سودارس : المريخ في التسجيلات (ريال مدريد) في الاعداد (برشلونة).. ساعة الجد (تعيش انت)

ارتفاع جديد في أسعار الوقود بالخرطوم شاهد بالفيديو.. رمى عليهم عبوة ناسفة وهرب.. جنود بالدعم السريع يضبطون مرتزق من جنوب السودان في وضع مخل مع سيدة داخل "راكوبة" بمدينة الفولة شاهد بالفيديو.. فنان "ربابة" سوداني يثير تفاعل الجمهور بعد ترديده أغنياته الشهيرة (صورة وصوت) في حفل حاشد بالسعودية البرهان يتفقد مستشفى الرباط ويوجّه بتطوير الخدمات الطبية الشرطية شاهد بالفيديو.. داخل حرم إحدى المدارس.. والي النيل الأبيض ينفعل على وزير التربية والتعليم ويحظى بإشادة الجمهور: (لن أذهب حتى ينتهي البناء) (أماجوجو والنقطة 54) الأهلي يخسر من ساردية بدوري شندي مجلس الهلال يترقب قرار الانضباط ويعلن الاستعداد للتصعيد.. والكاف في مأزق كبير حاكم إقليم دارفور يجتمع مع المديرة العامة بالإنابة لمكتب تنسيق الشؤون الإنسانية بجنيف (OCHA) بوتين: روسيا مستعدة لاستضافة الألعاب الأولمبية في المستقبل شاهد بالصورة والفيديو.. الراقصة الحسناء "هاجر" تشعل حفل طمبور بفاصل من الرقص الاستعراضي والجمهور يتفاعل معها بطريقة هستيرية الهلال السوداني يفجر أزمة منشطات ضد نهضة بركان في دوري أبطال إفريقيا شاهد بالفيديو.. طبيب بمستشفى نيالا يشكو من انتهاكات أفراد الدعم السريع ويحكي قصة نجاته من القتل بعدما رفع أحدهم السلاح في وجهه أزمة منشطات تشعل دوري أبطال إفريقيا.. الهلال السوداني يشكو نهضة بركان المغربي ل"الكاف" برشلونة يتلقى دفعة معنوية قبل مواجهة أتلتيكو مدريد شراكة استراتيجية بين "الشباب والرياضة" و"الصناعة" لتمكين المبتكرين ودعم الإنتاج الشبابي من إيطاليا إلى بولندا.. سرقة 413 ألف قطعة شوكولاتة.. ما القصة؟ ترامب: إيران منحتنا 20 ناقلة نفط والشحن يبدأ غدًا كريم عبد العزيز وفريق مطلوب عائليا يبحثون عن دولة أوروبية للتصوير الخارجى أيهما أكثر فائدة القهوة أم عصير البرتقال صباحًا.. والكميات المناسبة آلام الدورة ليست دائمًا طبيعية.. إشارات تكشف بطانة الرحم المهاجرة مبكرًا فصيلة الدم تكشف احتمالية الإصابة بالسكري مجهولين ينبشون قبر رجل دين بولاية الجزيرة وينقلون جثمانه إلى جهة غير معلومة السيسي للرئيس ترامب: لا أحد يمكنه وقف الحرب في المنطقة إلا أنت "فيفا" يتّخذ موقفًا حازمًا بشأن مشاركة إيران في كأس العالم عثمان ميرغني يكتب: حلفا .. والشمالية.. قوى سياسية في السودان تعلن عن مقاطعة مؤتمر في برلين دار الأوبرا تحتفى بذكرى رحيل عبد الحليم حافظ بحفلين اليوم وغداً مصر.. الدولار يقترب من 54 جنيها لأول مرة نتفليكس تزيل الستار عن أول صورة لشخصية جو كينيدى الأب فى مسلسلها الجديد سارة بركة: أحمد العوضى مجتهد بشكل كبير وبيحب شغله جدا اختيار غير متوقع لمستقبل "الملك المصري" وجبة سمك تُنهي حياة 3 سودانيين بالقاهرة وتتسبب في إصابة 4 آخرين بحالة تسمم غذائى حاد بسبب ضعف الراتب.. وزير الثروة الحيوانية بالسودان يبحث عن عمل إضافي رئيس الوزراء يصدر قرارًا بشأن الرسوم الجديدة في المعابر محمد عبد الباسط يكتب: لهذا تحركت باكستان الآن للوساطة بين أمريكا وإيران السكوت على هذا الأمر لا يرضي الله ولا رسوله!! ارتفاع أسعار الذهب في السودان الخليج الضحية الكبرى: إيران وجهت 83% من هجماتها إليه… و17% فقط إلى إسرائيل مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية ضبط 2800 قندول بنقو بالجزيرة في عملية نوعية لمكافحة التهريب ترامب يصدر أوامره ويكشف تطورات مثيرة مع إيران الأمن يداهم مخزن يبيع الوقود المهرب لعصابات التنقيب عن الذهب رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة ضبط 238 كجم من "الآيس" وأسلحة بجانب نحاس بولاية البحر الاحمر ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد قيم الهلال المتوارثة يجب أن تبقى أبد الدهر في زمن الضجيج.. القرآن بوصلة المعنى والسكينة السودان.. الدفاع المدني يستعين ب"التوك توك" د.مزمل أبو القاسم يكتب: دموع الباز.. وزاهر! (2) طفح جلدي في رقبة الرئيس ترمب يثير تساؤلات حول صحته صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

