سودارس : (طيش) الفصل الذي جاء الأول

مفاجآت في ختام مجموعات الممتاز: الأمل عطبرة يهبط بعد 22 عاماً والفلاح يتأهل للنخبة شاهد بالفيديو.. فنان سوداني يصل الخرطوم ويوثق لجمال وروعة صالة الوصول بالمطار ويدعو أبناء الوطن للعودة (البلد بتعمر بأهلها) النفط يستقر وسط خسائر أسبوعية والذهب والفضة ينتعشان "ميتا "تسجّل براءة اختراع لمحاكاة المستخدمين بعد وفاتهم تطوير بطارية تُشحن خلال ثوانٍ وتصمد 12 ألف دورة شاهد بالفيديو.. السياسي الراحل غازي سليمان: (لم أعد افرح لأن شعب السودان لم يفرح بعد وعلي الطلاق إبنتي "أم النصر" أرجل من 100 راجل) شاهد بالصورة.. ظهرت بشعار أتلتيكو مدريد وهي تلوح بالرقم 4!! هل قصدت المذيعة السودانية سهام عمر السخرية من برشلونة بعد الهزيمة المذلة؟ الأمل عطبرة يودع الممتاز رسميا رغم التعادل أمام المريخ شاهد.. حسناء الفن السوداني "مونيكا" تشعل مواقع التواصل بجلسة تصوير جديدة شاهد.. الفنان مأمون سوار الدهب بعد زواجه: (زارتني الملائكة) اكتشاف مركبات "زائفة" تشعل نوبات الربو دراسة: القراءة والكتابة تخفِّضان خطر الزهايمر 40% طلاب شرق دارفور يسيرون قافلة وطنية إلى جنوب كردفان برعاية والي شرق دارفور شاهد بالفيديو.. فنان سوداني يصل الخرطوم ويوثق لجمال وروعة صالة الوصول بالمطار ويدعو أبناء الوطن للعودة (البلد بتعمر بأهلها) ترتيبات لإعادة تشغيل مصنع ألبان بركات وإنشاء مزرعة لتربية الماشية من أرشيف كتابات الصحفية سهير عبدالرحيم : (هذا الصحفي كان يصلي خلف البشير من غير وضوء) صحة الخرطوم وأطباء بلا حدود تناقشان رؤية التشغيل الكلي للقطاع الصحي بالولاية تشغيل مصنع الاوكسجين بمستشفى الدبة المركزي الشرطة المجتمعية بولاية سنار تدشّن قافلة دعم تكايا رمضان بولاية الخرطوم سهير عبد الرحيم تكتب: مشاهداتي في جلسة مجلس السلم والأمن الأفريقي النتيجة تؤهل النيل لدوري النخبة مينارتى يواصل إنتصاراته.. يفوز على الوحدة بثلاثية ويعزز صدارته للمجموعة الأولى مساعد قائد الجيش يكشف عن فساد وزير كبير إبراهيم شقلاوي يكتب: مسرح ما بعد الحرب لدى يوسف عيدابي شاهد بالفيديو.. على أنغام أغاني "الزنق".. لاعبو حي الوادي يحتفلون مع راعي الفريق ونائب رئيس إتحاد الكرة أسامة عطا المنان بمناسبة زواجه وزارة المالية توقع إتفاق مع بنك التضامن الإسلامي لتقديم خدمة إيصالي شاهد بالفيديو.. فتاة سودانية تبهر راغب علامة وأنغام بعد ترديدها أغنية هدى عربي في برنامج مسابقات والسلطانة تدعمها وتحتفي بها ارتفاع في اسعار محصول الذرة واستقرار سعر السمسم بالقضارف أمس إلغاء رحلة قطار إلى الخرطوم..