عمال
مدينة الانتاج الاعلامي.
عمال مدينة الانتاج الاعلامي الايامات دي هم برضو ما فاضين.
احسن حاجة …ناس المريخ يمشوا يعسكروا في الابيض.
لو ما عندكم قروش امشوا الابيض.
الوالي احمد هارون ما بقصر معاكم.
الوالي جمال الوالي ….قطع.
الفلس حصل.
استعينوا بي احمد هارون.
امير كمال بدأ ينزل في (الطوب).
والباشا ..عاوز يصحح مسيرتو.
وراجي عبدالعاطي قال ما بقعد مع ناس بكري المدينة.
المريخ بقى مريخ بكري المدينة وعلاءالدين يوسف وعمر بخيت والمعز محجوب.
عندكم شنو في المريخ؟.
ولا حاجة.
………..
السيدة (ل) ….وراء كل رجل عظيم (انبوبة غاز).
معليش.
وقرّض على كدا.

انقر هنا لقراءة الخبر من مصدره.