سودارس : إلى صاحب المقام الرفيع والموقع القومي!! .. بقلم: ابوبكر يوسف إبراهيم

إبراهيم جابر ينفي خبر حل اللجنة العليا لتهيئة بيئة العودة إلى الخرطوم البرهان يفاجئ الجميع بشأن استقالة إبراهيم شقلاوي يكتب: مسرح ما بعد الحرب لدى يوسف عيدابي الصحفية سهيرة عبد الرحيم: (شعرت للحظة أن وزير الخارجية المصري سيهتف داخل القاعة "جيش واحد، شعب واحد" من فرطٍ حماسه في الجلسة) شاهد بالفيديو.. والدة الفنان الراحل محمود عبد العزيز: (اتخذلت في هذا المطرب!! وكل من كانوا حول الحوت منافقون عدا واحد) شاهد بالفيديو.. على أنغام أغاني "الزنق".. لاعبو حي الوادي يحتفلون مع راعي الفريق ونائب رئيس إتحاد الكرة أسامة عطا المنان بمناسبة زواجه شاهد بالفيديو.. في مشهد مؤثر.. كابتن طائرة "سودانير" المتجهة إلى العاصمة الخرطوم ينهار بالبكاء أثناء مخاطبته الركاب وزارة المالية توقع إتفاق مع بنك التضامن الإسلامي لتقديم خدمة إيصالي شاهد بالصورة.. اللاعب هاني مختار يتوشح بعلم السودان في جلسة التصوير الخاصة بناديه الأمريكي شاهد بالفيديو.. بتواضع كبير "البرهان" يقف بسيارته في الشارع العام ليشرب عصير من الفواكه قدمه له أحد المواطنين بدنقلا وزير الخارجية والتعاون الدولي يلتقي رئيس مفوضية الاتحاد الأفريقي شاهد بالفيديو.. فتاة سودانية تبهر راغب علامة وأنغام بعد ترديدها أغنية هدى عربي في برنامج مسابقات والسلطانة تدعمها وتحتفي بها وزارة الشباب والرياضة تواصل انفتاحها على الولايات ارتفاع في اسعار محصول الذرة واستقرار سعر السمسم بالقضارف أمس عثمان ميرغني يكتب: إثيوبيا والسودان: تشابكات الحرب والأمن الإقليمي وفاة ثالث رضيع تناول حليبًا ملوّثًا بفرنسا مشروبات طبيعية تدعم مناعتك.. روشتة حمايتك من العدوى دراسة تربط طنين الأذن بالإنتاجية في العمل جوجل تسهّل إزالة المعلومات الشخصية والتزييف العميق من نتائج البحث "ميتا" تبني مركز بيانات بقيمة 10 مليارات دولار إضافة علامة تبويب الإعدادات بواجهة "واتساب" إلغاء رحلة قطار إلى الخرطوم..إليكم تفاصيل انطلاق دورة متخصصة لتطوير الأداء الرقمي برعاية وزير الشباب والرياضة وزارة الشباب والرياضة تواصل انفتاحها على الولايات ووكيل الوزارة يشهد ختام دورة شهداء السريحة بولاية الجزيرة رشيد الغفلاوي يلتقي قيادات الاتحاد السوداني لكرة القدم المريخ يواصل تدريباته بقوة بكيجالي والدامر ماساة قحت جنا النديهة كباشي يحيي صمود مواطني شرق النيل ويوجه بزيادة محولات الكهرباء ومكاتب السجل المدني بالمنطقة تطور حاسم بقضية "الاعتداء الجنسي" في منزل لامين يامال الإدارة العامة لشرطة تأمين التعدين تنفذ حملة منعية وكشفية لمكافحة التعدين