المريخ في التسجيلات (ريال مدريد) في الاعداد (برشلونة).. ساعة الجد (تعيش انت)

قوون نشر في قوون يوم 09 - 04 - 2013

* لو في زول كان بقرأ جرايد المريخ في فترة التسجيلات ...يشيل هم على ناس (خليفة).

* في فترة التسجيلات دائما ...المريخ فوق ...تسجيلات مية المية ...راجعنا الكشف ..وشفنا احتياجات المريخ الحقيقية ، وسجلنا نجوم كبيرة اصحاب امكانيات ضخمة.

* النجوم الكبيرة ديل ...فيما بعد بيتضح انهم ناس (مكسيم).

* مكسيم وسليمانو.

* هسع عليكم الله الجماعة ديل في (كنبة) بص بقعدهم ..عشان يقعدوا لي في كنبة المريخ.

* يمشي عبدالله حسن عيسي ويقعد مكسيم.

* حكمة والله.

* عصام الحاج في فترة التسجيلات يطلع في الشروق وفي قناة النيل الازرق بي نفس (القميص) ..ويقول نحن سجلنا حسب توصيات الجهاز الفني.

* الجهاز الفني يا عصام الحاج ...قال ليكم سجلوا (مكسيم).

* مكسيم دا هسع لو سقتو ومشيت بيه السوق الشعبي ...واول زول قابلك قلت ليه : (دا لاعب كورة) بصدقك.

* علاقتو شنو بالكورة ...عاروز اعرف.

* مكسيم دا لو كان عملتوا ليه كشف حقيقي كان اتضح ليكم في نتائج الفحص انو (سواق قندران).

* نحن كمان سواقين القندرانات ما بنعرفهم.

* والله الواحد بنعرفو ليك من مشيتو.

* مكسيم دا قالوا بلقوا نايم في المعسكر ماسك ليه (دركسون).

* وعصام الحاج في الشروق ...وفي قناة النيل الازرق ..وبي نفس القميص بتفاصح.

* قال نحن سجلنا ...مية المية ...حسب نظرة المدرب.

* المدرب المسكين دا يا عصام الحاج ...قال ليكم ما تسجلوا (مهاجم).

* محمد موسى السجلتوه دا ....فرقو شنو من (ضفر)؟.

* مية مرة اقول ليكم الكلام.

* محمد موسي ...(ضفر) متقدم.

* تاني ما في اي فرق.

* انتوا يعني عجبكم (ضفر) المدافع ..عشان تسجلوا ليكم (ضفر) مهاجم.

* السنة كلها تضافروا علينا.

* مرة في واحد ..عندو قطعة ارض عاوز يبيعها...شبك ليك في السماسرة ...القطعة ناصية من اتجاهين ..القطعة ناصية ...ناصية.

* الزول العاوز يشتري مشي يشوف (القطعة)...لقاها مخنوقة من الاتجاهات الاربعة.

* الزول قال لي صاحب القطعة ...انت ما قلت القطعة دي ناصية.

* صاحبكم قال ليه : هي ما ناصية ناصية ...لكن القطعة الجنبها ناصية.

* بعدين انت (ناصية) عاوز بيها شنو؟...عاوز تسكن فيها وإلا عاوز تعملها صينية حركة.

* هسع محمد موسى دا ما مهاجم ولا حاجة.

* لا ناصية ..ولا قريب ناصية.

* محمد موسى دا ما غطا ...محمد موسى (قريب غطا).

