سودارس : شرعية البرير زي (الشبكة) في وادي (ام سدر) يوم في ويوم لا

مفاجآت في ختام مجموعات الممتاز: الأمل عطبرة يهبط بعد 22 عاماً والفلاح يتأهل للنخبة شاهد بالفيديو.. فنان سوداني يصل الخرطوم ويوثق لجمال وروعة صالة الوصول بالمطار ويدعو أبناء الوطن للعودة (البلد بتعمر بأهلها) النفط يستقر وسط خسائر أسبوعية والذهب والفضة ينتعشان "ميتا "تسجّل براءة اختراع لمحاكاة المستخدمين بعد وفاتهم تطوير بطارية تُشحن خلال ثوانٍ وتصمد 12 ألف دورة شاهد بالفيديو.. السياسي الراحل غازي سليمان: (لم أعد افرح لأن شعب السودان لم يفرح بعد وعلي الطلاق إبنتي "أم النصر" أرجل من 100 راجل) شاهد بالصورة.. ظهرت بشعار أتلتيكو مدريد وهي تلوح بالرقم 4!! هل قصدت المذيعة السودانية سهام عمر السخرية من برشلونة بعد الهزيمة المذلة؟ بالصورة.. لأول مرة منذ 23 عام.. الأمل يودع الدوري السوداني الممتاز والحزن يخيم على عشاق كرة القدم بعطبرة شاهد.. حسناء الفن السوداني "مونيكا" تشعل مواقع التواصل بجلسة تصوير جديدة شاهد.. الفنان مأمون سوار الدهب بعد زواجه: (زارتني الملائكة) اكتشاف مركبات "زائفة" تشعل نوبات الربو دراسة: القراءة والكتابة تخفِّضان خطر الزهايمر 40% طلاب شرق دارفور يسيرون قافلة وطنية إلى جنوب كردفان برعاية والي شرق دارفور شاهد بالفيديو.. فنان سوداني يصل الخرطوم ويوثق لجمال وروعة صالة الوصول بالمطار ويدعو أبناء الوطن للعودة (البلد بتعمر بأهلها) ترتيبات لإعادة تشغيل مصنع ألبان بركات وإنشاء مزرعة لتربية الماشية من أرشيف كتابات الصحفية سهير عبدالرحيم : (هذا الصحفي كان يصلي خلف البشير من غير وضوء) صحة الخرطوم وأطباء بلا حدود تناقشان رؤية التشغيل الكلي للقطاع الصحي بالولاية تشغيل مصنع الاوكسجين بمستشفى الدبة المركزي الشرطة المجتمعية بولاية سنار تدشّن قافلة دعم تكايا رمضان بولاية الخرطوم سهير عبد الرحيم تكتب: مشاهداتي في جلسة مجلس السلم والأمن الأفريقي النتيجة تؤهل النيل لدوري النخبة مينارتى يواصل إنتصاراته.. يفوز على الوحدة بثلاثية ويعزز صدارته للمجموعة الأولى المريخ يبارك انتخاب رئيس إتحاد سيكافا وأعضاء اللجنة التنفيذية مساعد قائد الجيش يكشف عن فساد وزير كبير إبراهيم شقلاوي يكتب: مسرح ما بعد الحرب لدى يوسف عيدابي شاهد بالفيديو.. على أنغام أغاني "الزنق".. لاعبو حي الوادي يحتفلون مع راعي الفريق ونائب رئيس إتحاد الكرة أسامة عطا المنان بمناسبة زواجه وزارة المالية توقع إتفاق مع بنك التضامن الإسلامي لتقديم خدمة إيصالي شاهد بالفيديو.. فتاة سودانية تبهر راغب علامة وأنغام بعد ترديدها أغنية هدى عربي في برنامج مسابقات والسلطانة تدعمها وتحتفي بها ارتفاع في اسعار محصول الذرة واستقرار سعر السمسم بالقضارف أمس إلغاء رحلة قطار إلى الخرطوم..إليكم تفاصيل انطلاق دورة متخصصة لتطوير الأداء الرقمي برعاية وزير الشباب والرياضة الإدارة العامة لشرطة تأمين التعدين تنفذ حملة منعية وكشفية لمكافحة التعدين العشوائي بولاية البحرالاحمر الإدارة العامة لشرطة تأمين التعدين تنفذ حملة منعية وكشفية لمكافحة التعدين العشوائي بولاية البحرالاحمر هيئة مياه الخرطوم: تحصيل فاتورة المياه لا يشمل القطاع السكني حتى الآن ارتفاع طفيف لأرباح زين السعودية إلى 604 ملايين في 2025 مسلسلات رمضان.. هل تقع أيتن عامر فى حب ياسر جلال فى مسلسل كلهم بيحبوا مودى الدولار يواصل التراجع أمام الجنيه فى منتصف تعاملات اليوم مسؤول سوداني يغادر إلى تركيا السودان.. وزير الشباب والرياضة يصدر قرارًا مجموعة الهلال السوداني.. صنداونز يقتنص التعادل ويبقي آمال التأهل في دوري الأبطال أفراد من الشرطة يلقون القبض على السائق الخاص بالقائد الميداني لمليشيا الدعم السريع "جلحة" داخل "ركشة" بحي بري هلال كوستي يدشن برامجه الثقافية بليلة ثقافية كبرى وتكريم رموز النادي والمجتمع شاهد بالفيديو.. سرقة محل مجوهرات بشارع الوادي بأم درمان وقيمة المسروقات تقدر ب(ترليون) جنيه محاولة أوكرانية جديدة لإفشال مفاوضات السلام بعيداً عن ارض المعركة رفض الزوج شراء سجائر لها فقتلته.. جريمة زوجة مصرية تثير الجدل حريق كبير في سوق شرق تشاد رسالة أخيرة في بريد الرئيس البرهان قبل تمرد الحركات المسلحة الدارفورية ترامب يحذر إيران: الوقت ينفد والهجوم القادم سيكون أشد مباحث الخرطوم تعلن توجيه ضربة موجعة لمافيا السيارات..إليكم التفاصيل تلفزيون السودان يستأنف البث المباشر من مقرّه الرئيسي وزير الصحة: التبغ عدو الحاضر والمستقبل و فاتورته الصحية تفوق عائداته الضريبية هل قتل السحر الأسود الإسرائيلي عبد الناصر؟.. كتاب جديد يكشف خفايا خطيرة في مصر سباق اختراق الضاحية باكورة بطولات الاتحاد العربي لألعاب القوى شركة اتصالات في السودان تعلن عن توقف خدمات "مَا حَرَّمَ إِسْرَائِيلُ عَلَى نَفْسِهِ"! أحمد الشاكر: انا أعجز عن شكر جميع الإخوة الأشقاء في المملكة العربية السعودية السودان..حصيلة صادمة بمرض شهير في ولايتين إسحق أحمد فضل الله يكتب: (حديث نفس...) "كرتي والكلاب".. ومأساة شعب!

