القوز يقرر السفر إلى دنقلا ومواصلة المشوار    لاعب منتخب السودان يتخوّف من فشل منظومة ويتمسّك بالخيار الوحيد    الدب.. حميدتي لعبة الوداعة والمكر    ⛔ قبل أن تحضر الفيديو أريد منك تقرأ هذا الكلام وتفكر فيه    إلي اين نسير    منشآت المريخ..!    كيف واجه القطاع المصرفي في السودان تحديات الحرب خلال 2025    صلوحة: إذا استشهد معاوية فإن السودان سينجب كل يوم ألف معاوية    إبراهيم شقلاوي يكتب: وحدة السدود تعيد الدولة إلى سؤال التنمية المؤجَّل    كامل إدريس في نيويورك ... عندما يتفوق الشكل ع المحتوى    مباحث قسم الصناعات تنهي نشاط شبكة النصب والاحتيال عبر إستخدام تطبيق بنكك المزيف    عقار: لا تفاوض ولا هدنة مع مغتصب والسلام العادل سيتحقق عبر رؤية شعب السودان وحكومته    إجتماع بسفارة السودان بالمغرب لدعم المنتخب الوطني في بطولة الأمم الإفريقية    بولس : توافق سعودي أمريكي للعمل علي إنهاء الحرب في السودان    البرهان وأردوغان يجريان مباحثات مشتركة    شاهد بالفيديو.. الفنانة ميادة قمر الدين تعبر عن إعجابها بعريس رقص في حفل أحيته على طريقة "العرضة": (العريس الفرفوش سمح.. العرضة سمحة وعواليق نخليها والرجفة نخليها)    شاهد بالفيديو.. أسرة الطالب الذي رقص أمام معلمه تقدم إعتذار رسمي للشعب السوداني: (مراهق ولم نقصر في واجبنا تجاهه وما قام به ساتي غير مرضي)    بالصورة.. مدير أعمال الفنانة إيمان الشريف يرد على أخبار خلافه مع المطربة وإنفصاله عنها    وحدة السدود تعيد الدولة إلى سؤال التنمية المؤجَّل    تراجع أسعار الذهب عقب موجة ارتفاع قياسية    عثمان ميرغني يكتب: لماذا أثارت المبادرة السودانية الجدل؟    ياسر محجوب الحسين يكتب: الإعلام الأميركي وحماية الدعم السريع    محرز يسجل أسرع هدف في كأس أفريقيا    شاهد بالصور.. أسطورة ريال مدريد يتابع مباراة المنتخبين السوداني والجزائري.. تعرف على الأسباب!!    وزير الداخلية التركي يكشف تفاصيل اختفاء طائرة رئيس أركان الجيش الليبي    "سر صحي" في حبات التمر لا يظهر سريعا.. تعرف عليه    والي الخرطوم: عودة المؤسسات الاتحادية خطوة مهمة تعكس تحسن الأوضاع الأمنية والخدمية بالعاصمة    فيديو يثير الجدل في السودان    إسحق أحمد فضل الله يكتب: كسلا 2    ولاية الجزيرة تبحث تمليك الجمعيات التعاونية الزراعية طلمبات ري تعمل بنظام الطاقة الشمسية    شرطة ولاية نهر النيل تضبط كمية من المخدرات في عمليتين نوعيتين    الكابلي ووردي.. نفس الزول!!    حسين خوجلي يكتب: الكاميرا الجارحة    احذر من الاستحمام بالماء البارد.. فقد يرفع ضغط الدم لديك فجأة    استقالة مدير بنك شهير في السودان بعد أيام من تعيينه    كيف تكيف مستهلكو القهوة بالعالم مع موجة الغلاء؟    4 فواكه مجففة تقوي المناعة في الشتاء    اكتشاف هجوم احتيالي يخترق حسابك على "واتسآب" دون أن تشعر    رحيل الفنانة المصرية سمية الألفي عن 72 عاما    قبور مرعبة وخطيرة!    