الجامعة العربية: اعتراف إسرائيل ب"إقليم أرض الصومال" غير قانوني    كأس أمم إفريقيا: المنتخب السوداني يحقق فوزًا ثمينًا    بنك السودان يدشن نظام الصادر والوارد الإلكتروني عبر منصة بلدنا في خطوة نحو التحول الرقمي    بنك السودان يدشن نظام الصادر والوارد الإلكتروني عبر منصة بلدنا في خطوة نحو التحول الرقمي    الجزيرة .. ضبط 2460 رأس بنقو بقيمة 120 مليون جنيهاً    زيادة جديدة في الدولار الجمركي بالسودان    شاهد بالفيديو.. مطرب سوداني يرد على سخرية الجمهور بعد أن شبهه بقائد الدعم السريع: (بالنسبة للناس البتقول بشبه حميدتي.. ركزوا مع الفلجة قبل أعمل تقويم)    والي الشمالية يستقبل وفد لجنة تقصي الحقائق حول انتهاكات القانون الدولي لحقوق الإنسان    مفاجأة.. أرض الصومال    معتصم جعفر يعقد جلسة مع المدرب وقادة المنتخب ويشدد على ضرورة تحقيق الانتصار    رونالدو بنشوة الانتصار: المشوار لا يزال طويلًا.. ولا أحد يحسم الدوري في منتصف الموسم    البرهان يطلق تصريحات جديدة مدويّة بشأن الحرب    الأهلي مروي يستعين بجبل البركل وعقد الفرقة يكتمل اليوم    عبدالصمد : الفريق جاهز ونراهن على جماهيرنا    المريخ بورتسودان يكسب النيل سنجة ويرتقي للوصافة.. والقوز أبوحمد والمريخ أم روابة "حبايب"    انطلاقًا من الأراضي الإثيوبية..الجيش السوداني يتحسّب لهجوم    الصادق الرزيقي يكتب: البرهان وحديث انقرة    الوطن بين احداثيات عركي (بخاف) و(اضحكي)    شاهد بالفيديو.. (ما تمشي.. يشيلوا المدرسين كلهم ويخلوك انت بس) طلاب بمدرسة إبتدائية بالسودان يرفضون مغادرة معلمهم بعد أن قامت الوزارة بنقله ويتمسكون به في مشهد مؤثر    السودان يعرب عن قلقه البالغ إزاء التطورات والإجراءات الاحادية التي قام بها المجلس الإنتقالي الجنوبي في محافظتي المهرة وحضرموت في اليمن    مدرب المنتخب السوداني : مباراة غينيا ستكون صعبة    لميس الحديدي في منشورها الأول بعد الطلاق من عمرو أديب    شاهد بالفيديو.. مشجعة المنتخب السوداني الحسناء التي اشتهرت بالبكاء في المدرجات تعود لأرض الوطن وتوثق لجمال الطبيعة بسنكات    تحولا لحالة يرثى لها.. شاهد أحدث صور لملاعب القمة السودانية الهلال والمريخ "الجوهرة" و "القلعة الحمراء"    رقم تاريخي وآخر سلبي لياسين بونو في مباراة المغرب ومالي    الإعيسر يؤكد الدور الفاعل والاصيل للاعلام الوطني في تشكيل الوعي الجمعي وحماية الوطن    شرطة ولاية القضارف تضع حدًا للنشاط الإجرامي لعصابة نهب بالمشروعات الزراعية    استخدام وسائل التواصل الاجتماعي وراء تزايد تشتت انتباه المراهقين    مشروبات تخفف الإمساك وتسهل حركة الأمعاء    منى أبو زيد يكتب: جرائم الظل في السودان والسلاح الحاسم في المعركة    «صقر» يقود رجلين إلى المحكمة    شرطة محلية بحري تنجح في فك طلاسم إختطاف طالب جامعي وتوقف (4) متهمين متورطين في البلاغ خلال 72ساعة    بالفيديو.. بعد هروب ومطاردة ليلاً.. شاهد لحظة قبض الشرطة السودانية