السودان ومصر يوقعان بروتوكول مشترك لمكافحة بعوضة الجامبيا    شاهد بالصور.. السلطانة هدى عربي تخطف الأضواء بإطلالة مبهرة من حفلها الأخير بالرياض    أمجد فريد الطيب يكتب: حياة تجلت في وضوح المبادئ: وداعا فينك هايسوم    الخليج الضحية الكبرى: إيران وجهت 83% من هجماتها إليه… و17% فقط إلى إسرائيل    عثمان ميرغني يكتب: حرب السودان ومخطط شد الأطراف    منتخبنا يتدرب صباح الخميس بإستاد بورتسودان    قائمة صقور الجديان لوديتي السعودية    بعثة المنتخب تصل بورتسودان وسط إهتمام كبير    11 دقيقة إضافية من النوم ليلا تساعد فى الوقاية من النوبات القلبية    13 حزمة لغوية جديدة لترجمة محادثات "واتساب"    سناب شات" يحوّل الصور إلى فيديو بالذكاء الاصطناعي    بالصورة.. الصحفي السوداني الشهير حسين خوجلي يستعيد بصره وسط سعادة أصدقائه ومتابعيه: (عودة البصر لصاحب البصيرة والوان وحمدا لله على السلامة أبو ملاذ)    الباشا طبيق : السيطرة على الكرمك تعيد تشكيل الخريطة العسكرية في السودان    تعديل وزاري مرتقب في السودان يشمل ست حقائب وزارية    هل يكون محمد صلاح الصفقة الكبرى القادمة بالدوري الأمريكي بعد جريزمان؟    جلسة مع محمد صبحى في الزمالك.. اعرف السبب    استمرار محاولات الأهلي لإنهاء أزمة الشرط الجزائي مع توروب    كواليس صادمة... كيف تعطلت صفقة تسليح الجيش السوداني في اللحظات الأخيرة؟    يارا السكري تكشف لليوم السابع تفاصيل دورها فى فيلم صقر وكناريا    شاهد بالصورة.. فاتنة الإعلام السوداني تخطف الأضواء بأحدث إطلالة لها والجمهور يطيل الغزل في جمالها: (يا دووب كدة عيدنا)    باسم سمرة: الناس بقت تناديلى ب«زكى».. ونجاح عين سحرية توفيق من ربنا    ذكرى رحيل أحمد حلاوة.. ممثل جمع بين الهندسة والدكتوراه فى فلسفة الفنون    نصائح لوقاية مرضى حساسية الصدر من التقلبات الجوية والرياح    مشروبات تساعد على حرق الدهون بعد كحك العيد    اكتشاف مرض وراثي جديد يسبب الشيخوخة المبكرة والقصور الإدراكى    بالصور.. مدارس أبو ذر الكودة تلزم أسرة طالب بدفع غرامة قدرها 100 ألف جنيه بسبب كسره مفتاح مروحة بالفصل ومتابعون يتصدون للدفاع عن المؤسسة    شاهد بالصورة والفيديو.. في تقليعة جديدة.. شباب سودانيون يلطخون صديقهم العريس ووزيره ب"ظهر الصابون" و"البودرة"    الهلال يواجه ضغط المباريات في رواندا    مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية    كيف تفاعل النجوم مع خبر رحيل صلاح عن ليفربول؟    ضبط 2800 قندول بنقو بالجزيرة في عملية نوعية لمكافحة التهريب    ترامب يصدر أوامره ويكشف تطورات مثيرة مع إيران    طهران ترد على تهديدات ترمب    هل مخالفة ترامب خلل في الكون؟!    الأمن يداهم مخزن يبيع الوقود المهرب لعصابات التنقيب عن الذهب    تراجع معدّل التضخّم في السودان    بادي يصدر مرسوم تنظيم أعمال التعدين التقليدي وضبط آليات التعدين بالنيل الأزرق    رئيس الأهلي مدني وابنه يتعرضان لحادث مروع    المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة    شركة كهرباء السودان تحديث حول سير أعمال الصيانة الطارئة للشبكة القومية    توقّعات بارتفاع غير مسبوق في أسعار النفط    ضبط 238 كجم من "الآيس" وأسلحة بجانب نحاس بولاية البحر الاحمر    ضبط 238 كجم من "الآيس" وأسلحة بجانب نحاس بولاية البحر الاحمر    الشيخ بن زومة.. إلى جنة الخلد    أغلى علبة كعك في مصر تشعل مواقع التواصل    قيم الهلال المتوارثة يجب أن تبقى أبد الدهر    بنك السودان المركزي يصدر توجيهًا للمصارف    إبراهيم شقلاوي يكتب: الزراعة ما بعد اقتصاد الحرب    في زمن الضجيج.. القرآن بوصلة المعنى والسكينة    د.مزمل أبو القاسم يكتب: دموع الباز.. وزاهر! (2)    السودان.. الدفاع المدني يستعين ب"التوك توك"    طفح جلدي في رقبة الرئيس ترمب يثير تساؤلات حول صحته    ملتقي التحصين للعام 2025 ينعقد بحضور التحالف العالمي للقاحات والشركاء    صوت لا يغيب.. محمد رفعت ورحلة الآذان الخالد في رمضان    أجهزة الأمن السودانية تنهي مغامرات لص الصيدليات في عطبرة    شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم    شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم    السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



الهلال بقى يغلب (برة وجوة) زي جلابية (جناح ام جكو) عدلتها وقلبتها واحد!!
