سودارس : دَاركو للطَيران!

رئيس لجنة المنتخبات عطا المنان يتفقد البعثة ويتحدث للجهازين الإداري والفني الهلال يختتم تحضيراته بمران خفيف استعدادًا لمواجهة "روتسيرو" غدًا لاستعادة الصدارة لاعبو الدوريات الخارجية يتوافدون لجدة ويكتمل عقدهم فجراً ارتفاع أسعار الذهب في السودان لواء ركن (م) د. يونس محمود محمد يكتب: جرد الحساب في إحالة العميد طبيب طارق كجاب لأول مرة.. حكم يحمل إنستغرام ويوتيوب المسؤولية عن إدمان وسائل التواصل النفط يصعد والذهب يستقر مع تقييم احتمالات وقف الحرب "ChatGPT" تتيح مقارنة المنتجات بدل الشراء المباشر ترتيبات بالشمالية لتنفيذ مشروع المبادرات المجتمعية المشتركة ترتيبات لقيام مجمع تشخيصي متكامل لتوطين الخدمات الصحية بشرق الجزيرة تقرير أمريكي يكشف استهداف مباشر لمستشفى الضعين في عيد الفطر مقربون من محمد صلاح يرجحون وجهته القادمة.. إيطاليا أو أميركا؟ الزمالك يؤجل ملف تجديد عقد حسام عبد المجيد موقف زيزو من الرحيل عن الأهلى فى الصيف المقبل أحمد العوضي : بشكر جمهوري إنه عمره ما خذلني وصاحب الفضل فى نجاحي شيماء سيف تنشر فيديو طريف مع زوجها محمد كارتر على إنستجرام طارق الدسوقي: اشترطت الإطلاع على السيناريو للموافقة على دوري في علي كلاي دراسة تكشف ترابطا بين أمراض معدية وخطر الإصابة بالخرف 10 أطعمة يجب تناولها لعلاج نقص البوتاسيوم 10 ثوانٍ فقط للمستبدل .. فيفا يعلن تطبيق حزمة تعديلات تحكيمية في المونديال وزير الخارجية ووالي الخرطوم يفتتحان مقر وزارة الخارجية بشارع عبدالله الطيب بالخرطوم ايذانا بعودة كامل الوزارة لممارسة عملها من العاصمة الخرطوم السودان ومصر يوقعان بروتوكول مشترك لمكافحة بعوضة الجامبيا شاهد بالصور.. السلطانة هدى عربي تخطف الأضواء بإطلالة مبهرة من حفلها الأخير بالرياض أمجد فريد الطيب يكتب: حياة تجلت في وضوح المبادئ: وداعا فينك هايسوم الخليج الضحية الكبرى: إيران وجهت 83% من هجماتها إليه… و17% فقط إلى إسرائيل عثمان ميرغني يكتب: حرب السودان ومخطط شد الأطراف شاهد بالصورة.. فاتنة الإعلام السوداني تخطف الأضواء بأحدث إطلالة لها والجمهور يطيل الغزل في جمالها: (يا دووب كدة عيدنا) نصائح لوقاية مرضى حساسية الصدر من التقلبات الجوية والرياح شاهد بالصورة والفيديو.. في تقليعة جديدة.. شباب سودانيون يلطخون صديقهم العريس ووزيره ب"ظهر الصابون" و"البودرة" مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية ضبط 2800 قندول بنقو بالجزيرة في عملية نوعية لمكافحة التهريب 4 وجهات محتملة لصلاح بعد قرار رحيله عن ليفربول ترامب يصدر أوامره ويكشف تطورات مثيرة مع إيران طهران ترد على تهديدات ترمب هل مخالفة ترامب خلل في الكون؟! الأمن يداهم مخزن يبيع الوقود المهرب لعصابات التنقيب عن الذهب تراجع معدّل التضخّم في السودان بادي يصدر مرسوم تنظيم أعمال التعدين التقليدي وضبط آليات التعدين بالنيل الأزرق رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة شركة كهرباء السودان تحديث حول سير أعمال الصيانة الطارئة للشبكة القومية توقّعات بارتفاع غير مسبوق في أسعار النفط ضبط 238 كجم من "الآيس" وأسلحة بجانب نحاس بولاية البحر الاحمر ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد أغلى علبة كعك في مصر تشعل مواقع التواصل قيم الهلال المتوارثة يجب أن تبقى أبد الدهر إبراهيم شقلاوي يكتب: الزراعة ما بعد اقتصاد الحرب في زمن الضجيج.. القرآن بوصلة المعنى والسكينة د.مزمل أبو القاسم يكتب: دموع الباز.. وزاهر! (2) السودان.. الدفاع المدني يستعين ب"التوك توك" طفح جلدي في رقبة الرئيس ترمب يثير تساؤلات حول صحته ملتقي التحصين للعام 2025 ينعقد بحضور التحالف العالمي للقاحات والشركاء صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

دَاركو للطَيران!

