السفير السعودي لدى السودان يعلن خطة المملكة لإعادة إعمار ستة مستشفيات في السودان    مليشيا الدعم السريع تكرر هجومها صباح اليوم على مدينة النهود    منتخب الشباب يختتم تحضيراته وبعثته تغادر فجرا الى عسلاية    اشراقة بطلاً لكاس السوبر بالقضارف    المريخ يواصل تحضيراته للقاء انتر نواكشوط    شاهد بالفيديو.. رئيس مجلس السيادة: (بعض الوزراء الواحد فيهم بفتكر الوزارة حقته جاب خاله وإبن أخته وحبوبته ومنحهم وظائف)    الحسم يتأجل.. 6 أهداف ترسم قمة مجنونة بين برشلونة وإنتر    شاهد بالفيديو.. رئيس مجلس السيادة: (بعض الوزراء الواحد فيهم بفتكر الوزارة حقته جاب خاله وإبن أخته وحبوبته ومنحهم وظائف)    شاهد بالصور والفيديو.. على أنغام الفنانة توتة عذاب.. عروس الوسط الفني المطربة آسيا بنة تخطف الأضواء في "جرتق" زواجها    المجد لثورة ديسمبر الخالدة وللساتك    بالصورة.. ممثلة سودانية حسناء تدعم "البرهان" وثير غضب "القحاتة": (المجد للبندقية تاني لا لساتك لا تتريس لا كلام فاضي)    المجد للثورة لا للبندقية: حين يفضح البرهان نفسه ويتعرّى المشروع الدموي    استئناف العمل بمحطة مياه سوبا وتحسين إمدادات المياه في الخرطوم    الناطق الرسمي للقوات المسلحة : الإمارات تحاول الآن ذر الرماد في العيون وتختلق التُّهم الباطلة    هيئة مياه الخرطوم تعلن عن خطوة مهمة    قرار بتعيين وزراء في السودان    د.ابراهيم الصديق على يكتب: *القبض على قوش بالامارات: حيلة قصيرة…    هل أصبح أنشيلوتي قريباً من الهلال السعودي؟    باكستان تعلن إسقاط مسيَّرة هنديَّة خلال ليلة خامسة من المناوشات    جديد الإيجارات في مصر.. خبراء يكشفون مصير المستأجرين    ترامب: بوتين تخلى عن حلمه ويريد السلام    باريس سان جيرمان يُسقط آرسنال بهدف في لندن    إيقاف مدافع ريال مدريد روديغر 6 مباريات    تجدد شكاوى المواطنين من سحب مبالغ مالية من تطبيق (بنكك)    ما حكم الدعاء بعد القراءة وقبل الركوع في الصلاة؟    عركي وفرفور وطه سليمان.. فنانون سودانيون أمام محكمة السوشيال ميديا    صلاح.. أعظم هداف أجنبي في تاريخ الدوري الإنجليزي    تعاون بين الجزيرة والفاو لإصلاح القطاع الزراعي وإعادة الإعمار    قُلْ: ليتني شمعةٌ في الظلامْ؟!    الكشف عن بشريات بشأن التيار الكهربائي للولاية للشمالية    ترامب: يجب السماح للسفن الأمريكية بالمرور مجاناً عبر قناتي السويس وبنما    كهرباء السودان توضح بشأن قطوعات التيار في ولايتين    تبادل جديد لإطلاق النار بين الهند وباكستان    علي طريقة محمد رمضان طه سليمان يثير الجدل في اغنيته الجديده "سوداني كياني"    دراسة: البروتين النباتي سر الحياة الطويلة    خبير الزلازل الهولندي يعلّق على زلزال تركيا    في حضرة الجراح: إستعادة التوازن الممكن    التحقيقات تكشف تفاصيل صادمة في قضية الإعلامية سارة خليفة    المريخ يخلد ذكري الراحل الاسطورة حامد بربمة    ألا تبا، لوجهي الغريب؟!    