محمد عثمان بلل الوصيف السنة دي مفروض يجمد نشاطه البحصل في ديار الوصيف ما مؤشر جيد. الأمور لسه ما واضحه. هناك إحباط كبير وسط قاعدته الجماهيريه. كل الأندية حددت موقفها من بدري. تخطط لخطف مركز الوصافة. طبعا القمة معروفة تابعه لي وين. مستوي الوصيف في تراجع مستمر. بقية الأندية تسعي للظهور في دوري الأبطال. زهجت من الكونفدرالية. عايزه تجرب حظها في دوري الكبار برفقة سيدالبلد. الوصيف فقد أفضل لاعبيه بإحتراف السماني في ليبيا. ليبيا نفر. الممتاز السنة دي مولع عديل كدا. يمكن يتلعب في (فرن) كمان. قوة الممتاز ظهرت من التسجيلات. إلا تسجيلات الوصيف. في خوف غير عادي وسط جماهير العرضة جنوب. العجب المحترفين. كلو هين الخوف من الهبوط كمان. حالة صعبة خالص. عشان كدا قدمت ليكم النصيحة دي. أحسن تتجمدوا من بدري. دا دوري ما عندكم ليهو مستوي. أقول ليكم عن تسجيلات هلال التبلدي. ولا آرسنال شندي ولا ملوك الشمال. الناس دي جاهزيه مويه ونور. نهواه في كل الظروف وأي دمعة حزن لا. ديل بالذات لازم تكتروا منهم في الموسم الجديد. إستغلوا الأجواء الباردة في الأيام دي. وإتجمدوا. احسن ليكم. حالتي لسه ما إتكلمت عن سيدالبلد. عشان دا قصة تانية. لكن بس قصة المعسكر كل يوم في بلد ما معانا. (يااااخ نحن لمن جاتنا لفه رأس). يوم في دبي ويمكن نمشي القاهرة. وأحسن لينا كينيا. وتاني في بورتسودان. وأخير نواصل في أم درمان. يا أخوانا الرأس دا تعب معاكم. نرجع للوصيف الخفيف. مبروك البرتغالي قالوا وصل البلد. عقبال ما تلقوا ليكم رئيس. تعالوا بكرة بدري. (لحن قبل الختام) .. ياحسرة في قلبي الجريح مابان لي في دربك شعاع. كيفن بعد ريدة وحنان آخر المطاف يبقى الضياع. (صمت اخير) .. الهلال وبس.