سودارس : انتوا (رزاق) اشتكيتوه اشتكوا (مبوانا ساماتا) طوالي!!

تطوّرات في ملف شكوى الهلال ونهضة بركان بالصورة والفيديو.. شاهد لحظة القبض على أخطر شبكة تقوم بسرقة العربات و"اسبيراتها" بالخرطوم بعد كمين محكم شاهد بالفيديو.. الممثل ذاكر سعيد في فاصل كوميدي : (لا أشجع فريق برشلونة ولا ريال مدريد أشجع الفريق البرهان "ضقل" بالمليشيا كورة مرقهم في الخلا) شاهد بالصورة والفيديو.. ضحكات ومزاح بين الفنانة إيمان الشريف و "البرنس" في لقاء داخل سيارة الأخير بالصورة والفيديو.. شاهد لحظة القبض على أخطر شبكة تقوم بسرقة العربات و"اسبيراتها" بالخرطوم بعد كمين محكم شاهد بالفيديو.. الفريق أول ياسر العطا يحظي باستقبال تاريخي من جنود الجيش والمستفرين بعد ساعات من تعيينه رئيساً لهيئة الأركان شاهد بالفيديو.. الفنانة إنصاف مدني تفاجئ الجميع وتقتحم بث مباشر لزميلتها ميادة قمر الدين: (أنا مفلسة أعملوا لي مبادرة) تطور جديد في جلسة محاكمة منيب عبد العزيز شمال السودان يوم اليتيم.. نصائح لدعم اليتيم نفسيا في يومه السنوي صمود يحذر من كارثة إنسانية مع استمرار العمليات العسكرية في النيل الأزرق "تأسيس" و"صمود" يدينان استهداف أسامة حسن في غارة مسيّرة على نيالا ماجد المصرى: شخصية راغب الراعى مرهقة بسبب تعدد علاقته داخل الأحداث محمد مهران يكشف أصعب مشهد فى كواليس مسلسل درش ماذا يحدث لجسمك عند التوقف عن تناول منتجات الدقيق الأبيض لمدة أسبوعين؟ "العاصفة الحمراء" التي ضربت دولا عربية.. هل هي خطيرة؟ ما حقيقة زيارة وفد إيراني إلى السودان سرًا؟ جاهزية فنية متكاملة تسبق انطلاق "عربية القوى" في تونس الرابطة السليم تكتسح بركيه بخماسية اعداديا ساردية تختتم التحضيرات لمواجهة الموسياب "يديعوت أحرونوت": واشنطن بدأت عملية إجلاء طارئة ل60 ألف أمريكي من مصر الدولار يتراجع مع تصاعد توقعات التهدئة في الشرق الأوسط بالصورة.. أبعدوه حتى لا يرى قبرها ويقوم بنبشه.. قصة مؤثرة تدمي القلوب لشاب سوداني معاق ذهنياً في يوم وفاة والدته التي كان متعلق بها ومداوم على مسك "ثوبها" شاهد بالفيديو.. "ماما كوكي" تتحدث عن قضية الساعة.. مطربة شهيرة تقيم علاقة عاطفية مع "البرنس" بعد طلاقها من زوجها وردة فعل أهلها جاءت صادمة لها المغرب يثبت نفسه بين الكبار ويواصل الهيمنة عربيا في تصنيف فيفا أدوية منسية في المنزل قد تهدد صحة العائلة.. تخلص منها فورا نوع نادر من السرطان.. ما هو التليف النخاعى؟ سوداني يسأل: (أنا مغترب وحصلت مشكلة بين زوجتي وزجة أخي واخوي اتصل علي قال لي طلقتها ليك هل الطلاق واقع؟) اللجنة الإقتصادية العليا تصدر عدداً من القرارات المهمة لتحقيق استقرار سعر الصرف وزير التربية يدشن استلام الدفعة الثانية من كتب الصف الاول الثانوي للولايات تغيير كبير في هيكلة الجيش السوداني والعطا رئيسا لهيئة الأركان السودان.. وفاة لاعب كرة قدم وزير المعادن ونائب المدير العام المفتش العام للشرطة يدشنان مركبات لتعزيز مكافحة تهريب المعادن وتأمين مواقع التعدين السودان.. وزير يشرع في تكوين قوّة عسكرية ضاربة..ماذا هناك؟ ارتفاع وارد واسعار الذرة والسمسم بسوق القضارف قالت إنّها خرجت من آلية تحديد أسعار الوقود..