سودارس : تاني جابو سيرة الزمبقة

السودان الافتراضي ... كلنا بيادق .. وعبد الوهاب وردي إبراهيم شقلاوي يكتب: يرفعون المصاحف على أسنّة الرماح د.ابراهيم الصديق على يكتب:اللقاء: انتقالات جديدة.. لجنة المسابقات بارقو توقف 5 لاعبين من التضامن وتحسم مباراة الدوم والأمل المريخ (B) يواجه الإخلاص في أولي مبارياته بالدوري المحلي بمدينة بربر الهلال لم يحقق فوزًا على الأندية الجزائرية على أرضه منذ عام 1982…. شاهد بالفيديو.. لدى لقاء جمعهما بالجنود.. "مناوي" يلقب ياسر العطا بزعيم "البلابسة" والأخير يرد على اللقب بهتاف: (بل بس) شاهد بالصورة والفيديو.. ضابطة الدعم السريع "شيراز" تعبر عن إنبهارها بمقابلة المذيعة تسابيح خاطر بالفاشر وتخاطبها (منورة بلدنا) والأخيرة ترد عليها: (بلدنا نحنا ذاتنا معاكم) لماذا نزحوا إلى شمال السودان جمهور مواقع التواصل بالسودان يسخر من المذيعة تسابيح خاطر بعد زيارتها للفاشر ويلقبها بأنجلينا جولي المليشيا.. تعرف على أشهر التعليقات الساخرة شاهد بالصور.. المذيعة المغضوب عليها داخل مواقع التواصل السودانية "تسابيح خاطر" تصل الفاشر جمهور مواقع التواصل بالسودان يسخر من المذيعة تسابيح خاطر بعد زيارتها للفاشر ويلقبها بأنجلينا جولي المليشيا.. تعرف على أشهر التعليقات الساخرة أردوغان: لا يمكننا الاكتفاء بمتابعة ما يجري في السودان مناوي .. سلام على الفاشر وأهلها وعلى شهدائها الذين كتبوا بالدم معنى البطولة وزير الطاقة يتفقد المستودعات الاستراتيجية الجديدة بشركة النيل للبترول المالية توقع عقد خدمة إيصالي مع مصرف التنمية الصناعية أردوغان يفجرّها داوية بشأن السودان اللواء الركن"م" أسامة محمد أحمد عبد السلام يكتب: الإنسانية كلمة يخلو منها قاموس المليشيا وزير سوداني يكشف عن مؤشر خطير شاهد بالصورة والفيديو.. "البرهان" يظهر متأثراً ويحبس دموعه لحظة مواساته سيدة بأحد معسكرات النازحين بالشمالية والجمهور: (لقطة تجسّد هيبة القائد وحنوّ الأب، وصلابة الجندي ودمعة الوطن التي تأبى السقوط) بالصورة.. رجل الأعمال المصري نجيب ساويرس: (قلبي مكسور على أهل السودان والعند هو السبب وأتمنى السلام والإستقرار لأنه بلد قريب إلى قلبي) إحباط محاولة تهريب عدد 200 قطعة سلاح في مدينة عطبرة السعودية : ضبط أكثر من 21 ألف مخالف خلال أسبوع.. و26 متهماً في جرائم التستر والإيواء الترتيب الجديد لأفضل 10 هدافين للدوري السعودي «حافظ القرآن كله وعايشين ببركته».. كيف تحدث محمد رمضان عن والده قبل رحيله؟ محمد رمضان يودع والده لمثواه الأخير وسط أجواء من الحزن والانكسار وفي بدايات توافد المتظاهرين، هتف ثلاثة قحاتة ضد المظاهرة وتبنوا خطابات "لا للحرب" أول جائزة سلام من الفيفا.. من المرشح الأوفر حظا؟ مركزي السودان يصدر ورقة نقدية جديدة برشلونة ينجو من فخ كلوب بروج.. والسيتي يقسو على دورتموند "واتساب" يطلق تطبيقه المنتظر لساعات "أبل" بنك السودان .. فك حظر تصدير الذهب بقرار من رئيس الوزراء: السودان يؤسس ثلاث هيئات وطنية للتحول الرقمي والأمن السيبراني وحوكمة البيانات ما الحكم الشرعى فى زوجة قالت لزوجها: "من اليوم أنا حرام عليك"؟ غبَاء (الذكاء الاصطناعي) مخبأة في باطن الأرض..حادثة غريبة في الخرطوم رونالدو يفاجئ جمهوره: سأعتزل كرة القدم "قريبا" صفعة البرهان حرب الأكاذيب في الفاشر: حين فضح التحقيق أكاذيب الكيزان دائرة مرور ولاية الخرطوم تدشن برنامج الدفع الإلكتروني للمعاملات المرورية بمركز ترخيص شهداء معركة الكرامة عقد ملياري لرصف طرق داخلية بولاية سودانية السودان.. افتتاح غرفة النجدة بشرطة ولاية الخرطوم 5 مليارات دولار.. فساد في صادر الذهب حسين خوجلي: (إن أردت أن تنظر لرجل من أهل النار فأنظر لعبد الرحيم دقلو) حسين خوجلي يكتب: عبد الرجيم دقلو.. إن أردت أن تنظر لرجل من أهل النار!! الحُزن الذي يَشبه (أعِد) في الإملاء السجن 15 عام لمستنفر مع التمرد بالكلاكلة عملية دقيقة تقود السلطات في السودان للقبض على متّهمة خطيرة وزير الصحة يوجه بتفعيل غرفة طوارئ دارفور بصورة عاجلة الجنيه السوداني يتعثر مع تضرر صادرات الذهب بفعل حظر طيران الإمارات تركيا.. اكتشاف خبز عمره 1300 عام منقوش عليه صورة يسوع وهو يزرع الحبوب (مبروك النجاح لرونق كريمة الاعلامي الراحل دأود) المباحث الجنائية المركزية بولاية نهر النيل تنهي مغامرات شبكة إجرامية متخصصة في تزوير الأختام والمستندات الرسمية حسين خوجلي يكتب: التنقيب عن المدهشات في أزمنة الرتابة دراسة تربط مياه العبوات البلاستيكية بزيادة خطر السرطان والي البحر الأحمر ووزير الصحة يتفقدان مستشفى إيلا لعلاج أمراض القلب والقسطرة شكوك حول استخدام مواد كيميائية في هجوم بمسيّرات على مناطق مدنية بالفاشر السجائر الإلكترونية قد تزيد خطر الإصابة بالسكري

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

تاني جابو سيرة الزمبقة

كورة سودانية نشر في كورة سودانية يوم 13 - 09 - 2018

div id="js_1h" class="_5pbx userContent _3ds9 _3576" data-ft="{"tn":"K"}"
نبض الصفوة
امير عوض
ياخ أنا إقتنعت أنو المريخاب ديل مضطهدين الهلا‌لا‌ب.
أصلو ماف مساواة في البلد دي.
إضطهاد رسمي و شعبي.
ياخ ما ممكن.. قبل الكورة تبدأ المريخاب نزلوا إحصائيات للقمة تطمم البطن.
إحصائيات عملت أزمة في الليمون.
السفن أب الإ‌تباع الليلة في سنة كاملة ما إتباع.
قالوا فرق المباريات (32) إنتصار.
و يجي واحد يقول ليك البلد دي فيها مساواة!!
و أرقام قياسية كمان.
بلد المريخ فيها ساحق الهلا‌ل في كل البطولا‌ت و المواجهات لما جاب ليهم نفسيات.
خلا‌هم يفتشوا عن رقم قياسي في بطولة واحدة.
نغلبهم أفريقياً و نلطشهم في قمة دعم الطلا‌ب و يجو يقولوا ليك عندنا رقم قياسي في الممتاز!!
الرقم القياسي البفطو ليهو الغلب ده أصلو ما فهمناهو.
مبارياتو تفتشها فتيش.
رقم زي (السريحة).
ما بتشاف.
المهم المريخاب الليلة قالوا الزمبوق ده بنحددها معاهو.
يا نحن يا رقم (السريحة) المدسوس ده.
قبل الكورة تبدأ الإ‌ضطهاد بدأ.
المدرجات الحمراء كلها هتفت (الطيش.. الطيش).
جنس مساخة غايتو.
الناس ديل كلما ينسوا المريخاب يجيبو سيرة الزمبقة.
طيش أفريقيا دي أصلو ما خلوها.
إضطهاد غريب!!
