سودارس : (عفريت) قالوا ليه المريخ عاوز الممتاز قال ليهم شوفوا (اسامة وسمير فضل)

الشرطة المجتمعية بولاية سنار تدشّن قافلة دعم تكايا رمضان بولاية الخرطوم سهير عبد الرحيم تكتب: مشاهداتي في جلسة مجلس السلم والأمن الأفريقي النتيجة تؤهل النيل لدوري النخبة مينارتى يواصل إنتصاراته.. يفوز على الوحدة بثلاثية ويعزز صدارته للمجموعة الأولى المريخ يبارك انتخاب رئيس إتحاد سيكافا وأعضاء اللجنة التنفيذية مريخ الممتاز يؤدي مرانه الختامي للقاء ملوك الشمال مساعد قائد الجيش يكشف عن فساد وزير كبير إبراهيم جابر ينفي خبر حل اللجنة العليا لتهيئة بيئة العودة إلى الخرطوم إبراهيم شقلاوي يكتب: مسرح ما بعد الحرب لدى يوسف عيدابي شاهد بالفيديو.. في مشهد مؤثر.. كابتن طائرة "سودانير" المتجهة إلى العاصمة الخرطوم ينهار بالبكاء أثناء مخاطبته الركاب الصحفية سهيرة عبد الرحيم: (شعرت للحظة أن وزير الخارجية المصري سيهتف داخل القاعة "جيش واحد، شعب واحد" من فرطٍ حماسه في الجلسة) شاهد بالفيديو.. والدة الفنان الراحل محمود عبد العزيز: (اتخذلت في هذا المطرب!! وكل من كانوا حول الحوت منافقون عدا واحد) وزارة المالية توقع إتفاق مع بنك التضامن الإسلامي لتقديم خدمة إيصالي شاهد بالفيديو.. على أنغام أغاني "الزنق".. لاعبو حي الوادي يحتفلون مع راعي الفريق ونائب رئيس إتحاد الكرة أسامة عطا المنان بمناسبة زواجه شاهد بالصورة.. اللاعب هاني مختار يتوشح بعلم السودان في جلسة التصوير الخاصة بناديه الأمريكي شاهد بالفيديو.. بتواضع كبير "البرهان" يقف بسيارته في الشارع العام ليشرب عصير من الفواكه قدمه له أحد المواطنين بدنقلا وزير الخارجية والتعاون الدولي يلتقي رئيس مفوضية الاتحاد الأفريقي شاهد بالفيديو.. فتاة سودانية تبهر راغب علامة وأنغام بعد ترديدها أغنية هدى عربي في برنامج مسابقات والسلطانة تدعمها وتحتفي بها وزارة الشباب والرياضة تواصل انفتاحها على الولايات ارتفاع في اسعار محصول الذرة واستقرار سعر السمسم بالقضارف أمس وفاة ثالث رضيع تناول حليبًا ملوّثًا بفرنسا مشروبات طبيعية تدعم مناعتك.. روشتة حمايتك من العدوى دراسة تربط طنين الأذن بالإنتاجية في العمل إلغاء رحلة قطار إلى الخرطوم..إليكم تفاصيل جوجل تسهّل إزالة المعلومات الشخصية والتزييف العميق من نتائج البحث "ميتا" تبني مركز بيانات بقيمة 10 مليارات دولار إضافة علامة تبويب الإعدادات بواجهة "واتساب" انطلاق دورة متخصصة لتطوير الأداء الرقمي برعاية وزير الشباب والرياضة كباشي يحيي صمود مواطني شرق النيل ويوجه بزيادة محولات الكهرباء ومكاتب السجل المدني بالمنطقة تطور حاسم بقضية "الاعتداء الجنسي" في منزل لامين يامال الإدارة العامة لشرطة تأمين التعدين تنفذ حملة منعية وكشفية لمكافحة التعدين العشوائي بولاية البحرالاحمر الإدارة العامة لشرطة تأمين التعدين تنفذ حملة منعية وكشفية لمكافحة التعدين العشوائي بولاية البحرالاحمر هيئة مياه الخرطوم: تحصيل فاتورة المياه لا يشمل القطاع السكني حتى الآن ارتفاع طفيف لأرباح زين السعودية إلى 604 ملايين في 2025 مسلسلات رمضان.. هل تقع أيتن عامر فى حب ياسر جلال فى مسلسل كلهم بيحبوا مودى الدولار يواصل التراجع أمام الجنيه فى منتصف تعاملات اليوم مسؤول سوداني يغادر إلى تركيا السودان.. وزير الشباب والرياضة يصدر قرارًا دوري أبطال أفريقيا يشتعل.. 