العشوائي بولاية البحرالاحمر الإدارة العامة لشرطة تأمين التعدين تنفذ حملة منعية وكشفية لمكافحة التعدين العشوائي بولاية البحرالاحمر هيئة مياه الخرطوم: تحصيل فاتورة المياه لا يشمل القطاع السكني حتى الآن ارتفاع طفيف لأرباح زين السعودية إلى 604 ملايين في 2025 مسلسلات رمضان.. هل تقع أيتن عامر فى حب ياسر جلال فى مسلسل كلهم بيحبوا مودى الدولار يواصل التراجع أمام الجنيه فى منتصف تعاملات اليوم مسؤول سوداني يغادر إلى تركيا السودان.. وزير الشباب والرياضة يصدر قرارًا دوري أبطال أفريقيا يشتعل.. 3 أندية تتأهل رسميًا وصراع مفتوح على 5 بطاقات مجموعة الهلال السوداني.. صنداونز يقتنص التعادل ويبقي آمال التأهل في دوري الأبطال أفراد من الشرطة يلقون القبض على السائق الخاص بالقائد الميداني لمليشيا الدعم السريع "جلحة" داخل "ركشة" بحي بري هلال كوستي يدشن برامجه الثقافية بليلة ثقافية كبرى وتكريم رموز النادي والمجتمع شاهد بالفيديو.. سرقة محل مجوهرات بشارع الوادي بأم درمان وقيمة المسروقات تقدر ب(ترليون) جنيه محاولة أوكرانية جديدة لإفشال مفاوضات السلام بعيداً عن ارض المعركة رفض الزوج شراء سجائر لها فقتلته.. جريمة زوجة مصرية تثير الجدل حريق كبير في سوق شرق تشاد رسالة أخيرة في بريد الرئيس البرهان قبل تمرد الحركات المسلحة الدارفورية ترامب يحذر إيران: الوقت ينفد والهجوم القادم سيكون أشد مباحث الخرطوم تعلن توجيه ضربة موجعة لمافيا السيارات..إليكم التفاصيل تلفزيون السودان يستأنف البث المباشر من مقرّه الرئيسي وزير الصحة: التبغ عدو الحاضر والمستقبل و فاتورته الصحية تفوق عائداته الضريبية هل قتل السحر الأسود الإسرائيلي عبد الناصر؟.. كتاب جديد يكشف خفايا خطيرة في مصر سباق اختراق الضاحية باكورة بطولات الاتحاد العربي لألعاب القوى شركة اتصالات في السودان تعلن عن توقف خدمات "مَا حَرَّمَ إِسْرَائِيلُ عَلَى نَفْسِهِ"! أحمد الشاكر: انا أعجز عن شكر جميع الإخوة الأشقاء في المملكة العربية السعودية السودان..حصيلة صادمة بمرض شهير في ولايتين إسحق أحمد فضل الله يكتب: (حديث نفس...) "كرتي والكلاب".. ومأساة شعب!

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

إلى صاحب المقام الرفيع والموقع القومي!! .. بقلم: ابوبكر يوسف إبراهيم

سودانيل نشر في سودانيل يوم 04 - 06 - 2011

بسم الله الرحمن الرحيم
قال تعالى:(هَذَا بَلاغٌ لِلْنَّاس وَلِيُنْذَرُوْا بِه وَلِيَعْلَمُوَا أَنَّمَا هُو إِلَهٌ وَاحِد وَلِيَذَّكَّر أُوْلُو الألْبَابْ) ..الآية
هذا بلاغ للناس
الاستهلالة :
 قال رسول الله صلى الله عليه وسلم " خيركم ، خيركم لأهله، وأنا خيركم لأهلي" .. حديث شريف.