إليكم تفاصيل انطلاق دورة متخصصة لتطوير الأداء الرقمي برعاية وزير الشباب والرياضة تطور حاسم بقضية "الاعتداء الجنسي" في منزل لامين يامال الإدارة العامة لشرطة تأمين التعدين تنفذ حملة منعية وكشفية لمكافحة التعدين العشوائي بولاية البحرالاحمر الإدارة العامة لشرطة تأمين التعدين تنفذ حملة منعية وكشفية لمكافحة التعدين العشوائي بولاية البحرالاحمر هيئة مياه الخرطوم: تحصيل فاتورة المياه لا يشمل القطاع السكني حتى الآن ارتفاع طفيف لأرباح زين السعودية إلى 604 ملايين في 2025 مسلسلات رمضان.. هل تقع أيتن عامر فى حب ياسر جلال فى مسلسل كلهم بيحبوا مودى الدولار يواصل التراجع أمام الجنيه فى منتصف تعاملات اليوم مسؤول سوداني يغادر إلى تركيا السودان.. وزير الشباب والرياضة يصدر قرارًا مجموعة الهلال السوداني.. صنداونز يقتنص التعادل ويبقي آمال التأهل في دوري الأبطال أفراد من الشرطة يلقون القبض على السائق الخاص بالقائد الميداني لمليشيا الدعم السريع "جلحة" داخل "ركشة" بحي بري هلال كوستي يدشن برامجه الثقافية بليلة ثقافية كبرى وتكريم رموز النادي والمجتمع شاهد بالفيديو.. سرقة محل مجوهرات بشارع الوادي بأم درمان وقيمة المسروقات تقدر ب(ترليون) جنيه محاولة أوكرانية جديدة لإفشال مفاوضات السلام بعيداً عن ارض المعركة رفض الزوج شراء سجائر لها فقتلته.. جريمة زوجة مصرية تثير الجدل حريق كبير في سوق شرق تشاد رسالة أخيرة في بريد الرئيس البرهان قبل تمرد الحركات المسلحة الدارفورية ترامب يحذر إيران: الوقت ينفد والهجوم القادم سيكون أشد مباحث الخرطوم تعلن توجيه ضربة موجعة لمافيا السيارات..إليكم التفاصيل تلفزيون السودان يستأنف البث المباشر من مقرّه الرئيسي وزير الصحة: التبغ عدو الحاضر والمستقبل و فاتورته الصحية تفوق عائداته الضريبية هل قتل السحر الأسود الإسرائيلي عبد الناصر؟.. كتاب جديد يكشف خفايا خطيرة في مصر سباق اختراق الضاحية باكورة بطولات الاتحاد العربي لألعاب القوى شركة اتصالات في السودان تعلن عن توقف خدمات "مَا حَرَّمَ إِسْرَائِيلُ عَلَى نَفْسِهِ"! أحمد الشاكر: انا أعجز عن شكر جميع الإخوة الأشقاء في المملكة العربية السعودية السودان..حصيلة صادمة بمرض شهير في ولايتين إسحق أحمد فضل الله يكتب: (حديث نفس...) "كرتي والكلاب".. ومأساة شعب!

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

(طيش) الفصل الذي جاء الأول

محمد عبد الماجد نشر في النيلين يوم 24 - 07 - 2014

كل اول ليه آخر – اقصد كل اول عندو طيش
""""""""""""""""""""""""""""
زمان كانوا بقولوا ليك (البطيخ) من الفواكه – هسع (البطيخة) لو قلبت الهوبة فيها واتحرفنت فيها شديد كدا بتطلع ليك من الخضروات
""""""""""""""""""""""""
هسع مدير البنك ينزل من عربيتو (طول وعرض) ويقول لبتاع الدكان : (عندك موية جبنة)
""""""""""""""""""""""""""""""""""""
شوفوا المفارقة دي العيد السنة دي (اتنين) ..يعني ما عيد واحد
"""""""""""""""""""""""""""""
. مقومات (طيش) زمان كانت مقومات تؤدي به الى نجاحات في مجال آخر من الحياة.
. طيش الزمن دا ما عارف الحاصل عليه شنو؟.