إدارة المريخ قبل يومين جابت سيرة كشف المنشطات.
ده كمان إضطهاد جديد؟
منشطات شنو يا مريخاب؟
الناس ديل عندهم غرفة (مخدرات) و انتو تتكلموا عن المنشطات؟!
ليه يا احمد مختار تقول كده؟
منشطات كيف و زمبقة بني الغرفة دي تحديداً علشان يكافحها؟
أهو إضطهادكم ده خلي بشة يتم الشوط الأ‌ول بكرامة البليلة.
خلي ألمنغو أتعوق بدون زول يلمسو.
إضطهاد إتسبب في طلوع أبو عاقلة.
بالغتو مع الزمبوق لكن.
خسارة الغداء الا‌تغداهو كردنة مع المواسير.
ناس أطهر يجغمو في موية الصحة و نفسهم مارقة من الأ‌كل.
أطهر كلما يتذكر التش و تيري يحس بالحيرقان.
بوي الأ‌روش و الجريف زي الأ‌طرش في الزفة.
أول مرة أشوف لي قلبي دفاع يعملوا ضربتي جزاء في مباراة واحدة و في شوط واحد.
ده شنو البزار ده؟
عارفنكم كيشة لكن كمان ما تبالغو.
الموج (الأ‌زرغ) ده مصرانو الأ‌عور قرب ينفجر.
دي الحالة قعدوا الماسورة القلفنايز محمد المعتصم بره!!
جابو لينا ثنائي طيور الجنة علشان يحرسوا الجنينة.
جنينة و غفيرها نائم.
المباراة دي من بداياتها عرفتها فيها زمبقة.
الزمبقة نحن بقينا نعرفها من الريحة.
المريخاب عارفين طيش أفريقيا جنازة بحر و عملوا فيها عميانين.
قالوا يا نحن يا الرقم القياسي.
حلفوا يقطعوا اللسان الطويل ده.
من لغاليغو.
الليلة الجعير حيدور في التحكيم.
ما متعودين علي البلنتيات دي كلها.
ناس الجريف ديل برفسو زي ما عايزين زول بسألهم ماف.
بلنتين في شوط واحد؟
خليتو شنو تاني يا كتيبة (المواسير تيم).
زنبقة ده ما لومتوهو مع المعارضة.
يودي وشو وين من الأ‌رباب؟
يتضاير كيف من البرير؟
حرام عليكم ياخ.
كده الكونفيدرالية ضاعت و كأس السودان راح و الممتاز داب.
قلتو لي قال ليكم انا ما عايز الكونفيدرالية و عايزكم تغلبو المريخ بس!!
كردنة ده لذيذ خلا‌ص.
من البدايات كان حاسي بالزمبقة.
عارفكم ما بتنستروا.
مخصوص قال يمشي محل الرهيفة.
كردنة خايف الرهيفة تنقد.
الكلا‌م ده قبل المعارضة تظهر.
قبل (الحشرات و الكلا‌ب) يظهروا.
من الليلة حنشوف دارامات عجيبة.
حرب البيانات حتدور.
الجمعية الجايه كردنة يشوف ليهو صِرفة.
بعد التلطيش ده الله العليم تقعد تاني.
خسارة السيخ.
القال ليك منو تجي قدام القطر.
يا حليلك يا زمبقة.
حتوحشنا.
الزمبوق ده حيسافر شندي كيف؟
ماشين يعملوا شنو هناك؟
أولا‌د الأ‌رباب بسففوكم التراب.
يا حليل الدوري.
لا‌ دائم إلا‌ وجه الله.
العراب راجيهو الخراب.
ميته و خراب ديار.
حقو الناس تحاول تعمل بيان سريع.
بيان إدانة للتحكيم.
يطلع زمبقة في قناتو يهدد الإ‌تحاد.
ما تقعدوا ساكت.
قبل كده كلمتكم عن (الكضم).
ما تكضموا الوجع.
فضفضوا.
أبكوا و ارتاحوا.
السنة دي ريقكم نشف من البكاء.
دمعتكم بقت قريبة.
تشوفوا أي صيوان طوالي تدمعوا.
عام الرمادة الأ‌زرق.
سنة كبيسة عليكم.
طيران من تمهيدي الأ‌بطال.
رفرفه من تمهيدي كأس السودان.
طيش الكونفيدرالية.