شاهد بالصورة.. "كنت بضاريهم من الناس خائفة عليهم من العين".. وزيرة القراية السودانية وحسناء الإعلام "تغريد الخواض" تفاجئ متابعيها ببناتها والجمهور: (أول مرة نعرف إنك كنتي متزوجة)    حملة مشتركة ببحري الكبرى تسفر عن توقيف (216) أجنبي وتسليمهم لإدارة مراقبة الأجانب    عزمي عبد الرازق يكتب: عودة لنظام (ACD).. محاولة اختراق السودان مستمرة!    ضبط أخطر تجار الحشيش وبحوزته كمية كبيرة من البنقو    البرهان يصل الرياض    ترامب يعلن: الجيش الأمريكي سيبدأ بشن غارات على الأراضي الفنزويلية    قوات الجمارك بكسلا تحبط تهريب (10) آلاف حبة كبتاجون    مسيّرتان انتحاريتان للميليشيا في الخرطوم والقبض على المتّهمين    إسحق أحمد فضل الله يكتب: (حديث نفس...)    مياه الخرطوم تكشف تفاصيل بشأن محطة سوبا وتنويه للمواطنين    الصحة الاتحادية تُشدد الرقابة بمطار بورتسودان لمواجهة خطر ماربورغ القادم من إثيوبيا    مقترح برلماني بريطاني: توفير مسار آمن لدخول السودانيين إلى بريطانيا بسهولة    الشتاء واكتئاب حواء الموسمي    عثمان ميرغني يكتب: تصريحات ترامب المفاجئة ..    "كرتي والكلاب".. ومأساة شعب!    ما الحكم الشرعى فى زوجة قالت لزوجها: "من اليوم أنا حرام عليك"؟    حسين خوجلي: (إن أردت أن تنظر لرجل من أهل النار فأنظر لعبد الرحيم دقلو)    حسين خوجلي يكتب: عبد الرجيم دقلو.. إن أردت أن تنظر لرجل من أهل النار!!    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



بدأت تنقط ..شكلها ح تمطر!!
صابنها نشر في كورة سودانية يوم 28 - 12 - 2020


محمد عبد الماجد
بدأت تنقط ..شكلها ح تمطر!!
عندنا صاحبنا اسمه (التنين ود حسن) ، كنا وقت يكون عندنا امتحان (فيزياء) ، والناس كلها قاعدة تذاكر في (الفيزياء) ، بكون هو قاعد يذاكر في (الجغرافيا).
ابوه بقول ليه : يا التنين مالك قاعد تذاكر في (الجغرافيا) وانت بكرة عندك امتحان فيزياء؟
التنين بقول ليه : يا ابوي والله دي الشيء البقدر عليها!! احسن من اقعد ساي.
التنين يقعد يفرم ليك في (الخرائط) دي زي (العدسي).
رغم اني على قناعة تامة انو ما في علاقة بين فرم الخرائط والعدسي.
لكن اعمل شنو؟
وقت يجيبوا لينا (الشاي) في المذاكرة – الناس كلها بتشرب في (شاي اللبن) ...إلّا التنين ود حسن ..ابوه بقول ليه والله (الجغرافيا) البتذاكر فيها دي ما عاوزة اكتر من الشاي السادة.
شاي اللبن خسارة فيها.
شاي لبن في شنو؟
صاحبنا التكيم ود سعد كان عندو صالون – قاعد ساي.
شبابيكو برة الحيطة.
والحيطة برة الصالون.
ولو عاوز تشغل (المروحة) في الصالون إلّا تثبت (الباب) بي ايدك ..عشان ما يجي واقع فيك.
التكيم ود سعد كان وقت يشوف السماء شايل – بقول الليلة الله يستر على صالوني.
التكيم يقعد يحرس في الصالون متل (حكم الراية).
يخش ويطلع تقول حارس ليه (جنازة).
