وتستمر الأعياد حقيقة هي أعياد لأن سيكافا ليست ضعيفة كما يدعي بعض العباد هي سيكافا دي منو ؟؟؟ موش يوغندا وكينياوأثيوبيا وتنزانيا ورواندا وغيرهم طيب نحنا الأقوياء ديل ماذا كانت نتائجنا في آخر مباريات منتخبنا ضد منتخبات سيكافا ؟؟؟ كينيا غالبانا اتنين صفر وجابهم وانغا الاتنين أثيوبيا أقصتنا من التنافس الأفريقي ورواندا اسي صعدت والكنغو مشتكية فيها نحنا وين بس !!!! وبعدين الغريبة نفس الناس البقولوا سيكافا ضعيفة هللوا وكبروا وطمبروا لما المنتخب قاده مبارك سلمان ومشى كويس في البطولة فهل سيكافا للدول قوية وسيكافا للاندية ضعيفة ؟؟؟ غايتو الشناف نساي شديد الشناف كان مبسوط بالمنتخب في سيكافا ويصفها بالقوة والفتوة ويصف مبارك سلمان بالمدرب الفلتة ولما كينيا غلبتنا التهاني انهالت على المنتخب لانو مشى في سيكافا كويس يبقى ديك سيكافا الاوروبية ودي سيكافا افريقيا ؟؟؟ أيها الناس سيكافا 2014 إنجاز ومن يقول غير ذلك سيقتله الحسد ولن يغير في التاريخ شيئاً ناس البطولة المحببة والشكاوي والبلولة خليكم منطقيين عشان تعرفوا انتوا وين ودايرين تصلوا وين وكيف تصلوا وفي دي طبعاً اسألوا مجرب وطبعاً الجرب البطولات الجوية نحنا يا فرد أيها الناس المكابرة لن تأتي ببطولة ولن تغير التاريخ ولن تجعل من الشربات فسيخ سيكافا شربات وسط فسيخ الأصفار الدولية تلك الأصفار التي تنعم بتواجد دائم في صحائف جميع الفرق السودانية طبعاً لما نقول الفرق السودانية المريخ ما معاهم الوحيد المسجل في لوح الشرف الافريقي والعندو سجل يجيب شهادة البحث ويجينا فكونا من وصلنا والمحببة والكبيرة والكبار الكذب من الكبائر المهم نهنئ الزرق الذين لم يبخسوا الإنجاز الذين قدموا التهنئة للزعيم هم يستحقون التهنئة لأنهم واقعيون لانهم اشراقات وسط شعبهم لانهم يقدرون الإنجازات ويمتثلون لأمر الدين لا يبخسون الناس حاجاتهكم وإنجازاتهم ما زي الذين يهتفون خجلة فريقنا صعب كاساتو ضهب لأن تبخيس بطولات استحالت عليك يجعل جريك خلف بطولات لم تحققها بطولات ضهب أيها الناس التحية نكررها للذين قدموا التهاني ونردها بأبرك منها عقبالكم بس بعد يعترف عقابكم يعترفوا بفشلهم ويقروا بإنجازات الزعيم أيها الناس المطار طوالي أحمر وأصفر أين ألوان الطيف الرياضي الباقية ؟؟؟ ولا قنعتوا البقية في حياتكم أيها الناس إن تنصروا الله ينصركم أها نجي لي شمارات والي الخرتوم كان شفت يا والينا من فرحتنا نسينا يا والينا نسينا القعونج القلتوهوا لينا ونسينا نسينا حزن المدينة ونسينا نسيا الضبان الساكن بين ايدينا نسينا الباعوض البقرص فينا نسينا المرتب الما بكفينا نسينا نسينا اي شي يا والينا بس عشنا الفرح بي سيكافا الجابها المريخ لينا حقو تشغلوا المريخ في التوجيه المعنوي يا والينا كل ما معنوياتنا تنزل ونبكي الحال الفينا يجيب كاس من بره ومعنوياتنا يرفعها لينا سلك كهربا ننساك كيف ومن غير المريخ يعطي لهذا الشعب معنى أن يعيش وينتصر، معنى أن يفرح وفي المطار ينتشر وللكاس ينتظر والللللللللللللى لقاء سلللللللللللللللللللك في السلك - بابكر سلك صحيفة الإنتباهة