الجيش يشن غارات جوية على «بارا» وسقوط عشرات الضحايا    حملة لمكافحة الجريمة وإزالة الظواهر السالبة في مدينة بورتسودان    وزير المالية يرأس وفد السودان المشارك في إجتماعات الربيع بواشنطن    شندي تحتاج لعمل كبير… بطلوا ثرثرة فوق النيل!!!!!    ارتفاع التضخم في السودان    بلاش معجون ولا ثلج.. تعملي إيه لو جلدك اتعرض لحروق الزيت فى المطبخ    انتشار مرض "الغدة الدرقية" في دارفور يثير المخاوف    مستشفى الكدرو بالخرطوم بحري يستعد لاستقبال المرضى قريبًا    "مثلث الموت".. عادة يومية بريئة قد تنتهي بك في المستشفى    وفاة اللاعب أرون بوبيندزا في حادثة مأساوية    5 وفيات و19 مصابا في حريق "برج النهدة" بالشارقة    عضو وفد الحكومة السودانية يكشف ل "المحقق" ما دار في الكواليس: بيان محكمة العدل الدولية لم يصدر    ضبط عربة بوكس مستوبيشي بالحاج يوسف وعدد 3 مركبات ZY مسروقة وتوقف متهمين    الدفاع المدني ولاية الجزيرة يسيطر علي حريق باحدي المخازن الملحقة بنادي الاتحاد والمباني المجاورة    حسين خوجلي يكتب: نتنياهو وترامب يفعلان هذا اتعرفون لماذا؟    من حكمته تعالي أن جعل اختلاف ألسنتهم وألوانهم آيةً من آياته الباهرة    بعد سؤال الفنان حمزة العليلي .. الإفتاء: المسافر من السعودية إلى مصر غدا لا يجب عليه الصيام    بيان مجمع الفقه الإسلامي حول القدر الواجب إخراجه في زكاة الفطر    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



اللواء بيتر قاديت في أول حوار صحفي :البترول هو هدفنا ما بعد انفصال الجنوب


ثورتنا ضد المجرمين وليس المواطنين
ما حنخلي البندقية إلا...!؟
هذا ما يجمعني بأطور ولام أكول..ولكن تانج ذلا نفسه..!
لا نخاف علاقات الحركة بالمجتمع الدولي ولكن..!
هذه(....)مصادر سلاحنا ..ومنذ ذلك الوقت لم التقي اطور
مع اقتراب إعلان ميلاد الدولة الجنوبية الوليدة بدأت المواجهات الجنوبية الجنوبية تطفو علي السطح و تتزايد في الآونة الاخيرة بين الجيش الشعبي لتحرير السودان والقوات المنشقة عنه..خلفت وراءها مئات القتلي والجرحي ..واتهامات متبادلة زاد فيها فتيل الازمة اشتعالا خاصة بولاية الوحدة الجنوبية ، حيث يتواجد الجنرال المنشق عن الجيش الشعبي بيتر قاديت رئيس حركة تحرير جنوب السودان ، أعلن الرجل في حواره ل(السوداني) ثورة ضد من اسماهم بالمجرمين كاشفا النقاب عن تفاصيل تحدث عنها لأول مرة لصحيفة سودانية فإلي تفاصيل الحوار....
حوار : رفيدة ياسين
_البعض يقلل من قواتك فكيف يمكن أن تكون لديك قدرة التاثير علي حكومة الجنوب كما تقول ؟
هم بقولوا ما بنقدر ليكن إحنا شغالين شغل صاح عديييل وجيشنا كبير وعندنا وجود عسكري وبندقية ده ما هنخلي إلا نهزم الجيش الشعبي وحنواصل في قتال ده بجيشنا لحد آخر عسكري عندنا.
_هل هدفكم فقط هو زعزعة الامن والاستقرار في الجنوب كما تتهمكم الحركة؟
هدفنا اسقاط حكومة الجنوب لانه الحركة الشعبية ليست المفوض باسم الجنوب وحدها وإحنا جيش حقنا منتشر في كل الولايات الجنوبية
هنفضل ماسكين البندقية لحد ما ننهي التهميش ، إحنا عندنا هدف هو القضاء علي التهميش لأنه الحركة ما بتعرف حق الجنوب والجنوبيين.
