سودارس : جداول الضرب في رمضان

قرارات لجنة المسابقات باتحاد الكرة الدامر من الرياض إلى موسكو.. "الثلاثية المرتقبة" بين بيفول وبيتربييف تلوح في الأفق سباق انتخابي محتدم في اتحاد الألعاب المائية بالسودان... الكشف المبدئي يُشعل المنافسة والحسم في 11 أبريل وزير المعادن ونائب المدير العام المفتش العام للشرطة يدشنان مركبات لتعزيز مكافحة تهريب المعادن وتأمين مواقع التعدين البرهان يلتقي سفير دولة الكويت لدى السودان فرض غرامة على شركة تابعة لأبل لانتهاكها قواعد العقوبات المفروضة على روسيا أول إصابة بشرية بإنفلونزا الطيور H9N2 في أوروبا.. هل نبدأ القلق؟ ترامب يمثل أمام المحكمة العليا اليوم بسبب «الولادة».. بولتيكو تكشف التفاصيل استهداف منزل يضم قيادات تحالف تأسيس بينهم التعايشي في غارة مسيّرة بنيالا بالصور.. القيادي السابق بالدعم السريع "بقال" يسخر: (زول عرد من الخرطوم وامدرمان وجغمته مسيرة في نيالا يقول ليك استشهد في الصفوف الأمامية) مزمل أبو القاسم يكتب مقال ساخن: (لم نرصد لهذه الحكومة إنجازاً واحداً حتى اللحظة بخلاف جرأتها على المواطنين وتفننها في فرض الجبايات والرسوم عليهم) مواعيد مباريات الجولة الثانية بمجموعة الهبوط بالدوري منتخب غانا محطة رينارد القادمة بعد الرحيل عن تدريب السعودية الحكومة الإسبانية تدين الهتافات العنصرية ضد منتخب مصر معلومات خطيرة حول هلاك قيادي بحكومة "تأسيس".. تم اغتياله بواسطة مسيرة تتبع للمليشيا بتعليمات من يوسف ضبة والسبب منصب الشباب والرياضة!! عيد ميلاد جومانا مراد.. مسيرة نجاح من دمشق إلى القاهرة ريهام عبد الغفور : جمهور الأقصر دافئ وصادق وخريطة رأس السنة يحمل روحا مختلفة ألم العين.. أسباب شائعة وأعراض تستدعى استشارة الطبيب سيلينا جوميز تكشف رحلتها الصعبة لتشخيص اضطراب ثنائي القطب إزاى تحمى نفسك من نزلات البرد فى الجو الممطر؟ "جهلة وعنصريون".. يامال ينفجر غضبًا بعد الهتافات الإسبانية ضد المسلمين أمجد فريد: اعترافات داعمي مليشيا الدعم السريع فضحتهم وشراكتهم في الجرائم السودان.. زيادة مخيفة للإصابة بالضنك في 7 ولايات كيكل يعلّق على تحرّكات الميليشيا السودان.. وزير يشرع في تكوين قوّة عسكرية ضاربة..ماذا هناك؟ شاهد.. المطربة إيمان الشريف تنشر صورة حزينة لها بعد إتهامها بالإساءة للهرم كمال ترباس والفنانة الكبيرة حنان بلوبلو ارتفاع وارد واسعار الذرة والسمسم بسوق القضارف شاهد بالصورة والفيديو.. حسناء سودانية تقتحم المسرح وتدخل في وصلة رقص مثيرة مع المطرب عثمان بشة خلال حفل بالقاهرة شاهد بالصورة والفيديو.. شبيهة هدى عربي تستعرض جمالها على أنغام ندى القلعة وساخرون: (شن جاب الكيكة للويكة وما استخرتي نهائي) بالصورة.. البرنس هيثم مصطفى وزيراً للرياضة في السودان والي الخرطوم يوجه وزارة التخطيط العمراني بتطبيق القوانين وتسريع إجراءات معاملات الأراضي قالت إنّها خرجت من آلية تحديد أسعار الوقود..