الحركة الشعبية تقصف مدينة الدلنج بالمدفعية الثقيلة    مجلس المريخ يعبر عن تقديره لمصالحة ود اليأس وفتحي    الهروب الكبير.. وشماعة "الترزي"!    شاهد بالفيديو.. الفنان شريف الفحيل يفتح النار على الناشطة الشهيرة "ماما كوكي": (كنتي خادمة وبتجي تشيلي الحلاوة لأمي)    اكتشاف فلكي مذهل.. كواكب جديدة فى مرحلة التكوين    سَامِر الحَي الذي يطْرِب    التلاعب الجيني.. متى يحق للعلماء إبادة كائن ضار؟    شاهد بالفيديو.. أشهر مصنع سوداني يستأنف العمل بالخرطوم في حضور صاحبه    شاهد بالصورة.. وسط ضجة إسفيرية واسعة افتتاح محل "بلبن" بمدينة ود مدني بالسودان    مواعيد مباريات كأس العالم الأندية اليوم السبت 21 يونيو 2025    العدل والمساواة: المشتركة قدمت أرتال من الشهداء والجرحى والمصابين    يا د. كامل إدريس: ليست هذه مهمتك، وما هكذا تُبنى حكومات الإنقاذ الوطني    بحث علمي محايد    عضو المجلس السيادي د.نوارة أبو محمد محمد طاهر تلتقي رئيس الوزراء    السودان.. وفد يصل استاد الهلال في أمدرمان    "وثائقي" صادم يكشف تورط الجيش في استخدام الأسلحة الكيميائية ضد المدنيين (فيديو)    الجيش السوداني يعلّق على الهجوم الكبير    السودان.. كامل إدريس يعلن عن 22 وزارة    إنريكي: بوتافوجو يستحق الفوز بسبب ما فعله    "كاف" يعلن عن موعد جديد لانطلاق بطولتي دوري أبطال إفريقيا وكأس الاتحاد الإفريقي    كامل إدريس وبيع "الحبال بلا بقر"    هل ستتأثر مصر في حال ضرب المفاعلات النووية؟    إيران تغرق إسرائيل بالصواريخ من الشمال إلى الجنوب    نص خطاب رئيس مجلس الوزراء "كامل ادريس" للأمة السودانية    ميسي يقود إنتر ميامي لقلب الطاولة على بورتو والفوز بهدفين لهدف    عودة الخبراء الأتراك إلى بورتسودان لتشغيل طائرات "أنقرة" المسيّرة    6 دول في الجنوب الأفريقي تخرج من قائمة بؤر الجوع العالمية    فقدان عشرات المهاجرين السودانيين في عرض البحر الأبيض المتوسط    30أم 45 دقيقة.. ما المدة المثالية للمشي يومياً؟    الإدارة العامة للمباحث الجنائية المركزية تتمكن من ضبط منزل لتزييف العملات ومخازن لتخزين منهوبات المواطنين    بين 9 دول نووية.. من يملك السلاح الأقوى في العالم؟    لماذا ارتفعت أسعار النفط بعد المواجهة بين إيران وإسرائيل؟    وزارة الصحة تتسلّم (3) ملايين جرعة من لقاح الكوليرا    "أنت ما تتناوله"، ما الأشياء التي يجب تناولها أو تجنبها لصحة الأمعاء؟    السودان والحرب    هل هناك احتمال لحدوث تسرب إشعاع نووي في مصر حال قصف ديمونة؟    ماذا يفعل كبت الدموع بالرجال؟    الإدارة العامة للمباحث الجنائية المركزية تتمكن من الإيقاع بشبكة إجرامية تخصصت فى نهب مصانع العطور بمعاونة المليشيا المتمردة    الصحفية والشاعرة داليا الياس: (عندي حاجز نفسي مع صبغة الشعر عند الرجال!! ولو بقيت منقطها وأرهب من الرهابة ذاتا مابتخش راسي ده!!)    كيم كارداشيان تنتقد "قسوة" إدارة الهجرة الأمريكية    "دم على نهد".. مسلسل جريء يواجه شبح المنع قبل عرضه    السلطات السودانية تضع النهاية لمسلسل منزل الكمير    المباحث الجنائية المركزية ولاية الجزيرة تنفذ حملة أمنية كبري بالسوق العمومي وتضبط معتادي إجرام    مباحث شرطة الولاية الشمالية تتمكن من إماطة اللثام عن جريمة قتل غامضة وتوقف المتورطين    المملكة تستعرض إستراتيجية الأمن الغذائي لدول مجلس التعاون الخليجي    خسائر ضخمة ل"غانا"..تقرير خطير يكشف المثير    والي الخرطوم يصدر عدداً من الموجهات التنظيمية والادارية لمحاربة السكن العشوائي    أدوية يجب تجنب تناولها مع القهوة    (يمكن نتلاقى ويمكن لا)    بالصورة.."أتمنى لها حياة سعيدة".. الفنان مأمون سوار الدهب يفاجئ الجميع ويعلن إنفصاله رسمياً عن زوجته الحسناء ويكشف الحقائق كاملة: (زي ما كل الناس عارفه الطلاق ما بقع على"الحامل")    3 آلاف و820 شخصا"..