_هل هناك تنسيق بينكم وبين جورج اطور وجبريال تانج؟
كلنا نخوض المعركة سويا في مواجهة حكومة الجنوب ونعمل كمهمشين لاسترداد حقوقنا وحقوق شعب الجنوب ، وسنظل نعمل حتي النهاية لانه حكومة الجنوب فاشلة في إدارة الجنوب
لفشل حكومة الجنوب ، وكلنا علي تنسيق مع بعض وهدفنا واحد ومتفقون علي أن نظام حكومة الجنوب فاشل .
_ما سر علاقتكم ب د لام اكول اجاوين رئيس الحركة الشعبية للتغيير الديمقراطية وما طبيعتها ؟
لام اكول مشروع رجل سياسي وعسكري عاني مع الحركة الشعبية فالحركة لا تعطي صلاحيات وفرص للاخرين .
_أسألك عن طبيعة هذه العلاقة ؟
كلنا عندنا تنسيق سويا كمهمشين هدفنا واحد هو ان نكون سويا ونقف في مواجهة سياسة حكومة الجنوب الفاشلة ، وأكبر دليل علي فشلها إنه احنا اتمردنا عليها ، ولام اكول برضه انشق منها
_هل هناك تنسيق عسكري بينكم وبين لام اكول؟
لام ده زول سياسي وعنده حزب بيلمنا معاهو التهميش الموجود حاليا في جنوب السودان ما اكتر من كده.
_الحركة لديها علاقات دولية الا تخافون من تاثير هذه العلاقات عليكم بما ان حكومة الجنوب تجد رعاية دولية؟
احنا ما عندنا مشكلة إلا من الاجرام البتعمله الحركة ،
النظام الجنوبي ده كله عنده مشاكل ،والمواطن الجنوبي تعبان
إحنا ما خايفين من علاقات الحركة الدولية احنا اعدادنا كبيرة
والنظام الدولي يجب انه ينتبه للمشكلات البتسببا الحركة داخل الجنوب مش يقيفوا مع الحركة.
_وماذا حققتم أنتم علي المستوي الميداني حتي الان سوي القتلي والجرحي سواء من صفوفكم او من صفوف الجيش الشعبي وحتي مواطنين عزل وابرياء ؟
احنا موجودين في الميدان ، وهنخوض المعارك مع الجيش الشعبي لحد النهاية لحد ما نحقق العدل في الجنوب ، أصله لازم يكون في جرحي وقتلي لأنه دي حرب وده شي طبيعي ، إحنا كان عندنا معارك في ميوم في هجوم مع الجيش الشعبي ، مات فيهو عدد كبير
وزي ما احنا عندنا جرحي وشهداء برضه عندنا 23 أسري في المعركة الأخيرة ..ثلاثة منهم سائقين من يوغندا جابوهم ناس الجيش الشعبي في عربات في روبيك وبرضه عندنا ضباط وشاويش و5 عريف و14 عسكري..
_وماذا عن اسراكم لدي الجيش الشعبي ؟
ناسنا ما معروف لينا عندهم كم .
_الا تعرف كم تبلغ قواتك ولا تحصر المفقودين؟
لا عارفين لكين ما هنقول هم كم .
_من اين لكم بالدعم والاسلحة التي لديكم الان؟
الدعم بتاعنا من الجيش الشعبي ذاته ، لما طلعنا منه طلعنا بناسنا وبسلاحنا ، وبعد داك من المعارك الدارت بينا وبينم.

_البعض يقول أنكم تستلمون دعما من الجيش السوداني؟
ما عندنا علاقة مع الجيش السوداني ، احنا في ارض ولاية الوحدة مافي شمال السودان ، وما عندنا مصدر تاني بنمسك سلاح من الجيش الشعبي
_لم تحدث معارك كبيرة بينكم وبين الجيش الشعبي لتجعل لديكم هذا الكم من السلاح ؟
ده كضب ساي مافي مصدر غير الجيش الشعبي ، وأنا زول جنرال
عندي جيش حقي من الجيش الشعبي مافي دولة تانية ولا افريقية ولا الخرطوم ولا غيرهم.