صابنها نشر في كورة سودانية يوم 05 - 10 - 2025

محمد عبد الماجد
دَاركو للطَيران!
ناس كرشوم ومحمد المصطفى ارتاحوا من تلتلة (التمهيدي) وبشتنة الخروج المعتاد.
بالهم ارتاح ودمّهم راق.
قالوا الشتاء السنة دي مبالغة!!
ارتاحوا من قيام الساعة ستة صباحاً وانتظار الترحيل، وبهدلة الدروس، وامشي جيب ولي أمرك وتعال.
محمد النور أبوجا، قالوا أُصيب بتسمم لأنه دا أول تمهيدي ليه طوالي غلّط معاه.
هسع عليكم الله التمهيدي دا عاوز ليه مجلس (نفطي)، ومهندسين قدر دا الموضوع دا كان النمير بقوم بيه.
الموضوع دا ما عاوز أكتر من كابو الباقي بتمو ليكم انسحابات.
في داعي لسامر العمرابي!!
الحكاية ما عاوزة ليها مدرب صربي و3 مديري كرة و7 أجانب جدد (قاصر واحد ما فيهم)، محسن سيد كان بعدِّي بيكم.
وكمان عاملين ليهم زيْ جديد ولون كريمي!
لون كريمي على شنو؟ يا بتوع التمهيدي لو في زول عندو حلة في النار يقوم عليها، عشان ما تحرق.
هسه اللون الكريمي ذنبهُ شنو؟ عشان تطلعوا بيه من التمهيدي!؟
الأحمر والأصفر متعودان على هذا الكلام الكريمي جديدة عليه… زي أبوجا!!
لكن ناس كرشوم ومحمد المصطفى ارتاحوا من تمهيدي كل سنة:
بابا جاي إمتَ
جاي الساعة ستة
راكب والّلا ماشي
راكب بسكلتة
حمرة ولا بيضة
بيضة زي القشطة
وسعولة السكة
واضربوله سلام
يا سلام يا سلام يا سلام
كل سنة نحن في الحالة دي، مجلس جديد وتسجيلات فيديوهات وفيس، وجهاز فني أجنبي ومعسكر، وفي النهاية خروج من التمهيدي.
مرة عسكروا في مصر 6 شهور وطلعوا.
وعشان الهلال بعسكر في دار السلام، قالوا نجرب ونعسكر في كيجالي، يمكن السر في تلك العواصم الأفريقية غير العربية.
خروج قبل الدخول هذا يحدث فقط في المريخ.
فضيحة السواد.
إنتوا روفا أصلو ما غلطان عليكم.
إنت يا موسى كانتي الجابرك على الطيران من التمهيدي دا شنو؟ شوف مستقبلك.. أمشي ليبيا، تنزانيا، اتخارج من (التمهيدي) دا.
ناس أمير كمال عندهم صبر اتعوّدوا على التمهيدي إنت لسه المستقبل أمامك.
ناس أمير كمال كبروا على (بابا جاي الساعة ستة)، لكن جماعتنا ديل لسه بطلعوا من مرحلة التمهيدي.
معقولة لسه واقفين في الحتة دي.
آلو آلو.. بابا فين.. بابا هنا هنا أهو.. أقوله مين
قوله عمو.. عمو مين.. أقوله مين بيكلمه..
عمو عمو عمو.. نعم.. شوفت حصللي أيه
طرنا من التمهيدي!!
عمو عمو عمو.. شوفت جرالي أيه..
طرنا من التمهيدي.
شوفت البراية.. براية أيه.. كانت ويايا أديتها لصاحبي
قالي هرجعها.. خدها وضيّعها.. وأنا قولت لبابا
طب هو فين؟؟ بابا هنا هنا أهو أقوله مين.. أنا عمو.. عمو مين أقوله مين بيكلمه.. يا عم أنا عمو
آلو آلو آلو آلو.. مين الحلوة.. أنا توتة.. توتة مين.. أخت بُوتة..
