عضو المجلس السيادي د.نوارة أبو محمد محمد طاهر تلتقي رئيس الوزراء    كامل إدريس يقف على مجمل الأوضاع بمطارات السودان    معارك ضارية ب (بابنوسة) والدعم السريع تقترب من تحرير الفرقة 22    "وثائقي" صادم يكشف تورط الجيش في استخدام الأسلحة الكيميائية ضد المدنيين (فيديو)    السودان.. وفد يصل استاد الهلال في أمدرمان    مسؤول بهيئة النظافة يصدم مواطني الخرطوم    اللواء الركن (م) أسامة محمد أحمد عبد السلام يكتب: التقديم الالكتروني (الموحّد) للتشكيل الوزاري    السودان.. كامل إدريس يعلن عن 22 وزارة    هل ستتأثر مصر في حال ضرب المفاعلات النووية؟    إيران تغرق إسرائيل بالصواريخ من الشمال إلى الجنوب    كامل إدريس وبيع "الحبال بلا بقر"    إنريكي: بوتافوجو يستحق الفوز بسبب ما فعله    "كاف" يعلن عن موعد جديد لانطلاق بطولتي دوري أبطال إفريقيا وكأس الاتحاد الإفريقي    عندَما جَعلنَا الحَضَرِي (في عَدّاد المَجغُومِين)    نص خطاب رئيس مجلس الوزراء "كامل ادريس" للأمة السودانية    السفير عدوي يشيد بدراسة إنشاء منطقة لوجستية على الحدود السودانية    الاهلي المصري نمر من ورق    الجمعية العمومية الانتخابية لنادي الرابطة كوستي    ميسي يقود إنتر ميامي لقلب الطاولة على بورتو والفوز بهدفين لهدف    فقدان عشرات المهاجرين السودانيين في عرض البحر الأبيض المتوسط    عودة الخبراء الأتراك إلى بورتسودان لتشغيل طائرات "أنقرة" المسيّرة    6 دول في الجنوب الأفريقي تخرج من قائمة بؤر الجوع العالمية    30أم 45 دقيقة.. ما المدة المثالية للمشي يومياً؟    الإدارة العامة للمباحث الجنائية المركزية تتمكن من ضبط منزل لتزييف العملات ومخازن لتخزين منهوبات المواطنين    بين 9 دول نووية.. من يملك السلاح الأقوى في العالم؟    لماذا ارتفعت أسعار النفط بعد المواجهة بين إيران وإسرائيل؟    وزارة الصحة تتسلّم (3) ملايين جرعة من لقاح الكوليرا    "أنت ما تتناوله"، ما الأشياء التي يجب تناولها أو تجنبها لصحة الأمعاء؟    ماذا قالت الصحف العالمية عن تعادل الهلال مع ريال مدريد؟    نظرية "بيتزا البنتاغون" تفضح الضربة الإسرائيلية لإيران    السودان والحرب    شاهد بالصورة والفيديو.. حسناء سودانية فائقة الجمال تبهر المتابعين وتخطف الأنظار بتفاعلها مع "عابرة" ملك الطمبور ود النصري    شاهد بالصورة والفيديو.. خلال حفل زفاف بالقاهرة.. العازف عوض أحمودي يدخل في وصلة رقص هستيرية مع الفنانة هدى عربي على أنغام (ضرب السلاح)    شاهد بالصورة والفيديو.. مطربة أثيوبية تشعل حفل غنائي في أديس أبابا بأغنية الفنانة السودانية منال البدري (راجل التهريب) والجمهور يتساءل: (ليه أغانينا لمن يغنوها الحبش بتطلع رائعة كدة؟)    هل هناك احتمال لحدوث تسرب إشعاع نووي في مصر حال قصف ديمونة؟    ماذا يفعل كبت الدموع بالرجال؟    الإدارة العامة للمباحث الجنائية المركزية تتمكن من الإيقاع بشبكة إجرامية تخصصت فى نهب مصانع العطور بمعاونة المليشيا المتمردة    الصحفية والشاعرة داليا الياس: (عندي حاجز نفسي مع صبغة الشعر عند الرجال!! ولو بقيت منقطها وأرهب من الرهابة ذاتا مابتخش راسي ده!!)    كيم كارداشيان تنتقد "قسوة" إدارة الهجرة الأمريكية    "دم على نهد".. مسلسل جريء يواجه شبح المنع قبل عرضه    التهديد بإغلاق مضيق هرمز يضع الاقتصاد العالمي على "حافة الهاوية"    السلطات السودانية تضع النهاية لمسلسل منزل الكمير    المباحث الجنائية المركزية ولاية الجزيرة تنفذ حملة أمنية كبري بالسوق العمومي وتضبط معتادي إجرام    مباحث شرطة الولاية الشمالية تتمكن من إماطة اللثام عن جريمة قتل غامضة وتوقف المتورطين    المملكة تستعرض إستراتيجية الأمن الغذائي لدول مجلس التعاون الخليجي    خسائر ضخمة ل"غانا"..تقرير خطير يكشف المثير    والي الخرطوم يصدر عدداً من الموجهات التنظيمية والادارية لمحاربة السكن العشوائي    أدوية يجب تجنب تناولها مع القهوة    (يمكن نتلاقى ويمكن لا)    بالصورة.."أتمنى لها حياة سعيدة".. الفنان مأمون سوار الدهب يفاجئ الجميع ويعلن إنفصاله رسمياً عن زوجته الحسناء ويكشف الحقائق كاملة: (زي ما كل الناس عارفه الطلاق ما بقع على"الحامل")    3 آلاف و820 شخصا"..حريق في مبنى بدبي والسلطات توضّح    معلومات جديدة عن الناجي الوحيد من طائرة الهند المنكوبة.. مكان مقعده ينقذه من الموت    إنهاء معاناة حي شهير في أمدرمان    رؤيا الحكيم غير ملزمة للجيش والشعب السوداني    شاهد بالفيديو.. داعية سوداني شهير يثير ضجة إسفيرية غير مسبوقة: (رأيت الرسول صلى الله عليه وسلم في المنام وأوصاني بدعوة الجيش والدعم السريع للتفاوض)    أثار محمد هاشم الحكيم عاصفة لم يكن بحاجة إلي آثارها الإرتدادية علي مصداقيته الكلامية والوجدانية    ما هي محظورات الحج للنساء؟    قُلْ: ليتني شمعةٌ في الظلامْ؟!    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



