سودارس : الولاة كلهم غيّروهم إلّا (والي) المريخ

الخرطوم وأنقرة .. من ذاكرة التاريخ إلى الأمن والتنمية مدرب المنتخب السوداني : مباراة غينيا ستكون صعبة لميس الحديدي في منشورها الأول بعد الطلاق من عمرو أديب شاهد بالفيديو.. مشجعة المنتخب السوداني الحسناء التي اشتهرت بالبكاء في المدرجات تعود لأرض الوطن وتوثق لجمال الطبيعة بسنكات شاهد بالفيديو.. "تعب الداية وخسارة السماية" حسناء السوشيال ميديا أمنية شهلي ترد على معلق سخر من إطلالتها قائلاً: "لونك ضرب" تحولا لحالة يرثى لها.. شاهد أحدث صور لملاعب القمة السودانية الهلال والمريخ "الجوهرة" و "القلعة الحمراء" الجيش في السودان يصدر بيانًا حول استهداف"حامية" الجيش السوداني يسترد "الدانكوج" واتهامات للدعم السريع بارتكاب جرائم عرقية مطار الخرطوم يعود للعمل 5 يناير القادم رقم تاريخي وآخر سلبي لياسين بونو في مباراة المغرب ومالي شرطة ولاية القضارف تضع حدًا للنشاط الإجرامي لعصابة نهب بالمشروعات الزراعية استخدام وسائل التواصل الاجتماعي وراء تزايد تشتت انتباه المراهقين بدء أعمال ورشة مساحة الإعلام في ظل الحكومة المدنية ما بين (سبَاكة) فلوران و(خَرمجَة) ربجيكامب ضربات سلاح الجو السعودي لتجمعات المليشيات الإماراتية بحضرموت أيقظت عدداً من رموز السياسة والمجتمع في العالم قرارات لجنة الانضباط برئاسة مهدي البحر في أحداث مباراة الناصر الخرطوم والصفاء الابيض غوتيريش يدعم مبادرة حكومة السودان للسلام ويدعو إلى وقف فوري لإطلاق النار مشروبات تخفف الإمساك وتسهل حركة الأمعاء منى أبو زيد يكتب: جرائم الظل في السودان والسلاح الحاسم في المعركة استقبال رسمي وشعبي لبعثة القوز بدنقلا نيجيريا تعلّق على الغارات الجوية شرطة محلية بحري تنجح في فك طلاسم إختطاف طالب جامعي وتوقف (4) متهمين متورطين في البلاغ خلال 72ساعة «صقر» يقود رجلين إلى المحكمة بالفيديو.. بعد هروب ومطاردة ليلاً.. شاهد لحظة قبض الشرطة السودانية على أكبر مروج لمخدر "الآيس" بأم درمان بعد كمين ناجح منتخب مصر أول المتأهلين إلى ثمن النهائي بعد الفوز على جنوب أفريقيا ناشط سوداني يحكي تفاصيل الحوار الذي دار بينه وبين شيخ الأمين بعد أن وصلت الخلافات بينهما إلى "بلاغات جنائية": (والله لم اجد ما اقوله له بعد كلامه سوى العفو والعافية) كيف واجه القطاع المصرفي في السودان تحديات الحرب خلال 2025 إبراهيم شقلاوي يكتب: وحدة السدود تعيد الدولة إلى سؤال التنمية المؤجَّل كامل إدريس في نيويورك ... عندما يتفوق الشكل ع المحتوى مباحث قسم الصناعات تنهي نشاط شبكة النصب والاحتيال عبر إستخدام تطبيق بنكك المزيف وحدة السدود تعيد الدولة إلى سؤال التنمية المؤجَّل تراجع أسعار الذهب عقب موجة ارتفاع قياسية وزير الداخلية التركي يكشف تفاصيل اختفاء طائرة رئيس أركان الجيش الليبي "سر صحي" في حبات التمر لا يظهر سريعا.. تعرف عليه والي الخرطوم: عودة