*البلد ما بتتغير *لأننا نحن ما بنتغير *استبشرنا خيرا بترك أمر التسجيلات للمدرب *قاموا جابوا كمبالي *المدرب قال يرجع طوالي *ورجع كمبالي *وبقدرة قادر *كمبلت *وتاني جانا كمبالي *يبقى يا شلنا الصلاحيات من المدرب *يا المدرب زول ساي *يا كمبالي كبر في الأسبوع ده *قصة زي قصة الزول البقول لبتاع الدكان أديني سجاير أب أصبع *لو قال ليهو في أب سنون وأب شلاليف وحمودي *بقول ليهو ماداير *يقوم يمشي الدكان الجمبو *يلقي أب أصبع بأربعمية *يرجع للدكان الأولاني *هاك أديني أب تلاليش ذاتو *فهل حينما وجدنا أب أصبع غالي *رجعنا لأب تلاليش *ولا الحاصل ايه؟؟! *المهم *الإعداد كيف ومتين ووين والحددو منو؟ *الحددو منو دي أهم شي *لأنو في ناس بتحدد وتهدد وتقوم نفسها في فارغة *أبا كبير قال وين؟؟؟؟ *ولسه الخلافات المريخية المبنية على المصالح الشخصية والمآرب الشللية لسه مدورة *ومن شابه أباه فما ظلم *ياهو أبونا الوطن يعج في خلافات *طالت حتى الصوفية *مدد بي برهانو *ومدد يرى ذلك المدد وبرهانو للشعب أهانو *المولد على الأبواب *السنة دي حا نشوف جنس حدري في المولد *وقد نسمع مدائح مغارز *فالخلاف يقود للحماقة *والحماقة اتوقع منها أي شي *المهم *رديف وشباب وكبار *هل توجد منافسات لتلك الفئات *أم هو مجرد تحايل لرفع عدد الكشف؟؟ *وقصة أجانب صغار دي أليست بدعة فيها تجنٍ كبير على الخانات السنية؟؟؟ *الاتحاد شايف شنو؟ *والجابوا الاتحاد رأيهم شنو؟؟؟ *قاصد شنو؟؟؟ *أيها الناس *طق العصا في الركب مثل قدييييم *الما عارف معناهو *يراجع قصة مرفعين *كيف كان في الأشبال *كيف مرق *متين مرق *كيف رجع *متين رجع *بكم رجع *وجع!!!! *أيها الناس *تتشابه كل المواسم عندنا *لأننا نتشابه في كل سنة *مافي نيو لوك *يبقى مافي قوود لك *أيها الناس *إن تنصروا الله ينصركم *أها *نجي لي شمارات والي الخرتوم *كان شفت يا والينا *شيوخنا اختلفوا فينا *إنت معاهم ولا مع شيوخنا المعانا يا والينا؟؟؟ *الطريقة الديمقراطية السلكية الوطنية تطالب بخيمة في المولد يا والينا سلك كهربا ننساك كيف والكلب قال في البلد دي فضل بس النيل الأزرق يختلف مع الأبيض وينشف نهر النيل ومصر تموووووت…بس وإلى لقاء