على أكبر مروج لمخدر "الآيس" بأم درمان بعد كمين ناجح    كيف واجه القطاع المصرفي في السودان تحديات الحرب خلال 2025    إبراهيم شقلاوي يكتب: وحدة السدود تعيد الدولة إلى سؤال التنمية المؤجَّل    وحدة السدود تعيد الدولة إلى سؤال التنمية المؤجَّل    تراجع أسعار الذهب عقب موجة ارتفاع قياسية    وزير الداخلية التركي يكشف تفاصيل اختفاء طائرة رئيس أركان الجيش الليبي    "سر صحي" في حبات التمر لا يظهر سريعا.. تعرف عليه    فيديو يثير الجدل في السودان    شرطة ولاية نهر النيل تضبط كمية من المخدرات في عمليتين نوعيتين    الكابلي ووردي.. نفس الزول!!    استقالة مدير بنك شهير في السودان بعد أيام من تعيينه    كيف تكيف مستهلكو القهوة بالعالم مع موجة الغلاء؟    اكتشاف هجوم احتيالي يخترق حسابك على "واتسآب" دون أن تشعر    قبور مرعبة وخطيرة!    عزمي عبد الرازق يكتب: عودة لنظام (ACD).. محاولة اختراق السودان مستمرة!    مسيّرتان انتحاريتان للميليشيا في الخرطوم والقبض على المتّهمين    إسحق أحمد فضل الله يكتب: (حديث نفس...)    مياه الخرطوم تكشف تفاصيل بشأن محطة سوبا وتنويه للمواطنين    الصحة الاتحادية تُشدد الرقابة بمطار بورتسودان لمواجهة خطر ماربورغ القادم من إثيوبيا    مقترح برلماني بريطاني: توفير مسار آمن لدخول السودانيين إلى بريطانيا بسهولة    الشتاء واكتئاب حواء الموسمي    عثمان ميرغني يكتب: تصريحات ترامب المفاجئة ..    "كرتي والكلاب".. ومأساة شعب!    ما الحكم الشرعى فى زوجة قالت لزوجها: "من اليوم أنا حرام عليك"؟    حسين خوجلي: (إن أردت أن تنظر لرجل من أهل النار فأنظر لعبد الرحيم دقلو)    حسين خوجلي يكتب: عبد الرجيم دقلو.. إن أردت أن تنظر لرجل من أهل النار!!    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



لو اتقلبت في غرفتك في (كيب تاون) بتتقلب في (محيط)
صابنها نشر في كورة سودانية يوم 31 - 01 - 2022


محمد عبد الماجد
لو اتقلبت في غرفتك في (كيب تاون) بتتقلب في (محيط)
يظل (السودان) معك وأنت في كل حتة وفي كل بقعة – بتشيلو معاك – زمان الجوابات العاطفية علمتنا هذا (العشق) ان نحمله في ثنايا الحروف عندما كانت (الخطابات) تعطر.
لمن كانوا برسموا فيها (وردة) وبعملوا ليها (ملحوظة) اخيرة.
الجوابات زمان وقت تتأخر كان بتحصل مشكلة.
وتقعد تحرس في القطارات وفي البسطجي.
الشوق البطلع في الحتة دي شوق سوداني خالص.
ترسل الولد للدكان ...وتلحقوا عشان ما عندك صبر.
السودان (طقناه) في (الفول المصلح) وفي (شاي المغرب) ، والإعلانات التى تسبق المسلسل اليومي.
زمان كانت الاعلانات التى تبث قبل المسلسل بتسل الروح – هسع الجماعة البعملوا الاعلانات ديل اتعلموا ليهم (ظرافة) و(رشاقة) فوق للحد.
اما الفول المصلح فطعمه ليس في الجبنة ولا في زيت السمسم – الفول المصلح حلاوتو في (الشلة).
في الجماعة البتلموا في صحن واحد.
يا هو دا السودان.
العسكر عاوزين يعملوه لينا كله (بمبان).
وبيان من ناس الشرطة.