تصريحات الفاتح النقر الكتيرة سكّرت (الحكم)
قوون نشر في قوون يوم 21 - 08 - 2013

في قناة النيلين امس وعبر شريط اخباري اسفل الشاشة جاء لتبرير عدم نقل مباراة الهلال ومريخ الفاشر ذكرت قناة النيلين ان مراقب المباراة (عادل دهب) رفض لكاميرات التلفزيون القومي ولقناة النيلين نقل او تسجيل مباراة الهلال ومريخ الفاشر – وارجع مراقب المباراة ذلك الي تشديد جاءه من اتحاد كرة القدم السوداني بحرمان التلفزيون القومي وتابعته قناة النيلين من نقل المباراة بسبب تأخر التلفزيون او (الحكومة) من دفع احد الاقساط الواجبة السداد.

الي هنا الكلام جميل وما فيه اي حاجة ..رغم من ان كل الناس عارفة ان التلفزيون القومي لم يسدد اقساطه الاخيرة وبالتالي فان (راعي الضان في جبال الالب) ..ما عاوز اقول في الخلا عشان السيول.. يعرف ان الاتحاد العام لكرة القدم لم يسمح للتلفزيون القومي بنقل مباريات الدورة الثانية ما لم يسددوا ما عليهم من اقساط.

لكن ناس قناة النيلين والتلفزيون القومي عاوزين يعملوا لينا فيها انهم (حُرفا)...وعاوزين يستغلوا حكاية السيول والامطار والفيضانات.

عملوا شنو يا ابوالشباب؟.

شالوا كاميراتهم ومشوا على استاد الهلال لنقل المباراة ، زي الما في حاجة (واضعين في دي ضينة وفي التانية عجينة). ... (زي الزول البكون ما عزوم للعرس وتلقاه الحفلة كلها واقف مع الفنان).

يا ود الناس اقعد نشفت ريقنا.

الطبيعي ان الاتحاد يرفض للتلفزيون (المشاتر دا) نقل المباراة ..خاصة وان الكثير من الصحف والمواقع الاسفيرية اشارت الي ان الاتحاد العام لكرة القدم لم يسمح للتلفزيون بنقل مباريات الدورة الثانية ما لم يسدد ما عليه من اقساط.

وهذا شيء مسلم به ..وامر في منتهى القانونية لا غبار عليه ..يعني يا ناس قناة النيلين ما تعملوا فيها قناة حكومية وعاوزين تنقلوا المباراة باستهبال واستسهال على اساس ان الحكومة عبر وزارة المالية وعدت بتسديد الاقساط.