صابنها نشر في كورة سودانية يوم 24 - 12 - 2020


محمد عبدالماجد
الهلال بقى يغلب (برة وجوة) زي جلابية (جناح ام جكو) عدلتها وقلبتها واحد!!
كانوا قدر ما كلموني عن (البرد) ما صدقتهم.
لقيتهم لابسين (فنائل السقط) متل فتائل الريحة.
عيونهم متل (الجهال) ساعة تسميع القصيدة.
قالوا لي البرد نزل.
والكورونا رجعت تاني.
ما صدقت هذا الكلام إلّا لمن شفت (باكات) الاشانتي كوتوكو بتوقعوا امس زي (النبق) من شجرة السدر.
عليكم الله هسع (الكورونا) عند منو؟
ابعدوا سمؤال والطيب عبدالرازق وخلوا (باكات) الاشانتي يتوقعوا متل (السقط) النزل بي جنياتو.
سقط ينزل بي جنياتو دي ما لاقتني إلّا في حلتنا.
ناس حلتنا وقت المرقة تغلبهم بقولوا ليك شفت البرد النازل بي جنياتو؟
كنت قبل ذلك ما عارف ناس الاشانتي جابوا (كوتوكو) دي من وين؟
كنت فاكرها اسم ساي.
عدم موضوع يعني.
عدم الموضوع شنو؟
عدم الموضوع هو ان تفتح (المكيّف) في البرد دا.
او تلبس ليك فانلة سقط ...وهو ما في برد.
كوتوكو اتبهدلت جنس بهدلة امس.
فارس عبدالله فصل ال (كو) الاولى من ال (كو) التانية ، وعيد مقدم عمل ال (تو).
بس نزار حامد اتأخر.
الكورة دي لو كانت منقولة في قناة الهلال كانت جاءت.
ناس قناة الملاعب عندهم شوية (غتاتة) كدا.
في واحد تاني نط لي قال لي والله الكورة دي لو كانت منقولة في قناة الهلال هدف فيني كومبي كان حسبوه (تسلل).
اخير ناس قناة (الملاعب).
اول مرة اعرف ان وجع الرأس ممكن يروح بهدف فيني كومبي.
وان الفطير باللبن احلى من القراصة بالسمنة.
لو قعدتوا في الواطة وفتشتوا ليكم لقاح للكورونا من انتصار الهلال امس بتلقوه.
بس ما تضيقوا.
يمين نزار حامد لو جاب تمريرة عيد مقدم هدف – كان السودان استلم نصيبه من جرعات التطعيم ضد الكورونا.
لكن ما عندكم حظ.
الموضوع اتأخر شوية.
اتأخر لغاية الدقيقة 76.
الهلال دا لمن يكون كويس – البلد كلها بتكون كويسة.
انتصرنا.
رفعنا ليكم العقوبات.
انتصرنا.
شطبنا اسم السودان من قائمة الدول الراعية للارهاب.
انتصرنا.
الحصانة رجعت لينا.
الشغل دا ما شغل حمدوك.
الشغل دا شغل زوران.
شغل ارنق عديل كدا.
ما شاء الله.
اول مرة اشوف لي مدافع مهاجم الفريق الخصم في أي كورة مشتركة بعمل معاه (مخالفة).
سمحة المقدرة.
ما في احلى من الانتصار خارج الارض.
