سودارس : بحتو

ياسر محجوب الحسين يكتب: الإعلام الأميركي وحماية الدعم السريع الفوارق الفنية وراء الخسارة بثلاثية جزائرية نادي القوز ابوحمد يعلن الانسحاب ويُشكّل لجنة قانونية لاسترداد الحقوق السعودية..فتح مركز لامتحانات الشهادة السودانية للعام 2025م كامل ادريس يلتقي نائب الأمين العام للأمم المتحدة بنيويورك شاهد بالفيديو.. شباب سودانيون ينقلون معهم عاداتهم في الأعراس إلى مصر.. عريس سوداني يقوم بجلد أصدقائه على أنغام أغنيات فنانة الحفل ميادة قمر الدين الجزائر تتفوق على السودان بثلاثية نظيفة شاهد بالصور.. أسطورة ريال مدريد يتابع مباراة المنتخبين السوداني والجزائري.. تعرف على الأسباب!! شاهد بالفيديو.. الطالب صاحب المقطع الضجة يقدم اعتذاره للشعب السوداني: (ما قمت به يحدث في الكثير من المدارس.. تجمعني علاقة صداقة بأستاذي ولم أقصد إهانته وإدارة المدرسة اتخذت القرار الصحيح بفصلي) وزير الداخلية التركي يكشف تفاصيل اختفاء طائرة رئيس أركان الجيش الليبي البرهان يزور تركيا بدعوة من أردوغان سر عن حياته كشفه لامين يامال.. لماذا يستيقظ ليلاً؟ "سر صحي" في حبات التمر لا يظهر سريعا.. تعرف عليه تقارير: الميليشيا تحشد مقاتلين في تخوم بلدتين شاهد بالصورة.. الناشط محمد "تروس" يعود لإثارة الجدل ويستعرض "لباسه" الذي ظهر به في الحفل الضجة شاهد بالصورة والفيديو.. المذيعة تسابيح خاطر تستعرض جمالها بالفستان الأحمر والجمهور يتغزل ويسخر: (أجمل جنجويدية) سيدة الأعمال رانيا الخضر تجبر بخاطر المعلم الذي تعرض للإهانة من طالبه وتقدم له "عُمرة" هدية شاملة التكاليف (امتناناً لدورك المشهود واعتذارا نيابة عنا جميعا) شاهد بالصورة والفيديو.. المذيعة تسابيح خاطر تستعرض جمالها بالفستان الأحمر والجمهور يتغزل ويسخر: (أجمل جنجويدية) والي الخرطوم: عودة المؤسسات الاتحادية خطوة مهمة تعكس تحسن الأوضاع الأمنية والخدمية بالعاصمة فيديو يثير الجدل في السودان إسحق أحمد فضل الله يكتب: كسلا 2 ولاية الجزيرة تبحث تمليك الجمعيات التعاونية الزراعية طلمبات ري تعمل بنظام الطاقة الشمسية شرطة ولاية نهر النيل تضبط كمية من المخدرات في عمليتين نوعيتين الكابلي ووردي.. نفس الزول!! حسين خوجلي يكتب: الكاميرا الجارحة احذر من الاستحمام بالماء البارد.. فقد يرفع ضغط الدم لديك فجأة في افتتاح منافسات كأس الأمم الإفريقية.. المغرب يدشّن مشواره بهدفي جزر القمر استقالة مدير بنك شهير في السودان بعد أيام من تعيينه مكافحة التهريب بكسلا تضبط 13 ألف حبة مخدرات وذخيرة وسلاح كلاشنكوف كيف تكيف مستهلكو القهوة بالعالم مع موجة الغلاء؟ 4 فواكه مجففة تقوي المناعة في الشتاء اكتشاف هجوم احتيالي يخترق حسابك على "واتسآب" دون أن تشعر ريال مدريد يزيد الضغط على برشلونة.. ومبابي يعادل رقم رونالدو وفاة مسؤول بارز بناد بالدوري السوداني الممتاز رحيل الفنانة المصرية سمية الألفي عن 72 عاما قبور مرعبة وخطيرة! شاهد بالصورة.. "كنت بضاريهم من الناس خائفة عليهم من العين".. وزيرة القراية السودانية وحسناء الإعلام "تغريد الخواض" تفاجئ متابعيها ببناتها والجمهور: (أول مرة نعرف إنك كنتي متزوجة) حملة مشتركة ببحري الكبرى تسفر عن توقيف (216) أجنبي وتسليمهم لإدارة مراقبة الأجانب عزمي عبد الرازق يكتب: عودة لنظام (ACD).. محاولة اختراق السودان مستمرة! انخفاض أسعار السلع الغذائية بسوق أبو حمامة للبيع المخفض تونس.. سعيد يصدر عفوا رئاسيا عن 2014 سجينا ضبط أخطر تجار الحشيش وبحوزته كمية كبيرة من البنقو البرهان يصل الرياض ترامب يعلن: الجيش الأمريكي سيبدأ بشن غارات على الأراضي الفنزويلية قوات الجمارك بكسلا تحبط تهريب (10) آلاف حبة كبتاجون مسيّرتان انتحاريتان للميليشيا في الخرطوم والقبض على المتّهمين إسحق أحمد فضل الله يكتب: (حديث نفس...) حريق سوق شهير يسفر عن خسائر كبيرة للتجار السودانيين مياه الخرطوم تكشف تفاصيل بشأن محطة سوبا وتنويه للمواطنين محافظ بنك السودان المركزي تزور ولاية الجزيرة وتؤكد دعم البنك لجهود التعافي الاقتصادي الصحة الاتحادية تُشدد الرقابة بمطار بورتسودان لمواجهة خطر ماربورغ القادم من إثيوبيا مقترح برلماني بريطاني: توفير مسار آمن لدخول السودانيين إلى بريطانيا بسهولة الشتاء واكتئاب حواء الموسمي عثمان ميرغني يكتب: تصريحات ترامب المفاجئة .. "كرتي والكلاب".. ومأساة شعب! ما الحكم الشرعى فى زوجة قالت لزوجها: "من اليوم أنا حرام عليك"؟ حسين خوجلي: (إن أردت أن تنظر لرجل من أهل النار فأنظر لعبد الرحيم دقلو) حسين خوجلي يكتب: عبد الرجيم دقلو.. إن أردت أن تنظر لرجل من أهل النار!!

