السودان الافتراضي ... كلنا بيادق .. وعبد الوهاب وردي    إبراهيم شقلاوي يكتب: يرفعون المصاحف على أسنّة الرماح    د.ابراهيم الصديق على يكتب:اللقاء: انتقالات جديدة..    لجنة المسابقات بارقو توقف 5 لاعبين من التضامن وتحسم مباراة الدوم والأمل    المريخ (B) يواجه الإخلاص في أولي مبارياته بالدوري المحلي بمدينة بربر    الهلال لم يحقق فوزًا على الأندية الجزائرية على أرضه منذ عام 1982….    شاهد بالفيديو.. لدى لقاء جمعهما بالجنود.. "مناوي" يلقب ياسر العطا بزعيم "البلابسة" والأخير يرد على اللقب بهتاف: (بل بس)    شاهد بالصورة والفيديو.. ضابطة الدعم السريع "شيراز" تعبر عن إنبهارها بمقابلة المذيعة تسابيح خاطر بالفاشر وتخاطبها (منورة بلدنا) والأخيرة ترد عليها: (بلدنا نحنا ذاتنا معاكم)    لماذا نزحوا إلى شمال السودان    جمهور مواقع التواصل بالسودان يسخر من المذيعة تسابيح خاطر بعد زيارتها للفاشر ويلقبها بأنجلينا جولي المليشيا.. تعرف على أشهر التعليقات الساخرة    شاهد بالصور.. المذيعة المغضوب عليها داخل مواقع التواصل السودانية "تسابيح خاطر" تصل الفاشر    جمهور مواقع التواصل بالسودان يسخر من المذيعة تسابيح خاطر بعد زيارتها للفاشر ويلقبها بأنجلينا جولي المليشيا.. تعرف على أشهر التعليقات الساخرة    أردوغان: لا يمكننا الاكتفاء بمتابعة ما يجري في السودان    مناوي .. سلام على الفاشر وأهلها وعلى شهدائها الذين كتبوا بالدم معنى البطولة    وزير الطاقة يتفقد المستودعات الاستراتيجية الجديدة بشركة النيل للبترول    المالية توقع عقد خدمة إيصالي مع مصرف التنمية الصناعية    أردوغان يفجرّها داوية بشأن السودان    اللواء الركن"م" أسامة محمد أحمد عبد السلام يكتب: الإنسانية كلمة يخلو منها قاموس المليشيا    وزير سوداني يكشف عن مؤشر خطير    شاهد بالصورة والفيديو.. "البرهان" يظهر متأثراً ويحبس دموعه لحظة مواساته سيدة بأحد معسكرات النازحين بالشمالية والجمهور: (لقطة تجسّد هيبة القائد وحنوّ الأب، وصلابة الجندي ودمعة الوطن التي تأبى السقوط)    بالصورة.. رجل الأعمال المصري نجيب ساويرس: (قلبي مكسور على أهل السودان والعند هو السبب وأتمنى السلام والإستقرار لأنه بلد قريب إلى قلبي)    إحباط محاولة تهريب عدد 200 قطعة سلاح في مدينة عطبرة    السعودية : ضبط أكثر من 21 ألف مخالف خلال أسبوع.. و26 متهماً في جرائم التستر والإيواء    الترتيب الجديد لأفضل 10 هدافين للدوري السعودي    «حافظ القرآن كله وعايشين ببركته».. كيف تحدث محمد رمضان عن والده قبل رحيله؟    محمد رمضان يودع والده لمثواه الأخير وسط أجواء من الحزن والانكسار    وفي بدايات توافد المتظاهرين، هتف ثلاثة قحاتة ضد المظاهرة وتبنوا خطابات "لا للحرب"    أول جائزة سلام من الفيفا.. من المرشح الأوفر حظا؟    مركزي السودان يصدر ورقة نقدية جديدة    برشلونة ينجو من فخ كلوب بروج.. والسيتي يقسو على دورتموند    "واتساب" يطلق تطبيقه المنتظر لساعات "أبل"    بنك السودان .. فك حظر تصدير الذهب    بقرار من رئيس الوزراء: السودان يؤسس ثلاث هيئات وطنية للتحول الرقمي والأمن السيبراني وحوكمة البيانات    ما الحكم الشرعى فى زوجة قالت لزوجها: "من اليوم أنا حرام عليك"؟    غبَاء (الذكاء الاصطناعي)    مخبأة في باطن الأرض..حادثة غريبة في الخرطوم    رونالدو يفاجئ جمهوره: سأعتزل كرة القدم "قريبا"    صفعة البرهان    حرب الأكاذيب في الفاشر: حين فضح التحقيق أكاذيب الكيزان    دائرة مرور ولاية الخرطوم تدشن برنامج الدفع الإلكتروني للمعاملات المرورية بمركز ترخيص شهداء معركة الكرامة    عقد ملياري لرصف طرق داخلية بولاية سودانية    السودان.. افتتاح غرفة النجدة بشرطة ولاية الخرطوم    5 مليارات دولار.. فساد في صادر الذهب    حسين خوجلي: (إن أردت أن تنظر لرجل من أهل النار فأنظر لعبد الرحيم دقلو)    حسين خوجلي يكتب: عبد الرجيم دقلو.. إن أردت أن تنظر لرجل من أهل النار!!    