صاحب المقام والموقع القومي ربما ليس لديه من الوقت لينظر حوله قومياً فالرجل - أعانه الله - ذو مسئوليات جسام ومشغوليات أكتر من الهم على القلب فليس لديه حقيقة وقت للنظر في مشاكلنا الهايفة وليته نظر حوله ليشهد كم من الولايات " أولاد المصارين البُيض" والتي هي أصلاً نالت من التنمية منذ الاستقلال حظها ؛ ثم حظاً وافراً بعد الانقاذ بفضل أبنائها الذين هم على رأس هرم السلطة من رفائك وأرجو إن لا تصفهم بالجهوية ؛ لأننا تعلمنا أن التنمية المتوازنة لها علاقة بالعدل لا الجهويات!! . هناك أيضاً ولايات مهمشة مثلنا أخدت حقها " بالقرجة " فتمردت على الشرعية وحملت السلاح ونالت ما افتقرت إليه فانتظمتها حركة تنموية نشطة بفضل أبنائها (القوميين) ؛ فعلى عهدك الميمون تم نقل حاضرة ولاية غرب كردفان إلى " رجل الفولة " وسكتنا ؛ وفي عهدك الميمون ألغيت ولاية غرب كردفان تماماً وتوزع دمها بين جنوب وشمال كردفان وصمتنا ؛ ومع ذلك إكتفينا بأنك وُليت موقع " قومي فاكتفينا الفخر بك لأنك إبننا البار وحريٌ بنا أن نفعل لأنك قومي ؛ لذا كان لزاماً أن تجلس في العاصمة القومية ولا تبرحها لتراقب الوزارات وتشيد ببياناتها من موقعك الرفيع ؛ فجزاك الله عن أهلك كل خير فأنت فخرهم وعزهم لأنه تمّ إختيارك من دون عباد الله للمنصب القومي الرفيع وبالطبع من هو قومي لا يلتفت للجهوي وعلى الجهوي أن يدفع ضريبة المنصب ، فبارك الله فيك لما قدمت لأهلك وناسك وقد حملوني هذه الرسالة منهم إليك :-
المتن::
 يا صاحب المقام الرفيع والموقع القومي ؛
أهل كردفان الكبرى وخسوساً غرب كردفان يهدونك السلام ويقولون لك والله إنت مصدر فخر لكردفان الكبرى كلها ناهيك عن غربها السابق أو شمالها . أفيدك بأن خالتك " بخيتة بت محكر" حملتني ليك السلام الشديد وتفيدك بأنها بخير إلا أن الصيف الحالي فقدت حمارها حين استيقظت ذات صباح لتجده قد نفق من العطش ؛ قالت ليك الحمار فداك وربنا يسلم البشر من العطش ؛ رغم أن ضحايا العطش هذا العام (12) بس ؛ المهم يعني أقل من ضحايا العطش في صيف "عَمَنَوّل " ؛ وقالت ليك: نحن صابرين ومنتظرين الفرج من رب العالمين ؛ وما راجينو لا من جهوي ولا من قومي . المهم عنها إنك تكون كويس ومبسوط ورافع راسنا في الخرتوم !! . وخالتك بخيتة بت حمّاد بتقوليك والله ما عليك ملامة عشان إنت قومي ومالي مركزك وقات ليك والله لما شافتك في التلفزيزن منجعص في الكرسي الفوق المنصة والبقية تحتك ؛ زغردت زغرودة طويلة لما اتلموا على أثرها أهل البلدة وقالت ليهم شوفوا ولدنا القومي ..يستاهل ؛ والله يستاهل.!!
 إبننا صاحب المقام الرفيع ؛
خالك كباشي سوّاق اللوري بيسأل عليك ؛ والله دايماً قاعد " يتبوبر" بيك وسط السواقين ؛ وقال والله الحيكومة سوّت الظلط بس جات في مدخل " النهود" ووقفت وقرّشت المعدات في طرف الطريق لآمن قلبها انقطع من كتر النوم؛ وخالك كباشي حالو طيب ومبسوط ؛ لسه سايق اللوري حقو بيطلع وينزل بيهو قيزان ودبنده والدم جمد وصقع الجمل ومرات بمشي غبيش ويصد راجع كان ما انكسر اللوري .. يعني مشوار الساعات بقطعو في أيام ؛ يمشي شاحن ضروريات الحياة والمعيشة لأهل المناطق ديك ويجي راجع بالمحصول ؛ شي فول ؛ وشي سمسم ؛ وشي صمغ ، وشيء كركديه .. نعم الله علينا كتيرة وقاعدين ندفع العوائد والقبانة والعشور وكباشي بيقوليك : يا صاحب المقام الحيكومة ما بتسيب حقها وبتقلعوا قلع ؛ وبسألك بتين الحيكومة حترجع لينا حقنا وحتدينا حقوقنا ولا عشان نحن طيبين وما قلعناهو زي الجماعة؟!.. المهم هو مبسوط منك كتيييييييييييييييييييير!!.
