بابكر سلك درع يعترف به اليوناميد أضحك حد الثمالة الله يجازي محنك يا النعسان طلعت لينا كوميديا مبالغة مسرحية درع الفايبر درع يعترف به الفيفا (ماتضحكوا) درع يعترف به الاتحاد الأفريقي (أسي البضحك شنو) حتة فايبر يعترف بها الاتحاد العربي ( ماتضحك) والاتحاد الإماراتي الاتحاد التعاوني الاتحاد الأوروبي والاتحاد الأوروبي لكرة القدم واتحاد الكرة البحريني والإخوة في الاتحاد الإيراني واتحاد التضامن مع عائلة خاشقجي واتحاد عمال سكك حديد أفغانستان درع ما شال زيو ساماتا والأحسن من ساماتا درع يعترف به اليوناميد وتعترف به الأممالمتحدة ومنظمة العدل الدولية درع ما فضل ليهو إلا يسجل اعتراف قضائي الله يجازي محنك يا نعسان فتحت الحبن مرقت كل المحتقن مليتنا كوميديا يا نعسان من الليلة حا اسميك يا النعسان مكتشف الروائع والنجوم كوميديا انبهلت انبهال بالهبل والغريبة نجمها ما واحد نجومها كتاااار كلهم يرددون نفس النص وبقناعة كاملة فعلاً أحلامهم جزء من ماضينا البعييييد في مصر في مرجان واحد ولكن يظهر عندنا شعب مرجانية ضخمة ضحكتني يا نعسان المهم قرار مجلس المريخ بتجديد الثقة في الزولفاني قرار صائب فاذا كنا جميعاً نقر بأداء المريخ الرائع والقوي في مباراة الإمارات فلا يمكن أن يكون ذلك نتاج اجتهادات اللاعبين الخاصة لأن اجتهاد اللاعبين لا يعطيك الإحصائية التي تم تسجيلها لايعطيك سيطرة قريب ستين في المية ولايعطيك تسعة ركنيات مقابل واحدة ولا يحقق تلك الاحصائية وإن كان هذا الاداء مرده الى اجتهاد اللاعبين المدرب دايرين بيهو شنو اذا كان لاعبينا بجتهدوا قدر ده يمشي الزولفاني ومايجي غيرو نعتمد على اجتهاد اللاعبين البدينا سيطرة زي دي وعرض زي ده ايها الناس إحلال وإبدال الأجهزة الفنية المتواصل هو احد اسباب فقدنا لشخصية البطل اعطوا الجهاز الفني وقته الكافي ثم نحكم لكن بيني وبينكم ومع حراس مرمانا ديل نحتاج لمدرب حراس كبير جداً هذا مع احترامي للموجود ايها الناس أمامنا استحقاق البطولة العربية ويليه استحقاق البطولة الأفريقية والدوري على الأبواب ننشد الاستقرار والتماسك لأجل الكيان كفانا حروب فالحرب بالإضافة للخراب تولد مجرمي الحرب وديل خرابهم أكبر من خراب الحرب ذاتها أيها الناس الراحل جون قرنق أمر بوقف إطلاق النار عشان المريخ لاعب في كمبالا فهل نأمر بوقف الحرب عشان المريخ لاعب مع اتحاد الجزائر ولاعب أفريقياً؟ ولا مريخية الراحل قرنق درجة يصعب الوصول إليها؟؟ أيها الناس إن تنصروا الله ينصركم آها نجي لي شمارات والي الخرتوم كان شفت يا والينا دكاكين المولد حق ام درمان السنه دي من الحديد عملوها لينا يعني سلك كهربا يلامس الدكان الجمب بيت ابو العلا يا والينا الدكاكين الأخيرة تدخل المشرحة بي بناتها وحصينا الله يغطينا يا والينا سلك كهربا ننساك كيف والكلب قال السنة دي تمشوا المولد لما النور يقطع..مهما حصل ما مشكلة في الآخر بترجعوا حيين والي لقاء سلك