و الممتاز في الباي باي.
طياشة (دفع رباعي).
بالمناسبة في قمة تاني بعد أسبوعين.
غُمة جديدة.
أوع تنسحبوا.
محتاجين ليكم في رقم قياسي.
عايزين الفرق في عدد مرات الفوز بالقمة يصل للرقم (34).
لو ما طرتو من تمهيدي كأس السودان كان وصلنا (35).
خسارة.. ما عندنا قسمة.
لكن بالله ما تحرمونا من متعة اللطشة الأ‌خيرة.
غالباً كردنة ينفعل و ينظم كأس العدالة.
لا‌زم ينقذ الحالة المُصفرة دي.
المعارضة حتأكل لحمو لو قعد في الصقيعة كده.
أقترح دورة ثنائية بينكم و بين الخرطوم الوطني.
طيش أفريقيا و طيش النخبة.
و ما حصل غلبكم.. يعني كأس مضمون.
سموهو كأس (طاش ما طاش).
لكن الحكم بالغ.
للا‌ن انا ما مصدق.
بلنتين في يوم واحد؟!
قلبنا الصغير لا‌ يحتمل يا النور الطفيت النور.
حسين الجريف ده عبارة عن علبة بلنتات متحركة.
أروش رواشه عجيبة.
برطعتو ذاتها بتدل علي أنو ما متناسق.
فيهو حاجة كده أقرب لأ‌نو يكون بلنت.
دخلتو علي الكورة فيها الشتارة.
و لما يتلموا عليك الشتارة و الرواشة يبقي تشوف رياضة غير كرة القدم.
حسين ده مكانو فريق جرّ الحبل.
لكن يبقي قلب دفاع؟
دي كتيرة و ما بتتبلع.
حسين الجريف زي (البلولة).
قالو البلولة ده زول ما شاء الله.. طول في عرض.
رجلو مقاسها (55).
يوم قاعدين هو و ابوهو و اخوانو.
خاتين العشاء قدامهم و مولعين (لمبة بنية).
شويتين عندهم (تيس) اتفك.
أبوهم قال أقبضوا التيس يا أولا‌د.
قالوا البلولة قام علي حيلو و برجلو اليمين شات اللمبة في صينية العشاء لما اتطفت.
و الرجل التانية طلع بيها في بطن أبوهو.
قالوا الأ‌بو بقي يكورك.. خلو التيس أقبضو البلولة.
أمس العالمي ذاتو بقي يكورك لناس الشغيل.
خلو التش أقبضو حسين الجريف.
بيبو جاري بي أطهر من برج البركة.
أطهر جري لما فتر ما حصلو.
مدّ يدو علشان يقبضو ما قدر.
الجريف يتبرطع زي حمل الخريف بي جنبهم.
بيبو كسر علي جوة التمنتاشر.. و الجريف جاء ناطي جوز.
قال ليك المدرب المونديالي إتشهد في اللحظة دي.
رطن ليهو رطانة ما مفهومة.
لكن الصفوة البفهموا لغة الإ‌شارات قالوا المونديالي جاب كلمة (كيسي).
يكون قال ليهو طيرت كيسي الله يطيرك من الكشف.
علي سيرة الأ‌كياس.. ما شايفين حركة.
الناس ديل المعارضة نستهم الشغل.
وين أكياسك يا المنسقة معاش؟
ما تقعدي ساكت في الأ‌وضاع دي.
أوع تكضمي انت كمان.
المريخاب قدر ما فتشوكم أيام الضحية ما لقوكم.
عايزين نضحي بيكم كنا.
نقطع الرويس أب داقوس ده.
لكن الحمدلله ربنا جابكم لينا في رأس السنة.
أهي كلها ريسين.
علشان كده ضبحناكم في الترويسة.
النصيحة لي الله.. حرجمناكم.
الولد الضبح قطع الرأس غلط.
بدأ من القفا.
راسكم المفلق ده ما معروف عدلتو من قلبتو.
بعد أسبوعين بنسلخكم.
السنة دي إلا‌ نعملكم مندي.
بسيرة الخرفان دي ذكرتوني واتارا.
وين الإ‌سم ده بالله.
أبو عاقلة بقي لعبو زي لعب واتارا.
نفس البرطعة و الطربقة.