اول ما تبدأ تنقط ...(السقف) بتاع الصالون بيجي نازل.
مرات قبل ما تنقط – السقف لو سمع النشرة الجوية ساكت ..بجي واقع.
سقف قاعد ساي.
اها عشان ما امشي ليكم بعيد – بدأت تنقط.
وشكلها كدا ح تمطر.
ح تجيب ليها (مطرة) تقيلة.
والناس ديل صالونهم ما بستحمل الكلام دا.
معقولة من الاسبوع الاول.
الخريف لسه ما بدأ.
الصالون جاء نازل.
تمبش اول مباراة افريقية سجل هدف عكسي في مرماه.
تمبش اول مباراة محلية طردوه.
دا زي السيرة البتجي بي قلاب تراب.
الله يستر.
الخريف السنة دي ظاهر عليه صعب .
ولسه (المطر) قدام.
مرة قاعدين نلعب كوشتينة.
التكيم ود سعد من الجرة التانية قال قفل.
التكيم ود سعد عامل فيها (حريف).
وحافظ الكوتشينة.
يقعد يسمع ليك قوانين الكوتشينة قانون قانون.
التكيم ود سعد فكوا ليه سبعة اسود.
ما فتح.
فكوا ليه تسعة هارتي.
ما فتح.
فكوا ليه ولد دينار.
ما فتح.
شايب شيرية.
ما فتح.
خمسة اسود.
ما فتح.
دو اسود.
ما فتح.
دو هارتي.
ما فتح.
عندنا صاحبنا وقت فكوا ليه كل هذه الاوراق وما فتح – عاين ليه سمح وقال ليه يا التكيم ود سعد انت بعد كدا إلّا تمشي (كاس).
إلا تمشي المحكمة الرياضية.
ما اظن عندك فتوح معانا.
والله بي حالتك دي لو قعدت للصباح ما تفتح.
انت يا زول قافل على شنو؟
التكيم ود سعد قال لينا قافل على (صينية باسطة) – والتكيم كان بحب الباسطة وبموت فيها.
لو شاف ليه (بسبوسة) ساكت ..ريقو بيجري.
ناس المريخ اتكلوا على (نجيلة) استاد الهلال.
افتكروا (النجيلة) ح تفتح معاهم طوالي.
الجماعة ديل ما عارفين (نجيلة) استاد الهلال عندها شوية (غتاتة).
في المباريات الخارجية معاكم.
النجيلة ما بتغاتت عليكم.
لكن في المباريات المحلية ...النجيلة بتلعب لصالح اسيادها.
مالنا ومالكم؟
شوفوا استادكم وين؟
عاوزين تتعودوا على الموية الباردة.
والنجيلة الناعمة.
النجيلة وقت عرفت الموضوع فيه منافسة مع الهلال ، عادت الى اصولها.
عاوزنها تعمل ليكم شنو في الحالة دي.
بعدين انتوا يا ناس المريخ مفروض تكونوا عارفين.
الموضوع ما لدرجة انكم تجيبوا مازن محمدين.
وعبدالكريم عبدالرحمن.
الموضوع كدا ما بمشي.
النجيلة مع ديل تعمل ليكم شنو؟
تجيب ليكم قون.
وقت بدأت تنقط من الاسبوع الاول ونحن في فصل الشتاء ...اعملوا حسابكم.
الفرق يمكن السنة دي يكون 18 نقطة.
32 نقطة.
الحمدلله نحن كنا خايفين الدوري يكون بنظام المجموعتين.
اصلو انتوا اتعودتوا على كدا.
بقيتوا تأخدوا راحتكم على نظام المجموعتين.
شلتوا الدوري سلفقة ساكت.
المرة دي الدوري دوري.
دوري عديل.
عشان كدا اقنعوا منه.
زمان المريخ دا كان في المباريات الاولى بفقد نقاط كتيرة في الاسابيع الاول.
وكان الموضوع ما فارق معاه.
