بسم الله الرحمن الرحيم مشروق بي زول لاقاني سوداني تمام أصيل ونضيف في السما راكزات راياتو لكن متواضع ما قنديف هين لين سهل كلامو لكنو محصن ضد الزيف كيفن أوصف إنسان إنساني عصامي مهذب راقي شفيف خلطة عجيبة ناسك زاهد ملكا سامق عبد ضعيف لو طفرت دمعة وغلبت طفلة تجهجه روحو يقع ويقيف رضيان ممكون وماذا يكون الصبر جنب صبرو وإيش سيزيف بل مشرق متهلل ناثر للفل والفال وكل لطيف محجوب معصوم من مال السحت يطابق إسمو عفيف وشريف ولما يغني يصن البلبل ويشرد محلاً ويبقى خريف يدك إنشادو حصون الظُلَمَة إيه ماجينو وإيه بارليف وعندو الكلمة وردة صبية تبتّق عدلاً بدل الحيف ويغمس قلمو في نص قلبو كلامو الروح وحبرو نزيف محجوب يا نسمة روح نوراني تملانا شعاع رباني لطيف يحفظك الله نعمة وبركة ومعاني كبار ما ليهن قيف د. عبد الرحمن الغالي [email protected]