_ما ردك علي ما أعلنته مجموعة استثمارية امريكية خاصة تدعي احقية الامتياز لاستكشافات نفطية في الجنوب بتعيينك في منصب رفيع بمجلس ادراتها؟
ده كلام ساي رد ساخرا : ده كلام ساي ما بعلق فوقوا
_تتردد احاديث انك وجورج اطور تنسقون وتجتمعون هنا في الخرطوم ..ما تعليقك علي ذلك ؟
ده كضب انا ما شفتا جورج اطور الا في جوبا
من اويل لجوبا مشينا نيروبي وبعد داك أنا مشيت ميوم
ما لاقيت جورج اطور من انتخابات الجنوب ، فارقته من الزمن داك وما اتلاقينا تاني.
_ما رايك في الحكومة التي شكلها اطور؟
ما عندي راي فوقه ده برنامج بتاعه وحقه هو
احنا ناس اتمردنا علي نظام الجنوب كل زول بعد داك عنده خطة حقته لكن في النهاية بننسق مع بعض لانه هدفنا واحد.
_اتهمتكم الحركة بمحاولة اغتيال رئيس حكومة الجنوب سلفاكير..ما ردك؟
كلام ده ما صاح إحنا ما عندنا مشكلة شخصية مع سلفاكير ..هوة سلفاكير ذاتو لو براو إحنا ما بكون عندنا معاو مشكلة ، إحنا مشكلتنا مع النظام الجنوبي كله والبقولو زي ناس باقان ورياك مشار ، لو قتلنا سلفاكير ذاتو مشاكلنا دي ما بتتحلا ، وإحنا ذاتو سلفاكير ده براهو كده ما عندنا معاو مشكلة إحنا مشكلتنا مع السياسيين الخلف سلفاكير في الحركة وهما الفشّلو الحركة ودمروها .
_هذا ادعي لاتهامكم باغتيال اكثر من قيادي وليس سلفاكير فقط؟
قلتا ليك لإحنا ما عندنا مشكلة شخصية مع سلفاكير ولا مع زول بعينه إحنا مشكلة حقتنا مع النظام حق حكومة الجنوب ده كله ولأنه الشعب الجنوبي كله مهمش ولأنه الناس ديل بيقتله المواطنين الجنوبيين و بشيلو قروش الجنوب بدون تنمية في البلد.
_لماذا لم تتجهون لمناطق البترول حتي الان ..ألا يعد بترول الجنوب هدفا لكم ؟
نحنا حاليا قاعدين ورا مناطق البترول ، لكن اولوياتنا حسي أننا نكون موجودين جوة البلد ، لأنه الجيش الشعبي حسي ما قاعد في محل بترول ، أحنا حسي قضيتنا ما بترول لكن بترول الجنوب ده بنصله وندافع عنه وقت الجنوب يبقي دولة براهو بعد 9 يوليو ، هوة حسي حق السودان عامة لكن بعد انفصال الجنوب هنصل مناطق البترول
هنمشي نحمي مناطق البترول لانه معركتنا الان مع النظام ، وهدفنا حسي ما البترول .
_فهمت من حديثكم ان البترول سيكون هدفكم ما بعد 9يوليو ..لكن هل تعتقد ان الحركة ستسمح لكم بذلك؟
الجنوب انفصل لإحنا هنحمي مناطق البترول وحنقدر نسيطر علي بترول حق الجنوب لانه حق الشعب الجنوبي ما حق الحركة
وانا زول جنرال ماحاجة ساكت كده وبقدر بقواتي أصل مناطق البترول واحميها من الحركة.
_في رأيك لماذا لم تنجح خطي المصالحة التي بدأتها معكم الحركة في الحوار الجنوبي الجنوبي ما قبل إجراء الاستفتاء؟
احنا ذاتو معترضين علي كلام العفو القالو ناس الحركة ده ، لإنه إحنا ناس اتمردنا وطلعنا من الجيش الشعبي بناسنا مفروض يعملوا حوار معانا وينهو التهميش مش يعفو عننا ، وبعدين هو ذاتو كلام ده ما فات لقدام لانهم كتبوا كلام في ورق وما نفذوا منه حاجة ، هم ناس الحركة دايرين يصالحونا ويهمشونا وكانوا دايرين يظهروا للناس انهم دايرين يحلوا مشاكل لكن مشاكل بطريقتم دي ما بتتحلا ، وبعدين الحركة الشعبية ذاتا بعد د جون انتهت تماما.