الحُزن الذي يَشبه (أعِد) في الإملاء    السجن 15 عام لمستنفر مع التمرد بالكلاكلة    عملية دقيقة تقود السلطات في السودان للقبض على متّهمة خطيرة    وزير الصحة يوجه بتفعيل غرفة طوارئ دارفور بصورة عاجلة    الجنيه السوداني يتعثر مع تضرر صادرات الذهب بفعل حظر طيران الإمارات    تركيا.. اكتشاف خبز عمره 1300 عام منقوش عليه صورة يسوع وهو يزرع الحبوب    (مبروك النجاح لرونق كريمة الاعلامي الراحل دأود)    المباحث الجنائية المركزية بولاية نهر النيل تنهي مغامرات شبكة إجرامية متخصصة في تزوير الأختام والمستندات الرسمية    حسين خوجلي يكتب: التنقيب عن المدهشات في أزمنة الرتابة    دراسة تربط مياه العبوات البلاستيكية بزيادة خطر السرطان    والي البحر الأحمر ووزير الصحة يتفقدان مستشفى إيلا لعلاج أمراض القلب والقسطرة    شكوك حول استخدام مواد كيميائية في هجوم بمسيّرات على مناطق مدنية بالفاشر    السجائر الإلكترونية قد تزيد خطر الإصابة بالسكري    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



من غير بركاوى يا البشير .. بقلم: سعيد شاهين
اخبار تورنتو نشر في سودانيل يوم 24 - 04 - 2018

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.
ومن غير البركاوى بتاعكم الصرفتو للحرمه ( الخواجيه ) زى ماقلت بعضمة لسانك وهى غير انها امراة فهى ضيفه ونحنا ربونا على اكرام الضيف طالما فى حوشك اولا تانى هام الرسول عليه الصلاة والسلام قال رفقا بالقوارير ما اكرمهن الا كريم وما اهانهن الا لئيم اها انا كلمة لئيم دى ما قلتها ليك لانو دى وصف الرسول عليه الصلاة والسلام وكلامى معاك من غير بركاويك دى لانو اهلنا ما ربونا على كده وحقيقه البركاوى الوحيد البعرفو اياهو هولنا بتاع بلح دنقلا علا انتو جبتو لينا بركاونا جديد ست العرقى ما بتصرفو عندها بس الحمدلله ما كان فى جنبك الحديده ديك كنت لحقتها عضم شيطان حجه هديه
ما قوالا لكن سمع وشوف صوره وصوت وبى رقيصها حايم من ولايه لى ولايه انك سنة عشرين ناوى تمدها تانى وتجر بطانية القصر بس المستغرب ليه مالك مقوم نفسك قدر دى انت عامن اول جيت مترشح؟؟ ما شلتها قوة عين وقلت غير الله الزارعنا مافى زول بشيلا طيب لزومه شنو خمت النفس دى بلا دستور بلا ظار هو فى زول شاغلك
طيب قلنا نبقى حضاريين اها النقولك حضاريين دى ما من مشروع التسمين بتاعكم السميتو حضارى عشان تكون عارف وعشان نكون حضاريين اقول ليك انا شخصيا مستعد اتحزم واقيف معاك واصوت ليك بس النقعد فى الواطه ونناقش الموضوع دى {وتقنعنى} كمرشح انى اصوت ليك
النجيب الدفتر ونقلبو
فى الاول جيت وقلت عايزين ننقذ البلد لانها كانت ماشه من غير فرامل للخور والليله بعد 30 سنه شوف حال البلد مما مسكتها الخور ذاتو بقى دقداق ساااااى
مشروع الجزيره وحفرو الارانب ...سودانير وراحت فى حق ناس تاركو للطيران واخواتها والمسيكين ود جبره بقى يطقع فى الهواء بالواوات ويهضرب خط هيثرو غير واواتو التانيه بس الحمدلله مافيها { واو البلد الاسمها واو} لانو واو دى صعب خلاص ...واو البجيبوه من البلد الاسمها واو بيعرفو الجماعه البقو يجيبو بالحاويات ويخلو شبابنا وطلابنا يخرشو سااااكت ...التعليم جماعتك بقو يبيعو حواشات ابواتهم عشان يعلموا اولاد الارانب الحفرو مشرع الجزيره واولاد الكدايس المدغلبه البقت تلعب مع فيران الكبارى واولاد النمل الاكل السكر ونحنا قبائل رمضان.... كلو دى كوم ....شارع النص القسم مستشفى الخرطوم{ الاسبتاليه} ودى كان اسما عامن اول اسعل حميده اها الاسبتاليه دى الدربت وعلمت حميده الطب لما كان برلوم الشارع دى بوديك وين عارف بيوديك مستشفى حميده ذات شخصه شفت الحرفنه كيف كل الطرق تؤدى لى داهيه ووزير صحتك بتعالج بره البلد طيب ما تديه وزاره تانيه الراجيها منو شنو؟؟؟ لكن بينى وبينك ليه حق تعرف ليه ؟ لانو سيادتو لقى انو اكثر من 300 طبيب شغالين وبياخدو مع الارواح مواهى كمان مش زى جماعت غندور اها الاكتر من 300 ديل ما ليهم علاقه بالطب لامن بعيد ولا من قريب وما خفى اعظم من بقية الكوادر الشغاله طب وانت بتعاين وتقرا زيك زى ست الشاى البكشوها ناس النظام العام والمحليه عشان يضمنو مواهيهم ... لا وكمان عايز تترشح ...يارااااااجل!!!!! حليلك يا دنيا دبنقه وطبعا المحروس سيد الاسم {الجنيه} البى سببو عملتو حركتكم دى طيب الله مرقده فى بنوككم الخاويه قلتو لو ما لحقتونا كان بقى اتناشر الكترابه اها الليله يالمترشح وصلتو كم؟؟ خلى فى سرك!!! يعنى لغاية قصة المرتبات بقت سياسه عابرة الحدود يعنى ما الاساتذه براهم الكتوف اتلاحقت... والبواخر واقفه عشان سى حازم رئيس النقد الاجنبى وقتها والصرف لناس الدواء العالجو بيه جيوبهم والليله بقى محافظ البنك حالف بى راس ابوه ما يدفع للبواخر ويعالج العربات من شحتفة البنزيم الفيها دى بلا بواخر هو اصلو لو ما جينا كنتو ركبتو عربات على وزن الهوت دوك بتاعك وكلام لاحس السماسره بدر البدورالقال لو ما جيناكم كنتو متو بالجوع اها الدفتر مليان تب شى ناس رمضان الحرمتوهم يعيدو مع اهلهم وشى اليافع الشلتو روحو وقروشه الحلال الكان منتظر اخوانه عشان يوزع الورثه والمسكين الدقيتو المسمار فى راسو المليان علم وادب د.على فضل عليهم رحمة الله ديه غير ناس دارفور الوصلو لغاية اليهود فى بلدم لانهم ارحم ليهم منكم وهم { اهل دارفور} اهل التقابه والقران والجنوب ما حنجيب سيرتو وحلايب وشلاتين والفشقه ياخى انت فاضى من قتيل اليمنين الناس الطيبه العلمونا التجاره والدكاكين النضيفه المرشوشه المبخره والليله البلد حاله واقف تب حتى الناس الخاته قروشه امانه فى البنك بقيتو تدوها ليهم بالقطاره ودى لو عملوها ناس قريعتى راحت كان يكونو ويبقى لحين الممات السكر واكلو النمل صدقناكم طيب القروش بالجنيه بالدينار بى اب صلعه بى اى لون تانى مشت وين بترول ودهب ونسوان الحيوانات قصدى اناث الماعز وعيك بعتو اى حاجه ما نلقى ولا الفرطاقه بس المحيرنى حازم بتاع البنك دى نادو من القاهره عشان يشوفو موضوع غندور الزول دى قروش مافى لقى حق التذاكر والسكن والاكل فى القاهره وين وبعدين لو ما حقاره ساكت دى وقت يمشى فيه القاهره
وبعد دى فضل شنو عايز تتمو عشان تواصل بعد سنة عشرين اعتقد انت ذات نفسك لو قالو ليك دى انجازات واحد عايز يترشح ما حتصوت ليه يمكن تديه من بركاويك التقيل داك.... غايتو انا شخصيا بركاويك دى ما اتربينا عليهو والمشكله بتقولو هى لله ما للسلطه ولا للجاه طيب البركاوى لزومو شنو؟؟ اعوذ بالله غايتو النصيحه لله دى ما سبقك عليها زول اها الدفتر وقفلناه بينى وبينك بى ياتو سبب اصوت ليك مش مفروض ....استغفر الله
لكن بعد دا كلو اذا كنت عايز تنقذ البلد فعلا من السويتوه دى اقول ليك انسى مخرجات حوار وطنى والكلام دى ادعو اهل الوجعه الجد الناس النضاف من الجيش والشرطه والقضاء والخدمه المدنيه الطردتوهم وخليهم يشكلو حكومه بطريقتهم لمدة اربعة سنوات يحاولو يرمرمو الاتعمل طيلة ال 30 سنه الفاتت سلمهم البلد وابعدو طبعا حتقول لى دى شنو الاهبل دى انا عوير ليك وبصراحه دى المتوقع منك لكن عشان ما اتلوم معاك اديتك المخرج وجيب اضانك عشان ما يسمع زول اخير اقبل نصيحتى دى على الاقل بتسندك وتانى حاتقول لى تلقاها عند الغافل ويمكن تكون فكيتنى ببركاوى ودى انا ما متربى عليها واذا ما سمعت نصيحتى شيل شيلتك وارجى الراجيك قبال سنة عشرين
//////////////////

انقر هنا لقراءة الخبر من مصدره.