بشيلك في العيون نبراس بضمك في القلب إحساس مانتا الساس وأنتا الرأس نيلك جاري في ربوعك يروي الناس بي أعزب كاس ممدد في أرضك موو هوان بس تواضع منو للمعبود ورب الناس نخيلك شامخ شيدالمتراس والظالم بقع بالجزم بنداس ما خلاص شعبك عرف زيف الخداع ويبقى الحارس السياف شايل سيفو واقف تب ترسن كبير ما بخاف وشعبك صابر راجي الفكك وخلاسن سمح فيه راحت البال وكلمة فال وعتق الناس فيه المريض بتداوى لا الم لا لفة راس فيه العلاج مجاني والكرم عنوان فيهو العفة فيهو أمان فيهو الباب واحد فاتح في الحيشان والنفاج رجع والمحنّه كمان والناس بترجع لي الأصل ما الأصل عنوان والناس بترجع للاصل ما الأصل عنوان عباس محجوب محمد احمد [email protected]