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

بحتو

قوون نشر في قوون يوم 23 - 02 - 2013

هذه القصة ...وصلتنا للتو من احد الاحباب ...وجدت انها تتوافق تماما مع هذا القالب ...الذي سوف احدثكم عنه ...ولكم من بعد حق الموافقة او الاعتراض.

والعاوز يعترض ..ويقعد ينظر لينا ...من هسع يقيف ..وما يكمل العمود دا.

عشان الموضوع ما يجيب ليه زعل ..وحنبكة...زمان كان معانا (طالب) حصة (الانجليزي) كلها بكون محبنك زي (الباك) البسحبوه فى اخر ربع ساعة من المباراة.

انا ما عارف بزعل ليه ؟...او زي الزول البجي فايت جنب عداد الكهرباء ..يقوم يلقى الكهربة 5 وحدات.

الحكاية دي بتظهر في (جلحاتو).

انتوا عارفين ...(الجلحات) بجيبها شنو؟.

بجيبها (الزعل)...وعدم الكهربة.

هسع الموضوع دا انا ما عاوز اشغلكم بيه ...لذلك بتجاوز ليكم (الشبكة) دي.

غايتو الزول وقت يشبك ليه في موضوع ...متل الساعة الجديدة ..كل 3 دقائق تعاين ليها وتشوف الساعة كم؟.

ولمن واحد يسألك ويقول ليك الساعة كم ؟ : تشكرو لى جدو التاسع...وتفتكر انو دا الزول الوحيد البفهم في الساعات في الدنيا دي.

عودة الي استديوهاتنا الرئيسية.

(بحتو) ولد شقي ...جايط الدنيا ...جواطة شديدة ...اي حاجة يعملها ..او اي مشروع بدخل فيه ...بنتظر ان يأتيه بالفوائد في اليوم التاني طوالي.

ما عندو صبر ...وزي (بحتو) ديل كتيرين ....الواحد لو اشترى ليه (عربية) بيعتبر العربية دي (لقطة)..وسعرها (واقع واطة).

لو قلت ليه بالغلط كدا ...(غشوك) في العربية دي ..ما برضى ..والنوم بطير من عينو ....وعينو ذاتها بتبقى زي (عقاب) البيبسي في القزازة (قاعد ركن)...عاوز يطق من الزعل.