3 أندية تتأهل رسميًا وصراع مفتوح على 5 بطاقات مجموعة الهلال السوداني.. صنداونز يقتنص التعادل ويبقي آمال التأهل في دوري الأبطال أفراد من الشرطة يلقون القبض على السائق الخاص بالقائد الميداني لمليشيا الدعم السريع "جلحة" داخل "ركشة" بحي بري هلال كوستي يدشن برامجه الثقافية بليلة ثقافية كبرى وتكريم رموز النادي والمجتمع شاهد بالفيديو.. سرقة محل مجوهرات بشارع الوادي بأم درمان وقيمة المسروقات تقدر ب(ترليون) جنيه محاولة أوكرانية جديدة لإفشال مفاوضات السلام بعيداً عن ارض المعركة رفض الزوج شراء سجائر لها فقتلته.. جريمة زوجة مصرية تثير الجدل حريق كبير في سوق شرق تشاد رسالة أخيرة في بريد الرئيس البرهان قبل تمرد الحركات المسلحة الدارفورية ترامب يحذر إيران: الوقت ينفد والهجوم القادم سيكون أشد مباحث الخرطوم تعلن توجيه ضربة موجعة لمافيا السيارات..إليكم التفاصيل تلفزيون السودان يستأنف البث المباشر من مقرّه الرئيسي وزير الصحة: التبغ عدو الحاضر والمستقبل و فاتورته الصحية تفوق عائداته الضريبية هل قتل السحر الأسود الإسرائيلي عبد الناصر؟.. كتاب جديد يكشف خفايا خطيرة في مصر سباق اختراق الضاحية باكورة بطولات الاتحاد العربي لألعاب القوى شركة اتصالات في السودان تعلن عن توقف خدمات "مَا حَرَّمَ إِسْرَائِيلُ عَلَى نَفْسِهِ"! أحمد الشاكر: انا أعجز عن شكر جميع الإخوة الأشقاء في المملكة العربية السعودية السودان..حصيلة صادمة بمرض شهير في ولايتين إسحق أحمد فضل الله يكتب: (حديث نفس...) "كرتي والكلاب".. ومأساة شعب!

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

(عفريت) قالوا ليه المريخ عاوز الممتاز قال ليهم شوفوا (اسامة وسمير فضل)

كورة سودانية نشر في كورة سودانية يوم 24 - 11 - 2015

دق الدلجة
محمد عبد الماجد
(عفريت) قالوا ليه المريخ عاوز الممتاز قال ليهم شوفوا (اسامة وسمير فضل)
زمان لمن جمال الوالي كان جديد في المريخ…زمن امير دامر وجندي نميري.
زمن مزمل ابوالقاسم بيضع صورة (السعودي) في عموده…هسع مفروض يضع صورة
(سمير فضل).
والله الزول دا قدم ليكم خدمة – فيصل العجب في عصره ما قدمها ليكم.
الزمن داك..
قبل (اللقيمات) ما تظهر بشكلها الحالي.
والله نحن الكورة من دخلتها (الزلابية) قنعنا منها.
الزمن داك…
فيها حاجة لو الواحد سرح شوية؟!!.
وقت كان هيثم مصطفى بقسمها في (النص) بي (علبة حلاوتها).
لو ما كنت متغدي كويس ما بتستحمل (التمريرة).
عيونك يبقن في نص ضهرك من الخلعة.
تلقى عيونك بدون ما تشعر يغمضن ويفتحن براهن.
زي شباك سنة رابعة.
هيثم مصطفى بيلعب ليك (التمريرة) ما بتعرف (الكورة) جاتك من وين؟.
زي كوز الليمون.
كوز الليمون دي فيه حاجة؟.
خلاص عشان ما نغلط – زي (صينية الغداء).
الغريبة (صينية الغداء) دائما بجيبوها بدون (ملاحة).
بس يعكروا ليك دمك.
حكمة الله – كورة هيثم تجيك من الاتجاهات الاربعة.
الباك بمشي على اتجاه.
حارس المرمي بمشي على اتجاه.
الليبرو بمشي على اتجاه.
والمهاجم بمشي على اتجاه.
والحكم بيجري على النص.
وناس مامون ابوشيبة تتخيلوا بعد الحالة دي كلها يطلعوا تاني يوم يقولوا
قون الهلال جاء من تسلل.
ومزمل يحتجب لظروف فنية.
وفيصل سيحة كمان بقول ليك تسلل واضح.
الزمن داك …
موسى الزومة يتم المباراة (صنقيع) في (الكشافات).
الزومة بعد المباراة يقولوا ليه انت (بشه) دا ما شفتو؟.