. اكيد بكون زول (رخم) كدا وطالع من الشبكة ..وما بنفع في اي حاجة.
. غير (طيش) زمان.
. يعني ممكن بي بساطة كدا (طيش) زمان يكون بعادل ليه (14) اول من اوائل الزمن دا.
. كدا نحن جاملناكم وما قصرنا معاكم.
. كان (الطيش) فيه الكثير من الصفات التى تجعله يتصدر الموقف فيما بعد.
. الطيش بتلقاه زول شجاع ..وصاحب بنية جسمانية قوية ...وما شغال بي زول.
. وبكون قاعد في الكنبة الورا – وعندو رأي واضح في استاذ اللغة العربية واستاذ الرياضيات واستاذ اللانجليزي.
. باختصار عندو رأي في اي زول في المدرسة من ناظر المدرسة الى (الالفة).
. الفة زمان طبعا بعادل هسع (لواء).
. الالفة كان عندو شنة ورنة.
. تلقى الالفة مسكت ليك الفصل كلو ..واحد من الطلاب قادر يتنفس مافي.
. تعال شوف الآن ...مدير المدرسة ما قادر يسكت ليه طالبين.
. اي حاجة اتغيرت في الزمن.
. زمان كانوا بقولوا ليك (البطيخ) من الفواكه – هسع (البطيخة) لو قلبت الهوبة فيها واتحرفنت فيها شديد كدا بتطلع ليك من الخضروات.
. يعني بتطلع ليك (قرعة).
. زمان كيلو الباسطة كان (باسطة) – هسع كيلو الباسطة بقى لو وضعت ليك معاه كيلو بصل ما بجيب ليه (كيلو).
. ديل اي حاجة طسوها لينا (موية).
. بقينا نعرف موية الفول – (زمان الفول ما عندو موية).
. وموية الجبنة.
. زمان تمشي تقيف ليك قدام دكان وتقول ليه عاوز موية جبنة ..يشيلو حالك.
. هسع مدير البنك ينزل من عربيتو (طول وعرض) ويقول لبتاع الدكان : (عندك موية جبنة).
. ديل من مبالغاتهم ..الكهربة عملوا ليها (موية).
. موش الواحد بمشي عشان يجيب ليه كهربة..بقوموا يقولوا ليه كهربتك فيها (موية).
. الموية دي زمان كانوا بقولوها ليك على هذه الطريقة (عندك موية في عيونك).
. هسع بقوا يقولوا ليك عندك موية في فاتورة الكهربة.
. زمن.
. اي حاجة عملوا ليك فيها موية حتى (فاتورة الكهربة).
. تفتكروا الوضع دا ما بخلي الزول يقعد برة شعرو.
. شفتوا ليكم زول قريب في الزمن دا مفتح شبابيك الصالون وقاعد فيه.
. ابدا.
. شفتوا ليكم زول قاعد يكد ليه في (عضم) الزمن دا.
. ابدا.
. ما عارف الخلل وين؟.
. الخلل في (العضم) وإلا في الناس البتكد (العضم).
. يمكن (عضام) الزمن دا بقت ما طاعمة وبقى ما فيها (طايوق).
. ويمكن الناس مع الواتس آب بقى ما عندها وقت عشان تدخل ليها في صراع مع (عضم).
. طيب ليه؟.
. ليه شنو؟.
. ليه لي زمن ما شفت لي كلب شايل ليه (عضم).
. بقت ما في عضام – وإلّا ما في كلاب.
. قلت ليكم الحياة اتغيرت قعدتوا تغالطوا فينا.
. دي كلها دلائل حياة صعبة ...وفقر جفف حتى (العضام).
. لكن دا كلو ما بحلنا من الكلام عن (الطيش).
. الفلسفة في الحكاية دي شنو؟.
. الفلسفة في الحكاية دي انو (الطيش) مؤثر جدا في الحياة.
. الاوائل بقوا ناس (فيس بوك) ساكت.
. المواضيع مدورنها (الطيشة).
