سودارس : اسامة عطا المنان كترها

وزير الخارجية المصري يصل بورتسودان محمد حامد جمعة نوار يكتب: نواطير "فينيسيوس جونيور خط أحمر".. ريال مدريد يُحذر تشابي ألونسو الهلال يدشن انطلاقته المؤجلة في الدوري الرواندي أمام أي سي كيغالي كُتّاب في "الشارقة للكتاب": الطيب صالح يحتاج إلى قراءة جديدة عثمان ميرغني يكتب: إيقاف الحرب.. الآن.. مستشار رئيس الوزراء السوداني يفجّر المفاجأة الكبرى مان سيتي يجتاز ليفربول التحرير الشنداوي يواصل إعداده المكثف للموسم الجديد دار العوضة والكفاح يتعادلان سلبيا في دوري الاولي بارقو كلهم حلا و أبولولو..!! السودان لا يركع .. والعدالة قادمة شاهد.. إبراهيم الميرغني ينشر صورة لزوجته تسابيح خاطر من زيارتها للفاشر ويتغزل فيها:(إمرأة قوية وصادقة ومصادمة ولوحدها هزمت كل جيوشهم) البرهان يطلع على أداء ديوان المراجع العام ويعد بتنفيذ توصياته لقاء بين البرهان والمراجع العام والكشف عن مراجعة 18 بنكا شاهد بالفيديو.. لدى لقاء جمعهما بالجنود.. "مناوي" يلقب ياسر العطا بزعيم "البلابسة" والأخير يرد على اللقب بهتاف: (بل بس) السودان الافتراضي ... كلنا بيادق .. وعبد الوهاب وردي شاهد بالصورة والفيديو.. ضابطة الدعم السريع "شيراز" تعبر عن إنبهارها بمقابلة المذيعة تسابيح خاطر بالفاشر وتخاطبها (منورة بلدنا) والأخيرة ترد عليها: (بلدنا نحنا ذاتنا معاكم) جمهور مواقع التواصل بالسودان يسخر من المذيعة تسابيح خاطر بعد زيارتها للفاشر ويلقبها بأنجلينا جولي المليشيا.. تعرف على أشهر التعليقات الساخرة المالية توقع عقد خدمة إيصالي مع مصرف التنمية الصناعية أردوغان: لا يمكننا الاكتفاء بمتابعة ما يجري في السودان وزير الطاقة يتفقد المستودعات الاستراتيجية الجديدة بشركة النيل للبترول أردوغان يفجرّها داوية بشأن السودان وزير سوداني يكشف عن مؤشر خطير شاهد بالصورة والفيديو.. "البرهان" يظهر متأثراً ويحبس دموعه لحظة مواساته سيدة بأحد معسكرات النازحين بالشمالية والجمهور: (لقطة تجسّد هيبة القائد وحنوّ الأب، وصلابة الجندي ودمعة الوطن التي تأبى السقوط) إحباط محاولة تهريب عدد 200 قطعة سلاح في مدينة عطبرة السعودية : ضبط أكثر من 21 ألف مخالف خلال أسبوع.. و26 متهماً في جرائم التستر والإيواء الترتيب الجديد لأفضل 10 هدافين للدوري السعودي «حافظ القرآن كله وعايشين ببركته».. كيف تحدث محمد رمضان عن والده قبل رحيله؟ محمد رمضان يودع والده لمثواه الأخير وسط أجواء من الحزن والانكسار وفي بدايات توافد المتظاهرين، هتف ثلاثة قحاتة ضد المظاهرة وتبنوا خطابات "لا للحرب" أول جائزة سلام من الفيفا.. من المرشح الأوفر حظا؟ مركزي السودان يصدر ورقة نقدية جديدة "واتساب" يطلق تطبيقه المنتظر لساعات "أبل" بنك السودان .. فك حظر تصدير الذهب بقرار من رئيس الوزراء: السودان يؤسس ثلاث هيئات وطنية للتحول الرقمي والأمن السيبراني وحوكمة البيانات ما الحكم الشرعى فى زوجة قالت لزوجها: "من اليوم أنا حرام عليك"؟ غبَاء (الذكاء الاصطناعي) مخبأة في باطن الأرض..حادثة غريبة في الخرطوم صفعة البرهان حرب الأكاذيب في الفاشر: حين فضح التحقيق أكاذيب الكيزان دائرة مرور ولاية الخرطوم تدشن برنامج الدفع الإلكتروني للمعاملات المرورية بمركز ترخيص شهداء معركة الكرامة السودان.. افتتاح غرفة النجدة بشرطة ولاية الخرطوم 5 مليارات دولار.. فساد في صادر الذهب حسين خوجلي: (إن أردت أن تنظر لرجل من أهل النار فأنظر لعبد الرحيم دقلو) حسين خوجلي يكتب: عبد الرجيم دقلو.. إن أردت أن تنظر لرجل من أهل النار!! السجن 15 عام لمستنفر مع التمرد بالكلاكلة عملية دقيقة تقود السلطات في السودان للقبض على متّهمة خطيرة وزير الصحة يوجه بتفعيل غرفة طوارئ دارفور بصورة عاجلة الجنيه السوداني يتعثر مع تضرر صادرات الذهب بفعل حظر طيران الإمارات تركيا.. اكتشاف خبز عمره 1300 عام منقوش عليه صورة يسوع وهو يزرع الحبوب (مبروك النجاح لرونق كريمة الاعلامي الراحل دأود) المباحث الجنائية المركزية بولاية نهر النيل تنهي مغامرات شبكة إجرامية متخصصة في تزوير الأختام والمستندات الرسمية حسين خوجلي يكتب: التنقيب عن المدهشات في أزمنة الرتابة دراسة تربط مياه العبوات البلاستيكية بزيادة خطر السرطان والي البحر الأحمر ووزير الصحة يتفقدان مستشفى إيلا لعلاج أمراض القلب والقسطرة شكوك حول استخدام مواد كيميائية في هجوم بمسيّرات على مناطق مدنية بالفاشر السجائر الإلكترونية قد تزيد خطر الإصابة بالسكري

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

اسامة عطا المنان كترها

كورة سودانية نشر في كورة سودانية يوم 10 - 07 - 2015

دق الدلجة
محمد عبد الماجد
اسامة عطا المنان كترها
يا ربي دا اسامة بريش؟.
خفة – وسرعة مبالغ فيها.
اسامة دا بدون ما يكمل (اللاين) بعكسها.
مستعجل!!.
اسامة التعاون؟.
بنزل جوز ..ويوديها (الكشافات).
اسامة الشيخ؟.
الزول دا ما فاضل ليه إلّا يشيل ليه (طارة) ويقعد يغني لي بكري المدينة.
باقى ليه يشيل ليه (طبلة).
ويقعد يغني ليهم.
ما خلى حاجة.
كمّل اي شيء.
اسامة عطا المنان ..عمل اي شيء.
ينزل الشنط.
ويجيب صبارة الموية.
يكسر (التلج).
ويشغل (المراوح).
ويقيف في (خشم الباب).
ويحلف بي اسم بكري المدينة.
يضبح.
ويسلخ القانون.
ويسافر باريس.
شوفوا الخبر بتاع (الرجلة) دا.
خبر (الكموينة) دا ..لاقكم – قابلكم.
والله بقينا نخجل لي اسامة عطا المنان.
الزول دا ما عندو احساس.
ما عندو شعور.
كترها زي (ايمن سعيد) عند فيصل سيحة.
شفتوا الخبر.