الطاقة تكشف تفاصيل 20 باخرة في محيط البحر الأحمر عثمان ميرغني يكتب: فساد.. الفساد.. ارتفاع جديد في أسعار الوقود بالخرطوم شراكة استراتيجية بين "الشباب والرياضة" و"الصناعة" لتمكين المبتكرين ودعم الإنتاج الشبابي السيسي للرئيس ترامب: لا أحد يمكنه وقف الحرب في المنطقة إلا أنت مصر.. الدولار يقترب من 54 جنيها لأول مرة وجبة سمك تُنهي حياة 3 سودانيين بالقاهرة وتتسبب في إصابة 4 آخرين بحالة تسمم غذائى حاد رئيس الوزراء يصدر قرارًا بشأن الرسوم الجديدة في المعابر محمد عبد الباسط يكتب: لهذا تحركت باكستان الآن للوساطة بين أمريكا وإيران الخليج الضحية الكبرى: إيران وجهت 83% من هجماتها إليه… و17% فقط إلى إسرائيل مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية ترامب يصدر أوامره ويكشف تطورات مثيرة مع إيران الأمن يداهم مخزن يبيع الوقود المهرب لعصابات التنقيب عن الذهب رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة ضبط 238 كجم من "الآيس" وأسلحة بجانب نحاس بولاية البحر الاحمر ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد قيم الهلال المتوارثة يجب أن تبقى أبد الدهر في زمن الضجيج.. القرآن بوصلة المعنى والسكينة د.مزمل أبو القاسم يكتب: دموع الباز.. وزاهر! (2) السودان.. الدفاع المدني يستعين ب"التوك توك" طفح جلدي في رقبة الرئيس ترمب يثير تساؤلات حول صحته صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

جداول الضرب في رمضان

كورة سودانية نشر في كورة سودانية يوم 23 - 06 - 2015

دق الدلجة
محمد عبد الماجد
جداول الضرب في رمضان
صحي الحاجات بتتغير.
انا ما عارف – لكن زمان لمن الواحد يدخل ليه في (قصة حب) بقوم يمشي
يشوف ليه احرف زول في الحلة في الجوابات الغرامية عشان يكتب ليه جواب.
انتوا قايلين شعراء الحقيبة ديل قاطعين الكلام دا من رأسهم.
يسك ليك الزول دا (6) شهور عشان يكتب ليه جواب للشغال الافكار.
الزول البكتب ليك الجواب بقول ليك تعال الجمعة القادمة الصباح.
تعال لي بدري قبل ما اطلع.
انا ما عارف علاقة الجمعة الصباح بي كتابة الجوابات شنو؟.
يكون نوع من (البرستيج) في ذلك الوقت – زولكم عاوز يعمل ليه (اهمية).
تمشي ليه يوم الجمعة ..تحكي ليه القصة كلها..وزولكم البكتب الجوابات
بستمتع ليك بالقصة.
وانت بتحاول تزيد الحكاية شوية ..عشان يكتب ليك جواب ما بخر الموية.
جواب يجيب رأس البيت طوالي.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
بس لو صبرتو بقول ليكم اي حاجة ..بكمل ليكم القصة.
تقول للزول البكتب الجوابات اول حاجة والله انا ما قاعد انوم
الليل…(ودي حاجة مسلم بيها – ما فيها اي دهشة).
يعني عاوز تدخل ليك في قصة حب وتنوم كمان.
تنوم السهر.
ولاد الزمن دا بحبوا وينوموا ليلهم عادي.
في زول هسع بقول ليك قاعد احسب النجوم.
ما في زول فاضي للكلام الفارغ دا.
يمكن عشان ما في (زولة) ذاتها بتستاهل الكلام دا.
النجوم ذاتها بقت عندها مهام اكبر من انها تساهر مع المحبين.
ويمكن عشان (الاولاد) بقوا ما صادقين.
المهم الزول البتشكي ليه عشان يكتب ليك جواب قاطع ..بقول ليك : (اها
بعد عدم النوم تاني في شنو؟).
انجز ..انا ما فاضي ليك.
بيشتغل معاك زي الدكتور.
تقول ليه والله ما قاعد اكل ..لو اكلت لي في الفطور (7) رغيفات ما خليت شيء.