المؤسسات الاتحادية خطوة مهمة تعكس تحسن الأوضاع الأمنية والخدمية بالعاصمة فيديو يثير الجدل في السودان ولاية الجزيرة تبحث تمليك الجمعيات التعاونية الزراعية طلمبات ري تعمل بنظام الطاقة الشمسية شرطة ولاية نهر النيل تضبط كمية من المخدرات في عمليتين نوعيتين الكابلي ووردي.. نفس الزول!! حسين خوجلي يكتب: الكاميرا الجارحة استقالة مدير بنك شهير في السودان بعد أيام من تعيينه كيف تكيف مستهلكو القهوة بالعالم مع موجة الغلاء؟ اكتشاف هجوم احتيالي يخترق حسابك على "واتسآب" دون أن تشعر قبور مرعبة وخطيرة! عزمي عبد الرازق يكتب: عودة لنظام (ACD).. محاولة اختراق السودان مستمرة! البرهان يصل الرياض ترامب يعلن: الجيش الأمريكي سيبدأ بشن غارات على الأراضي الفنزويلية مسيّرتان انتحاريتان للميليشيا في الخرطوم والقبض على المتّهمين إسحق أحمد فضل الله يكتب: (حديث نفس...) مياه الخرطوم تكشف تفاصيل بشأن محطة سوبا وتنويه للمواطنين الصحة الاتحادية تُشدد الرقابة بمطار بورتسودان لمواجهة خطر ماربورغ القادم من إثيوبيا مقترح برلماني بريطاني: توفير مسار آمن لدخول السودانيين إلى بريطانيا بسهولة الشتاء واكتئاب حواء الموسمي عثمان ميرغني يكتب: تصريحات ترامب المفاجئة .. "كرتي والكلاب".. ومأساة شعب! ما الحكم الشرعى فى زوجة قالت لزوجها: "من اليوم أنا حرام عليك"؟ حسين خوجلي: (إن أردت أن تنظر لرجل من أهل النار فأنظر لعبد الرحيم دقلو) حسين خوجلي يكتب: عبد الرجيم دقلو.. إن أردت أن تنظر لرجل من أهل النار!!

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

الولاة كلهم غيّروهم إلّا (والي) المريخ

كورة سودانية نشر في كورة سودانية يوم 08 - 06 - 2015

دق الدلجة
محمد عبد الماجد
الولاة كلهم غيّروهم إلّا (والي) المريخ
عملوا تعيين ..جابوا جمال الوالي.
عملوا انتخابات ..جابوا جمال الوالي.
يقولوا عاوزين وجوه جديدة بجيبوا جمال الوالي.
يقولوا عاوزين اهل الثقة ..بجيبوا جمال الوالي.
عديل بجيبوا جمال الوالي.
باللفة برضو بجيبوا جمال الوالي.
عريضة بجيبوا جمال الوالي.
رشيقة بجيبوا جمال الوالي.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء سوى رؤياكم الغالية).
بس كترت علينا.
الحكومة شكلوها خمس مرات.
ناس تجي.
وناس تفوت.
غيّروا الشعب.
وجمال الوالي قاعد.
يعملوا (كباري).
يقفلوا الشارع.
يخلوه فاتح.
وجمال الوالي قاعد.
تشكّل حكومة جديدة تاني.
والمريخ يطير من دور ال (64).
ونحن ذاتو نطير.
وجمال الوالي قاعد
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء سوى رؤياكم الغالية).
بس ما في فايدة.
يعفوا عبدالحميد كاشا.
يستقيل براهو.
يرجع تاني.
وجمال الوالي قاعد.
يعملوا حكومة (رشيقة).
وشعب (الوجبة الواحدة).
وحكومة عريضة.
وجلابية ام جكو.
وجمال الوالي قاعد.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء سوى رؤياكم الغالية).
بس كان ترجع لي تاني.