(عقدت لجنة الحالات الطارئة بالإتحاد السوداني لكرة القدم اجتماعاً
برئاسة الأستاذ أسامة عطا المنان أمين مال الإتحاد رئيساللجنة ظهر امس
الخميس 9/7/2015م ونظرت في الشكوى المقدمة من النادي الأهلي الخرطوم حول
عدم قانونية مشاركة لاعب نادي المريخ بكري عبد القادر في مباراتهم التي
أقيمت يوم 6/7/2015م ضمن مباريات الدورة الثانية لبطولة دوري سوداني
الممتاز وبعد استعراض الشكوى قبلت اللجنة الشكوى شكلا حيث قدمت في
المواعيد المحددة وسددت الرسوم المقررة .. وبعد الإطلاع علي الشكوى
والمستندات المرفقة معها وبعد النقاش والتداول قررت اللجنة رفض الشكوى
لعدم صحة البيانات الواردة بها واعتماد نتيجة المباراة كما جاءت بتقرير
الحكم).
شوفوا الاستعجال.
اجتماع مع (الفطور الفاخر).
ومعاهو عصير ليمون.
ورصيد!!.
شوفوا الناس الما بخجلوا ديل.
طيب وقت رافضنها (الاستعجال) شنو؟.
كان تصبروا شوية – تشوفوا ليها اخراج.
لكن انتوا فارقة معاكم.
خلاص بقيتوا ما بتحسوا.
جلدكم بقى تخين..موية نار ما بتمشي فيه.
اي حاجة في الاتحاد العام (معلقة) وما معروفة ..كل الحاجات عندهم الى
(اجل غير مسمى).
اشمعنا دي؟.
ليه دي بس؟.
عملوا ليها اجتماع طاريء.
الاستعجال في شنو؟.
لا بد ان اوامر جمال الوالي كانت واضحة وصريحة وما فيها لبس.
كان تخلوها ظريفة شوية.
تصلحوها.
تعملوا ليها اخراج.
سيناريو.
وتشوفوا ليها (مظلة).
وبوهية وطلاء خارجي.
كان تخجلوا.
لكن انتوا بتخجلوا.
بقت ظاهرة.
كان شوية تنستروا.
تحاولوا تظارفوا.
تدعوا (الحياد).
كانوا (تمثلوا).
يا كافي البلاء ..(التمثيل) ما بتعرفوا تمثلوا.
كمان قالوا شنو؟.
(وبعد استعراض الشكوى قبلت اللجنة الشكوى شكلا حيث قدمت في المواعيد
المحددة وسددت الرسوم المقررة).
استعراض شنو؟.
احلف عليها ما في اي (استعراض).
الاستعراض دا لينا نحن.
الاستعراض للباسطة والطحنية والجبنة المضفرة.
استعراض شنو؟.
بتلعبوا على منو انتوا؟.
قال شنو؟.. (قبلت اللجنة الشكوى شكلا).
ما كان تقبلوها.
شكلا – ذاتها كتيرة عليكم.
انتوا شكلا وإلّا ما شكلا فارقة معاكم.
شكلا ذاتها الخبركم بيها شنو؟.
تلقوا اسامة عطا المنان (شكلا) كان عاوز يموت فيها.
كان ممكن يروح فيها.
شكلا دي بتكون صعبة عليها.
بكون حرن فيها.
الزول دا ما بقبل اي شيء في المريخ.
لا شكلا ولا امينة رزق.
كلو تمثيل في تمثيل.
اسامة عطا المنان لو اتقدمت شكوى في المريخ ساكت – يرجع من (زيورخ)
مستعجل عشان يعمل ليه اجتماع طاريء.
وعشان يرفض الشكوى.
ويقعد يحلل ليك في المواضيع.
يقول ليك نحن الشكوى بنقبل (شكلا) – لكن بنرفضا موضوعا.
انتوا عندكم موضوع.
قوموا لفوا.
كل الشكاوي معلقة.
وما معروف مصيرها.
إلّا دي.
اشمعنا بس.
شكوى الهلال في بكري المدينة …الاتحاد حسمها بعد اربع شهور.
تقول كانت مقدمة ضد كوكب المريخ.
وبعد ما حسموا الشكوى ..القرار سلموها الهلال بعد شهرين.
ولادة.
ولادة عديل.
وشكوى الامل عطبرة (عتت).
الناس نسوا الموضوع.
وما عارفين القضية ذاتها كانت شنو؟.