. وزي ما قلت ليكم دا ناتج من ان الطيش فيه الكثير من الصفات النادرة والمحفزة للنجاح في الحياة.
. الطيش ما عندو مشكلة في حكاية (الاحراج) - يكون عارف او ما عارف ما مشكلة.
. ما فارقة معاه في حاجة.
. قلبو زي الحديد.
. على الاقل (الطيش) كان سابق الناس في انو اكتشف مبكرا ان القراية ما فيها فايدة ..بعد ان اضحت (الشهادات) تستخرج مثل شهادات السكن.
. وعندما نقول القراية ما فيها فايدة لا نعني ذلك مطلقا – قاصدين القراية ما فيها فايدة في البلد دي.
. عشان ما تشيلوا تلخبطوا لينا ساكت – ما في اعظم من القراية ومن الدراسة ومن التعلم.
. وحتى لا نتجنى على (العلم) وهو له الصدارة اينما كان...نيلسون مانديلا كان يقول : (لاتستطيع أية أمة النهوض بدون العلم. فقط من امتلك واهبة العلم هم من يقودون تقدُّم الأمم،أدركت أننا نستطيع تغيير حياتنا للأفضل برغم كوننا في السجن،استطعنا أن نصبح أشخاصاً أفضل حتى استطاع بعضنا الخروج وقد حصل على درجتين علميتين لاواحدة،تحصين أنفسنا بالعلم كان بمثابة امتلاك السلاح الأقوى لنيل الحرية).
. ومكانة العلم طبعا ما عاوز ليها حتى كلام – معروفة ومحفوظة.
. لكن نحن بنتكلم على هذا الحال ، نتكلم عن البلد دي– البلد التى اضحي فيه المتعلمون ابعد الناس من الراحة والمال والعيش الكريم.
. هنا الطالب اوشك ناس وزارة التربية والتعليم يركبوا ليه (صراف آلي) في رأسه..عشان كل ما يكونوا عاوزين ليهم (رسوم) يدفعوه على طول.
. ترمسة شاي بس.
. يعصروا فيه العام الدراسي كلو.
. الرسوم البدفعها الطالب في السودان لو دفعها في (كمينة طوب) زولكم دا في فترة وجيزة كان ح يبقى من اعيان البلد.
. الشيء الملاحظ في حكاية (الفلسفة) بتاعة (الطيش) دي ...انو ما في زول في السودان بعرفوه وبقولوا ليك : (الزول دا كان بجي الطيش).
. هل لم يكن هنالك (طيش) في السودان.
. هسع المدارس الخاصة المنتشرة في الخرطوم دي ..والتى توزع اعلاناتها بصورة كثيفة في الفضائيات ما فيها (طيش).
. نحن بنقيس شطارة المدرسة بي (طيشها)..وليس بي (اولها).
. الاول دا ما اصلو اول عارف اي حاجة.
. جيبوا لينا الطالب (الطيش) نشوف مستواه كيف؟.
. بدل ما ترصوا لينا كم من الاوائل كدا والتهاني في الصحف والفضائيات زي كأنو ما في (طيش) في المدرسة.
. كل اول ليه اخر – اقصد كل اول عندو طيش.
. ناس السودان ديل بتاعين قشرة ساكت.
. اي واحد يعرفوه ليك في مناسبة او يحتفلوا بيه في تكريم – يقولوا ليك الزول دا كان اول فصلنا.
. اصلو السودان دا ما فيه (طيش).
. طيش شنو؟.
. السودان دا (تاني) ما فيه.
. كلهم بجوا (الاوائل).
. هسع سمعتوا ليكم زول في الدنيا دي قالوا ليك في احتفال عام – الزول دا كان بجي (الطيش).
. او الزول دا كان بجي (التاني)...كلهم ما شاء الله (اوائل).
. ما في زول من تلقاء نفسه كدا يكون شجاع ويقول ليك انا كنت بجي (الطيش).
. ما فيها حاجة.