يقول ليهم قولوا شفتو – بشه كمان بتمسك!!.
يا زول بشه دا احسن ما تشوفو.
احسن تسمع بيه سمع.
بفوت فيك زي جرس الحصة الرابعة.
قالوا ليك موسى الزومة بعد قون بشه الذي كان سارح فيه شاهد المباراة
تاني يوم في التلفزيون.
المباراة كلها موسى الزومة يشتم في اللاعب رقم (3).
قال ليهم انتوا كتلكم اللاعب رقم (3) – الزول دا المباراة كلها سارح
تقول في حدايق الهيلتون.
صاحبكم ما عارف انو اللاعب رقم (3) هو موسى الزومة ذاتو.
انتوا بتذكروا في مباراة بايرن ميونخ …موش في الماني قال لي موسى
الزومة انت مجنون وقت موسى الزومة دخل في اللاعب بصورة همجية.
عمل ليه اصبعو في مخو (يعني انت مجنون بالالماني).
تذكروا؟؟؟.
انتوا عارفين الالماني دا قال لي موسى الزومة كدا ليه؟.
عشان قون بشه دا…ما عشان الدخله.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
الوقت داك – لمن كان الزول لو اتأخر على المباراة (7) دقائق..بيلقى
الهلال غالب تلاتة.
البوليس يقابلك في شُباك التذاكر ويقول ليك (التالت).
تخش الكورة ..لو الكوبري قافل ساكت ..بتلقى ناس والي الدين غالبين تلاتة.
وناس زاهر مركز ديل ناس حاتم محمد أحمد ما خلوا فيهم شيء.
حاتم بمشي على اتجاه.
ومحمد على اتجاه.
واحمد على اتجاه.
ولو عبدالاله بشري ظهر بمشي على اتجاه…وبشري بمشي على اتجاه.
المباراة كله تعقد تكوس ليهم زي (الشافع) في المولد.
الوقت داك جمال الوالي عمل اي شيء.
اي شيء تمر في رأسكم عملها جمال الوالي عشان المريخ يشيل الممتاز.
جاب على النونو من المتحف اليمني.
جاب النفطي.
وارغو.
رمزي صالح.
عصام الحضري جابوه من الاهرامات.
علاءالزهرة.
ما خلى ليه زول – وصل مع المصريين ديل لي ايمن سعيد.
والهلال برضو بشيل الممتاز.
لا حضري نفع.
ولا النفطي.
زولكم وقت فتر من الحاجات دي.
جاب مجاهد وطمبل وعلاءالدين بابكر وريتشارد وكلتشي والرشيد فيصل
والباشا وعبده جابر وتراوري وهيثم مصطفى وبكري المدينة.
جاب ريكاردو ..برانكو – غارزيتو.
ما خلى حاجة.
والهلال بي ناس الفاتح النقر ديل بيشيل الممتاز.
بي فداسي وبويا بنشيل الممتاز.
اخر حاجة جمال الوالي جاب (صلاح ادريس) ذاتو…برضو الهلال ما اتنازل
ليك من (الممتاز).
اها بعد كدا تفتكروا جمال الوالي يعمل شنو؟.
يقبل على ناس اسامة عطا المنان ديل طوالي.
مجدي شمس الدين ممكن يخرج ليك الحكاية ..ما في زول يفهم فيها اي حاجة.
المباراة تبقى (15) دقيقة …ولا بتحير.
ولا بتلفت.
ولا عندو قشة مرة.
ديل ما بتغلبهم شيء.
يطلعوا الشرطة اثناء الموسم.
ويجبوها في اخر مباراة.
على كيفهم.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
انتوا عارفين الموسم دا حصل شنو؟.
خلونا احكي ليكم الحكاية.
بس خلوني اشرب لي كباية شاي ..واحكي ليكم القصة.
القصة دي فيها حاجة؟؟.
لمن الفرق كان بين الهلال والمريخ (6) نقاط – قبل ان يصبح الفرق (9)
نقاط بعد خسارة المريخ امام الاهلي مدني لو جمال الوالي جاب ليه (21)
عفريت من النوع ابوكديس.
ابوكديس دي فيها حاجة؟؟.
لو جمال الوالي وعادل ابوجريشة وهمد (بتاع المطر) – قالوا للعارفيت ال
(21) ديل عاوزين المريخ يشيل (الممتاز) لهذا الموسم.
العفاريت بختو ايدهم في نص رأسهم.
وبقولوا ليهم الموضوع دا صعب علينا.
الموضوع دا مستحيل.
شوفوا ليكم حاجة تانية.
دوري ابطال اوروبا ممكن.
كاس العالم ..ممكن.