الطاقة تكشف تفاصيل 20 باخرة في محيط البحر الأحمر عثمان ميرغني يكتب: فساد.. الفساد.. شراكة استراتيجية بين "الشباب والرياضة" و"الصناعة" لتمكين المبتكرين ودعم الإنتاج الشبابي السيسي للرئيس ترامب: لا أحد يمكنه وقف الحرب في المنطقة إلا أنت مصر.. الدولار يقترب من 54 جنيها لأول مرة وجبة سمك تُنهي حياة 3 سودانيين بالقاهرة وتتسبب في إصابة 4 آخرين بحالة تسمم غذائى حاد رئيس الوزراء يصدر قرارًا بشأن الرسوم الجديدة في المعابر محمد عبد الباسط يكتب: لهذا تحركت باكستان الآن للوساطة بين أمريكا وإيران الخليج الضحية الكبرى: إيران وجهت 83% من هجماتها إليه… و17% فقط إلى إسرائيل مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية ترامب يصدر أوامره ويكشف تطورات مثيرة مع إيران الأمن يداهم مخزن يبيع الوقود المهرب لعصابات التنقيب عن الذهب رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة الشيخ بن زومة.. إلى جنة الخلد قيم الهلال المتوارثة يجب أن تبقى أبد الدهر في زمن الضجيج.. القرآن بوصلة المعنى والسكينة د.مزمل أبو القاسم يكتب: دموع الباز.. وزاهر! (2) السودان.. الدفاع المدني يستعين ب"التوك توك" طفح جلدي في رقبة الرئيس ترمب يثير تساؤلات حول صحته صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

انتوا (رزاق) اشتكيتوه اشتكوا (مبوانا ساماتا) طوالي!!

كورة سودانية نشر في كورة سودانية يوم 05 - 10 - 2015

دق الدلجة
محمد عبد الماجد
انتوا (رزاق) اشتكيتوه اشتكوا (مبوانا ساماتا) طوالي!!
مريخابي بدون مناسبة كدا قال لي : (المريخ طار).
قلت ليه المريخ براهو – (امير كمال) ذاتو طار.
القهوة بردت ..قلت اسخنها شوية ..انتوا قايلين الكاردينال قاصد شنو
عندما اشار باصابع يده لي (التلاتة)؟.
واحدين بتشوبروا ليك زي (البامية المفروكة) في العشاء – قالوا لي قاصد
شنو عليك الله؟.
الواحد لو عاوز يسكت ما بتخلوه يسكت.
قلت ليهم قاصد امير كمال وكوفي وأحمد الباشا.
بلة جابر خلينا ليكم.
الحمدلله الكاردينال ما قال اربعة.
اقعدوا يا مريخاب احرسوا لي (سيخ) الجوهرة الزرقاء كدا – لمن تلقوا
(اولادكم) في الهلال.
قالوا ليك امس (امير كمال) وقت العصر كتر عليه …ولاعبو مازيمبي
يجدعوا في مصعب عمر وعلاءالدين يوسف ورمضان عجب زي (البنجر).. قالوا ليك
امير كمال اتلفت على ابوجريشة وقال ليه وين البودي قاردات؟ ..انتوا
الجماعة ديل جايبنهم يحرسونا في (الفندق) وإلّا في (الملعب)؟.
عليكم الله هسع مع عادل ابوجريشة وحاتم عبدالغفار المريخ دا محتاج ليه
لي (بودي قاردات).
في واحد زمان كان عامل لينا فيها (شجاع) – قال لينا انا بكتل الاسد.
قلنا ليه كيف؟.
قال لينا جيبوا لي (صبغة) – وخدروا لي (الاسد) وزحوا لي بعيد.
قلنا ليه وقت نخدرو ..(الصبغة) لزومها شنو؟.
حالف انا موضوع (البودي قاردات) دا تاني ما اخليه.
الطابق التاني عرفناه.
والطيارة الخاصة ذاتها ما قلنا فيها حاجة…(البودي قاردات) لي شنو لو
ما كلام فارغ ساكت؟ – ولعب عيال.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
اها كلامكم شنو؟…نحن كلامنا قلناهو.
حكاية البنت التى (طارت) عصافيرها لبشري الفاضل …تحكي قصة الهدف
الاول بدون قهوة.
ما تلخبطوا لينا.
الهدف الثاني (الطير المهاجر) عديل كدا.
اقعدوا يا جماعة عاوزين نشوف.
الهدف الثالث (انا يا طير محل ما تطير بشوفك)…ولو جابت ليها (لكلكة)
بنقلبها ليكم (الطير الخضاري).
كمان علي اللحو بغني ليك (الطير الخضاري) بي طريقة …تحلف تقول طار من
المربع الذهبي.