* يكون عندو قريبو كان بيلعب في السبعينات مهاجم صريح.

* زي مونزا ..وقت جابوه ..قالوا لينا المحترف دا (مهاجم).

* قلنا نجرب.

* لقينا ليك ما عندو اي علاقة بالهجوم.

* يمكن (شعرو) يكون شعر مهاجمين...لكن غير (الشعر) ما عندو حاجة.

* اصلو المحترفين ديل في افريقيا كلهم ...بصدروهم لينا على اساس انهم (مهاجمين).

* اي واحد عاوز يحترف ...يقولوا ليك عليه (مهاجم).

* وناس المريخ بتغشوا.

* في فترة التسجيلات ...المريخاب بحكوا ، ويقصوا ...ونحن قاعدين نسمع ..ما قاعدين في اضنينا.

* المريخ كان ناقصو (القايد)...السنة دي سجلنا القايد.

* ناس الهلال جابو لينا (قايد) جاهز.

* تاني ما عندنا اي مشكلة.

* طيب يا جماعة ...انا عاوز افهم بس ..فيصل العجب ..الشيء الدارعو في ضراعو دي ما اشارة الكابتنية.

* يعني انتوا ملبسنوا (الشارة) دي ساكت كدا ...وما مقتنعين بيه.

* والمريخاب في فترة التسجيلات ...بتكلموا.

* ونحن نشيل ونصدق.

* المريخ اصلا ما كانت عندو مشكلة إلا في (صناعة اللعب)...والسنة دي سجلنا لينا (مصنع) عديل كدا.

* تاني ما في اي مشكلة.

* زول متخصص في صناعة اللعب ...زي الزلابية بي شاي اللين.

* ونحن نشيل ونصدق ..ونتكلم برانا ..ونقول : (والله المريخ السنة دي بقى خطير).

* خطورة شنو؟...الجماعة في الدوري الممتاز ...ترتيبهم الرابع.

* وفي البطولة الافريقية طلعوا من دور ال (32).

* اتاريهم الجماعة ...جابوا (الرسيفر) ...شالوا (الطبق).

* جابوا (الشريحة)...شالوا (الموبايل).

* يا جماعة الله الشيء دي كدا ما بتشتغل.

* وهم يشيلوا ويجربوا في (الشريحة).

* مرات يختوها في القيادة ...ومرات في الكنبة ...ومرات في الارتكاز.

* ومرات يقلبوها.

* بالطريقة دي بقوموا يقفلوا ليكم الشريحة.

* كدا بتحرقوا (الشريحة).

* والمريخاب في التسجيلات ...بتكلموا ...ونحن نشيل ونصدق.

* قالوا نحن كان عندنا مشكلة في (الارتكاز)....من علاءالدين يوسف مشى الهلال نحن ما شمينا لينا عافية في الارتكاز.

* اديناهم الارتكاز ...عشان نكمل ليهم فهمهم.

* قالوا خلاص ...تاني ما عندنا اي مشكلة ...السنة دي (المريخ) بس برشلونة.

* تاني ما في حاجة تبقيف قدامنا.

* بعد كدا ...جمال الوالي ذاتو لو عاوز يفوت اليفوت.

* وعصام الحاج ...يطلع في قناة الشروق وفي قناة النيل الازرق بي نفس (القميص)...ويقول نحن سجلنا حسب توصيات الجهاز الفني.

* انت يا عصام ..انا عاوز اسألك سؤال.

* الجهاز الفني قال ليكم فكوا (سكواها) ..وما تجددوا لي (اديكو).

* انتوا جهازكم الفني دا (تلاتين عشرة).

* جهازكم دي صيني يا اخوى.

* الجهاز الصيني صوتو عالي ساكت ....يقولوا ليك بشتغل بي (شريحتين)...تركب فيه شريحة واحدة ...خطوطو تشابك.

* تضرب لي (عمر) ..تلقى نفسك بتتكلم مع (ايمان).

* تمسكل لي (ندي)...يرجع ليك (هشام).

* دا شنو اللخبطة دي؟.

* مرة كان عندي جهاز صيني ...(بس الكلام دا ما يطلع من العمود دا).

* ضربت لي زول اسمو (عثمان).

* التلفون دخل ...معاي ..قلت ليه يا عثمان ..بنت خالك الطيب عقدها يوم الخميس.

* الجهاز الصيني دا ...وصل ليك الكلام لي عثمان مقلوب ...الكلام وصل لي عثمان على هذا النحو ..(عمتك بنت السرة اتوفت الليلة الصباح في حادث حركة).

