بابكر سلك كلام القصير * كلام القصير مابنسمع . * عشان كدة كلامنا ما مسموع. * وزي ماقالوا المصريين . * آدي الله وآدي حكمتو. * زماااان . * قلنا التجديد للجزولي ضرورة. * الود صغير وموهوب وخريج أشبالنا وبجي منو. * هاج البعض وماج البعض الآخر . * بعضهم قال كان مشى مايمشي . * وكان مشى الهلال حايضيف شنو للهلال وحاينقصنا شنو.. ؟. * وفي ناس قالوا لاعب أكتر من عادي. * وفي ناس قالوا ( سلك) داير يسمسر في الولد . * طبعاً ديل جماعة الفيك بدربو. *والبعمل الشي بتوقع غيرو يعملو . * المهم شاء الله أن يكرمنا بالتمديد للموهبة الجزولي . * وأصبح الذين قالوا مايمشي كان مشى . *من أكبر مغني الراب للجزولي. * كلام القصير مابنسمع. *ثم قلنا كمبالي بشبه الجزولي. * عمراً وشكلاً ومضموناً. * وأنو الأتنين بشكلو حاضر ومستقبل الهجوم المريخي . * تاني هاج البعض وماج البعض الآخر . * ورجعوا يغنوا للجوز. *هو جنس راب . * كلام القصير مابنسمع. * وبراين. * القصير. * الغريبه اليومين دي كلامو بقى بنسمع . * والناس بقوا بتكلموا بي كلامو . * ده برضو جابو أبو جريشة ولا جا برا؟ . * المهم . * لو كلو زول فينا ترك الاختصاص للمختصين. * أكيد حانبقى نادي عالمي حقيقي . * لأن من أهم عناصر نجاح العمل هو تقسيم العمل والتخصص. * شلة الجماهير البتتحكم في مجالس الإدارات محلها بالتأكيد المدرجات . *وشلة الأقطاب البحشروا أنوفهم في أية طبخة. * محلهم بالتأكيد صفوف تبرعات الدعم ( السريع )من سكات. * أيها الناس . * صوت عاقل يعلو حول العلاقة بيننا والهلال. * التعصب الإيجابي سمح. *أما التعصب السالب فما حبابو . *البمنع شنو يكون في إحترام بين الكيانين . *وتنافس شريف . * ومناكفات بريئة؟. * طبعاً الذين إعتادوا العيش على مصائب الناس. * الكلام ده مابنفع معاهم. * بعتبروهو كلام قصير . * وكلام القصير مابنسمع . * المهم . * ختمنا النصف الأول من الموسم داخلياً وخارجياً في موقع مابطال. * فضل النصف الآخر. * النصف الحلو . *نصف التتويج . * أقل قصور . * حايضيع مجهود النصف الأول. * لذا . * في المرحلة دي خلونا نتكاتف. * ونخلع عباءات الشلليات والكيمان. * ونرتدي جلباب المريخ. * عشان ننجز. * أيها الناس . * إن تنصروا الله ينصركم . * أها . * نجي لي شمارات والي الخرتوم. * كان شفت يا والينا. * قصة سفه قضية معلمينا . * بتألم فينا . سلك كهربا ننساك كيف والكلب قال هو القرا منو عشان يعرف قيمة المعلم. وإلى لقاء . سلك