قالت إنّها خرجت من آلية تحديد أسعار الوقود..الطاقة تكشف تفاصيل 20 باخرة في محيط البحر الأحمر    شاهد بالفيديو.. داخل حرم إحدى المدارس.. والي النيل الأبيض ينفعل على وزير التربية والتعليم ويحظى بإشادة الجمهور: (لن أذهب حتى ينتهي البناء)    شاهد بالفيديو.. الفنانة هدى عربي تخلع حذائها أثناء الحفل وتدخل في وصلة رقص مثيرة    اختبار نسخة مدفوعة جديدة من "إنستغرام"    "آبل" تستعد لإطلاق أول آيفون قابل للطي    النفط ينخفض 1% بعد تقرير ترامب إنهاء حرب إيران    "يغفر الله للجميع إلا باجيو!".. مأساة اللاعب الذي مات واقفا – فيديو    عيد ميلاد إيمى سمير غانم.. خطوات ثابتة واختيارات مدروسة فى مسيرتها الفنية    قرار لحكومة السودان بشأن معبر أدري    قيادي بحزب المؤتمر الوطني يحسم جدل مثير    صبري محمد علي (العيكورة) يكتب: *هذا ما قاله لي وزير التعليم العالي والبحث العلمي ظهر اليوم*    عثمان ميرغني يكتب: فساد.. الفساد..    والي الخرطوم يوجه وزارة التخطيط العمراني بتطبيق القوانين وتسريع إجراءات معاملات الأراضي    جهاز المخابرات العامة يدشن مبادرة العودة الطوعية للاجئين السودانيين من مصر    إكتمال فتح الطرق والشوارع الداخلية بمنطقة وسط الخرطوم    ارتفاع جديد في أسعار الوقود بالخرطوم    شاهد بالفيديو.. رمى عليهم عبوة ناسفة وهرب.. جنود بالدعم السريع يضبطون مرتزق من جنوب السودان في وضع مخل مع سيدة داخل "راكوبة" بمدينة الفولة    شاهد بالفيديو.. فنان "ربابة" سوداني يثير تفاعل الجمهور بعد ترديده أغنياته الشهيرة (صورة وصوت) في حفل حاشد بالسعودية    الهلال يواجه أُماجوجو لتوسيع فارق الصدارة    شاهد بالفيديو.. داخل حرم إحدى المدارس.. والي النيل الأبيض ينفعل على وزير التربية والتعليم ويحظى بإشادة الجمهور: (لن أذهب حتى ينتهي البناء)    الأهلي يخسر من ساردية بدوري شندي    (أماجوجو والنقطة 54)    برشلونة يتلقى دفعة معنوية قبل مواجهة أتلتيكو مدريد    شراكة استراتيجية بين "الشباب والرياضة" و"الصناعة" لتمكين المبتكرين ودعم الإنتاج الشبابي    كريم عبد العزيز وفريق مطلوب عائليا يبحثون عن دولة أوروبية للتصوير الخارجى    أزمة منشطات تشعل دوري أبطال إفريقيا.. الهلال السوداني يشكو نهضة بركان المغربي ل"الكاف"    أيهما أكثر فائدة القهوة أم عصير البرتقال صباحًا.. والكميات المناسبة    آلام الدورة ليست دائمًا طبيعية.. إشارات تكشف بطانة الرحم المهاجرة مبكرًا    فصيلة الدم تكشف احتمالية الإصابة بالسكري    السيسي للرئيس ترامب: لا أحد يمكنه وقف الحرب في المنطقة إلا أنت    "فيفا" يتّخذ موقفًا حازمًا بشأن مشاركة إيران في كأس العالم    مصر.. الدولار يقترب من 54 جنيها لأول مرة    سارة بركة: أحمد العوضى مجتهد بشكل كبير وبيحب شغله جدا    اختيار غير متوقع لمستقبل "الملك المصري"    وجبة سمك تُنهي حياة 3 سودانيين بالقاهرة وتتسبب في إصابة 4 آخرين بحالة تسمم غذائى حاد    بسبب ضعف الراتب.. وزير الثروة الحيوانية بالسودان يبحث عن عمل إضافي    رئيس الوزراء يصدر قرارًا بشأن الرسوم الجديدة في المعابر    محمد عبد الباسط يكتب: لهذا تحركت باكستان الآن للوساطة بين أمريكا وإيران    السكوت على هذا الأمر لا يرضي الله ولا رسوله!!    