وفي ناس ...من غير اي داعي ....الواحد لو ركب معاك في العربية ...بدون مناسبة كدا ..يقول ليك ...(عربيتك) دي فيها صوت.

شفتوا العربية لو ما فيها صوت ...بعد تسمع كلام الزول دا ..بتعمل ليها صوت.

العربات ذاتها الزمن دا بقت متحيلة ...العربية توديها (المنطقة) تتلتل ...من تصل هناك يظهر ليك فيها الف عيب.

وصراحة كدا ...العيب في المكانيكي ...ما في العربية.

اي مكانيكي شال ليه (مفك)...ولبس ليه (ابرول)..تودي ليه (عربيتك)...يقوم من غير يشوفها ..يقول ليك : (عاوزة شنبر).

في البتسوى والما بتسوى يشنبرها ليك.

يشنبرها ليك من قولة تيت.

اخير (الشنبر)...في مكانيكية كدا ...الواحد من يشوفوك ماشي عليه ...بقول ليك عاوزة (كتينة).

قدر ما تشرح ليه ..وتقول ليه (الكتينة) دي غيرتها الاسبوع الفات ...ما بستوعبك.

الكتينة ما بغيروها طوالي.

تغيّر (الكتينة)...يرجع للشنبر.

اصلو (الشنبر) في كل الاحوال ما بتجاوزو ليك.

تجيب البنشر ...يقول ليك (المساعدات).

المساعدات مالها ....عليك الله خليهن لي في حالتن دي.

المساعدات ديل كمان اخير منهن الكتينة.

لكن هسع موضوع (العربيات) دا ..ما موضوعنا.

ولا عاوز اعلق ليكم عليه.

مرة مشينا لينا لي زول ...(كريم)....كرم مبالغ فيه.

النوع المن يشوف ليه (عتود) بقبضو يضبحو ليك.

تلاتة في اربعة ...عادي يطلعها ليك ب (61).

في الحافلة ...لمن يركب ..وما يلقى زول غيرو في الحافلة ...بدفع (الفردة) الجايه مقدما.

الكرم ...ظاهر في شنبو.

عامل ليه (شنب) لو حلف ..حليفتو ما بتروح ساكت ...(تروح وين مع الشنب دا؟).

في جماعة كدا ...(الشنب) بعملوه فقط ...عشان بس ما ينسوا (الباقى) عند الكمساري.

او عشان الكمساري ..ما يفوتهم المحطة.

في كماسرة ما بجوا إلا بالشنبات.

الغتاتة واضحة في (طقطقتهم).

لكن برضو دا ما موضوعنا.

موضوعنا الزول الكريم.

زول في الكرم دا اصلو ما في زول بلحقو...لو ما اكرمك بضبح ليك (ديك).

يعني (الضبيحة) دي ...واقعة ...واقعة.

والديك ذاتو ...لو ما شايل حيلو ما بضبحو ليك.

زول صعب في (الكرم)...الساعة اتنين تلقى حايم في الشارع ...بكوس ليه زول يتغدى معاه.

الساعة اتنين ونص ..بكون بقابض عديل كدا ...لو طلعت تدفق ليك موية في الشارع بحلف عليك إلا تتدخل تتغدى.

الزول دا ...مرة مشينا ليه الساعة 9 صباحا ...قال لينا إلا تقعدوا (تفطروا).

قلنا ليه : والله يا حاج نحن (فاطرين).

عارفين عمكم قال لينا شنو؟.

عمكم قال لينا : خلاص وقت فطرتوا بدري كدا ...تكونوا جوعتوا ..امشي يا ولد قول لي امك اعملي (الغداء).

والله عندنا (عصيدة)...تشوف فيها وشيك.

قلنا ليه يا حاج ....الغداء الساعة 9 صباحا!!...انت قايلنا في معسكر.

عمك قال لينا ...انتوا عارفين الساعة كم في الصين؟...على الاقل الساعة هسع في الصين تكون تلاتة (ظهرا).

انتوا هنا بتضيعوا وقتكم ساكت في السودان.

قلنا ليه لكن يا حاج نحن في ام درمان ...ما في الصين...البخلينا نتغدى بي توقيت الصين شنو؟.

زولكم قال لينا ...انا اصلو (غداي) حسب التوقيت المحلي ل (بكين).