. لماذا لا نعمل مهرجان كبير في السودان او في اي دولة تانية ما مشكلة...للطيشه.
. عاوزين لينا مهرجان للطيشه.
. نشوف (الطيشه) ديل عملوا شنو في حياتهم ..وهل نجحوا بعيدا عن الاكاديميات.
. عاوزين نشوف في (طيش) بقى (دكتور).
. في (طيش) بقى (مهندس).
. في طيش بقى (معلم).
. في طيش بقى (فنان).
. في طيش بقى (صحفي).
. لازم تبحثوا لينا عن الدرجة العلمية دي – عشان ما يكون في تميز علمي على الناس.
. اغلب طيشه زمان نجحوا في الحياة وعملوا ليهم الان عمارات وبيوت وعربات.
. يمكن عشان دخلوا للسوق من بدري.
. شالوها (موزة).
. ويمكن عشان البجوا (الاوائل) دائما بكونوا بتاعين (تنظير) وهم في الغالب ما عمليين.
. الرئيس الراحل جعفر محمد نميري كان يعرف وسط دفعته على انه (طيش حنتوب).
. وقد كان يهاجم وينتقد على ذلك الاساس.
. بل حتى المظاهرات عندما تخرج ضده كان تقلل من قيمته بي انه طيش حنتوب.
. دفعة نميري طبعا كان فيها عباقرة كبار اي زول ممكن يكون معاهم (الطيش).
. دفعة نميري في حنتوب كان فيها محمد ابراهيم نقد وحسن عبدالله الترابي.
. نميري جاء واصبح (رئيسا) على الجماعة العاملين فيها شفوت ديل.
. وبغض النظر عن صحة الرواية التى تشير الى ان نميري كان (طيش) حنتوب ..إلّا ان الكل يشهد للرئيس جعفر نميري بتميزه الواضح في العسكرية ونبوغه الذي كان في الجيش.
. كما عرف نميري بالذكاء والفطنة حتى في فترة رئاسته للسودان وتميز بالقوة والشخصية ذات الكارزيما العالية رغم الاخطاء الكبيرة التى وقع فيها.
. يهمنا هنا فقط ان نقول ان نميري الذي كان متأخرا في دراسته في حنتوب جاء وحكم (اوائل) دفعته مع نبوغهم الفكري والاكاديمي الكبير.
. وكثير من النماذج والعبقريات في العالم كانوا متأخرين في الدراسة – بل كانوا بزوغو من الدرس.
. يمكن ان نعود لاحقا الى سيرة العباقرة الطيشه في العالم ...عشان هنا المساحة بقت لي مساحة (هوامش) ساكت.
. واليوم جرى.
. والعيد يمكن يكون اتنين.
. شوفوا المفارقة دي العيد السنة دي (اتنين) ..يعني ما عيد واحد.
. .....
. ملحوظة : خبزتوا؟؟؟.
هوامش
. تجربة الهلال في اثيويبا امس واضح انها تجربة ما فيها فايدة.
. التجربة واضحة من نتيجتها.
. يكونوا لموا ليهم جماعة كدا من السوق الشعبي بتاع اديس ابابا ..ولعبوا معاهم مباراة.
. نحن الحاجات دي بنعرفها كويس.
. عشان كدا التجربة ما جديرة اننا نكتب عنها.
. ح نتجاوز الموضوع دا.
. الهلال في رمضان.
. الهلال في العيد.
. برة بلعب في البطولة الافريقية.
. ناس المريخ ديل قاعدين لينا هنا.
. حارسين ناس الاهلي شندي.
. ما عندهم اي موضوع.
. الناس في مهمة وطنية ..وانتوا قاعدين تكسروا لي في التلج لي جمال الوالي.
. ....
. عاجل : ليه الزول لمن يكون طالع العصر من البيت بقولوا ليه : (جيب لينا معاك بطيخة).
وإن طال السفر - محمد عبد الماجد
صحيفة قوون

انقر هنا لقراءة الخبر من مصدره.