الانتصار برة القواعد عزة وهيبة وشموخ كدا.
حاجة فوق للتصور.
المريخاب ما بفهموها لينا ..عشان ما حصل جربوا الكلام دا.
نظرت الى نتائج الاندية الكبيرة التى لعبت امس في البطولات الافريقية وجدت مازيمبي الكنغولي غالب برة ارضه فريق بونغويدي الجابوني 2 / 1.
في زول فيكم سمع بهذا الاسم.
بونغويدي ..والله دا إلّا (قرض).
الاهلي المصري غالب خارج ارضه فريق سونيديب النيجري.
سونيديب.
انتوا بتجيبوا الاسماء دي من وين؟
هسع ناس الاهلي المصري فرحانين عشان غلبوا سونيديب.
غايتو لو ديل نحن الموضوع دا كنا بنموت بيه.
ولا بنجيب سيرتو.
سونيديب بتاع شنو؟
ماميلودي صن دوانز الجنوب افريقي فاز خارج ملعبه على جوانيغ غالاكسي 2 / صفر.
كمان جابت ليها جوانيغ.
اندية ما في زول سمع بيها.
اسماء الاندية التى لعبت امام الاهلي المصري وصن دوانز ومازيمبي متل اسماء المبيدات الحشرية.
مثل هذه الاندية لو لعب معها الهلال من الشوط الاول بخلي ريحتها طير ...طير.
الوداد المغربي مغلوب خارج ارضه من الملعب المالي 0 / 1.
ودا عشان الوداد لعب ليه امام نادي معروف.
والترجي متعادل خارج ارضه مع الاهلي بنغازي ..علما ان الاهلي لا يلعب في ليبيا نسبة لظروف بلادهم.
الهلال مع انه يلعب خارج ملعبه امام فريق كبير هو الاشانتي كوتوكو والذي سبق له ان حقق لقب البطولة الافريقية إلّا انه مع ذلك حقق الهلال الفوز على فريق الاشانتي والذي سبق ان تعادل معه الهلال على ملعبه في كوماسي الموسم قبل الماضي.
هذه الاشياء التى تحدث من الهلال هي من علامات الاندية الكبيرة.
البطولة قادمة ان شاء الله.
لن نتحدث عن هذا الموسم.
او الموسم القادم.
لأن كرة القدم لا تعرف ذلك القطع.
لكن بالفم المليان بنقول عندنا فريق كبير.
فريق محترم.
ان شاء الله مازيمبي والاهلي المصري والترجي التونسي يقعوا معانا في مجموعة واحدة.
جادي أنا في الكلام دا.
بثقة كبيرة نقول ان الهلال اكتسب ملامح الاندية الكبيرة وان اسم الهلال لوحده اصبح يبث الرعب والخوف والهلع في نفوس لاعبي الاندية التى يواجهه الهلال.
في ملعب الهلال.
او خارج ملعبه.
عندنا الموضوع بقى واحد.
بقت ما فارقة معانا خارج الارض او داخل الارض.
كله سوف ينضرب بالسم الهاري الهلالي.
بنضرب من طرف.
في بداية الشوط الاول.
او في اخر الشوط التاني.
بنلعب بنفس واحد.
وروح واحدة.
مستوى الهلال بقى ثابت بالداخل والخارج.
ما بتعرف مباراة الذهاب من مباراة الاياب.
كله عند الهلال (صابون).
حدثت تلك الانتصارات من الهلال حتى قبل ان تلعب المباريات بدون جمهور بسبب جائحة كورونا.
للهلال سجل مشرف في هذا الجانب منذ ان فاز على الاهلي المصري في ملعب الكلية الحربية قبل 15 او 16 سنة..بهدف ريتشارد جاستين الشهير.
وفزنا على مازيمبي في ملعبه.
يمضى الهلال الآن نحو سجل متميز وذلك بعد ان حقق الازرق العاتي اربع انتصارات (متتالية) خارج الارض في اخر مباريات الهلال الافريقية في البطولة الافريقية الكبرى.
نتحدث عن انتصارات خارج الارض (متتالية).
بدأت من النجم التونسي.
ولن تقيف ان شاء الله عند الاشانتي.