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

شرعية البرير زي (الشبكة) في وادي (ام سدر) يوم في ويوم لا

الاهداء نشر في قوون يوم 22 - 07 - 2013

الدنيا بقت صعبة...

لو ضربت 6 2 بتطلع معاك بي تسعة ...ناس الحكومة بشيلو تلتين...والتلت التالت ...بكون راح في الحسابات.

الى اولئك...تامنها صبر ...وسهر في شارع النيل.

محمد

احتمال

مسكين كلتشي ..يغيب اسبوع يغرموه (25) مليون جنيه ...الحضري يغيب (النصف الاول للممتاز كلو)...زول يسألو مافي.

هسع دا احتمال!!.

اقتراح

يتخيل لي لو اي زول عمل ليه (عجلة) في الخرطوم ..ح نفك ازمة (الغاز) في الولاية.

ما عاوز اقول ليكم بحل ازمة (المواصلات)...عشان حاجات زي دي بتفهموها براكم.

هسع دا اقتراح.

افتراض

الناس البفطروا برة ..في الشارع ...في معلومة او (نظرية) مهمة ليهم ...وهي ان اخر صينية بتجي ..بتكون (مدنكلة).

يعني بالواضح كدا ما تركزوا في الصواني البتجيكم من الساعة سبعة.

الصينية البتجي مع الاذان بكون فيها حاجات رهيبة.

(الكلام دا ما يطلع من الحتة دي).

حوار ما موضوعي

قال ليه والله نحن بنسحر في رمضان من الساعة 11.

= قال ليه : مالكم بتسحروا من بدري كدا...؟.