اتغدينا 9 صباحا ..وطلعنا تسعة ونص ...قلنا نتخارج سريع ...الزول دا بي (كرمو) دا بقوم يجيب لينا العشاء ...الساعة 11 صباحا.

خاصة لو دخل لينا على بي توقيت (كوريا الشمالية).

في ناس كدا ...صواينهم تتخابط.

الصينية تجيك مفكوكة زي (الدو).

ينزلوا صينية ..صينية زي نغمة (الرسائل).

بالمناسبة الزول الكريم ...بتعرف من باب الصالون.

شفتوا باب الصالون من تلقوه ما بفوت الصينية ..اعرفوا سيدو بخيل.

الزول الكريم اول حاجة بجرب طلوع ودخول الصينية ...بعد كدا بركب (الابواب).

الضيق كعب في (الفسيخ).

هسع الفسيخ ذنبو شنو؟..عامل سنونك ديل زي المرمى الما فيه شبكات ..ولا فيه عراضات.

ارجع للموضوع الاساسي (بحتو).

وعشان ما اتلولو ليكم كتير ...(بحتو) دي عندو (جدادة) فرحان بيها فرح شديد.

ما فاضل ليه إلا يديها دور البطولة في فيلم (كتكوت) مع (محمد سعد).

جابها ورماها في القفص ..وبقى كل يوم ينتظر (الجدادة) دي عشان تبيض ليه.

كل يوم (الجدادة) دي بدخلها ليك في (مراقبة) من 11 الي 4.

ما فاضل ليه إلا يكون ليه (لجنة).

الجدادة ما باضت ..وناس البيت اتوجسوا بالحكاية دي.

الحلة كلها بقت تتراقب في (جدادة) بحتو ...والجدادة سوداء ..وسمينة ..بس عيبها انها ما بتبيض.

وبحتو ما قصر مع (الجدادة) ...اولاها رعاية خاصة ..وبقى في انتظار ان (تبيض).

الي ان حدثت (المفاجأة).

ففى الوقت الذي كان فيه (بحتو) في المدرسة منسجما بين الطلاب في حصة الرياضيات...جاء اخو بحتو الصغير ..فاتح فتح صاح ، بي عراقي وفردة نعال واحدة ... الي ان دخل (بدون ما يشعر) الي الفصل ..ووقف قدام اخوه وهو صايحا : (بحتو..بحتو ..بحتو ..بحتو ... جدادتك الزريقة رمت).

اخو بحتو لا اشتغل بالحصة ..ولا بالاستاذ ..ولا بي اي حاجة ..فقد كان الحدث اكبر من ان يلتزم بي اي بروتكول.

بحتو ذاتو وقت سمع الخبر ..قام وانتفض ..وجري على البيت ..وهو بين مصدق وما مصدق.

جدادة بحتو (رمت).

تقول (رمت) سور الصين العظيم.

هذه الحكاية تماثلت عندي ...بصورة حية ..وحقيقية في المريخ.

وكلكم ...كنتم شهود عليها ...حتى اخوانا المريخاب.

بس المريخاب بحبوا الغلاط زي (البطيخ).

تذكروا وقت (وارغو) جاب ليه (قون) في اتحاد مدنى.

الدنيا كلها وقفت.

والبلد اندهشت ...وختت ايدها في رأسها..مثلما حدث تماما عندما (رمت) جدادة بحتو الزرقا.

والناس بتذكر ان هدف وارغو في الاتحاد مدني كان (حدث) فقد جاء الهدف بعد شهور عديدة.

لدرجة ان المريخاب فكروا يعملوا اليوم داك (اجازة) رسمية.

اي والله هدف وارغو كان مثل هذا الخبر ...جدادة بحتو الزريقة الرمت.

وارغو ..صاحب ذلك الهدف (الرمية) ...الان يطارد المريخ بالفيفا ...وهو يطالب بحقوقه التى تبلغ 350 الف دولار.

350 الف دولار يا وارغو مع (التقشف) دا يجبوها ليكم من وين؟.

إلا يدوهم نسبة في سكر كنانة.

عصام ىالحاج دا لو كتبوا ليه (جالون) في كل برميل يمر عبر الاراضي

السودانية من دولة جنوب السودان ما بقدر يلقط المبلغ دا.

يا وارغو انت (جنيت).