شفتوا من (بيانات) ناس الشرطة تكتر – اعرف طوالي الحكاية بايظة.
من يقعدوا يتعذروا ليكم ...اقنع منهم.
هذا السودان حملناه معانا في (الدافوري) لمن نتغالط ..ولمن نطفش الكورة ونخربها.
والكورة لمن تدق في العراضة تطلع.
ولمن اللاعبون يتلموا في (الحكم).
نحن جمهورنا دا متعود على حاجة ثابتة.
أي واحد يطلع ليك بعد المباراة ويقول ليك عندنا ضربة جزاء الحكم ما احتسبها لينا.
السودان لبسناه في اجسادنا جلابية وتوب.
في حنة العريس.
وفي السيرة البتصل مع المغارب.
نحن كدا.
يظل السودان في دواخلنا في أي حتة واي مكان ما فارقة معانا كتير ..رغم انك في رحلة قصيرة عارفها سوف تنتهي بعد ايام.
لكن بتعمل فيها (متغرب) ومشتاق للأهل والأصحاب.
ما بتنوم الليل.
الغربة صعبة.
غربة من متين يا اخوي؟
يعني انت مصدق نفسك (متغرب).
المهم انت أي حاجة حلوة بتشوفها بتقول ليه ما عندنا في السودان؟
نحن ناقصين شنو؟
عندنا أي حاجة.
نقول شنو في البكتلوا فينا يوم وراء التاني.
79 شهيد ليه؟
شهداء كررى ما حصلوا هذا العدد.
الناس ديل ما عندهم احساس.
ما عندهم اولاد.
خافوا الله في اولاد الناس.
عاوزين تحكموا بالقتل.
بالرصاص.
الاستعمار طلع من البلد من غير طلقة واحدة.
ولا عبوة بمبان.
الانجليز وقت الشعب قال ليهم ما عاوزنكم اتخارجوا.
انتوا البخليكم تقعدوا على رقاب الناس شنو؟
الله يكفنا منكم.
ويحل البلد.
بلد تقدم من اجل الحكم المدني كل هؤلاء (الشهداء) – معقولة تكون متأخرة كدا.
نحن لو ما متأخرين ما بحصل (الكتل) دا كلو.
نرجع لكيب تاون.
في كيب تاون قلت ليكم (المحيط) خلفي و (الجبل) امامي.. يعني لا بد من الانتصار على (صن دوانز).
الطاقة والروح التى وجدها الهلال في (كيب تاون) كافية ان تمنح الهلال الانتصار على (صن داونز).
كيب تاون محاطة بالمحيطات.
انا لاول مرة اعرف ليه اطلقوا على المحيط اسم (المحيط).
عشان بحيط بالاشياء.
كيب تاون محاطة بالمحيط الهندي والمحيط الاطلسي.
دا غير الجبال المنثورة في المدينة بصورة عشوائية ...زي اللؤلؤ المنثور.
في كيب تاون لو عاوز تتقلب ساكت بتلقى نفسك اتقلبت في المحيط.
محل ما تقبل (محيط).
محل ما تمشي (محيط).
طبعا البحار والمحيطات عندها قدرة على ان تضع (اعماقها) في الناس البيسكنوا في محيطهم.
الناس العاشوا في مدن فيها بحر او فيها محيط بكونوا بتخلفوا عن الاخرين.
عندهم (عمق) مختلف عن الاخرين.
بتلقاهم دائما مشغولين ..وما بتكلموا كتير ...جاريين طوالي كدا.
ما شغالين بي زول.
طبعا نحن ممكن نضيع نصف العمر في الانشغال بالاخرين.
عملوا.
وسوا.
وما عملوا.
ناس المحيطات والبحار ما كدا.
عليكم الله ما تخلوني اسرح بيكم في الموضوع دا.
خلونا في موضوعنا.
الليلة الهلال سوف يبدأ عند العاشرة صباحا (نفس التوقيت) مبارياته الودية امام فريق استلنبوشن الجنوب افريقي.