يجيبوا المتعافي والي للخرطوم.
يشيلوا المتعافي.
المتعافي ذاتو يبقى وزير زراعة.
والزراعة تبقى حاجة تانية.
يشيلوا المتعافي تاني.
وجمال الوالي قاعد.
يجيبوا عبدالرحمن الخضر والي للخرطوم.
يجددوا ليه تاني.
يشيلوا عبدالرحمن الخضر.
يجيبوا عبدالرحيم محمد حسين (والي).
وجمال الوالي قاعد.
اي حاجة ممكن تمر في بالك.
في خاطرك.
اعملها.
بس جمال الوالي قاعد.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء سوى رؤياكم الغالية).
بس سخنت.
المريخ ينظم سيكافا ويطير منها.
ينظم ويطير.
زي الزول الكورة البتكون حقتو ..وبتغلب في التقسيمة.
يشيل كورتو ويرجع بيتو زعلان.
وجمال الوالي قاعد.
جمال الوالي يستقيل.
بقعد.
يزعل (6) شهور.
بقعد.
ما بزعل بقعد.
يزعل نص – نص.
بقعد.
يعملوا لجنة تسيير.
بكون رئيسها جمال الوالي.
يعملوا انتخابات.
الرئيس جمال الوالي.
يجيبوا (لورادات).
رئيسهم جمال الوالي.
يشيلوا اللوردات.
يجيبوا ناس تانية.
رئيسهم برضو جمال الوالي.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء سوى رؤياكم الغالية).
بس ما تنسوا.
كيلو الطماطم يبقى ب (3) جنيه.
جمال الوالي قاعد.
كيلو الطماطم يبقى ب (10) جنيه.
جمال الوالي قاعد.
كيلو الطماطم يبقى ب (35) جنيه.
جمال الوالي برضو قاعد.
يجي الخريف.
ما يجي.
واحد.
جمال قاعد – قاعد.
يجيبوا ناس امين عبدالقادر.
جمال قاعد.
يشيلوا ناس امين.
يجيبوا ناس عبدالقادر براهم بس.
جمال الوالي قاعد.
يجيبوا ناس محمد جعفر قريش.
جمال قاعد.
يشيلوا ناس محمد جعفر قريش.
يجيبوا ناس همد من غير (عبدالقادر).
جمال قاعد.
همد في ..همد مافي.
واحد.
جمال قاعد.
ديل وصلوا مرحلة انهم جابوا عصام الحاج المعارض.
برضو جابوا معاه جمال الوالي.
شالوا عصام الحاج المعارض.
جابوا جمال الوالي تاني.
زي الجلابية الانصارية ..(ما فيها قلبة).
تلبس بي الجهتين.
عصام الحاج يساند المجلس.
يجيبوا ليه جمال الوالي.
عصام الحاج يعارض المجلس.
يجيبوا ليه جمال الوالي.
عصام الحاج ما عرف يعمل شنو؟.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء سوى رؤياكم الغالية).
بس الحاجات دي نحن حفظناها.
يثبتوا محمد طاهر ايلا في بورتسودان.
ثابت.
جمال الوالي قاعد.
يودوا محمد طاهر ايلا ولاية الجزيرة…ما في زول يتخيل الكلام دا.
جمال الوالي قاعد.
جمال الوالي …بقى في المريخ زي (الفول).
قدر ما تتحرفن بتحتفظ بي وجود (الفول).
فول سادة.
جمال الوالي.
فول بالجبنة.
جمال الوالي.
فول بالزيت الساخن.
جمال الوالي.
فول بالبيض.
جمال الوالي.
فول بالكبدة.
جمال الوالي.
فول مطبوخ.
جمال الوالي.
فول (بوش).
جمال الوالي.
ديل ما بعملوا حاجة.
ما بجيبوا جديد.
بس بتحرفنوا في (الفول).