أين بابا.. أنا عايز بابا.. بابا هنا هنا أهو أقوله مين.. قوليله عمو.. عمو مين أقوله مين بيكلمه.
عمو عمو عمو.. شوفت أنا حلوة إزاي..
عمو عمو عمو.. شوفت أنا طعمة إزاي…
أنا كلت الكاكا.. كلت الشيكولاتة اتبقت حتة
خليتها لبوتة واكلتها القطة.. وأنا قولت لبابا
بابا فين.. بابا هنا هنا أهو أقوله مين.. قوليله عمو .. عمو مين أقوله مين بيكلمه
آلو آلو آلو آلو.. وانت مين.. أنا صاحبهم.. صاحب مين.. لولو قريبهم.. لولو مين.. لولو حبيبهم
عمو عمو عمو.. نعم.. بص هقولك أيه.. أيه..
عمو عمو عمو انت بتزعل ليه..
معليش إستحملوني شوية، ح تكلم ليكم بلغة التمهيدي، ودي مرحلة طبعاً قبل (أ) أسد… قبل جدول اتنين، ودجاجي يلقط الحبّ.
طيرتوا من التمهيدي، أعمل ليكم شنو؟ المريخاب ديل مفروض يشلِّخوهم (تمهيدي) الواحد ذاتو ما عارف يتفاهم معاكم كيف؟
قدر ما حاولت أجيبها ليكم بطريقة ظريفة ما عرفت.
أقول ليكم الحرب؟
أقول ليكم المريخ في مرحلة بناء؟
يا ربي الهلال دا فريق برازيلي؟ فريق إنجليزي؟
أقول ليكم شنو؟
الطيران قسمة ونصيب.
والخروج (أي دمعة حزن لا لا).
ونهواه في كل الظروف.
أنا فترت من المجاملة، ما معقولة نحن كل سنة نقعد نصبِّر فيكم.
حقيقة كتر علينا معقولة بس نحن في كل سنة في نفس الحالة (أي دمعة حزن لا لا) إنتوا وقت بتبخلوا على فريقكم بدمعة حزن واحدة، ليه وقت الهلال بتعادل بتقلبوا الدنيا وتسوطوا الواطة!؟
نحن عرفناها صنتنا دي أصلو ما ساكت.
صنة وسكات.
قلت ليكم (شامي لي ريحة تمهيدي ضارب) ما سمعتوا الكلام، وقعدتوا تغالطوا.
رأسكم قوي زي الحجر.
قدر ما حاولت بيني وبين نفسي أبلع (التمهيدي) وأقول الدنيا حرب، وظروف بتعدي، وأفوت التمهيدي دا ما قدرت.
أقدر كيف وإنتوا واقفين لينا في حلقنا بالله موضوع إيمانويل (فلمو)، من (فيلم) عملوه لينا (مسلسل) مكسيكي عديل كدا.
ونحن وقت نقبِّل عليكم الموضوع بيبقى ليكم حار.
ما بترضوا، وبتقعدوا تتزعّلوا.
ولا بتتحمّلوا.
كورة غلبناكم أربعة وتمهيدي طلعتوا منه للمرة الرابعة توالياً.
خالنا (التكيس ود سعد) كان وقت يرقد ويتمكّن، بنجيب ليه الدواء كان ما بحب الأدوية ولا بحب الدكاترة، بقول لينا شفتوا مرضي دا أخير لي من أدويتكم دا… أوعكم تودوني لي دكتور.. أنا أحسن لي أموت في بيتي دا.
مرة اتمكن شديد، قال لينا جيبوا لي دواء يكون حبوب أوعكم من الحقن.
ولو في دكتور قريب شوفوه ليّ عرفنا ليك خالنا ممكون شديد.. أصلو ما بقول كلامه دا لو ما اتمكّن.
هسه ناس المريخ ديل ح نشتغل معاهم (حقن)، عشان حالتهم متأخرة خروج من التمهيدي للمرة الرابعة على التوالي!
دا وضع أحسن منه حمى الضنك.
عندنا جدنا اسمه (الكلس ود حمد)، النوع البدفر الباب بكراعو وبدخل.. الكلس ود حمد كان بعرف ليك الموت، بشمو شَم، لو زار ليه مريض ورجع منه وقال ليك وشو وش موت أقنع منه ما بصبحها، جدنا دا كان وقت يمشي المستشفي ويرجع أولاد الحلة بيسألوه أها كيف يا الكلس ود حمد؟ نطلع على المقابر، والّلا نصبر شوية، وقت يقول ليهم أحفروا، قبل ما ينتهوا من ود اللحد، بجيبوا ليهم خبره.