ارتفاع أسعار الذهب في السودان    الخليج الضحية الكبرى: إيران وجهت 83% من هجماتها إليه… و17% فقط إلى إسرائيل    مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية    ترامب يصدر أوامره ويكشف تطورات مثيرة مع إيران    الأمن يداهم مخزن يبيع الوقود المهرب لعصابات التنقيب عن الذهب    رئيس الأهلي مدني وابنه يتعرضان لحادث مروع    المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة    ضبط 238 كجم من "الآيس" وأسلحة بجانب نحاس بولاية البحر الاحمر    ضبط 238 كجم من "الآيس" وأسلحة بجانب نحاس بولاية البحر الاحمر    الشيخ بن زومة.. إلى جنة الخلد    قيم الهلال المتوارثة يجب أن تبقى أبد الدهر    في زمن الضجيج.. القرآن بوصلة المعنى والسكينة    د.مزمل أبو القاسم يكتب: دموع الباز.. وزاهر! (2)    السودان.. الدفاع المدني يستعين ب"التوك توك"    طفح جلدي في رقبة الرئيس ترمب يثير تساؤلات حول صحته    صوت لا يغيب.. محمد رفعت ورحلة الآذان الخالد في رمضان    أجهزة الأمن السودانية تنهي مغامرات لص الصيدليات في عطبرة    شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم    السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



سيف تيري ما فاضل ليه إلا يبقى (اسامة الثغر) او (عبدالله السماني) عشان تجيبوه للهلال
صابنها نشر في كورة سودانية يوم 07 - 10 - 2021


محمد عبدالماجد
السؤال الذي نسأله للجنة تطبيع الهلال ، نسأله لهشام السوباط والطاهر يونس والفريق السر احمد عمر والفاضل التوم ونزار مالك واسماعيل عثمان والعاقب ونسأله كذلك لمحمد ابراهيم العليقي (دينمو القطاع الرياضي) هو سيف تيري يعمل ليكم اكتر من كدا شنو؟ عشان تجيبوه يلعب في الهلال.
الموضوع بقى واضح.
وظاهر.
وما عاوز ليه (ترجمة على الشريط).
سيف تيري عاوز الهلال.
سيف تيري بموت في الهلال.
سيف تيري هلالابي.
الزول دا أي حاجة عشان تجيبو الهلال عملها.
الليلة يوم 7 اكتوبر وهو اليوم الذي سوف يغلق فيه سيستم التسجيلات في جمهورية مصر.
يعني سيف تيري دا مفروض تحسموا امرو الليلة ..عشان فاركو يلحق يسجل بديل ليه قبل اغلاق السيستم في مصر.
الموضوع بعد هذا اليوم سوف يكون صعب.
احسموا الموضوع في خلال هذا اليوم.
كملوا جميلكم.
جيبوا لينا سيف تيري وما عاوزين منكم شيء بعد ذلك.
ممكن نلعب برة استادنا.
في مصر.
في جنوب افريقيا.
في الواق الواق..ما مشكلة.
تجيبوا لينا سيف تيري مع الغربال وياسر مزمل لو لعبنا في كوكب المريخ بنغلب.
الغربال وياسر مزمل وسيف تيري و(3) ميسي ..يمين تاني لو لعبنا ضد شيلسي نغلبهم.
ريال مدريد لو صمد الشوط الاول ما بصمد الشوط التاني.
عندنا (3) ميسي.
والشيخ.
ومنن.
وحسن متوكل
وعبدالرؤوف.
وعيد مقدم.
وقلق.
وبوجبا.
وصلاح عادل.
ما شاءالله.
عندما كان سيف تيري في الخرطوم الوطني اعلن عن هلاليته وقال انه تأثر وأعجب باللاعب مدثر كاريكا عندما كان يلعب في هلال كريمة.