ناس المريخ ديل مقدم الحضري البيلعب معاهم ما قادرين يوفروه ...تفتكر انت ح يوفروا ليكم المبلغ دا ...وانت كنت قاعد 5 سنوات في المريخ ساي.

5 سنوات غير انك تقعد تعاين في كرعينك ...ما شفنا ليك حاجة.

المبلغ الكبير دا ...غايتو إلا تجيبو ليكم (صور) هيثم مصطفى.

اطبعوا ليكم كمية تانية من صور هيثم مصطفى يا عصام الحاج.

ولو الصور ما جابت ليكم قروش بي شعار المريخ ...وزعوا صور لي هيثم مصطفى وهو بشعار الهلال.

والله تغنوا غنى ..لو طبعتوا ليكم صور لي هيثم مصطفى بشعار الهلال.

انتوا ما شفتوا ناس قناة النيلين ...الى الان في الاستديو حقهم ..واضعين صورة هيثم مصطفى وهو بشعار الهلال.

الظاهر ناس النيلين عاوزين يتغلبوا على التلفزيون القومي ..عشان كدا جابوا (صورة) هيثم مصطفى (الاصل).

ملحوظة : غايتو الزول وقت يكون عاوز ليه سبب.

هوامش

الهلال نادي كبير ..وعظيم ...حكاية المرتبات والحوافز دي مفروض ما يقيف فيها.

مجلس الهلال يفترض ان لا يجعل الامور تصل الي هذا الحد.

الاجانب ديل توفر ليهم (مرتباتهم وحوافزهم) بيلعبوا زي الطلقة ...تجرجروا معاهم ..بجرجروا.

لكن حكاية الاضراب دي ..ذكرتني بعمال السكة حديد.

ما اظن الموضوع يصل حد الاضراب.

بعدين حكاية موظف وصل المعلومة غلط ...هذا شيء يجب ان يضع له حدا.

ما معقول كل مرة ندفع اخطاء الذين يعملون في الهلال.

وربما المجلس يتهرب من مسؤولياته.

اذ لا يعقل ان يكون للجهاز الفني متأخرات عن 6 شهور.

6 شهور لو ما دفعت في بيت الاجار بطلعوك.

على كل ...يشكر البرير على انه يتدخل في اللحظات الاخيرة...ويعالج الازمات بنفسه.

وين ود المامون؟.

الزول دا موش قال انا ملتزم براتب المدرب وحوافزه.

ود المامون دا بقى معارضة وإلا شنو؟.

اقطاب الهلال ...طه علي البشير والكاردينال ..لم يعد لهم اي دور في الدعم.

اما صلاح ادريس ..فهو رافع ايدو من البداية.

الحضري شال حال المريخ.

الحضري لسانو طويل ..وسيرة المريخ بقت على كل فضائية.

الزول دا اعملوا ليه صندوق ...وادهو الصرفة الاولى.

غارزيتو طالب ببيع كأس الدهب ..عشان مستحقاته.

والله انا الخواجة دا ..قلت لو شاف كأس الدهب ...لو ما خلى المجلس يصرفو ما برتاح.

خلاص غارزيتو ح يخلي اي شيء ويقعد ينق لينا في كأس الدهب.

انت يا غارزيتو جنيت.

نبقى لا هيثم مصطفى ..لا كأس الدهب.

هسع لو قلنا عاوزين نبيع كأس الدهب...عصام الحاج بي فلسو دا يقول عاوزين نشتريه.

ان شاءالله يرهنو الاستاد.

يا غارزيتو ..كلو ولا كأس الدهب.

والله دا الفضل.

نحن الواحد (خاتم) ما بصرفو...الكلام دا عندنا عيب عديل كدا ..عاوزنا نبيع كأس الدهب.

شفت يا غارزيتو ...(الغطايه) ما بنبيعها.

الكلام دا طلعو من رأسك.

وجود دومنيك وسيدي بيه مع الهلال مهم ..وضروري.

يجب ان يستمروا مع الفريق في هذه الفترة ..خاصة وان التسجيلات التكميلية باقى ليها 3 شهور و5 ايام.

العجب في المباراة القادمة ح يشارك 5 دقائق.

وليس في الامر عجب.

عاجل : ناس المريخ لو اتعصروا إلا يبيعوا (تلج)...اخير نحن عندنا (دهب) بنتسند عليه.

انقر هنا لقراءة الخبر من مصدره.