 يا صاحب المقام الرفيع- أعزّك الله بتأييده - ؛
عمك عبدالرسول ود نورين يهديك السلام وإذا سألت عنو فهو كان بخير ؛ بس كان حصلت ليهو مشكلة سغيرة ؛ وطبعاً نحنا ما دايرين نشغلك بالحاجات التافهة ؛ فإنت قومي للوطن كلو وما المفروض نزعجل بمشكلتو البسيطة ؛ فمشغولياتك كثيرة زي الهم على القلب ؛ وعمك عبدالرسول – رحمه الله - لما انكسرت (مخروقتو) ما لقو ليهو اسعاف إشيلوا ويوديهو الاسبتالية ؛ المهم عشان يودوهو ركبوه حمار حمدان ود أحمد ؛ ولما وصلو الاسبتالية ما لقو فيها اخصائي عضام ولا لقو فيها شاش ولا قطن ولا جبس والتمرجي ود حليمة - ماك خابرو- الله يكرمو كان ليلتا مبسوط شوية قام قاليهم أمشو اشتروا الحاجات دي من الأجزخانة وتعالو لي أنا بجبص ليكم مش مخروقتو بس لو عاوزيني أجبصو ليكم كلو ما فيش مشكلة ؛ ولما مشوا لقوا تمنا كبير ما قدروا يجيبوها ؛ قاموا الجماعة ودوه للفكي "حامد ود مخيّر" البصير الانتا خابرو ؛ المهم حالتو بعد الجبيرة إتدهورت والرجل ورمت ؛ قاموا الجماعة أهل الخير لمّوا ليهو قريشات وسفروهو " اللبيض" وركبوه عربية الناظر عبدالقادر – أمير الأمراء- والاخسائي هناك قرر يركب ليهو مسامير؛ ولكين دا كلو ما نفع وحصلت ليهو غرغرينة وبقى في حق الله . حتسألني كيفن مات وبقى في حق الله وكيفن يبلغك سلامو؟!.. بسيطة يا صاحب المقام الرفيع ؛ لما كان الرجل في سكرات الموت أوصانا أن نبلغك التحايا والسلام ؛ شوف بالله وفاء ناس بلدنا حتى في سكرات الموت ما ناسينك !! ؛ وها نحن نفعل .. فهمتَ دحين؟!! ؛ بالمناسبة هو ليس الميت الوحيد الذي أوصى بأن نبلغك السلام ؛ فكثير ممن ماتوا بسبب العطش ؛ ومن مات بسبب المرض وعدم العلاج ، ومن مات بسبب الحوادث ؛ ومن مات بسبب الجوع لأنه تعفف ورفض أن يمد يده لآمن مات؛ ومنهم من مات من " الغبينة" لأن أولاده خريجي الجامعات يجلسون بجواره عطالى.. كلهم بدون فرز يهدونك السلام ويدعون لك بالتوفيق والسداد في المنصب القومي الرفيع.. أعانك الله عليه وعلينا.. ما نحنا برضو هم وابتلا!!