رد عليه وقال ليه والله نحن عندنا مجموعة بتمشي التمرين وترجع بعد 11 ..لما ترجع بتنسف ليك اي حاجة في التلاجة...!!.

الدواليب بفتحوها...!!

البلح ما بعتقوه...!!

عشان كدا بنسبقهم ونتسحر من 11..قبل ما يصلوا...

(انا امس موش قلت ليكم الصفحة دي فيها بلح ...اها جبت ليكم سيرة البلح ..باقى البليلة والحلومر والعصيدة).

تابعونا بس.

ملحوظة

في قناة ام درمان ...لو فتحت (الاذان) بتلقى انصاف فتحي...

على شوية كدا ...بشيلوا شعار قناة ام درمان ..وبضعوا (انصاف فتحي) في الترويسة.

واحد قال لي (انصاف فتحي) دي ...(كاظم الساهر) بتاع الفنانات ...ما فيها اي كلمة.

يتخيل لي لو انصاف فتحي غنت (أغدا القاك)..تطلعها لينا (تقوم بينا العربية تودينا للسادة).

تنويه

اللورد بتاع المريخ ...(القال ما بقرأ جرايد)...ظهر في احد الافطارات الرسمية ...واتكلم...

طيب انت ما كويس ....ما بتقرأ جرايد مالك يا زول ؟ وقت بتعرف تتكلم كدا.

تعريجة

الزول وقت يرفعوه ورقو ..ويقولوا ليه (تم النزول)..بتحرق وبعاين للناس الجنبو ..يشوفهم ...بلة جابر بلة جابر.

كلام من اول السطر

واحد قاعد من صباح الرحمن في البحر ..ورامي سنارتو عاوز يصيد ليه (سمكة) يفطر بيها.

زولكم للساعة سبعة مساء ...ما صاد ليه (سمكة).

مع الاذان سنارتو قبضت ...طلع ليه (سمكة)...عاين ليها كدا ..وقال ليها عليك الله هسع (الطعم) دا ما مرمي ليك من الساعة تمانية ..ما تاكلي إلا هسع مع اذان المغرب ...انتي صائمة معانا.

بعدين هسع اعمل بيك شنو؟...والله (السحور) ما بتلحقي.

روسي الساعة ستة صباح

روسي اشترى ليه (ديك)...وعمل ليه (نغمة) خروف ...قال العيد قرب...

قلنا ليه عيد رمضان دا ما عيد (خروف)..دا عيد هدوم ساكت...

ضل الفيل

كل ما اتفرج في كورة (ضفر)....لاعب فريق المريخ ...اقول المريخ دا لو فيه (لورد) واحد ...ضفر ما بيلعب في المريخ ..ناهيك عن (17) لورد...

انت يا بابكر سلك ...(لورادتكم) طلعوا (وارغات).

غايتو وقت قالوا لينا في (17) لورد في المريخ ...قلنا ديل بعد شوية ح يقولوا عاوزين ينفصلوا ويعملوا ليهم دولة براهم زي الجنوب.

كبتوا (اللوردات) كلهم في المريخ ..وخليتوا لينا ناس (هاشم ملاح).

سين وجيم

س : لو وقعت فيك حيطة ..ح تصرف كيف؟.

ج : لو الكلام دا حصل قبل اذان المغرب ...بفطر طوالي.

تلويحة

في الهلال لاعب اسمو (وليد الفاشر)...جسمو زي (انس النور) ...واسمو زي (وليد طاشين)...

ان شاءالله بس يا رب كورتو ..تطلع زي كورة (والي الدين)...ما يكون اسم وجسم ساكت.

مدخل فاتح على الشارع

واحد هلالابي صعب النوع البكون واقف اليوم كلو في الباب يوم الهلال يكون عندو مباراة.

البسألو والما بسألو بقول ليه : الليلة ح نديكم سبعة ...لو لاعب ضد مانشستر يوناتيد بقول كلامو دا.

الزول دا ..طقتو عقرب ....شال العقرب ومشي على الدكتور ...قال ليه يا دكتور عليك الله شوف لي العقرب دي هلالبية وإلا مريخابية ...ان بقت هلالبية ..(سمها) ما بعمل لي شيء ..وان بقت مريخابية عالجني طوالي يا دكتور.

طعمية السحور

عاوز اعرف ...ليه الزول لمن يكون سحورو (ظريف كدا)...بتقوم تشيلو نومة.