المباراة في ملعب اثلون. وهو ملعب رائع وارضيته خليط بين النجيل الصناعي والطبيعي.
الملعب انشأ من اجل تدريبات المنتخبات المشاركة في كاس العالم 2010.
الملعب مازال محتفظ بحداثته.
مباراة اليوم يمكن ان يكون فيها لاعبو الهلال لم يصلوا للمستوى البدني المطلوب. باعتبار انهم تجمعوا كليا لاول مرة بعد فترة راحة قصيرة.
التدريبات التى خضع لها لاعبو الهلال في الايام الاولي للمعسكر قد تكون مرهقة.
الهلال يتمرن صباحا ومساء.
وكل لاعبي الهلال في منتهى الانضباط والجدية والالتزام.
مدرب الاحمال البرتغالي ريكاردو يقوم بعمل كبير – والتدريبات الاحمال والإحماء تتم بالكرة.
الامر يتم بقياسات ومعايير علمية.
اجمل من كل هذا اني لاحظت الالتزام الكامل ببرنامج المعسكر ... كل اللاعبين يتحركوا وينزلوا في وقت واحد – حسب الجدول الموضوع.
الجهاز الفني مع الجهاز الاداري فارض كلمته – واللاعبون كلهم ملتزمون.
تشعر في كل الوجوه الرغبة على ان تقديم اقصى ما عندهم.
كلهم تشعر بانهم في تحدي.
لذلك اشعر ان الهلال سوف يقدم مباراة كبيرة امام صن دوانز.
مدرب الهلال يبدو انه وصل للتشكيلة الاساسية والتى سوف يخوض بها مباراة اليوم اما المباراة الثانية سوف تكون بالبدلاء او العناصر التى لم تشارك في المباراة الاولى.
يختم الهلال تجاربه في (كيب تاون) بلقاء ممثل المدينة وحامل اسمها (كيب تاون) في الملعب الرئيسي لكيب تاون استاد كيب تاون وهو استاد يطل على المحيط.
استاد غاية في الروعة والجمال.
بعد ذلك سوف يغادر الهلال الى العاصمة الجنوب افريقية يوم 9 فبراير لمواجهة صن دوانز يوم 11 في معقله.
حتى ذلك التاريخ اتوقع ان يصل الهلال الى قمة مستواه حتى يقدم اروع مبارياته امام صن دوانز.
المدير الفني للهلال ليس مدرب (ملعب) فقط – هو مدرب يجمع بين العملي والنظري.
بتكلم كتير مع اللاعبين وبوقف اللعب وبحاضر اللاعبين قبل بداية التمرين وبعد نهاية التمرين.
الى جانب ذلك هناك محاضرات عبر الفيديو عن الاخطاء التى وقع فيها في فندق الاقامة.
لاعبو الهلال لا اظنهم يمكن ان يستمتعوا بهذه المدينة – فى ظل الضغط الذي هم فيه.
كل العناصر الموجودة في الهلال في الفترة الاخيرة عناصر هادية ...ومنضبطة .. وكل وقتهم في الكرة.
الهلال ربما يكون فقد الكابتن عبداللطيف بويا الذي كنت اتمنى ان يكون متواجد مع البعثة لانه لاعب قائد وكان وجوده مهم.
كذلك افتقدنا اللاعب نزار حامد – اللاعب صاحب الخلق العالية – والذي كان يمكن ان يحتاج الهلال لخبرته امام كيب تاون.
....
متاريس
بكرة ان شاءالله نكتب عن مباراة اليوم فنيا.
ونشوف اثر التدريب والمعسكر المنضبط في اللاعبين.
الاتحاد العام بعاكس.
ومعتصم عبدالسلام ما بنسى قديمه.
ان شاءالله ادارة الهلال تعالج الامر في اليوم الاخير وتتمكن من اضافة المحترف السادس لكشف الفريق.
لا بد من ان يكون هناك حل.
قد يفقد الهلال احد محترفيه بسبب تعنت الاتحاد.
....
ترس اخير : نشوف البحصل شنو؟

انقر هنا لقراءة الخبر من مصدره.