* وانا والله لا قلت كدا ولا حاجة السرة اتوفت في حادث حركة.

* الجهاز الصيني جاب الكلام دا من وين ما عارف؟.

* شفت الجهاز الصيني دا عملها فيني كيف؟ ...شقلب ليك الكلام زي الما حصل حاجة.

* هسع موضوع (الجهاز الصيني) دا ما موضوعنا.

* بدأ الاعداد.

* المريخ مشى يعسكر في (مروي).

* والله انا من مشوا مروي ..قنعت منهم.

* مروي دي تاريخ ..مروي دي اثار...والظاهر كدا ناس المريخ عاوزين يعزفوا لينا على التاريخ.

* حاجة للمستقبل ما عندهم.

* جرايد المريخ طلعت من مروي.

* تتطبيل للصباح.

* تألق مكسيم.

* ابداع موانز.

* روح سليمانو.

* والدبابة محمد موسى يفتك بالشباك.

* وهيثم وعلاء الدين يوسف ...خلاص المريخ ولع.

* ونحن نشيل ونصدق.

* وعصام الحاج يطلع في قناة الشروق ..وقناة النيل الازرق بي نفس القميص ...يقول الموسم دا موسم (الخبت).

* خبت شنو يا اخوي؟.

* انت قايل نفسك في سوق ليبيا.

* موسم الخبت ...الحضري هرب فيه.

* الكوكي قال انا عندي ملاريا.

* المريخ طار من دور ال (32).

* المريخ في المركز الرابع في روليت الممتاز.

* ومجلس المريخ استقال باكمله.

* واسوأ من هذا ...مجلس المريخ اوقف صحيفة النادي ...(اطهر الاصدارات).

* اها عليكم الله في (خبت) اكتر من كدا.

* انتوا عصام الحاج دا لخبط وإلا شنو؟.

* الزول دا وقت قال كدا يكون قايل نفسو في مجلس ادارة نادي الاهلي شندي.

* يا عصام الحاج ..كلامك دا ناس الاهلي شندي ما بقولوا.

* المريخ السنة دي اتخبت في رأسو في شندي من الاهلي في الدوري الممتاز.

* والمريخ اتخبت في استادو من ليبولو الانغولي.

* اها اكتر من كدا تاني شنو؟.

* المريخ بعد معسكر مروي ...سافر عسكر في تونس.

* معسكر المريخ في تونس يعجبك.

* كل صحف المريخ كانت تكتب عن الابداع وعن التألق والروح المعنوية العالية.

* مونزا يسجل هدف بالكعب.

* هيثم مصطفى يصنع من فسيخ المريخ شربات.

* وفييرا ...(نملة) ما بتمر منو.

* والحضري اخر انسجام.

* والعجب مبسوط وما زعلان ....وما عندو اي مشكلة.

* نحن قلنا ...الظاهر كلام عصام الحاج دا ح يكون حقيقي.

* غايتو السنة دي ناس (خليفة)...إلا يمرقهم البمبان.

* نحن صدقنا.

* رغم من ان هذا الكلام في بداية اي موسم بنسمعو.

* لكن مع ذلك في كل موسم بنصدقو.

* عارفين بنصدقو ليه؟.

* عشان نشوف نهاية الكضب وقت يبدأ الموسم.

* انتوا يا الهلالاب البشوف فصاحتكم دي يقول اتأهلتوا في البطولة الافريقية.

* نحن ما اتأهلنا ...لكن ما كنا قاعدين نتفاصح كدا.

* قلنا انتقال هيثم مصطفى للمريخ عمل هزة في الهلال.

* وقلنا دفاع الهلال فيه مشاكل.

* وقلنا غارزيتو قاعد ينظر كتير.

* وطرنا في ام درمان بعد ان انتصرنا ..خرجنا بفارق هدف ..رغم الهزيمة الثقيلة في ساحل العاج 1/4.

* لكن انتوا مالكم.

* القيادة عندكم.

* قلتوا عندنا اكتر من قايد.

* والصناعة عندكم.

* وبتاع الخبت عندكم.

* والارتكاز عندكم.

* وعاوزين هدف وحيد وتصعدوا لدور ال (16).

* عليكم الله ..هسع عمليتكم دي بتاع تاكسي بيعلمها.

* شنو كل سنة تطلعوا بي نفس الطريقة.

* في الموسم الماضي طلعتوا من بطولة الاندية الافريقية امام مازمبي ...بهدف تسبب فيه مصعب عمر.