ولمن يكون واضع جك الموية جنبو للسحور ....يقوم من خمسة.

هسع في سودانا دا يا جماعة في ناس بتسحروا بي (طعمية).

(طالب) انا وإلا ماشي المدرسة ...عشان اتسحر ب (طعمية).

والله تسحر بي (طعمية) من الساعة تمانية صباحا تقعد تعاين للساعة.

اربعة

الزول وقت يكون يا دوب بتعلم في السواقة ...وماشي يا الله يا الله ...وما بعرف يسوق بقولوا ليه (اربعة).

هسع محترف المريخ اولفيه دا (اربعة).

اربعة كمان بي تشكيلها.

بالحساب

المريخ دا فيه (17) لورد ...وفيه (17) لاعب وسط....يعني الكوكي لو عاوز يلعب هيثم مصطفى ...يقوم بي طريقة ظريفة كدا يطرد (حسن كمال) من التمرين ..(ويعمل فيها ما عارف).

عشان الحكاية تبقى منطقية ...وما فيها حرج.

مثل جديد لنج

اخوك ان بقى عسل ...ما تقول ليه حوّل لي رصيد

جبدة

معتز صباحي في برنامج (اغاني واغاني)...لابس ليه بنطلون احمر ...الزول دا جا يغني وإلا جا يرسم.

في واحد تاني ..قال لي انت طه سليمان دا بقى (شاعر).

قلت ليه : ليه بتقول كدا؟.

قال لي والله ما شايف ليه اي غنا يمكن طه سليمان دا بقى (مختار دفع الله).

واحد تاني خالص ..قال لي انا لمن شفت نادر وود المامون في البرنامج ..اتخيلت السر احمد قدور السنة دي سجل مع (الجمهور)...ما مع الفنانين.

غايتو (اغاني واغاني) السنة دي زي ملاح البامية في الفطور.

الشارع التاني

سواق قندران دخل ليه في (حيطة)...قام بعد (11) يوم يسأل من (الموبايل).

عارفين موبايلي البسأل منو دا شنو؟.

ربيكا!!.

يخلق من الشبه 101

الامين البرير (شرعيتو) بقت زي (الشبكة) في وادي ام سدر يوم وفي ويوم مافي.

شرعيتكم الزي الفول البكمل من تمانية.

كلام ناصية

احسن تلاتة حاجات في السودان دا..بعد الساعة سبعة ونص بتكون شربت المويات..وقاعد تكبكب في (الجبنات).

السودان جميل بعد اذان المغرب.
خطين تحت الجواب

كلتشي بقى يقعد (كنبة)...يستاهل.

قعادو في (الكنبة) بقى اكتر من قعادوا في (امريكا).

حليل كلتشي زمان وقت كان بشرطوا ليه (الفنائل).

هسع كلتشى بقى يطلع (نضيف) من المباراة زي الحكم الرابع.

كلتشي بقى يطلع من المباراة جديد ...(زي طه سيلمان)...تقول كان بسجل في اغاني واغاني.

عمك (شفقة) بعد الاذان

تعالوا الليلة شوفوا معانا حكاية (عمك شفقة) في شهر رمضان دا ...شوفوه تحديدا كدا بعمل شنو بعد الاذان ...تباعوا معانا هذه السلسلة.

عمك شفقة شغال كدا ...بعد الاذان.

يا ولية انا موش قلت ليك اهم حاجة في فطور رمضان دا (الشوربة).

يجيبوا ليه الشوربة.

وين سلطة الروب.

يشوف سلطة الروب.

وين عصير الدنقليس.

يشوف الدنقليس...

يقول جيبوا لي (عصيدة الدخن).

يجيبوا ليه عصيدة الدخن.

وينها (البطيخة).

يشوف البطيخة يسأل من (القراصة).

يضرب القراصة ...يقول عاوز لي حاجة مرة.

يجيبوا ليه الحاجة المرة يقول ناولوني (الدمعة) ديك.

ينسف ليك (الدمعة)..

يشيل (جك الحلومر).

يقطع جك الحلومر ...يقول اهم حاجة الاكل ...الزول ما يشرب مويات.

جيبوا لي الصحن داك.

يجيبوا ليه الصحن.

يا ولد قوم شوف امك ..سخنت (الكوارع).

ينسف الكوارع.

يقول عاوز لي حاجة حلوة.

