السودان يدين الصمت الدولي تجاه جرائم الحرب والجرائم ضد الإنسانية التي ترتكبها المليشيا في إقليمي دارفور وكردفان    بعد غياب 8 سنوات.. عبلة كامل تعود وتثير ضجة ب"إعلان"    في طريق عودته للبلاد .. رئيس الوزراء يلتقي سفير السودان لدى إثيوبيا والمندوب الدائم لدى الاتحاد الأفريقي    "سامسونغ" تُحبط الآمال بشأن الشحن اللاسلكي في سلسلة "Galaxy S26"    هانى شاكر فى لبنان وأنغام فى الكويت.. خريطة حفلات النجوم فى يوم الفلاتنين    توضيح من سوداتل حول مشروع ممر Bypass الإقليمي لحركة الترافيك العالمية عبر السودان    حساسية الجلد أثناء الحمل.. متى تستدعى القلق واستشارة الطبيب؟    تشابه دماغ البشر والذكاء الاصطناعي يدهش العلماء    القانون يلزم الشركات السياحية بسداد تأمين مؤقت عن رحلات العمرة    تحديث ذكي جديد ل"واتساب" في آيفون    نائب البرهان يفجّرها بشأن حل مجلس السيادة واتّهام قادة كبار في جوبا    لو ليك فى الرومانسى.. لا تفوت هذه المسلسلات فى دراما رمضان 2026    كاكا قال لدوائر فرنسية إنه يتوقع إنهياراً وشيكاً لقوات التمرد السريع    اكتشاف وجود علاقة بين الاكتئاب وهشاشة العظام    دراسات: إوميجا 3 تحسن الإدراك وتعزز المزاج    قرارًا جديدًا لوزير التعليم العالي في السودان    عقوبة مالية على الإتحاد وإيقاف عضو الجهاز الفني لنادي المريخ    الجيش يفشل هجومًا عنيفًا لميليشيا الدعم السريع    والي النيل الأبيض يشيد بالليلة الثقافية الأولى لهلال كوستي    (ده ماهلالك ياهلال؟؟)    مهارات يامال تعجز مبابي ونجم مانشستر سيتي    شاهد بالصورة والفيديو.. الفنانة إيمان الشريف تشعل حفل زواج صديقها "حتة" بأغنية (الزعلان كلمو) والعريس يتفاعل معها بالرقص    شاهد بالفيديو.. نجم السوشيال ميديا "حتة" يضع يده على عروسه ويحتفل معها بطريقة طريفة على أنغام (الما بحبونا والبكرهونا)    بالصورة.. دكتورة من مريدات شيخ الأمين تكتب: (الشيخ بجيب القروش دي من وين؟ داير تتأكد تعال مسيده في الثلث الاخير من الليل)    أفراد من الشرطة يلقون القبض على السائق الخاص بالقائد الميداني لمليشيا الدعم السريع "جلحة" داخل "ركشة" بحي بري    بنك الخرطوم يتعهد بإرجاع مبالغ «ضمان الودائع» ويتحمل التكلفة كاملة    الهلال يتلقى أول خسارة بدوري المجموعات أمام مولودية الجزائري    هلال كوستي يدشن برامجه الثقافية بليلة ثقافية كبرى وتكريم رموز النادي والمجتمع    السودان يرحّب بالقرار 1591    شاهد بالفيديو.. سرقة محل مجوهرات بشارع الوادي بأم درمان وقيمة المسروقات تقدر ب(ترليون) جنيه    شاهد بالصور.. سيدة الأعمال ونجمة السوشيال ميديا السودانية الحسناء ثريا عبد القادر تخطف الأضواء من معرضها ببورتسودان    الجوهرة السودانية عامر عبد الله ينضم رسمياً لأحد الأندية الخليجية    محاولة أوكرانية جديدة لإفشال مفاوضات السلام بعيداً عن ارض المعركة    وزير الثروة الحيوانية: البنك الزراعي وبنك النيل يمولان صغار المربيين لزيادة الإنتاجية    رفض الزوج شراء سجائر لها فقتلته.. جريمة زوجة مصرية تثير الجدل    توصيات المؤتمر القومي لمعالجة قضايا الشباب    بيان مهم لوزارة المالية في السودان    