حريق في مبنى بدبي والسلطات توضّح    معلومات جديدة عن الناجي الوحيد من طائرة الهند المنكوبة.. مكان مقعده ينقذه من الموت    إنهاء معاناة حي شهير في أمدرمان    رؤيا الحكيم غير ملزمة للجيش والشعب السوداني    شاهد بالفيديو.. داعية سوداني شهير يثير ضجة إسفيرية غير مسبوقة: (رأيت الرسول صلى الله عليه وسلم في المنام وأوصاني بدعوة الجيش والدعم السريع للتفاوض)    أثار محمد هاشم الحكيم عاصفة لم يكن بحاجة إلي آثارها الإرتدادية علي مصداقيته الكلامية والوجدانية    ما هي محظورات الحج للنساء؟    قُلْ: ليتني شمعةٌ في الظلامْ؟!    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



الوثيقة الدستورية (زي جَنَى النديهه)
خالدة ودالمدني نشر في الراكوبة يوم 15 - 10 - 2021

زمان الناس الكبار عندهم إعتقاد بالشيوخ يقولوا ليك فلان دا صالح ، والشيخ بعد يموت يمشو يزورو قبره ويطلبو منه تحقيق أمانيهن ، ودي اسمها (النديهة) ، وكان قالوا ليك يابركة الشيخ فلان يفعل ليك ويترك ليك خلاص تشوف ليك جحر تدخل فيهو حسب اعتقادن ، أما البت البعرسوها وتطوّل ماتحمَل دي لازم يودوها تزور الشيخ ويندهو ليها عنده كان حي وكان ميت تنده فوق القبر .
اها كان صادفت حملت تعال شوف الإهتمام البتلقاه من الحبوبات خاصة ، لأنهم بفتكرو انها حملت بسبب النديهة حقتن دي ، بعد تلد بالسلامة يهتمو بالشافع اهتمام فايت الحد ويسموهو (جَنَى النديهه) ، ويخافو عليه شديد ويكون مدلع وطلباته مجابه ، وبعد دا كله يكون عيان طوالي ومعولق وهفتان طول السنة ، طبعا شافع النديهه دا مابسألوا نهائي يركب في الحيطة ويبوظ أعصاب الناس كلهم يالله يحنسوا يجي نازل بمزاجه، كمان لوكيفو قال ليهو يركب في راس الدولاب ويوقف البيت الف احمر وتاني تقوم التحانيس وينزل ويدوهوا حلاوة كمان ، والعجب كان جو ضيوف وجابو ليهم عصير ولا حلاوة عينو قوية وخمجان ، ومافي زول يقدر يسأله خاصة لو في حبوبة في البيت ، هسه الوثيقة الدستورية ياها دي عامله زي جَنَى النديهه القلناهو دا ، ولدته الثورة بعد شربت الدمسيسة وندهت النبي عيسى وسليمان وإسرائيل ذاتو معاهن ، لما يكون في شافع قليل ادب وامه مابتساله بقولو ليها انت الشافع دا مالك مابتسألي شاربه ليهو الدمسيسة ولانادهه ليهو النبي عيسى ، والدمسيسة دي عشبة بتساعد في زيادة الخصوبة وبدوها للمرة البتتاخر في الولادة والنديهه ياها القلاناها قبيل ديك .
عشان كدا الشعب بقى يحاحي فيها من ناس البيت الكبير خايفين عليها من حبوبات الأحزان ديل باقي عجزن ومابقدرن تاني يشيلن الشفع وهن حالفات الا يخلوها معاهن لما تتم التلاتة سنة دي ، المهم في النهاية اتعهدن بانهن بمسكنها ويحرسوهن جماعة طابق ومطبوق عشان عندهن سلاح وعندهن شركات وعربات وكدا مرطبين وامورم واضحة ، لكن الوثيقة كمان من تشوف طابق جاي عليهم صاري وشو تقعد تصرخ تلم الناس كلهم ، اها أظن الحركة دي مزعلاه شديد ، لما يلقاها براها يديها قرصة غتاتة منو بس ويخليها تبكي اليوم كله ، مطبوق يسمع بكاها وهو عارف رفيقو قرصه لكن مابقدر يقول حاجة ، يحاول يشيلها يحنسها عشان الناس مايقولو مالها بتبكي يقوم كدا يجي مدرش بيها علي وشو وتطير منه هناك باقي عنده شوية رواشة كدي أصله مابخليها اها يجو جارين كلهم يرفعو مطبوق وينفضو من التراب ، ويرفعو الوثيقة ولقوها قربت تموت جرو بيها المستشفي واتصلو بحمادة والحمدلله لقوهو موجود ماسافر مؤتمر ومعاه هناي داك جو جارين الحوادث، لقو حبوبات قحت ديك يقشقشن في دميعاتن ويتنخجن من البكاء ويزرن في مطبوق نحن ماقلنا ليك ماتشيلها تاني هي براها عيانة وروحه مارقه ، مطبوق قال ليهن انا ياجماعة حايم من خلا لخلا بجي في السنة مرة ماتحرموني منها ، قالن ليهو بس كان خليت الرواشة دي ياولدي مابنحميك ليها.