لكن الممتاز مع الهلال مستحيل.
الممتاز باقى ليه ثلاثة اسابيع – عفاريت الدنيا دي كلها لو اجتمعت ما
بتقدر تعمل حاجة.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
لكن قالوا ليك …الموضوع وقت اتشربك ..في واحد من المريخاب قال ليهم
في (عفاريت) هندية ..لو مشينا عليهم بيلقوا لينا حل.
بحلوها.
الهنود طبعا ممنوعين من الكورة عشان (العفاريت) ديل.
قالوا ليك الجماعة مشوا ليهم لي (عفريت) هندي ..كبير العفاريت في الهند
والدول المجاورة..
العفريت اسمو (تبتلو).
قالوا ليه يا (تبتلو) عاوزنك تشوف لينا حل.
العفريت (تبتلو) قال ليهم الممتاز دا إلّا تدخل جهات عليا…نحن برانا
ما بنقدر نعمل شيء.
الجماعة قالوا ليه جهات عليا اخطر منك.
تبتلو كتح ليه جردل موية…وقال ليهم جيبوا لي (روليت) الدوري.
جابوا ليه روليت الدوري.
تبتلو لقى ليك المريخ مغلوب اربعة مرات في الممتاز مرتين في ملعبه
ومرتين برة…الوقت داك مباراة الاهلي مدني كانت لسه.
تبتلو عاين لترتيب الهلال لقاهو هو الفريق الوحيد الذي لم يخسر.
وهو المتصدر للممتاز بفارق 6 نقاط ..الوقت داك قبل ان يصبح الفارق 9 نقاط.
تبتلو تاني وضع ايدو في رأسو ..وقال ليهم الموضوع دا اعفوني منو.
الموضوع دا صعب عديل كدا.
الجماعة كبوا ليه الجرسة قالوا ليه لو ما شفت لينا طريقة ..جمال الوالي ح يمشي.
ح يستقيل عديل كدا.
العفريت تبتلو قعد يضرب في حساباتو.
يطلع من الشجرة.
ينزل.
يطلع الجبل.
يرجع.
يلبس ليه نضارة نظر.
يطلعها.
وكل مرة يقول ليهم الموضوع دا اعفوني منو ..الممتاز باقى ليه تلاتة اسابيع.
كان تجوني بدري شوية قبل الفارق ما يصبح (6) نقاط.
الجماعة يقولوا ليه : اول نحن كنا قايلنو بيصل ل (6) نقاط.
وكلو مرة يضعو ليه حزمة قروش.
وتبتلو يحك رأسو.
يطلع الشجرة.
وتاني ينزل.
يقفل المروحة.
يقرش ليه (بصلة) مع البصل الغالي دا.
يا زول العفريت الهندي غلبتو عديل كدا.
اجتمع ليك مع 121 عفريت من جميع انحاء العالم عشان يشوفوا ليهم حل للحكاية دي.
ما لقى ليه حل.
اخر حاجة ..في واحد من العفاريت الحكيمة…قال لي العفريت تبتلو انا عندي حل.
7 ساعات مجتمع ليك مع تبتلو.
اخر شيء – تبتلو قال للجماعة – انتوا لو عاوزين (الممتاز) السنة دي
امشوا لي (اسامة عطا المنان) – انا اصلي ما عندي ليكم حل.
خلوا اسامة عطا المنان يشوف ليكم سمير فضل.
يشوف ازهري وداعة الله.
يشوف ليه اي لجنة.
بتصرف بس.
الجماعة قالوا للعفريت اسامة عطا المنان بحلها.
العفريت قال ليهم اسامة بحلها – ما بتغلبو.
اها دي فيها حاجة.
نحن ما كنا قايلين اسامة ممكن يعيد المباراة وممكن يعتبر المريخ فائز
..وممكن يخلي المباراة 15 دقيقة عشان المريخ يفوز بالممتاز.
ديل عملوا الما بتعملها العفاريت.
…………..
و
التسجيلات باقى ليها 6 ايام ..نتمنى ان تتكلل نجاحات غرفة تسجيلات الهلال.
اللاعب الذي هو في رأس فوزي المرضي ان شاءالله الخطوات تكتمل معه.
لاعب ما ساهل.
لكن حوله عقبات.
قولوا يا رب تتكلل المساعي.
وجود هذا اللاعب في كشف الهلال يعني ان تسجيلات الهلال هذا العام فوق المية.
الكاردينال شغال.
والبقصدو اشرف بيصل ليه.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
………….
السيدة (ل) – جدول اتنين الحافظو صر لمن اشوفك بطير من رأسي.
وقرّط على كدا.

انقر هنا لقراءة الخبر من مصدره.