هيثم صديق يانى الزمان البحكو بى والليلة عاد جنى القديم قام على .. المتجهجه الاممى .... نقطة الفاشر امس فلفلت ليك جرايد الهلال فلفلة التش للباكات وفلفلة الغربال للشباك ما لقبت الا -الحقيقة – فريقهم منتهى.. تاربخ الصلاحية بتاعتو فاتت.. بسمم بالطريقة دى .. نقطة الفاشر طلعت كل المستهبى .. محمد عبد الماجد قال قال لو مؤيد بقى باك يمين وبيبو باك شمال للمريخ تانى تشيليى ما بقيف قدامهم .. تصدقوا ولا قال ماشاء الله ... قفلوا نفسنا .. شتموافريقهم .. ما خلوا لينا حاجة .. شخصيا ما عافى ليهم .... نقطة البث وقناة الملاعب فاوت بالبث الحصرى .. امس قطعت والكورة فى قناة الهلال شغالة وقناة الهلال تهدد وفطومة تهدد بنشر الغسيل .. فطومة الايام دى شغالة فى الدماعة زى الود سيد الشغال فى لقطة اقلع والكل يصيح لالالا .... نقطة المفوضية السيد المفوض سكت المفوضية سكتت الطعون عالجوها ونشقت الجراح المريض خرجوه ... نزل الشغل المفوض مفروض يمرق بعد كده عادى .... نقطة الخرطوم الوطنى ناس الخرطوم الوطنى زعلانين شديد من مباراتهم القادمة ضد الدرون اى مباراة لاى فريق ضد الهلال محكومة بالتعادل العاوز نقطتين من الهلال الا فى الدورتين دى نقطة ولا شامة .... نقطة باسكال باسكال دا لو قعجوا معاه حساب عدييييل المريخ بكون طالبو وقعتو يوم مباراة النجم كلفت جماهير المريخ نصف مليار حبوب للجمهور واعثر فى البطولة العربية سمعتوا نكتة الزول البقول امسكوا العوض وخلوا التيس؟ باسكال الدفقو علينا اكتر من الدفقو الخصم قطر عجيب .... نقطة الاكياس ماعارف تانى اللر جيجى مدرب للهلال منو اى مدرب تمت الاستعانة به تدريب الهلال بقى زى التطعيم لازم تمد ايدك تاخد حقنة الباقى هيثم مصطفى بس ماطار كيسو والباقى كم مباراة ادوا السلام فرصة بس جنبوه كورة المريخ يقوم ينسى انه مدرب الهلال والغربال يجيب قون يقوم يسجد وناس معتصم محمود ما بنسوا السجدة ديك .. نقطة مبارة الغد ضد الفرسان ينبغى ان تكون مباراة الدورى نعم اهلى الخرطوم شرس لكن ذلك عندما يواجه فريقا عاديا المريخ السوبر هذه الايام خارق ممنوع الاقتراب والتصوير والاستيراد والتصدير والبيض والمحير .... نقطة ضعف كل مباراة لابد ان يطرد منها لاعب من الهلال باللكم المباشر فى وجوه اللاعبين بنية تحتية منتهية