في الساعة ديك جا داخل طابق ومعاه فلان المطموس وكضيضيب داك وقفو بعيد شوية وغمزو لي مطبوق عشان يسكت ، وقالو ليهو يامطبوق اسمع كلام حبوباتك ديل كلامن صاح ، ماتعاكس العجائز ديل مشيهن قدر فهمن لمن الامور تروق والوثيقة دي مامعروفة يمكن تموت هسه مركبين ليها أكسجين ، حمادة سمعن قال ليهن ناس الأمم المتحدة متكفلين بعلاجه قالو حتى كان دخلتوها الطواريء نحن بنسعفها ، اها عاد كلام حمادة ماعجبم بقو يهرجو اصلن مدلعاتنها حبوبات قحت ديل لازم يكون في حل ، وهم يوسوسو كدا جات هناية ديك الفقرة هم بلاوزوا منها كلهن طبعا ، سمعت كلامن كله وتعالوا شوفوا الفضائح ودق الصفائح ، قالت ليهم الحل في البل ، انتوا يايمة دايرين تكتلوها قبل يومها المسكينة قايلنها جابوها بهينة دي يايمة امها شربت ليها الدمسيسة وندهت ليها النبي عيسى ، يدمس حياتكن شاحدة ربي ، يايمة قايلنها هينة ولا لينة ولاماعندها اهل حارسنها وحات الله تكترو تقللو اناديلكن فلان داك حق البل المابخاف يوريكم البل الصحي الصحي ، شوف متل ديل عليك النبي نحن الوثيقة دي راجناها تلاتين سنة لاخلينا دكتور لاخلينا شيخ لاخلينا وداعية ، تجو انتو هسه تقولو اصلها بتموت يايمة يموت حيلكم يابركة الله والنبي رسول الله ، اها حمادة وهناي عجبتن الحكاية وبقو يتبسمو وهناي قام يتفلسف عامل فيها منصور خالد وحمادة اصلو مازول نضم ساكت ساي ، وطابق ومطبوق وفلان المطموس داك زعلو وصرو وشياتن وفاتو ، خلو حبوبة قحت المابدوروها ديك مرافقة ليها في المستشفي، وهم زعلانين من كلام هناية دي الهرجت فوقن وهي قالوا دايرة ليها فيهم لمه تحت تحت قالو ليها الناس ديل مابخلوك تركبي الطيارة ولابتشوفي المطار بعينك تاني ، وقبل كدا برضو حرّشو عليها حمادة يطردها من البيت الكبير باقي منشفة ريقن ، عشان كدي اتفشت فيهن في القديم والجديد .
اها قالت لحمادة وهناي وصو لي ناس المستشفى عشان انا ماتشيلني نومة وتبقى علينا البقت على ناس الإعتصام ، هناي قال ليها ماتخافي برسل ليكم من شفاته لجان المقاومة يحرسوكم ، وناس البل ماقصرو نحن نمشي ، عندنا مؤتمر بكرة مسافرين ، قالت ليهم معاكم سلامة بس ماتتاخروا تجو تلقو الوثيقة ماتت ، يتكلمو كدا جوهم ناس البل حبوبة قحت قالت ليهو ورفيقكم قالو فات القاهرة بعد طلقو الدعاية وقالو حتى هو حامينو السفر تاني قالو نكرو الكلام ، وفلان داك الممسكنو اسرار البلد قال انا لاحظرته لاشفته ماتقولوني كلام ماقلته، وانت كمان سمعت قالو قلت انا البلد دي ماني مارق منها يامرقتها لبر الأمان يامرقت روحي ، هسه عليك النبي بعصعصتك دي كان ختوك في محل حمادة ماله ؟ وحمادة يودوهو محل هناي داك الجابو في اتفاقية السجم ديك ، الكانت في جوبا يا كافي البلاء من وقعوها نحن من مستشفى لعيادة دخلت علينا بالساحق والماحق ، وبسببها هسه هناي ابسديري داك قافل الشرق قفلة عدوك ، وقالو يتصل في اليوم خمسين مرة يسأل من الوثيقة بقت كيف اظنه دايرها تموت ، والمطموس داك قالو كمان مشى ليهو عديل وحرّشو قال ليهو اوعك تفتح الشارع، ودا كله يخوفو فينا نحن عشان يقولو اهملنا الوثيقة لما ماتت ، لكن فشر قايلننا بنخاف منهن لاقننا كبار وحاقرين بينا.
اوب علي شغلتوني بالكلام ياناس البل ومامشيت شفت الوثيقة ماتبقى جاته عوجة بس الناس ديل زي الرقراق يدخلوا باي فرقة يلقوها تعرفوا الرقراق؟ .
بجي اوريكم ليهو المرة الجاية كان الله مد في عمر الوثيقة وعمرنا.
[email protected]

انقر هنا لقراءة الخبر من مصدره.