زول كان بعرف الموت.
هسع وش المريخ دا من البداية كان ظاهر وش تمهيدي.
قلت ليكم شامي لي ريحة تمهيدي ضارب.. قلت بكون قاصد الزمالة، ما قاصد المريخ.
أعمل ليكم شنو أكتر من كدا جبتها ليكم واضحة.
زول التمهيدي ظاهر بتلقاه بتكلم برّه رأسه ديل مُركِّزين مع الهلال في سيكافا اكتر من تركيزهم مع فريقهم في دوري أبطال أفريقيا!؟
كشفهم فيه (16) محترفاً أجنبياً وبالهم كله في القصير إيمانويل فلمو.
المريخ في هذا الموسم، عيّنوا ليه مجلس (نفطي)، وتم التعاقد مع جهاز فني أجنبي، وتعاقد المريخ في هذه التسجيلات مع (14) لاعباً (7) أجانب و(7) وطنيين.. مع ذلك خرج من التمهيدي الأول المريخ خرج من تمهيدي (الحضانة).
قبل ما تصبح.
ود البدري سمين إلا في التمهيدي.
فضيحة السواد!
المريخ دخل في معسكر مقفول لمدة شهر وخاض له فقط تجربتين.
إعلام المريخ كان براهن على تأهل المريخ بدون أن يلعب، لذلك دفعوا الثمن لأنهم خدعوا أنفسهم.
ندخل على الجد.
بنعرف تاركو للطيران لكن داركو للطيران دي أول مرة نسمع بيها.
تطير قبل ما تَرِك دا ما بتحصل إلا في المريخ!
على العموم (التاء) ما بيناتنا داركو وتاركو ما فارقة كتير غلطة مطبعية الدال اتقلبت تاء بتحصل في أرقى العائلات.
عندما تعاقد المريخ مع المدرب الصربي داركو نوفيتش، بيني وبين نفسي قلت المدرب دا فيه جنس عنوان فيه حلاة طيران لكن قلت اتقل شوية، وما أضيق، خشمي وعندي، أصلو الناس ديل ما بعمِّروا كتير نفسهم قصير، انتظرهم يطيروا، وأقوم أكتب عنهم تحت هذا العنوان (داركو للطيران)، والله العنوان دا مقرشو قبل شهر، مبركن بيه على جنب، قطع شك هم طايرين، صبّنت (العنوان)، ولبدت بيه، اللخبطة التي حصلت لي كانت في هل سوف يطيروا من دور ال64 التمهيدي الأول (حضانة)؟ أم سوف يطيروا من دور ال32 التمهيدي التاني (الروضة)؟ بصراحة قلت ما معقول يطيروا من التمهيدي الأول وكشف الفريق فيه 16 محترفاً أجنبياً، منهم سبعة دوليين، ويقوده جهاز فني أجنبي يحمل أعضاؤه جنسيات عدد من الدول المختلفة لذلك توقعت أن يخرج المريخ من التمهيدي التاني، جاملتهم في الحتة دي، واتظارفت معاهم، ولكن المريخ ما بنستر، دائماً هم في الخروج من التمهيدي أسرع من الريح المرسلة وعشان مرض الموت ظاهر ووش الموت واضح، خرجوا من التمهيدي الأول وهذا شئٌ لم يحدث حتى في السنوات الماضية وحدث الآن مع مجلس (نفطي) بدفع بالدولار، وجهاز فني فيه ثلاثة مدربين داركو وعمر تنقا ومحسن سيد من غير بقية أعضاء الجهاز الفني، والمريخ زي ما عندهُ ثلاثة مدربين (داركو ومحسن سيد وعمر تنقا)، عندهُ أيضاً ثلاث مديري كرة (علي جعفر وأيمن عدار وأنس نصر الدين).. المريخ فيه 16 محترفاً أجنبياً ومعسكر في كيجالي شهر وخرج من الدور التمهيدي الأول.
قالوا المريخ بفتش ليه حجز في أحد فنادق مدينة الدامر.
الجماعة بقوا على الدامر.
والهلال في الدامر ما برحم.
أربعة وطيران من التمهيدي.
فضيحة السواد!