_ما رايك في محاكمة جبريال تانج؟
نحنا ما عندنا راي في محكامته لأنه هو فشل وبيذل نفسه هو خسر في معركة لحد ما قدرو يمسكو سلم نفسه في محل الهجوم
ما ممكن العسكري يسلم نفسه زول كبير لواء يسلم نفسه ده ما بيحصل في العالم انه جندي كبير زي جبريال تانج يقوم يسيسلم بسهولة لناس الحركة
_هل تؤيد محاكمته؟
قلتا ليك إحنا ما عندنا علاقة فوقه ، ه كان مفروض يكون في حالة دفاع عن نفسه لكن هو استسلم ، وبعدين جبريال ذاتو موقفه ما كان مفهوم وهو كان مواصل في سلام مع ناس الحركة
وبتكلم مع الحركة واحنا كلام ده ما كنا عارفنه.
_ترددت احاديث عن خلافات بينكم وبين تانج ما صحة ذلك؟
هو عمل سلام مع الحركة الشعبية وتاني قام مسك البندقية
موقفه ما كان واضح وما معروف بالنسبة لينا ، عشان كده بطريقته هوة كان زول جندي كبير لكين ذلا نفسه.
_دوما تتحدثون عن فشل الحركة وعن تهميشكم لكنكم لم تقدموا مطالب واضحة لوقف هذه المعارك؟
نحنا دايرين نهزم الجيش الشعبي ، وما هنخلي البندقية الا الشعب الجنوبي يلاقي حقوقه الشالته الحركة
_اتحدث عن اجندة مطالب محددة من قبلكم لحل ازمتكم مع الحركة الشعبية بهدف وقف نزيف الدم في الجنوب؟
احنا بنقول أنه لازم يكون في تعديل صلاحيات الجنوب ، وانه ما يقولو علينا ميليشيات..كيف نكون ميشليشيات في دولتنا احنا عصب الجنوب وحافظين الجنوب ده شبر شبر وحاربنا من اجله كيف اكون ميليشيا وانا عندي حق في البلد..ده مشكلة التهميش الاحنا بنتكلم عنه
دايرين الحركة تبطل تقتل شعب الجنوب الابرياء وترجع قروشه الشالتا في جيوبم وما عملو بيها اي تنمية ..ما دايرين يكون في فساد
_هل هدفكم فقط هو القضاء علي الفساد ..ينظر الكثيرون لهذه المعارك انها من أجل الكراسي؟
ليست من أجل الكراسي إحنا قاعدين في الخلا من أجل القضاء علي التهميش وأعلنا ثورة ضد المجرمين والفاسدين ولن نسمح لهم بتدمير الجنوب ، ويكفي انهم فشلوا في إدارته.
_لكن المعارك التي تدور بينكم وبين الحركة يذهب فيها كثير من المواطنين الابرياء ضحايا بها؟
نحن ثورتنا ضد المجرمين وليس المواطنين الابرياء ، بل خرجنا وتمردنا من اجلهم ولكي ندافع عن حقوقهم ولكي نحسم مشكلة التهميش القائمة في البلاد ، بل نثور من اجلهم لا عليهم.
_البعض يري ان الازمة تقتصر علي الصراع القبلي؟
ما عندنا حسي صراع قبلي في الجنوب ، لأنه كل القبايل تعبانة ومهمشة في كل الولايات الجنوبية العشرة
بقولو ده شكل قبلية احنا لما انشقينا كان الجيش الشعبي ده لامي قبايل كله لكين كانوا هم فاشلين في الادارة.

_أخيرا أود أن أسأك عن الخلاف الدائر بين الحركة الشعبية والمؤتمر الوطني حول تبعية منطقة أبيي ؟ هل تتفق مع الحركة في ضم منطقة ابيي لدستور الجنوب ما بعد الانفصال؟
أبيي دي انا حاربتا فوقا مع د جون قرنق وبعرفا كويس ..أبيي دي ما حقت زول ، يجب انه الناس يطبقوا بروتوكول ابيي الجه في اتفاقية نيفاشا ،لكن ما صح انه الحركة تضم ابيي لدستور الجنوب بعد الانفصال ده امر بيخص سكان المنطقة ما الحركة .

انقر هنا لقراءة الخبر من مصدره.