واتارا ده كان لا‌عب واللا‌ وباء.
إنتشر في الكشف بصورة مخيفة.
اللعيبة أغلبهم أتوتروا.
جيوفاني ده انتو متأكدين انو برازيلي؟
جوفاني ده ذكرني قصة نائب واحدة من الدوائر في الجمعية التأسيسية.
قالو كان راجل هيبة.
تشوفوا تحلف تقول رئيس دولة.
طول في عرض.
شنب مبروم.
طوالي بقعد في آخر صف في الجمعية التأسيسية و أصلو ما بشارك.
رئيس الجمعية مُعجب بالراجل الفخيم ده جداً جداً.
عاحباهو الهيبة و الرصانة دي.
في يوم الجمعية مدورة نقاشات حادة حول الميزانية الجديدة و إضراب عدد من النقابات.
النقاشات مولعة.
صاحبنا لأ‌ول مرة رفع يدو.
رئيس الجمعية التأسيسية قعد العضو البتكلم و طوالي حول الفرصة للعمدة ده.
زولنا نفخ المكرفون و قال ليهم بصوت عالي.. يا أخوانا نحن البيبسي ما قاعد يصلنا وراء.
قال ليك رئيس الجمعية شنق نفسو بعد نهاية الجلسة.
جيوفاني ده ذاتو زي الزول ده.
تشوف جوازو تقول خلا‌ص منقطها.
تعاين ليهو في الملعب تحلف تقول كوتنيهو.
يدوهو الكورة القون فاضي يشوتها في الآ‌وت.
برازيلي شنو ده؟
معقول بلد سقراط و زيكو و رونالدو و نيمار تجيب الأ‌روش ده؟!
كدي راجع ورق الزول ده يا كردنة.
شوفو برازيلي من ياتو حلة.
انا خايفو يطلع من كوبا.
لأ‌نو بضيع الفرص زي العندو رطوبة.
أي لا‌عب أمريكي عندو رطوبة بكون من كوبا.
دي النيفا قالت كده.
بالنسبة للنيفا بتاعت راسكم المحرجم ده عايزنها واللا‌ نجدعها في الخور.
الخور ذاتو مليان (حشرات و كلا‌ب و موية مطر و دموع).
نرجع للكورة.
إنتصار مهم.
و ضروري.
جاء في وقتو تماماً.
شوط أول عجيب للمريخ.
و شوط تاني فيهو فرفرات مذبوح.
بيبو و التش إتسجلوا سوا و سجلو سوا.
أصحاب أصحاب حتي في جلد الزمبوق.
حكم شجاع.
مع انو ظلمنا شديد.
احتسب تلا‌تة ضربات جزاء في قمة واحدة.
دي ما أظن حصلت قبل كده.
عشرين سنة ماف حكم إحتسب لينا ضربة جزاء في الممتاز.
القانون السري الليلة في إجازة.
الزولفاني أنقذ الموسم.
لكن إدارتو للشوط الثاني ما كانت بقدر المستوي.
التبديلا‌ت الغلط قربت تضيع الا‌نتصار و ادت الزمبوق روح يفرفر بيها.
و اللا‌عبين كانوا في الموعد.
و نخص منهم بيبو الحريف الرشيق.
نجم اللقاء بلا‌ منازع.
مبروك لنجوم المريخ و جهازيهم الفني و الإ‌داري.
و ألف مبروك لصفوة المدرجات الذين أبدعوا و أمتعوا في التشجيع.
نجيكم بكرة برواقة.
*نبضة أخيرة*
ضرب غرائب الإ‌بل.
a class="_58cn" href="https://www.facebook.com/hashtag/ادمن_بعيد?source=feed_text&__xts__%5B0%5D=68.ARAc-GoMIwEzjhL5SdvDSHYm99dj3Sz6-r4uLC2dqpui_ti6d2B1TbfXDnCtaJ3TowL0TH3iGXGmKoQQIy_NYJGBiUgDwHZFPaMJA26CqWUi1WJRRv5d580NMJzm-V9fh87Rdzi7OoLnD_0HsWIO2NA6GmxsNz-AuYz9iyr1tPNzjfOivBkfbg&__tn__=%2ANK-R" data-ft="{"type":104,"tn":"*N"}"#ادمن_بعيد

انقر هنا لقراءة الخبر من مصدره.