يجيبوا ليه حاجة حلوة يقطع جردل الليمون.

يقبل على (الفواكه)...ويرجع تاني للعصائد.

يكورك في (المرا) ...وين الشوربة القبيل...!!.

يجيبوا ليه الشوربة ...يقول افتحوا لي (اغاني واغاني).

عنوان جانبي

انتوا ناس معتصم جعفر ديل ما صائمين وإلا شنو؟.

معقولة في زول بنزل في انتخابات ضد الدكتور كمال شداد.

البلد دي مالها بقت فاضية كدا.

بقى ما فيها اي تقدير.

هسع في زول بركب باصات الوالي ويشوف ليه زول كبير في السن ..وما يقوم ليه من المقعد.

والله باصات الوالي السياحية دي ...علمت الناس (الكعوبية).

الواحد بقى (يكنكش) في الكرسي تقول جايبو من بيتهم.

انت يا معتصم جعفر مفروض تقوم للدكتور كمال شداد.

اصلو ما في احترام.

حقارة النسوان

واحد اشتري ليه (اسكراتش)..نزل الرقم في تلفونو ...قام الرصيد نزل في تلفون زوجتو.

صاحبكم عاين للاسكراتش كدا ...وقال والله ناس شركات الاتصالات ديل بقوا يعرفوها.

بليلة مباشر

قال ليه بليلة (مباشر) ...ولا ضبيحة مكاشر.

رد عليه وقال ...والله يا اخوي ما في اجمل من اللحمة (اللايف)...لا تقول لي بليلة (مباشر)...ولا (عصيدة) تسجيل.

سيبك من الكلام والتنظير دا ...الكلام دا ممكن ينفع في اي حتة ..إلا في رمضان.

بليلة نعمل بيها شنو في (السخانة) دي؟.

انا قبيل موش قلت ليكم (البليلة) ماشي ليكم عليها.

اصبروا انتوا بس.

ترجفوا من الساعة تمانية...

ان شاءالله رمضان السنة دي يكون (40) يوم....عشان نشوف الفصاحة دي حدها وين؟.

تتفاصحوا ساكت.

السنة كلها تتغالطوا.

نظرية تركيب
الناس بقت تفكر في (العيد).

عليكم الله سيرة العيد دا ما تجيبوه لينا من هسع بقوموا تغلوا لينا الحاجات ساكت.

اعملوا نايمين.

حبيبي اكتب لي وانا بكتب ليك

كان (توفيق الحكيم) يهرب الى (حماره) فيخاطبه ويحاوره ويناقشه منقطعا به عن كل البشر .. حيث يوصل رسالته عبر (حماره) فتصل للناس دون ان يجد احد جرأة ليناقشه خشية من ان يشارك (حمار) الحكيم (ضمير المخاطبة).

والناس امورها امور...

وللعقاد بحور فى هذا الشأن الكتابى حيث كتب يوماً :

(فى الغرب حيث يظفر الكاتب بأحسن الجزاء من قرائه يعطيهم ما يعطى من ثمراته ، ولا ترهقه الشروط ، ولا تفرض عليه القيود ، ولا يحملون له اسباب العيب والتجنى والانتقاص فليس فى انجلترا من يشترط على (برناردشو) مثلا ان يحلق لحيته ، او يقلع من عادته النباتية فى طعامه ، او ان يدين فى السياسة ، والاجتماع بمثل ما يدين به او ينهج فى معيشته او اعتقاده نهجه الذى ارتضاه لنفسه).

وفى الشرق حيث لا يغنى الجزاء (والحديث للعقاد) لو وفر القراء ، ترى العالم القارى او جمهرة القراء كأنهم الطفل الممعود لا اكثر من شروطه ولا اقل من زاده ، ولا عجب من مطالبه ومقترحاته ، تعطيه الحلوى فيطلب الفاكهة ، وتعطيه الفاكهة فيطلب الخبز واللحم ، وتعطيه الخبز واللحم فيطلب المطبوخ اذا اعطيته الشواء ، ويطلب الشواء اذا اعطيته المطبوخ ، ويتحكم هو فى مطعم الصدفة ، او شبيه بمطعم الصدفة ثم لا هو بالاكل ، ولا هو بالشارى ، ولا هو بالملتمس العلاج من عنده من ضعف القابلية قبل ان يلتمس العلاج للطاهى واصناف الطعام.