* الكرة اتقطعت من مصعب عمر ..جات هدف.

* بعد ان جاء ذلك الهدف ..ناس المريخ نفسهم مرقت من البطولة.

* في الكونفدرالية طلعتوا بي غلطة الشاطر الحضري.

* السنة دي طلعتوا بي غلطة ..نفس غلطة مصعب عمر.

* كورة اتقطعت من موسى الزومة ..جات هدف.

* السنة الفاتت استقال جمال الوالي.

* السنة دي استقال عصام الحاج.

* يعني نفس الشيء...حتى الاستقالات عندكم متاشبهة.

* والله المريخ دا مفروض تمسكوه ناس اسحاق ابوقرون وود الجنيد...عشان يورنا بتصرفوا فيه كيف؟.

* ناس جمال الوالي وناس عصام الحاج ...الشيء دا غلبهم عديل كدا.

* ملحوظة : وإلا مسكوه (سلك) عشان يقلبوا ليكم (مكتب محاماة).

هوامش

* مرة مشينا حفلة.

* قعدنا في الكراسي القدام.

* ساعة ونص منتظرين الفنان.

* قالوا لينا اصلوا الفنان بتأخر كدا.

* الفنان وقت جاء الحفلة ...العريس والعروس كانوا بحتفلوا بي عيد زواجهم الثالث.

* الحفلة بدأت.

* الاغنية الاولى ما فهمنا حاجة.

* الاغنية التانية ما فهمنا حاجة.

* التالتة ما فهمنا حاجة.

* الفاصل الاول انتهى ..برضو ما فهمنا حاجة.

* قلنا ما مشكلة ...ننتظر الفاصل الثاني.

* الفاصل التاني ...الاغنية الاولى ما فهمنا حاجة.

* الاغنية التانية ...ما فهمنا حاجة.

* التالتة.

* الرابعة.

* الفاصل التاني انتهى برضو ما فهمنا حاجة.

* اتحرجنا.

* اتعقدنا في الدنيا دي جنس تعقيد.

* قلنا للزول القاعد جنبنا (قريب العروسة)...انت الفنان دا من وين؟.

* قال لينا الفنان دا من الهند.

* هندي يعني.

* ايوا هندي.

* طيب العروس من وين؟...(شكينا في نفسنا).

* قال لينا العروس من (الهند).

* نحن جينا غلط وإلا شنو؟.

* والعريس من وين؟.

* برضو من (الهند).

* قلت لي (قريب العروسة)...الحفلة دي كلها (هندية) وإلا شنو؟.

* قريب العروسة قال لي : كلها هندية..انت من باكستان وإلا شنو؟.

* قلت ليه ابدا ...بس اول مرة احضر لي حفلة هندية ..صحن الكوكتيل فيها ناقص (زيتونة).

* الزيتون عند الهنود اهم حاجة.

* الموضوع دا كلو ذكرني مباراة المريخ الاخيرة.

* المباراة كانت ناقصة (زيتونة).

* عاوز (هدف) وحيد.

* والله لو عارفنكم كدا ..كنا سلفناكم (تراوري) يجيب ليكم دستة اهداف وترجعوا لينا.

* اقول ليكم حاجة ...(سادومبا)..لو امو بقت كويسة ...طوالي جيبوا في يونيو القادم.

* والله لو امو (عيانة)..افضل ليكم من محمد موسى.

* لكن قبال ما تجيبوا سادومبا حلوا مشكلة (الحضري)..عشان اكرم دا ممكن يبوظ ليكم اي حاجة.

* معقولة ..اكرم دا الهدف يسجل في مرماه من سنة 1987.

* الاهداف دي هسع ما قاعد تجي.

* الاهداف دا كانت بتجي زمان ...سنة 1987.

* هدف زي دا ...ما شفتو قريب.

* انت يا اكرم عندك مشكلة مع باسكال.

* مالك؟.

* زعلان من عصام الحاج.

* عندك مرتب ما صرفتو.

* هدف زي دا في (يس) ما بجي.

* الهدف دا ماركتو قالوا نوكيا شريحيتن.

* اتسجل من بعيد.

* والله انا خفت الحكم ينهي المباراة قبل الهدف ما يلج في شباك اكرم.

* الهدف دا خمسة دقائق كان في الاجواء (الرد كاسلية).

* عاجل : اكرم افتكر باسكال وراه بطلع الكورة تانية.

انقر هنا لقراءة الخبر من مصدره.