طبعا زمان عادي الواحد يقطع ليه في الفطور (طاولة) رغيف.
عادي.
الدنيا كانت بي خيرها.
والنفس فاتحة.
الزول البكتب ليك الجواب – يقول ليك سبعة رغيفات لكن ما كتيرة شوية على
قصة حبك دي.
تقول ليه : والله – وانت ما طالبني حليفة …السبعة رغيفات ما قاعد اكملها.
كاتب الجوابات ..بقوم يقول ليك ..وتاني …لازم تحكي ليك (خصوصيات)
شوية ..كلامك البتقول فيه دا – ما فيه اي جديد اي زول في سنة اولى حب بقع
في الحالات دي.
كلامك دا كلام عام ..ما فيه جديد.
تقوم تطلع ليه حاجة من بيت الكلاوي ..تقول ليه ..والله انا يوم داك
راقد في المستشفى اسبوع كامل بين الحياة والموت ..(لكن ما كلمت زول).
عشان البنت دي.
زولكم يتعدل في القعدة ..زي الشاف الموضوع بيستاهل.
تزيد العيار شوية …تقول ليه …تتخيل انا السنة دي ملحقت في اربعة
مواد – بسبب الزولة دي.
صاحبك يقول ليك جميل.
طبعا كل ما تقول ليه حاجة صعبة كدا ..بتبسط ..وبدعم جوابو بالمستندات
والوقائع الدامغة.
صاحبكم يفتح صفحة جديدة في تحرياته ..يقوم يقول ليك اسمع في اي تجاوب منها.
تقول ليه …والله في العيد الفات قالت لي (كل سنة وانت طيب).
زولكم يقول ليك غير كدا ..(كل سنة وانت طيب) دي ممكن تقولها لي اي زول
..ما فيها خصوصية.
انجز.
تقوم انت من رأسك تزيد الحكاية ..وتقول ليه لكن هي مع (كل سنة وانتب
طيب) قالت لي حاجة تانية.
زولكم يقوم من الكرسي ينبسط ..ويخلي الورقة والقلم ..ويقول ليك قالت
ليك شنو؟..شفت الحاجة التانية دي اهم من (كل سنة وانت طيب).
تقول ليه قالت لي (وين الايامات دي ما ظاهر؟).
صاحبكم يسجل الواقعة ..ويعمل ليك فيها (محقق) في فيلم عربي ابيض واسود
..وهي وقت قالت ليك الكلمة دي ..تعابير وشها كانت كيف؟.
انت زول صادق وامين ..تقول ليه يا زول انا الساعة ديك بقدر اعاين لي
تعابير وشها..والله لو (تبنتني) وقتها تلقى جسمي زي التلاجة.
بعدين ابوها كان واقف لينا زي رجل الخط.
صاحبكم يسجل ..(زي بدأ يقتنع بي قصتك ..وبدأ يتجاوب معاك).
يقوم يقول ليك : اسمع البنت دي عندها اخوان.
تقول ليه عندي اربعة اخوان ..واحد في الكلية الحربية.
زولكم يخاف ..يقول ليك اسمع عليك الله الموضوع دا طلعني منو..انا ما بقدر عليه.
اعفيني.
انت تحلف عليه…وتحنس.
يقول ليك اسمع (الجواب) دا لو وقع في يد زول غريب..اوعك تقول انا
الكاتبو ليك ..عليك الله ما تجيب لينا مشاكل ساكت ..كفاية (حسن ود احمد)
..يوم داك قبضو عندو جواب في المدرسة لي (سعدية بنت الطيب) ..قال ليهم
انا الكتبتو ليه.
خلانا افقد خالتك العزة ام سعدية.
تقول ليه يا زول اصلو ما عندك مشكلة ..والله لو علقوني في الشجرة ديك
..ما اجيب سيرتك.
يقوم زولكم يتنفض ..ويقول ليك خلاص تعال بكرة العصر بتلقي الجواب جاهز.
ما عارف علاقة تسليم الجوابات الغرامية بي تاني يوم العصر شنو؟.
ما عارف ..التوقيت دا كان متفق عليه في السودان كلو.