اول مرة اشوف لي (طير اصفر).
العلماء بقولوا ليك في الحتة دي ..يجوز مع الاكراه.
والله اعلم.
لو عاوزني افسر ليكم – يمين للصباح ما افككم.
امسككم من (جلطة) ايمن سعيد لي (تسخينة) عمر بخيت.
الغريبة – والحاجة الما قادر افهمها لغاية الآن – عمر بخيت دا من يقوم
يسخن ..مازيمبي بجيب ليه قون.
بيسخن ليه وقت انتوا عارفين الكلام دا.
يعني لو قام المعز محجوب ..السبعة ما كانت بتحلكم.
عمر بخيت في الخرطوم قام سخن ..دخل الملعب مازيمبي جاب قون.
قلنا (صدفة).
واحتمال.
و(ولو بهمسة) ذاتها.
في لميوباتشي الما هنا – عمر بخيت قام سخن ساكت ..مازيمبي جاب القون التاني.
دخل الملعب ..مازيمبي جاب القون الثالث.
اقنعوني ان الحاجات دي كلها تمت صدفة.
خلوني انا – انتوا مقتنعين.
يعني ما يسخن..وإلّا يدخل ليكم الملعب بي اسم مستعار.
نقسم ليكم الاهداف دي على (البودي قاردات) بتاعنكم.
كل تلاتة في هدف.
في واحد قال لي يا زول انت البودي قاردات ديل ما تكتب فيهم – انت
قايلهم (بلة جابر)…يمين يلموا فيك ..إلّا يلقطوك في نشرة تلاتة.
قلت ليه البودي قاردات ديل يحرسو (راغب علامة) ممكن.
عادي.
يحرسوا (ندي القلعة) ذاتها ..برضو ممكن.
ما فيها حاجة.
افراح عصام…منطقي.
لكن بودي قاردات يحرسوا (ضفر) والله ديل لا عندهم رأس ..ولا عندهم عضلات.
المضحك جابوا لينا صور (عضلات) البودي قاردات في الجرايد ..نحن قلنا
الليلة مازيمبي دا بيأخد اربعة (عضلات) ساكت.
اتاريها العضلات طلعت عضلات صور ساكت.
عضلات جرايد بس.
عضلات (عدس).
ديل بودي قاردات شنو البتأخدوا في وجودهم 3 / صفر.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
يتخيل لي من حيث المبدأ ان النتيجة التى خرج بها المريخ امس : (هي
منبثقة كدا في زوايا الداخل المشحون بالوجع).
وانبثقت.
وانكتمت.
وتولجت.
تولجت دي كلمة جديدة …ما في زول جابها ليكم قبل كدا.
وعندما (تقوقعت) جاء الهدف الثالث ..سرياليا هو مثل خيوط الفجر في بيداء الغفر.
علم والله.
ويتخيل لي كمان ان الهدف الثالث لمازيمبي فيه (نية) التسلل واضحة من
حيث المبدأ ايضا – لا نستطيع ان نقطع بذلك جزافا – لكن المادة 89 من
اللائحة القاطعنها من رأسكم بتقول كدا.
ديل (المثقفاتية) بعد المباراة قعدوا يحللوا في (النتيجة).
خلوا (الكمونية) ومسكوا ليك في (المريخ).
وريثما.
وكيفما.
وحيث اذا.
كلام الشعر داك وحدايق القصر.
تتخيلوا في زخف هذه الكلمات ممكن ينط ليك زول في العمود دا – عشان
يسألكم من (الرغيف).
في رغيف؟.
سؤال تقليدي ..يتعرض له العاملين في المخابز البلدية.
يعني المخابز دي تفتكروا ح يكون فيها (روفيناك).
شوفوا انا ما بقدر اعمل ليكم حاجة اكتر من كدا – ولا بقدر اخفف عليكم
(الصاقعة) الوقعت فيكم دا.
لكن لو بحتوا تحت – تحت يمكن تلقوا ليكم (اتحاد قضارف) في البطولة
الافريقية يطلع ليكم (تقرير).
تقرير (وهمي) كدا.
انتوا رزاق اشتكيتوا ما تشتكوا (مبوانا ساماتا).
لو اشتكيتوه اصلو ما في زول بيلومكم.
ولا بنقول حاجة (متعودة دائما).
التلاتة دي اتخارجوا منها بي (شكوى).
ان شاءالله شكوة ضرس.
شوف عيني دي ..البيأكلهم الدود (روجير أسالي) دا ضرب ليه (كلب) قبل
اربعة شهور امام ملعب تي بي مازيمبي.