عشان الحسابة بتشتغل بعد دوري النخبة.
الآن ما في كلام دي.
بعدين نحن هلال كادوقلي دا ما حذرناكم منو؟
قلنا ليكم هلال الجبال عمل ليه فريق خطير.
وعشان نوصل ليكم الرسالة – قلنا ليكم هلال كادوقلي اتعادل مع الهلال في مباراة ودية.
وبرضو ما فهمتوا الرسالة.
وما عرفتو حاجة.
هسع ان شاء الله الرسالة تكون وقعت ليكم.
ان شاءالله تكونوا فهمتوا حاجة.
ان شاءالله يكون الموضوع وقع ليكم.
بدأت تنقط.
وشكلها كدا ح تمطر.
ح تجيب ليها مطرة.
...........
متاريس
على بركة الله ...يبدأ الهلال اليوم مباريات في الدوري الممتاز النسخة 26.
عاوزين جدية.
عاوزين احترام للخصم.
وما عاوزين تفريط في أي نقطة.
احسموا لينا الدوري من الاسبوع الخامس.
عليكم ان تعلموا ان الهلال فقد الدوري لاسباب خارجية ثلاث مرات على التوالي.
ونحن ما بنقبل الكلام دا.
عاوزين الهلال يحقق ارقام جديدة ان شاءالله في الدوري الممتاز.
عاوزين تعويض من بدري.
نحن في انتظار ارقام قياسية جديدة.
الليلة عليكم ان تلعبوا امام حي العرب بجدية ومسؤولية.
ما عاوزين استهتار.
عاوزين جدية من اول مباراة.
اعملوا حساب لاي فريق.
كل الاندية بقى عندها عنصر المفاجأة.
الكورة ما مضمونة.
احسموا من بدري.
اعملوا حساب لائحة الدوري الممتاز.
ما تعطوا أي فرصة للشكاوي.
فريق حي العرب في الموسم الماضي عملها ليكم كلها شكاوي.
السنة دي ما تعطوه فرصة.
نحن ما فاضيين للشكاوي.
ولا عندنا وقت ليها.
عاوزين نحسم الداخلي من بدري.
عشان نتفرغ للخارجي.
عندنا حاجات كتيرة في هذا الموسم.
المريخ اكيد امس افتقد رمضان عجب.
رمضان عجب مباريات زي دي كان بحسمها.
المريخ السنة دي حالتو عجيبة.
عندو بكري المدينة موقوف.
ورمضان والرشيد عندهم مشكلة.
والفيفا قاعدة.
وكاس في الانتظار.
المريخ بهذه الصورة يمكن ان يجعل الفرق بينه وبين الهلال ان شاءالله 32 نقطة لصالح الهلال.
بس عاوزين ناس الهلال يلعبو كورتهم.
ويحسموا لينا أي مباراة من بدري.
في الموسم الماضي الهلال فرط في مباريات سهلة.
وجيبنا في نهاية الموسم فقدنا الدوري.
الفارق كان 5 نقاط لصالح الهلال.
مع ذلك الهلال فرط في الجولات الاخيرة.
الموسم الماضي الهلال ما كان عنده فريق.
لكن السنة دي عندنا أي حاجة.
فريق.
وادارة.
وجهاز فني.
يبقى بس ح يفقد الهلال الجمهور.
جمهور الهلال يفترض ان يدعم فريقه في مواقع التواصل الاجتماعي.
بقى ما في طريقة للمدرجات.
الدعم والمساندة بقت في المدرجات.
عشان كدا ما تقصروا مع فريقكم.
ادعموا الهلال.
عشان نمشي لي قدام.
وما نقي فتاني.
بالتوفيق لهلال الملايين.
وخطوة مباركة ان شاءالله.
وبداية موافقة.
يلا.
قولوا باسم الله نبدأ.
.......
ترس اخير : ما تعيانوا وراكم.

انقر هنا لقراءة الخبر من مصدره.