بكرة تجيه من عصر بدري ..تستلم الجواب ..وتنزل بي الشارع الفوق ..زي
كأنك شايل ليك ممنوعات.
ماشي وتتلفت.
بتحس العالم دا كلو ماشي وراك.
ترجف زي (القصبة).
تمشي تفتح الجواب في حتة (كديسة) ما فيها.
وانت بترجف.
تقرأ الجواب وتنبسط انبساطة شديدة ..اصلو الزول الكاتبو ما قصر معاك
..ما خلى شيء.
الغريبة بعد دا ما بتسلم الجواب.
ما بترسلو.
الجواب تنوم بيه براك.
لمن البنت يعرسوها …ما تسلمها الجواب.
زمان الحاجات دي بتحصل.
ما تقعدوا تستغربوا لي ساكت.
وتفتحوا الشبابيك.
ما تقعدوا تتناكروا لي في العمود دا.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
بس ح ادخل ليكم في الفصل التاني.
لاقيت لي واحد …الظاهر رمضان داخل عليه.
بقى زي العود.
الزول دا في الفطر كان فصبح جنس فصاحة.
كان تاعب الحلة كلها.
حالة من حالات الشغب.
زولكم دا اصلو ما كان بيسكت.
منجض الحلة دي كلها.
يومي شايل ليه طحنية وبياكل فيها..صباح وعصر.
رمضان قدر عليه – رمضان جرسو.
بقى ليك اخر هدوء.
اخر ادب.
اخر ذوق.
بقى زول تاني.
قلت ليه الساعة كم؟.
قال الساعة يا دوب واحدة ..تتصور نفس الساعة دي قبل رمضان زي الوقت دي
بتكون خمسة.
نفس الوقت.
زولكم ضايق – ما بصبر.
مشكلتو كلها في رمضان مع (الساعة).
زولكم دا ذاتو قلت ليه اسمع اتنين في اتنين بي كم؟.
قال لي بي تسعة.
قلت ليه كيف الكلام دا؟.
قال لي يا زول رمضان سخن …الاربعة في جداول الضرب عادي بتبقى تسعة.
قلت ليه طيب شوف لي خمسة في تلاتة بقت كم؟.
قال لي بي (21).
قلت ليه معقولة.
قال لي يا زول رمضان ولع عديل كدا.
قلت ليه لكن علاقة جداول الضرب بي سخانة رمضان.
قال لي يا زول الناس ديل دخلوا ليك دي في دي ..وقت الصيام يسخن معاهم
..بقطعوا ليهم حاجات من رأسهم.
امشي سوق ليبيا ..اي حاجة زادت.
سوق سعد قشرة ما بتقدر تدخلو.
قلت ليه ان بقى كدا ..النلحق عثمان ود التربة ود حاج سعد ..النشيل منو
(قروشي) قبل ما يدخل لي موضوع (الجداول) دي على القروش.
لمعلومية الناس.
جدول اتنين في رمضان ببقى جدول اربعة.
جدول خمسة ببقى جدول سبعة.
جدول سبعة ببقى جدول تسعة.
كيلو اللحمة ببقى نص كيلو.
طبق البيض ببقى بيضة واحدة.
طبعا الحاجات دي كلها بتجي من (جرسة) الناس ..المشكلة في الناس.
عندنا زول في رمضان دا اشتري ليه بوكس دبل قبينة …جاء داخل بيه البيت (دراجة).
عجلة.
قالوا ليه البوكسي وين؟.
قال ليهم بوكسي وين مع السخانة دي.
واحد تاني اشتري له (بطيخة).. وصل بيها البيت (عجورة).
الحلة كلها بتتفرج فيه.
الحلة كلها بتتكلم عنو.
…………
و
بويا برضو بعيد عن مباراة مازمبي.
وبويا اهم زول.
الزول دا انضرب في الميل 40.
معقولة اصابة في فترة الاعداد تعمل كدا.
…..
السيدة (ل) ما تظهري الايامات دي – الناس ديل بقوموا يعيدوا بالغلط.
وقرّض على كدا.

انقر هنا لقراءة الخبر من مصدره.