ضربوا عديل كدا – شوف عين…ما (سمع اضان).
الكلام دا ما جاء في تقرير الحكم – جاء في عمود مزمل.
يكونوا بيفكروا ليهم في (جلكساية) كدا ..تطلعهم من الحتة دي.
رأيكم شنو..ترجعوا لي (مريخاب الجنوب) بي تلفون.. شوفوا قولهم شنو في
(شيباني تراوري) الزول دا من حيث المبدأ برضو – حبوبة امو قالوا من
(تنزانيا)..بينما ترجع جذور والدها الى اقليم (السند).
كمان ما بتعرفوا تكضبوا في البطولة الافريقية.
كلو كضب في كضب ..كضبوا تاني.
بي القانون وبي اللائحة..لو قدمتوا (شكوى) بتكسبوها – بس شرط يكون
عندكم زول زي (اسامة عطا المنان) في الاتحاد الافريقي.
ما شرط يكون عندو (وكالة سفر) – المهم يكون (اسامة عطا المنان) اخر.
وبعد كدا تموها جرايد.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
قالوا ليك في واحد غرق.
الغرق العديل دا فيه شيء.
غرق ..مالكم انتوا.
بعد اربعة ايام …في جماعة لقوا ليك الجثة في دارمالي.
طلعوها وجابوها لي اولياء الغريق.
اهل الغريق قالوا دا ما ولدنا – ولدنا كان شايل ليه لاب توب وتلفون
جلاكسي 5 ولابس ليه ساعة في يدو اليمين.
نحن ما حرقنا الولد ..نحن حارقنا (الجلاكسي).
في جماعة من حكماء القرية ..قالوا لي اهل الميت ..هي (روحه) راحت ..ما
يروح اللاب توب والجلاكسي والساعة.
انتوا بتتكلموا كيف؟.
اقول ليكم شيء.
الناس البقطعوا في (الكوكي) رأيهم شنو في (غارزيتو).
المباراة كلها متمحن وواضع يدو في حنكو ..تقول قاعد ليه في سينما.
يتفرج بس.
غارزيتو عندما كان المريخ مدافعا …ومحتاج فقط للمحاظفة على شباكه
…كان قاعد يتفرج ..زيو وزي اي زول.
لمن المريخ اتهزم واحتاج لهدف عشان يتأهل …اخرج المهاجم (ديديه) وادخل (ضفر).
قايل (ضفر) حظو كويس ..تضرب فيه وتدخل.
لمن مازيمبي جاب التاني ..طلع (كوفي) ..اللاعب الحريف وادخل عمر بخيت.
انت عاوز تدافع على شنو؟.
الشوط الاول بي ديديه وكوفي المريخ خرج متعادل.
وقت ادخل غارزيتو لاعبين ذو نزعة دفاعية ضفر وعمر بخيت ..المريخ اتغلب بالتلاتة.
أها قولكم شنو؟.
شابكننا تنظير ونقة في (الكوكي).
المباراة دي لو مسكتوها فنيا واحد من البودي قاردات – ما كان المريخ اتغلب تلاتة.
لكن تتخيلوا (البودي قاردات) برضو عملوا فايدة.
قالوا ليك كل ما حكم المباراة (إيريك أرنود أطوغو كاستان) يدور يحسب
ليه (ضربة جزاء) لمازيمبي يتذكر (البودي قاردات) بتاعين المريخ يتراجع من
قراره.
بالمناسبة الحكم دا اسمو مالو طويل كدا؟ ..تقول مدرسة مرحلة اساس.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
…………
و
الهلال عليه ان يرتب اوضاعه ..لبطولة الموسم القادم بتجسيلات مؤثرة وكبيرة.
يحتاج الكاردينال ان ينجح في ملف التسجيلات ليضع بصمة كبيرة في تاريخ
الهلال الى جانب الجوهرة الزرقاء.
التسجيلات ..التسجيلات ..التسجيلات يا الكاردينال.
الحافظ على ولاءالدين بالحراسة المشددة.
قالوا ليك …والكلام دا ما يطلع من العمود دا ..البودي قاردات بتاعين
المريخ كانوا حارسين (امير كمال).
لكن الكاردينال قال بي بودي قارداتكم ديل ..ح يسجل التلاتة.
العلاقة بين غارزيتو وكوفي وصلت لطريق مسدود.
افهموها بقأ.
……….
السيدة (ل)..حبوب فتح الشهية كلها فقدت تأثيرها – إلّا (شوفتك).
وقرّض على كدا.

انقر هنا لقراءة الخبر من مصدره.