إلّا وقتنا هذا الاتحاد لم يسلم نادي الامل قرار لجنة الاستئنافات
القاضي باعادة مباراة المريخ والامل.
واسامة عطا (المريخ) بحسم شكوى الاهلي ضد المريخ في (48) ساعة.
يا جماعة الناس ديل ما بعرفوا (الخجل).
خجل ساكت ما في.
ما سمعوا بي الحياء.
ما بحضروا (مسلسلات).
ما بخافوا ربنا.
معقول (الفساد) وصل لهذه المرحلة.
قرار صادر من لجنة الاستئنافات ما يسلموه النادي الشاكي.
يقعدوا يتمرجحوا كدا لمن القيامة تقوم.
وشكوى اتقدمت قبل (48) ساعة يحسموها تاني يوم ..ويسلموا قرارها قبل ما يصدر.
فساد زي دا اصلو ما قالبنا.
ولا شفناهو.
ولا سمعنا بيه.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
بس (التريمة ود خوجلي) …قال ليكم لو جاتني حاجة ..ما تدفنوني هنا..طلعوني برة.
عليك الله يا اسامة عطا المنان ..امشي طلع ليك (4) صور …واديهم ناس
المريخ عشان يعلقوها ليك في النادي.
امشي اقيف قدام (المرايا) شوف البتعمل فيها دا.
شوف التجاوزات دا.
امشي اسأل عن (الخجل).
خليهم يحكوا ليك عنو.
يمكن تحسوا.
يمكن تعرفوا حاجة.
بلاويكم كترت.
تجاوزاتكم زادت.
والموضوع بقى ما بتبلع.
اسامة عطا (المريخ) قال يقدم خدمة للمريخ قبل مباراة الاتحاد ..قام حسب
فهمو ..افتكر الخدمة في رفض الشكوى.
قايلها فلاحة.
البعمل فيه اسامة عطا (المريخ) للمريخ لو كان بعملوا للمنتخب الوطني
كان السودان فاز بي بطولة كأس العالم (لكسير التلج).
او لتجاوز (القانون).
تكسروا في (القانون) – ولا بتخجلوا.
ولا بتحسوا.
ولا بتشعروا.
اسامة عطا المريخ ماسك شنو في الاتحاد.
ماسك الخزينة ..وإلّا ماسك صبارة الموية للمريخ.
الزول دا اي حاجة عملها للمريخ.
ما خلى ليه حاجة.
ما فاضل ليه إلّا يطلع ليه (ضربات جزاء) كرصيد (هاتفي) عشان ينزلها للمريخ.
ما خلى شيء.
اي حاجة ممكن تكون (خيالية) وغير ممكنة …اسامة عطا المريخ عملها.
تاني ما في اسوأ من كدا.
ما في اكتر من كدا.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
بس السريرة بنت جاد الرب – قالت ليكم لو وقعت فينا صاقعة …ما ترفعوني ..خلوني.
هي الصاقعة وقعت من فراغ.
وقعت من البعملوا فيه ناس اسامة عطا المريخ ديل.
…………….
و
الرشيد بدوي عبيد يستحق هذا الحب.
يستحق هذا الاحتفاء.
عرف الرشيد بدوي عبيد قيمته عند الناس.
هو غالي جدا عند كل الرياضيين.
يا ريت الرشيد هذه المحبة وهذا التقدير الذي وجده من الناس يقابله
باعتناء واهتمام اكبر بصحته.
لو ما خايف الرشيد بدوي عبيد على روحو ..كلموه يخاف على الناس ديل.
على الناس البقدروه.
هذه القيمة وتلك المكانة التى وجدها الرشيد ..محافظته عليها يكون عبر
اعتناء اكبر بصحته.
الناس ما عاوزة من الرشيد اكتر من كدا.
ربنا يدي الرشيد بدوي عبيد الصحة والعافية.
…………
السيدة (ل) – قطعت!!.
وقرّض على كدا.

انقر هنا لقراءة الخبر من مصدره.