المركزي يوجه بنك الخرطوم بإيقاف الاستقطاعات وإرجاع المبالغ المخصومة للعملاء    لجنة أمن ولاية الخرطوم تؤكد المضي قدما في تنفيذ موجهات رئيس مجلس السيادة لبسط الأمن وفرض القانون    ضبط اسلحة ومخدرات بكسلا    حريق كبير في سوق شرق تشاد    صعود الذهب عالميًا يرفع أسعار المعدن النفيس فى قطر صباح الخميس    صلاح يتحدى مرموش.. موعد مباراة ليفربول ضد مانشستر سيتي بكلاسيكو إنجلترا    رسالة أخيرة في بريد الرئيس البرهان قبل تمرد الحركات المسلحة الدارفورية    تعرف على سعر الأسمنت اليوم الاثنين 2 -2 -2026 فى مصر    ترامب يحذر إيران: الوقت ينفد والهجوم القادم سيكون أشد    مباحث الخرطوم تعلن توجيه ضربة موجعة لمافيا السيارات..إليكم التفاصيل    تلفزيون السودان يستأنف البث المباشر من مقرّه الرئيسي    وزير الصحة: التبغ عدو الحاضر والمستقبل و فاتورته الصحية تفوق عائداته الضريبية    هل قتل السحر الأسود الإسرائيلي عبد الناصر؟.. كتاب جديد يكشف خفايا خطيرة في مصر    سباق اختراق الضاحية باكورة بطولات الاتحاد العربي لألعاب القوى    شركة اتصالات في السودان تعلن عن توقف خدمات    "مَا حَرَّمَ إِسْرَائِيلُ عَلَى نَفْسِهِ"!    أحمد الشاكر: انا أعجز عن شكر جميع الإخوة الأشقاء في المملكة العربية السعودية    ترامب للإيرانيين: واصلوا الاحتجاج.. المساعدة في الطريق إليكم    السودان..حصيلة صادمة بمرض شهير في ولايتين    إسحق أحمد فضل الله يكتب: (حديث نفس...)    "كرتي والكلاب".. ومأساة شعب!    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



ميسي بالسوداني (عماريه)
كورة سودانية نشر في كورة سودانية يوم 24 - 06 - 2015


دق الدلجة
محمد عبد الماجد
ميسي بالسوداني (عماريه)
احسن من بدري نوضح الصورة ..عشان وقت التسجيلات تقرب …جماعاتنا ديل
بفتحو خشمهم زي (مخازن السكر).
بيسعروا عديل كدا ..وقت يطيروا من المجموعات ويفقدوا ان شاءالله
الممتاز وكأس السودان.
احسموا من بدري يا الكاردينال.
الكلام دا خلوه في (السر).
في سركم.
وعشان ..تاني ما بنتكلم ..ولا بنلمح ولا بنقول حاجة.
تاني بنعمل رايحين.
خاصة ان الموضوع اذا بقى موضوع (قروش)…فلا جمال الوالي ولا صلاح
ادريس بقدروا على الكاردينال اذا دخل في الموضوع.
لذلك نحن نفتح ملف (عماريه) من رمضان.
قبل العيد.
اضف الى كل ذلك ان المريخ الفيه مكفيه.
حالتهم ح تكون صعبة.
وح يتعبوا معانا شديد.
راجياكم (جهجهة) كبيرة.
المريخاب في التسجيلات القادمة إلّا يشيلوا ليهم (قرعة) ويحوموا في الشوارع.
ح تعملوا نداء.
امير كمال مفكوك.
جهزوا ليكم (9) مليار برة.
(9) مليار ما تنقص قرش.
ولا مليم.
امير كمال براهو قال كدا.
لو بتسجل بالسبعة امير كمال كان اعاد قيدو في التسجيلات الاخيرة.
راجي عبدالعاطي مفكوك (7) مليار.
ولا تنقص جنيه.
عشان الموضوع يبقى ليكم واضح.
احمد الباشا مفكوك (5) مليار جنيه.
واحمد الباشا قيمة كبيرة ..بيستحق عشرة مليار.
بلة جابر مفكوك مليار ونص.
ما عاوزين نعصر عليكم في موضوع بلة جابر دا.
مليار ونص كفاية على بلة جابر.
عندكم القروش دي ..مبروك عليكم زي (رمضان عجب) الدفعتو فيه دم
قلبكم..عملتوا ليه ارقام لتحويل الرصيد.