 يا صاحب المقام الرفيع والموقع القومي؛
إذا سألت عن الحاجة " أم دورين" فوالله هي تدعو لك من قلبها بالتوفيق والسداد ليل نهار؛ إلا أن أحوالها المادية ليست على مايرام ؛ فربما وصلك خبر موت زوجها منذ عقدٍ من الزمان ورغم إنك ما عزيتها في المرحوم لكنها مقدرة همّك القومي وعذراك ؛ لكن المهم الحاجة " أم دورين" بَرَكَتْ كافحت ونافحت حتى خرجت البنين والبنات من الجامعة التي أقيمت على أنقاض المدرسة الثانوية وكلو دا بدون تمويل أصغر ولا تنمية موارد بشرية بحمدالله ؛ وبتقوليك الحمدلله رغم المعاناة؛ الأولاد كلهم بخير وقاعدين جمبها في البيت وبيغروك السلام وبيبوسوا إيديك ؛ وتبلغك إنوالولد الكبير " عجب الدور" شايل معاها راس العود في تربية الأولاد ؛ فبعد أن تخرج من الجامعة الحمدلله إلتحق بعمل يغنيهو ويغيننا ذل السؤال بعد أن كان قد دخل عامه الرابع في عالم التعطل ؛ المهم إشتغل طُلبة مع البنا محمد والجاك ، يعني يوم يشتغل وخمسة لا ؛ لكنو سادِّي لينا فرقة ؛ ما إنت عارف المعايش جبارة !! . المهم بتقوليك هي بخير طالما إنت بخير وربنا يطول عمرك قدر موية " الفولة" عشان دايماً نفتخر بيك.!!
 يا صاحب المقام الرفيع ،
حبوبتك " فضل الرحام" بتسلم عليك كتير السلام والحمدلله هي بخير والحمدلله تبلغك بسلامة الروح بعد ما الحريقة أكلت بيتا ؛ وإنت عارف البلدة ما فيها غير عربية حريقة واحة وقديمة وبسوقا " النور ود ليمون" عسكري المطافي ولكن وجودا وعدمو واحد عشان ما لآقيين ليها موية يملوا بيها فنطاز الحريقة ، إذا كان الناس والبهايم ما لآقيين موية يشربوها يلقوا ليها وين موية يملوا بيها الفنظار ؟! والله دا يبقى بذار ساااااي.. مش يا عالي المقام؟! ؛ المهم ما يهمك طول ما إنت بخير بتقوليك هي بخير وبتدعي ليك كل يوم مع صلاة العشا ربنا يعليك ويزيدك.!!
 يا صاحب المقام الرفيع ؛
نبلغك أنو جدك " عبدالساتر " خمسة من جمالو ونياقو العشرة ماتوا في الصيف الحالي ؛ والرجل صابر على مصيبتو وقال ليك الحمدلله على كل حال فالجات للواحد في مالو سامحتو !! ؛ المشكلة ناس البيطري قفلوا عياداتم والمرحات بس الله ساترن ساكت ؛، وجدك عبدالساتر يبلغك أنو عافي عنك ومسامحك لوجه الله وهو ما بقبل العوض إلا من الله فأوعاك تمد إيدك في جيبك وترسلوا شي على سبيل العوض . المهم بيسألك بتين حتجي تطل عقبك وتتفقد أحوالم ؟! ؛ لكنو قال للناس الزول دا مشغول شغلانية لو شيلوها لجبل "حيدوب " يجري منها وممكن يدوب فعلاً مش " ح ..يدوب" ؛ كان الله في عونك يا عالي المقام.!!
 يا صاحب المقام الرفيع ،
إنت خابر " نورالدايم ود أم حقين" ، ما لدغو دبيب ولحّقو السمحين ، المشكلة لما لدغو الدبيب وودوهو الاسبتالية ما لقو الترياق المضاد لي سم الدبايب ؛ المهم وافاه الأجل المحتوم ، الأيام تمت ؛ طبعاً يا صاحب المقام المرض ما بكتُل ؛ البِكتُل الأجل ؛ وتعددت الاسباب والموت واحد ، وأهلك أصلاً ما راميين اللوم عليك ولا على أي واحد ؛ وإنت كمان راجل مؤمن ومتدين وعارف إنو الاعمار بيد الله المهم قبل ما يِوَدّع وصانا ندعي ليك بطولة العمر .. وفقك الله!!