الكلام دا قالوا سيف تيري مع حمودة بشير في قناة النيل الازرق قبل ان ينتقل للمريخ.
سيف تيري دخل غرفة تسجيلات الهلال واعلن عن رغبته في الانتقال للهلال وبرضو الكاردينال ما جابو الهلال.
سيف تيري مشى المريخ (مجبور).
وقف عن التمرين واعلن التمرد الرسمي وهو في المريخ.
سيف تيري حرق ليه قسم شرطة ودخل السجن ..وكل هذه الاشياء عشان يتشطب من المريخ وينتقل للهلال.
طلّع تسجيل صوتي وقال فيه عاوز يقطع الزلط وينتقل للهلال.
الزول دا اكتر من كدا يعمل ليكم شنو؟
يدق ليه (طارة) عشان يلعب في الهلال.
سيف تيري قال ما بقرأ لمزمل ابوالقاسم..وقال ما بعرف هيثم كابو.
اكتر من كدا يقول ليكم شنو؟
انتوا يا ناس لجنة تطبيع الهلال عاوزين تفهموا سيف تيري دا متين؟
سيف تيري انتقد سوداكال وهاجمه في تسجيل صوتي.
وكل هذا عشان يطلع من المريخ.
سيف تيري مشى مصر وجازف بمستقبله وانتقل للعب في فريق فاركو المصري.. وكل ذلك عشان تجيبوه الهلال.
وبرضو ناس الهلال ما فهمو الرسالة.
برضو عاملين فيها تقيلين.
سيف تيري قطع الزلط.
سيف تيري قطع الكبري.
سيف تيري قد السلك.
اتغرب.
وتبهدل.
ومشى يلعب في مصر في (البرد) دا.
والله مصر دي كمان فيها (برد).
عليكم الله امرقوا سيف تيري من (برد) الشتاء القادم في مصر.
سيف تيري ما بقى على السفر.
ما بقى الغربة.
ولا بقدر على (برد) مصر.
وهو اكبر من فاركو.
الزول دا ما في شيء جابرو على البرد والغربة غير الهلال.
اقطعوا ليه الطريق.
اختصروا الوقت.
وجيبوه يلعب مع الغربال وياسر مويس في الهلال.
سيف تيري ضحى وترك المريخ ومرق بجلدو …ومشى يلعب في فاركو المغمور عشان تجيبوه الهلال.
ناس المريخ طلعو ليه امر قبض…وتيري برضو متمسك بالهلال.
ناس الهلال ما عاوزين يفهموا الولد ويجيبوه الهلال.
سيف تيري بقى في كل مباراة يسجل هدف.
في جنوب افريقيا.
وفي غينيا.
وناس الهلال ما عاوزين يقتنعوا.
سيف تيري يتألق.
سيف تيري يتجدع.
سيف تيري يتقطع.
وكل ذلك عشان بس يلعب في الهلال.
سيف تيري عمل ثنائية مع الغربال في المنتخب جعل كل الهلالاب يتمنوا ان يروا هذه الثنائية في الهلال.
المريخاب شالوا ليه سوداكال عشان ما يقطع الزلط.
جابوا ليه حازم.
وبرضو سيف تيري عاوز الهلال حتى وان كان ذلك عن طريق (فاركو).
سيف تيري تاني يعمل شنو؟
عشان تفهموه.
يرقص مع الغربال.
يسجل من صناعة الغربال.
ويحتفل مع الشغيل وابوعاقلة وياسر مزمل.
تاني يعمل ليكم شنو؟
انتوا عاوزين تفهموه متين؟
نحن ما عاوزين لينا محترفين.
لا اتنين.
ولا تلاتة.
نحن بس عاوزين نلم ولدنا علينا.
عاوزين سيف تيري.
جيبوا لينا سيف تيري ..وقرّطوا على كدا.
ما عاوزين محترف من نيجيريا.
ولا محترف من البرازيل.
عاوزين بس سيف تيري.
سيف تيري مطلب جماهيري.
مطلب شعبي.
الزول دا علاقتو مع الغربال …وتفاهموه معاه ..يفترض يجعل لجنة تطبيع الهلال تجيب سيف تيري الليلة قبل بكرة.