ودللتوا ليه املاك النادي.
دقيتوا ليه جرس.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
بس (الشيكات) ما معانا.
وروانا شطارتكم مع امير كمال والباشا وراجي وبلة جابر ..ونحن قاعدين
وجاهزين لي اي تدخل.
قاعدين وما عندنا اي مشكلة.
لو القروش نقصت عليكم ..رجعوا (سيلا) للاهلي شندي.
جايبين لي (سيلا) نص الليل ..انتوا عاوزين تسجلوه وإلّا عازمنو (سحور).
في نفس الوقت نقول ان التسجيلات القادمة يدخلها الهلال من غير ما يكون
في صفوفه لاعب واحد مفكوك.
ما عندنا اي مشكلة.
وهذا امر بالتأكيد يحسب للكاردينال الذي (انجز) في التسجيلات التكميلية
عشان يتفرغ للتسجيلات الرئيسية.
نزار حامد.
نصرالدين الشغيل.
سيف الدين مساوي.
الزول دا شوال اسمنت تطلعوا بيه من (الجوهرة الزرقاء) ما خلاهو ليكم.
قطع نشاف.
والكاردينالواضح كدا داخل التسجيلات القادمة بي (رأي).
كمان الكاردينال بيلعب.
لو خرج الكاردينال في التسجيلات القادمة بلاعب الاهلي شندي (عماري)
المفكوك في التسجيلات القادمة يكون طلع بالصيد كله.
يكون ما خلى حاجة.
يبقى امير كمال مبروك عليكم…ان شاءالله تتموا ليه قروشو (بسكويت).
الموضوع ببقى ما بخصنا.
الكاريدنال لو ظفر بي (عماريه) يكون خرج باغلي جواهر الملاعب السودانية
واحد افضل لاعبي المنتخب السوداني في الوقت الحالي.
مواهب سودانية بقت ما في.
وعماريه موهبة لا يمكن تعويضها.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
بس الترية بت تاج الاصفياء ..قالت (عماريه) لو لعب الموسم القادم في
الهلال …ناس المريخ ديل إلّا يمشوا (الدهب).
يقولوا ليكم الكلام الف مرة.
برضو تقعدوا تتلفتوا لي.
زي صحن المرارة.
اول صحن المرارة بتلفت.
تلخبط الزول في رمضان.
قصدت ان انوه (اعلاميا) من بدري لعماريه …عشان عارف الموضوع لو بقى
موضوع (قروش) لا صلاح ادريس ولا جمال الوالي بقدروا على اشرف الكاردينال.
والكاردينال بهلاليتو الصارخة وقدراته المادية الكبيرة كانت عنده
تصريحات تلفزيوينة شهيرة قال فيها لو الهلال عاوز (ميسي) بنجيبو ليه.
ميسي ما كتير على الهلال.
الكاردينال لو وضع (عماريه) في رأسو ..بجيبوا ليكم الهلال من شهر يوليو.
شهر نوفمبر ذاتو ما بنتظرو.
الكاردينال نجح في التسجيلات الاخيرة في الظفر بافضل المواهب الهجومية
واستطاع ان يقلع (وليد الشعلة) من كف المريخ.
رغم ان اللاعب جاء به للاهلي الخرطوم فريق المريخ ..كما ان الاهلي
يعتبر مخزن للمريخ.
مع ذلك نجح الكاردينال في تسجيل وليد الشعلة في الهلال ..وقد شاهد
الناس الصدمة التى وقعت على المريخاب يوم ان حاولوا تعطيل تسجيل وليد
الشعلة بواسطة ايقافه بواسطة الاتحاد العام.
الكاردينال حسم الموضوع في خمسة دقائق.
موضوع (عماريه) اصلو ما صعب عليه.
نحن بمثل النجاح الذي حققه اشرف الكاردينال في التسجيلات الماضية عندما
ظفر باللاعب وليد الشعلة…نسأله ان يتجه نحو (عماريه) ويحسم امره مبكرا.
من بدري يا الكاردينال.
لو التسجيلات جات ..الحكاية ح تجوط.
وصلاح ادريس مع جمال الوالي ممكن يعملوا ليكم (سيلا) تاني.
سيلا جديد.