والعقاد يقول : ( واسمع غرائب ما يطرق الاذان ويصك الاذهان فهذا الكاتب لماذا لا يكتب القصة ؟ ولماذا لا يكتب فى الفكاهة ولماذا لا يكتب فى هذه الصحيفة او تلك المجلة ؟... وهذا الكاتب لماذا لا يطلق لحيته ؟ او لماذا لا يقصها وهذا الكاتب لماذا لا يعجب بفلان ولا يقلع عن الاعجاب بفلان وهذا الكاتب لماذا لا يتوجه الى جمهرة القراء قارئا قارئا ليعفر وجهه بتراب الاعتذار والاستغفار ويعترف بما يسومونه من اعتراف او ينكر ما يسمونه انكار).

وتخلص الحكاية عندنا ان يختلفون حول الطريقة التى تكتب بها اذا اتفقوا معك فى الرأى.

فهن اتفقوا على السياسة اختلفوا فى طريقة تناولك لها ، ليبقى الاختلاف فى كل الاحوال.

وكثيراً ما تسمع تعليقات القراء عن الكتاب وتذهب اراءهم جميعا نحو انتقادهم له .

ان اتفقوا على اجادة احد الكتاب قالوا عنه : والله هو كتاب ... بس (بتجرجر) فى الموضوع .. وبمط (الكلام).

وقد تجدهم يقولون عن كاتب كبير شغل الدنيا وادهشها بكل بساطة : (الزول دا ما عندو موضوع).

وممكن رجاء النقاش ذاتو يكون ما عندو موضوع في نظر البعض.

وممكن يقولوا الزول دا فك اللعب .. او الزول دا بنظر فى الفاضى.

اذا اخذت كل هذه الآراء وطبقتها على كل الكتاب فى العالم فلن تجد كاتبا معفياً من هذا التقدير المجحف.

ومقولة الزول دا ما بعرف يكتب اى حاجة قد تقال للعقاد او توفيق الحكيم ولا عجب فى ذلك وهنالك اشخاص عندهم رأى فى رواية الطيب صالح وشاعرية صلاح احمد ابراهيم وقصصية على المك.

الاديب الطيب صالح سألوه فى احد البرامج الحوارية عن (الغموض) الذى يكتنف رواياته فقال ان (الرمزية) مطلوبة فى الكتابة وليس مطلوب من الكاتب ان يفسر غموضه او يقدم توضيح لرموزه لان هذا الشئ متروك للقارئ والطيب صالح يقول ان الرؤية النقدية الحديثة تقول ان القارئ شريك فى الموضوع يتمه بالصورة التى تريحه.

اما عندما هجر الطيب صالح الكتابة فى اخيرة مجلة (المجلة) فقد قال بصوت عال انه احس بانه لا جديد عنده ليضيفه للقراء وهذا اعتذار فيه الكثير من التواضع والطيب صالح موسوعة تمشى على قدمين ، فان فعل الطيب صالح هذا فان كل الكتاب فى مشارق الارض ومغاربها عليهم ان يحتجبوا لظروف فنية ان كان الطيب قد سبقهم الى ذلك تواضعا.

برناردشو كان يكتب مسرحياته العظيمة بطريقة توضح ماهيته فى الكتابة ويقال فى ذلك : لم يكن شو يضع تصميما للمسرحية التى كان يعزم على تأليفها . بل كان عندما يطرق ذهنه موضوع هام ، يجلس للكتابة واضعا ثقته فى الوحى ، غيرمدرك ما سيكتبه فى الصفحة التالية ، او ماسيقع فيها من حوادث . قال : ( ما اقوله اليوم ، سيقوله غدا كل الناس ، ولو انهم لم يدركوا من وضع هذه الاراء فى اذهانهم ، وهذا عدل ، لانى لا ادرى من يضع هذه الآراء فى رأسى .)

وكان برناردو شو لا يدع مسرحية تمر من بين يديه إلا اذا وجد انه لا يجد فيها ما يستطيع تحسينه . وعندما ينتهى من مسرحية لا يسمح لاى انسان بتغيير كلمة او علامة الا اذا غيرها بنفسه.

هذا شكل يوضح لنا كيفية مزاجية الكاتب فى الكتابة وللكتاب طقوس فى ممارسة الكتابة.

انقر هنا لقراءة الخبر من مصدره.