هجوم الهلال لو بقى الغربال وسيف تيري وياسر مويس تاني البقيف قدامنا منو؟
ناس صلاح نمر ديل يشوفهم الله لو الثلاثي دا اجتمع في الهلال.
ناس تمبش.
وكرشوم.
يشوفوا ليهم بلد.
يقنعوا منها.
ويغيروا نشاطهم من كرة القدم الى كرة السلة.
يشوفوا ليهم شغلة تانية.
جيبوا لينا سيف تيري.
بي اي ثمن.
بي أي سعر.
عاوزين نلم ولدنا علينا.
كفاية غربة.
سيف تيري عاوز الهلال.
انا شخصيا اعلم بذلك منذ ان كان في الخرطوم الوطني.
وسيف تيري هسع مع المنتخب في كل مباراة بجيب ليه هدف.
المعني سجلوني في الهلال.
جيبوني الهلال.
انتوا مالكم ما عاوزين تفهموا الزول دا ياالعليقي؟
الزول دا قطع ليكم الزلط.
قطع ليكم الكبري.
وبرضو ما عاوزين تجيبوه.
سيف تيري اكتر من كدا يعمل ليكم شنو؟
يبقى ليكم اسامة الثغر.
وإلّا يكون مع المجموعة العظيمة التى اسست نادي الهلال ناس فاروق حمدنا الله ويوسف مصطفى التني.
سيف تيري مكتول في الهلال.
عاوز الهلال.
مرة يحتفل مع الغربال.
ومرة يقيف مع ابوعاقلة.
مرة يلعب لي ياسر مويس.
ومرة مع ابوعشرين.
يعمل ليكم شنو تاني؟
يتقطع ليكم عشان تجيبوه الهلال.
يبقى ليكم عبدالله السماني عشان يلعب في الهلال.
عشان تفهموه.
وتجيبوه في الهلال.
متى تحقق لجنة تطبيع الهلال رغبة جماهير الهلال؟
عاوزين سيف تيري.
سيف تيري مطلب شعبي.
جيبوه.
واسألونا من كاس افريقيا.
……….
متاريس
يظل عبدالمهيمن الامين من اعظم الشخصيات التى خدمت الهلال وقدمت له الكثير.
عبدالمهمين كنز حقيقي للهلال.
حقيقة لم اشاهد احد في وفاء وإخلاص عبدالمهيمن الامين.
هذا الشخص لو عرفت جماهير الهلال الادوار التى يقوم بها من اجل الهلال حتى وهو بعيد عن المشهد لأطلقت اسمه على (الجوهرة الزرقاء).
اقول ذلك وأنا اعني ما اقول.
واعرف ظواهر الامور وبواطنها.
ونحن نعرف من يعمل ومن لا يعمل.
من يخدم الهلال ومن يخدم مصالحه.
عبدالمهيمن الامين منذ التسعينات ظل يخدم في الهلال – سجل عدد كبير من اللاعبين ..كلهم نجحوا في الهلال.
يكفي علاءالدين يوسف ومهند الطاهر وسيف مساوي وغيرهم.
ما حصل مرة شفنا عبدالمهيمن الامين في صورة مع لاعب انتقل للهلال.
الهلال خسر كثيرا بعد ابتعاده عن الهلال في الفترة الاخيرة.
كل عناصر الهلال التى جاءت من الاهلي شندي للهلال تبدع الآن مع الهلال.
بل تبدع كذلك مع المنتخب الوطني.
وعشان الموضوع ما يبقى مقفول في عناصر الاهلي شندي فقط نقول ان عبدالمهيمن عمل الكثير من اجل قدوم ارنق وابوعشرين والغربال مع اخرين للانتقال للهلال.
اتوقع ان يكون (قلق) مفاجأة حقيقية في الهلال في الموسم الجديد.
اتمنينا بدرالدين (قلق) عندما كان في المريخ ومنذ ان كان في هلال الساحل ..والله عوضنا الآن بجمعة (قلق).
…..
ترس اخير : الواحد بقى يكتب وما براجع العمود خوفا من انقطاع التيار الكهربائي.

انقر هنا لقراءة الخبر من مصدره.