اللاعب اذا لم يحسم امره منذ الان ..سوف يكون حسم امره بعد ذلك صعبا
..في ظل تحالف صلاح ادريس وجمال الوالي.
يقولوا ليكم الكلام الف مرة.
الكلام دا انا بقولوا ليكم في (السر).
ما يطلع برة.
او خلوه يطلع ..لو بقى على (القروش).
اللاعب تبقى له في عقده مع الاهلي شندي اربعة اشهر و6 ايام ..وهي فترة
تسمح للهلال بالتعاقد مع اللاعب بواسطة وكيل لاعبين منذ الآن.
اقول ذلك لأن عماريه هو (ميسي) الكورة السودانية..واللاعب الوطني ذو
الموهبة اصبح عملة نادرة فلا تضيعوا موهبة عماري الذي يشبه الهلال في كل
شيء.
عماريه (ميسي) السوداني.
ميسينا.
احسن الكلام يبقى واضح.
واللاعب البيشبه الهلال ..ظاهر ..ما عاوز ليه لف ودوران.
ساقني الى هذا الموضوع حوار صحفي امس في صحيفة (السوداني) مع الفاتح
النقر المدير الفني للفريق الرديف.
انظروا ماذا قال الفاتح النقر؟.
الفاتح النقر سئل عن افضل 3 لاعبين قام بتدريبهم طوال مسيرته التدربية
فقال : (هيثم مصطفى وصلاح الامير ولاعب الاهلي شندي عماريه).
الكلام كدا وضح يا جماعة.
العبرة ليس في ان النقر في مسيرته الطويلة في عالم التدريب توقف عند
عماريه..وانما العبرة في ان الفاتح النقر وضع عماريه اللاعب الصغير في
السن مع هيثم مصطفى وصلاح الامير.
والكل يعرف قيمة هيثم مصطفى وصلاح الامير والاخير اعتبره من افضل
اللاعبين الذين انجبتهم الملاعب السودانية.
طبعا ما في كلمة في هيثم مصطفى.
لاعب بهذه القيمة ..بقيمة هيثم مصطفى وصلاح الامير يجب على الهلال ان
يصرف كل جهده من اجل قيده في كشوفاته.
سوف يحسب لكاردينال هذا الانجاز ان نجح في التعاقد مع اللاعب عماريه
..ليكون الى جانب وليد علاءالدين ونزار حامد وبشه.
ح تشوفوا العجب.
نحن عاوزين مستقبل الهلال يكون اخضر.
والكاردينال اهم حاجة فيه بينظر للمستقبل.
وعماريه المستقبل كله.
…….
و
مية مرة بنقول ليك مباراة مازمبي ما عندنا معاها قضية.
المباراة مسؤولية اللاعبين.
ومسؤولية الجهاز الفني.
اعملوا الحاجة الفي رأسكم.
نحن ح نقعد ننتظر.
اصلو ما عندنا كلمة.
ولا عاوزين نقول شيء.
علاقة عماريه اكثر من مميزة مع لاعبي الهلال وهو اللاعب الوحيد في وسط
المنتخب من برة الهلال.
جيبوه الهلال وكملوا السنتر.
الفاتح النقر يمكن ان شكل حلقة ربط.
صلاح ادريس ذاتو باعتباره رئيس الهلال السابق مفروض يجيب (عماريه) للهلال.
مفروض الحكاية دي تجي من صلاح ادريس.
باسيرو مشى المريخ ..وصلاح قاعد.
ومالك مشى المريخ ..وصلاح قاعد.
ومالك رجع تاني ..وصلاح قاعد.
وفيصل موسى مشى المريخ وصلاح قاعد.
تتخيلوا انتقال فيصل موسى للهلال من المريخ كان اسهل من انتقاله للهلال
من الاهلي شندي.
وسيلا جابو صلاح ادريس عديل للمريخ.
قدمو هدية.
وكمان هو صاحب الاقتراح.
نحن عاوزين (عماريه).
لا سيلا بنفع معانا.
ولا احمد نصرالدين.
نحن عاوزين عماريه.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
بس بقفل على كدا.
تاني ولا بجيب ليكم سيرة.
…..
السيدة (ل)….الكلام دا ما عندو علاقة بي دوري ابطال اوروبا.
وقرّض على كدا.

انقر هنا لقراءة الخبر من مصدره.