وكيف لا يخرج المريخ إذا كان إعلام المريخ ليه شهر بكتب عن القاصر فلمو!؟
وكيف لا يخرج المريخ للمرة الرابعة توالياً من التمهيدي إذا كان هم بسخروا من نتائج الهلال في بطولة سيكافا!؟
الشئ الغريب أنّ إعلام المريخ اعترض على خوض المنتخب السوداني مباراته أمام المنتخب الموريتاني في دار السلام، واعتبر عدم خوض المباراة في ليبيا فيها مَشَقّة للاعبي المريخ، وأعتقدوا أنّ الاتحاد قصد من ذلك خدمة الهلال، لأن الأزرق يقيم معسكراً في تنزانيا أها يا ناصر بابكر المريخ طار تاني لا شغل ولا مشغلة، المريخ سوف يدخل في إجازة مفتوحة، إجازة بدون مرتب، ومن حق الاتحاد أن يبحث عن راحة الهلال ولاعبيه، ليس فقط لأنّ المريخ طار، وإنما لأنّ الجهاز الفني للمنتخب اختار (9) لاعبين من الهلال واختار (5) لاعبين من المريخ، واختيار دار السلام من هذه النسبة يبقي منطقياً.. حتى لو لم يطر المريخ.
حليل زمن جمال الوالي، كان في مثل هذه الحالات بشوف ليه سيكافا مستعجلة كدا.. سيكافا إسعافية، هسه يا ناصر بابكر ما عندكم شغلة أو موضوع غير القيصر القاصر فلمو عندكم سنة تدوروا في هذا الموضوع، وكان للدوري السوداني اوعوا تضغطوا على محمد حلفا مثلما ضغطوا عليه في الموسم الماضي وقلتوا المريخ جاهز ومتصدر، وفي النهاية اتغلبتوا أربعة من الهلال!
أنا ما عارف الحاصل عليكم شنو؟
ختموا الدوري الموريتاني بأربعة أمام تفرغ زينة، وختموا الدوري السوداني بأربعة من الهلال أما دوري أبطال أفريقيا فبدايته عندهم دائماً ثابتة وهو الخروج من مرحلة التمهيدي!
وعمو يا عمو يا عمو إنت بتزعل ليه؟
...
متاريس
عشان ما نُلدغ من نفس الجحر ناس الهلال يعملوا حسابهم من البوليس الكيني.
أصلو ما في أسوأ من الخروج من التمهيدي.
يا هلالاب ما تقعدوا تنفخوا في فريقكم.
غايتو أنا موضوع زي موضوع المريخ دا ما بقدر اسكت عليه!
ولا بكذب.
لسه عندي فيه عمود عمودين، تلاتة، أربعة.
بتوع التمهيدي ديل تاني سنة ما بنشوفهم.
لكن على الهلال أن يتعظ، والدرس الذي يجب أن يكون استفاد منه الهلال هو أن يحسم البوليس في نيروبي.
احسموا التأهل من مباراة الذهاب.
البوليس يجيد الهجمات المرتدة خطورته برّه بلده.. فاز على مقديشو سيتي بثلاثة في ملعب مقديشو سيتي الافتراضي وخسر من سيتي مباراته في كينيا بهدفين دون رد.
يا ناس الهلال احسموه في نيروبي.
أوعكم من الجهجهة.
المريخ ومع أنه في كشوفاته عشرة مهاجمين، فشل في تسجيل هدف وحيد في المباراتين.
الحسم في كينيا.
استفيدوا من قيمة الهدف خارج الأرض.
والهلال أصلاً بيلعب خارج أرضه وبعيداً عن جماهيره.
ما تتكلوا على مباراة الإياب الحسم في مباراة الذهاب، لو عاوزين تتأهلوا للمجموعات.
ناس المريخ قالوا بيسألوا من رزونامة الموسم القادم للاتحاد الأفريقي.
غايتو يا ناس المريخ عندكم عشرة شهور تبنوا فيها على راحتكم.
لكن بس عاوز أقول ليكم حاجة ما نشوفكم في الدامر.
الأيامات دي روفا سمو فاير، وجان المرة دي معاه كوليبالي وصنداي، ومعاه فلمو.
ناس المريخ قالوا لمحمد حلفا نظم لينا الدوري السوداني قبل أن يكمل إيمانويل فلمو (18) عاماً.
يلا يا محمد حلفا نزل البرمجة سريع قبل القيصر يتسجل.
...
ترس أخير: لا دوري، لا كَأس، وخُرُوج من التّمهيدي كَمَان..!؟

انقر هنا لقراءة الخبر من مصدره.