 يا صاحب المقام الرفيع والموقع القومي،
كل أهل البِلْدة الغرب الجبيل يغرونك السلام وخاصة الشيخ " ودعبيدالله " قال لي أبلغك ضروري تجي تشوف ليهم صرفة مع الجماعة الهجروا طق جناين الهشاب ؛ طبعاً يا صاحب المقام إنت عارف كان ما صمغ الهشاب دا والله أمريكا تعطش من الكوكاكولا زي ما نحن عطشانين للموية ؛ وطبعاً إنتَ برضو يهمك انقاذ أرواح الشعب الأمريكي من الموت عطشاً من الكوكاكولا ؛ عموماً كان لقيت فَرَقََة وجيت شفت موضوع طق جناين الهشاب أكيد صيتك حيعلى في بلاد الخواجات وحيدعو ليك بطولة العمر زي ما نحن بندعي ليك وربنا يعلي مقامك ومراتبك.!!
 يا صاحب المقام الرفيع ،
إذا سألت عن قريباتك بنات السُّرة بت حميدة فهن بخير إلا إن " مرزوقة " ما قاعد يعيش ليها جنى عشان ولاداتها كلها بالحبل وفي الصيف ، المولود ينزل من هنا ويطقوا ابفرار من هنا " السحائي" والاسبتالية ما قدرت في التلاتة بطون تنقذ واحد منهم ؛ مرة عشان المصل معدوم ما طعمناهم ؛ ومرة عشان ما في عربية إسعاف ومرة عشان جيتو متأخرين من " رهد السلك" !! ؛ وطبعاً الأعمار بيدالله والموت علينا حق !!. المهم كلهن يدعون ليك بطول العمر ويتمنوا ليك إنك تكوندايماً مرتاح بس.!!
الحاشية:
 يا صاحب المقام الرفيع والموقع القومي،
أبشرك الخريف السنة دي " موس" يعني جيد ؛ وناس البِلدة أخر انتعاش وآخر استمتاع بالأجواء الخريفية وبحمد الله النهار كلو قاعدين تحت ضل شجر اللبخ والنيم ؛ لا شغلة ولا مشغلة ؛ إلا من لعب السيجة والضآلة ووالله لو نظمتو مباراة دولية في السيجة علي الحرام نفوز ونجيب ليك كاس العالم فيها وتبقى بلدنا داخلياً فخورة بيك ودولياً إنت تفتخر بيها وترفع راسك عالي كاس عالم يا عم !! ، والله لو جيت شفت حفر السيجة تحت الشجر تقول البلد هجمت عليها جحافل الفيران النرويجي ؛ بس أبشرك كل الأهل بخير ؛ لكن المشكلة العامة هي العطالة ثم الفلس القطع جيوبم.!! والله ما قاعدين يقوموا من لعب السيجة إلا وقت الصلاة وبعد الصلاة دعواتم ليك تنزل زي المطر !! .. ربنا يخليك لينا يا عالي المقام زخر قومي ونفتخر بيك دايماً ؛ أما الحاج عجب الدور فدايماً يدعي ليك ويقول " إنشاءالله صاحب المقام غابة والناس حطابة . والسلام ختام يا رفيع المقام.
هامش:
قال ربنا سبحانه وتعالى:{ أَنْزَلَ مِنَ السَّمَاءِ مَاءً فَسَالَتْ أَوْدِيَةٌ بِقَدَرِهَا فَاحْتَمَلَ السَّيْلُ زَبَدًا رَابِيًا وَمِمَّا يُوقِدُونَ عَلَيْهِ فِي النَّارِ ابْتِغَاءَ حِلْيَةٍ أَوْ مَتَاعٍ زَبَدٌ مِثْلُهُ ؛ كَذَلِكَ يَضْرِبُ اللَّهُ الْحَقَّ وَالْبَاطِلَ فَأَمَّا الزَّبَدُ فَيَذْهَبُ جُفَاءً وَأَمَّا مَا يَنْفَعُ النَّاسَ فَيَمْكُثُ فِي الأَرْضِ كَذَلِكَ يَضْرِبُ اللَّهُ الأَمْثَالَ} الرعد 17
abubakr ibrahim [[email protected]]

انقر هنا لقراءة الخبر من مصدره.