الطلبة في الداخليات وقت يزهجوا من (الفول) يقولوا الليلة نغيّر شوية بي (البوش).
الحكومة تاني تشكّل.
فول بالجبنة.
فول سادة.
فول بالطعمية.
فول بالكبدة.
بوش.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء سوى رؤياكم الغالية).
بس ما عرفناها المرة دي بي شنو؟.
محمد يوسف كبر عميد الولاة يشيلوه.
وجمال الوالي قاعد.
يوسعوا شارع الغابة.
جمال الوالي قاعد.
يضيّقوا شارع القصر.
جمال الوالي قاعد.
شارع البلدية يعملوه اتجاه واحد.
جمال الوالي قاعد.
يرجعوا تاني يعملوه اتجاهين.
جمال الوالي قاعد.
التلفزيون القومي من (ارضي) يبقى (فضائية).
جمال الوالي قاعد.
يجروا الساعة.
ساعة.
يعملوا (البكور).
جمال الوالي قاعد.
يفكروا يتراجعوا من البكور.
جمال الوالي قاعد.
يقولوا عاوزين يعملوا ليهم مطار جديد.
يلغوا القديم.
جمال الوالي قاعد.
يجيبوا الخرط.
يشيلوا القرض.
جمال الوالي قاعد.
يعملوا سد مروي.
ويفكروا في سد النهضة.
وجمال الوالي قاعد.
كرتي يطلع.
دوسة يخرج.
وكبر يفوت.
وموسى هلال يجي من الضعين.
وجمال الوالي قاعد.
زين العابدين يهرب.
جمال الوالي قاعد.
حسني مبارك يتنحي.
جمال قاعد.
القذافي يسقط.
جمال قاعد.
صالح يغادر.
الوالي قاعد.
يفكروا يعملوا العدس (فاصوليا).
والفاصوليا (بامية).
وجمال الوالي قاعد.
موضة التلفون الثابت تنتهي.
موضة تلاتين عشرة تنتهي.
وتجي ربيكا.
وتفوت.
الجلكسيات يصلوا للرسالة السادسة.
جمال الوالي قاعد؟
تقع طيارة.
يقولوا ما وقعت طيارة.
انتوا بتتخيلوا.
وجمال الوالي قاعد.
عبدالرحيم حمدي يعمل (الخصخصة) ويفوت.
الخصخصة تبقى.
ننسى حمدي.
وجمال الوالي قاعد.
يعملوا الموية مع الكهربة.
والكهربة تجي مع النباه الاول.
وجمال الوالي قاعد.
الهلال يشيل الممتاز.
خمس مرات على التوالي.
وجمال الوالي قاعد.
وندخل المجموعات ست مرات.
وجمال الوالي قاعد.
…………
و
التوانسة ديل ما عندهم رأس.
بقوا يطيروا ساكت.
اي نتيجة يطلع بيها الاهلي المصري في مصر ما مشكلة.
بطلع بي النتيجة العاوزها في تونس.
الافريقي طار.
شابكننا الترجي – الترجي.
الكورة التونسية انتهت.
ماضي ساكت.
الشعلة ..واصل الاشعال في تونس.
اشعلها في تونس.
هي تونس ناقصة اشعال بعد محمد بوعزيزي.
رئيس نادي الامل …قال في (زمن اضافي) مع حسن فاروق ما بنلعب لو ما برمجوا لينا المباراة.
دا الكلام.
الامل فريق عندو شخصيتو.
وهو الفريق الوحيد في الممتاز القادر يفصل شخصيتو وعيشتو من الهلال والمريخ.
الامل والخرطوم الوطني والنسور ..اندية لها التحية.
اندية مستقلة تماما عن الهلال والمريخ.
لذلك لا خوف على الامل.
الامل قادر من ان يفرض شروطه.
…………
السيدة (ل) – كان يصفّروا العداد اول حاجة!!.
وقرّض على كدا.

انقر هنا لقراءة الخبر من مصدره.