الهلال واصل امس بفضل الله وحمده سلسلة الانتصارات خارج الارض بالفوز الرابع تواليا خارج ملعبه في ابطال افريقيا ، فقد بدأت سلسلة هذا التوالي من الفوز على الفريق الكبير (النجم الساحلي) ، ثم انتصر في مباراة صعبة على فريق بلاتينيوم الزمبابوي ، وجاء هذا الموسم لينتصر على فريق شرس كان قد ابعد المريخ في الموسم قبل الماضي من التمهيدي وهو فريق فايبرز اليوغندي ، ليحقق الهلال انتصارا غاليا امس في العاصمة الغانية اكرا على فريق (الاشانتي) ليضرب الهلال كبار افريقيا وصغارها داخل الارض وخارجها.
جوة نغلب...قالوا (المقبرة) ، وقالوا الهلال عامل ليه عمل في ملعبه.
نغلب برة..تقولوا شنو؟
في درجة رطوبة عالية.
في ظلم تحكيم.
في ظروف صعبة.
في كورونا.
بدون كورونا.
برضو بنغلب.
مباراة الذهاب والاياب عند الهلال بقت زي جلابية الانصار (ام جكو) – عدلتها وقلبتها واحد.
تلبس من الاتجاهين.
والهلال بحمد الله وفضله اصبح ينتصر جوة الارض وبرة الارض.
ولا بنسأل في التحكيم.
ولا بنقيف عند كورونا.
تجاوزنا شماعات التحكيم والارهاق وضغط المباريات وسوء ارضية الملعب.
تجاوزنا (كورونا) ذاتها.
أي حداشر يلعبوا ما عندنا مشكلة.
يطلع السمؤال ميرغني يدخل مؤيد عبادين يؤدي زي ما بقول الكاتب.
يشارك محمد احمد ارنق الذي كان يلعب في (التمهيدي) ويقدم هذا المستوى الكبير – ايضا ما عندنا مشكلة.
يطلع الغربال.
يدخل الضي.
واحد.
ولسه عندنا حاجات تانية حامياني.
عندنا جمال سالم ووضاح وابوجا ومجاهد فاروق وصلاح عادل في الكنبة.
عندنا في الخرطوم استفين زوي وكديابا وسليم برشاوي.
عندنا برة الكشف الدالي وياسر مزمل.
وبنغلب برة وجوة.
ولا بنسأل في زول.
في زول عندو رأي في جناح ام جكو.
نحمد الله.
ونشكر فضله.
متاريس
كنا نضع امال كبيرة على الغربال ..لو لم يتعرض لاصابة ويخرج مبكرا.
الغربال كان سوف يفعل الكثير.
لكن غانا كلها كانت مركزة مع الغربال.
ان شاءالله الغربال يكون جاهز لمباراة العودة.
وكفارة.
وسلامتك يا كابتن.
المريخ حقق انتصار كبير على انيمبا ووضع قدم في المجموعات.
مبروك للمريخ.
هلال الابيض خسر بهدفين ..وان شاءالله يأتي هلال التبلدي ويعوض في مباراة العودة.
كذلك نتمنى ان يعود الامل من خارج البلاد بفوز يؤهله للمرحلة القادمة.
ما بعيدة عن الامل.
وهلال الابيض قادر على قلب الطاولة على منافسه.
ان شاءالله ما في مشكلة.
ابوعاقلة قدم مباراة كبيرة.
وابوعشرين ..يمنح الثقة للجميع.
والشغيل يكفي انه الشغيل.
نزار رغم انه اضاع فرص سهلة لكن قدم مباراة جيدة.
محمد موسى كان يمكن ان يحسم المباراة.
الهلال في البطولة الافريقية يحقق في سجل – لا يحققه غيره.
تبقى فقط الفوز بالبطولة.
وهذا سوف يحدث ان شاءالله.
انتوا اجتهدوا.
واعملوا العليكم.
تاني أي حاجة ملحوقة.
هلال الساحل قدم للهلال كنز اسمه (ارنق).
وهلال الابيض قدم للهلال كنز اخر اسمه (وضاح).
الجماعة ديل اصلو ما قصروا معانا.
والاهلي شندي طبعا ..فريقنا ...واي لاعب يأتي منه للهلال يحقق النجاح.
عيد مقدم (دنيا) براهو.
الكنغولي دا لو فتح ما في زول بيلحقو.
والغربال عزوته كبيرة في المرحلة القادمة.
مؤيد عابدين لم يهاب التجربة.
وفارس عبدالله كان من نجوم المباراة.
............
ترس اخير : الناس ديل اكرا وام درمان عندهم واحد.

انقر هنا لقراءة الخبر من مصدره.