* أيها الناس. * كلنا نحلم من زمن بعيد. * نحلم يوماتى. * نحلم بأن يصبح الأستثمار فى المريخ واقعاً. * فالمريخ نادى كبير يجب ان تكون له أستثماراته. * ومصادر دخله. * وميزانيته ضخمة. * لأن بتلك الأستثمارات نعفى الذين يتكبدون مشاق الصرف. * أو المساهمة فى الصرف. * أو كل الصرف. * من جيوبهم الخاصة. * فمهما كانت درجة مريخيتهم فأنهم سيملون الصرف المتواصل. * زى أولادك فى البيت. * أذا كان فيهم واحد طلباتو كتيرة ومرهقه بزهجك. * يجى يوم لو شفتو ساى تصر وشك. * ده حالتو ولدك. * وعشان ما يجى اليوم البخلى الناس تصر وشها للمريخ. * كنا ننادى بالأستثمارات الضخمة لصالح النادى. * أخيراً أستجاب القدر لرجاءاتنا. * وقدرأخف من قدر. * وسمعنا ان شركة تركية ستقوم بتنفيذ المجمع التجارى المريخى. * برضو أخير من الصينية. * الصينية تخصص كبارى. * وأنو الشركة التركية عجبها الموقع. * وأنو عجبها شارع العرضة. * وأنها ستنفذ الشغل فوراً. * خير ما فعله المجلس. * لكن. * بالتأكيد أن المجلس أختار الشركة التركية من بين شركات عديدة قدمت للمشروع بعد عرضه من جانب المريخ. * وبالتأكيد لأن عرض الشركه التركيه هو العرض الأمثل الذى سيفيد المريخ. * وبالتأكيد ان المجلس بخبراته أستفاد من عيوب التعاقدات القديمة. * وبالتأكيد أن سعر التكلفة وسنوات السداد فيها فوائد يجنيها المريخ سريعاً. * وبالتأكيد سيتحرر النادى من أرهاق جيوب أبنائه. * وستتحرر جيو ابناء النادى من الصرف المرهق على النادى. * المهم. * حصلت المفاضلة والدراسة المتأنية أو ما حصلت. * المشروع لا زم يقوم. * أن شاء الله يؤول للمريخ بعد مية سنه. * أخير من نقعد ميه سنة وبعدها نكون مرهونين لجيوب أبناء النادى. * أن دفعوا سرنا. * وأن قبضوا تعثرنا. * نتحمل المية سنه دى. * وبعدها نرتاح. * فالمسجون مية سنة. * يكون نفسياتو أحسن من مسجون ما محددة ليهو سنوات السجن. * على العموم أنها خطوة نشد فيها من أذر المحلس ونتمنى له التوفيق فيها. * بالذات القواعد التى يقوم عليها الصرح جاهزة من زمن بعيد. * وما على الشركة ألا مط الأعمدة لى فوق. * المهم. * نوصى أوتو بالأهتمام بالرديف. * فنياً يديهم نظرة. * يمكن يجد فيهم ضالتنا. * والشد العضلى الذى تعرض له راجى. * له ما خلفه. * أيه أسبابو؟ * وهل هى عائدة لقصور فى التدريب والتدليك. * أم تعود لأسباب لأهمال اللاعب لنفسه؟ * أسأله تحتاج لأجابات منطقية. * أيها الناس. * تحت شعار متين يا على تكبر تشيل حملى. * كلنا ننتظر ان نرى الموهبة أبراهومة الأشبال وحسن الرديف وحسين الطرف اليمين ونمر وميسى ومصطفى المناقل ضمن تشكيلتنا بالممتاز. * وصدقونى فى وجودهم تقبل الجماهير بأى نتيجة. * لأنها جماهير واعية. * تفكر فى بكرة بعد ما شافت الليلة فيها شنو. * أيها الناس. * نحن لسنا كالأهلة. * ما بنكضب فى مستوى زول. * فلا نمدح خليفة ويظل هو خليفة. * ولن نعتمد على مساوى وأيدينا فى قلوبنا نضعها كل ما الكرة ذهبت ناحية مساوى. * ولا نكتب عن المعز كأنه بريمة وعندما تصوب نحو مرماه كرة نقع أرضاً قبله. * نقول الحق. * من اجل بناء فريق جد. * فريق مستوى اللاعب فيه ما بنتموا موية. * فريق بطولات حقيقة. * يعتمد فى الأنتصارات على مهارات لاعبيه وعرق أبنائه. * لا على شئ آخر. * بالمهارات والعرق حققنا مانديلا. * وبها حققنا كم سيكافا كده. * ولن ننسى دبى والشارقة. * فقط بالمهارات والعرق. * لذا ننتقد من يقصر أنتقاداً يهدف لمصلحة المريخ ولمصلحته شخصياً. * لنغنى فى الآخر. * نشترى النصر بأغلى ثمن. * وهل هناك ثمن أغلى من الصبر على بناء الموهبة وسكب العرق الشريف فى ميادين التنافس. * المهم. * أسلام قالت لى الهلال أتأهل كيف؟ * قل ليها الهلال ما أتأهل ساكت عبط. * الهلال أشترى التأهل. * ضحكت. * واصلت ليها. * أشتراه بجهد لاعبيه وبعرق منسوبيه. * قالت لى منسوبيه يعنى شنو؟ * قلت ليها يعنى زى ناس همشرى وعمك رمضان وروشا. * ديل أسمهم منسوبيه. * يعنى البنتسبوا للهلال. * قالت لى قلت لى بجهد لاعبيه يابابا؟ * قلت ليها أيوة. * قالت لى لاعبيه بالكبدة؟؟؟؟ * البت دى غريبة خلاص. * لاعبيه باللام يا بت. * أنتى يا بت قادة عربى ولا شنو؟؟؟ * لاعبيه بالكبدة كيف يعنى؟؟؟ * ما سمعتيهم بيغنوا نشترى النصر بأغلى ثمن؟؟؟؟ * قالت لى سمعتهم. * قلت ليها أغلى ثمن دى شنو؟ * ما ياها الجهد والعرق. * فى ثمن يا بتى أغلى من كدة!!! * أها. * نجى لى شمارات والى الخرتوم. * أكان شفت يا والينا. * اليومين دى ايام الراعى يا والينا. * بعد راعينا الفى السعودية اللينا. * وقصة راعينا الهنا اللينا. * البرد تانى جا علينا. * عرفنا برضو انو البرد ده عشرة الراعى يا والينا. * اليومين دى شنو الرعاية القايمة فينا!!!! سلك كهربا * ننساك كيف والراعى فى عشرتو باع بطانيتو ونحنا فى عشرتنا قبضونا فوق لا ناموسية ولا بطانيه. والللللللللى لقاء سللللللللللللللك في السلك - بابكر سلك