هي وزارة المالية وعدت بي شنو واوفت بيه؟ ...صار من الطبيعي اذا قالوا ليك وزارة المالية صدقت على (القرض) ان تقنع منو..لأن التصديق شيء والسداد شيء تاني خالص في وزارة المالية (حقتنا دي).

الشيء المستفز والذي كان كافى لفقع المرارة هو استغلال قناة النيلين لحكاية السيول والامطار والفيضانات ..وادرجها في (النص) من اجل نقل المباراة.

قولوا لي دا حصل كيف؟.

اقول ليكم ...(رغم من اني اكتب في وقت متأخر بعد الساعة 11)..عشان كدا ح نكتفى بي (قرصة الاضان).

قناة النيلين (المحترمة) ذكرت في شريطها الاخباري على (الشات) ان الحكومة وعبر وزارة المالية وعدت بتسديد الاقساط ..وان الاتحاد العام كان يجب ان يراعي للظروف التى تمر بها البلاد وحالة استنفار الدولة بسبب السيول والامطار والفيضانات.

يعني يا ناس الاتحاد العام نسبة للسيول والامطار والفيضانات مفروض ما تطالبوا بي قروشكم عشان في ناس اكثر حاجة لقروش الحكومة بسبب ما تعرضوا له من جراء السيول والامطار والفيضانات.

يا ناس النيلين.

ويا ناس الحكومة (عووووك).

نقول لكم ان السيول والامطار والفيضانات تضررت منها الاندية ايضا وهم حالتهم في هذا الموسم تحنن الحجر ...لأن الجماهير سوف تعزف عن دخول المباريات بسبب الامطار ...كما ان الكثير من الاندية في السودان تعرضت للسقوط بسبب الامطار والسيول..لذا فان الاندية في حاجة لاقساط نقل المباريات اكثر من اي وقت اخر.

اما اذا كنتم شايفيين الوقت والظرف الحالي لا يسمح بتسديد اموال نقل المباريات ..وان هذه الاموال يجب ان تذهب الي المواطنين الذين تضرروا من السيول والامطار والفيضانات ..فاننا نقول اذ وصلنا الي هذا المستوى فان لكم ألا تنقلوا المباريات ...وتخلوا دخل المباريات يرتفع تلقائيا بعدم التلفزة.

لكن ان لا تدفعوا ما عليكم من اقساط في (بسبب السيول والامطار والفيضانات) وفي نفس الوقت عاوزين تنقلوا المباريات ..فان ذلك يعني ان الاندية واتحاد الكورة سوف يتضرر مرتين.

مرة من عدم دفع الدولة لاقساط التلفزة ..ومرة تانية بسبب (السيول والامطار والفيضانات) التى تضرر منها القطاع الرياضي ايضا.

من ثم فان الاقساط التى كان يجب ان يدفعها التلفزيون لاتحاد الكورة كانت قبل السيول والامطار والفيضانات.

انتوا البخليكم تنتظروا بيها (السيول والامطار والفيضانات شنو؟)..عشان تجوا تعملوها لينا عذر.

بعدين اذا كان الوضع (خطير) الي هذا الحد ..لزومو شنو تنقلوا المباريات ..امشوا شوفوا ليكم (نفرات) تنفعكم.

الشيء الذي اغضبني هو ان قناة النيلين حاولت ان تحرض الحكومة او تستجداها على الضغط على اتحاد الكرة للسماح بنقل المباريات بحجة (السيول والامطار والفيضانات)...وعملت قناة النيلين في استغلال سيء للظرف ان تظهر اتحاد كرة القدم خالى من الوطنية وانهم يجب ان يراعوا لحالة البلاد وللسيول والامطار والفيضانات.

لذلك مفروض ما يسألوا من القروش.

قروش شنو في (المطر) دي.

طيب ديل البراعي ليهم منو ؟..يأتي مريخ الفاشر من مناطق صراعات من اجل المشاركة ..وييتنقل بين انحاء السودان من اجل التباري مع اندية اخرى وعكس صورة جميلة عن السودان.

وما يفعله مريخ الفاشر يفعله هلال كادوقلي ..مع ذلك ما عاوزين تسددوا ليهم حقوق نقل المباريات.

وتذهب كل اندية الممتاز الي الفاشر وكادوقلي من اجل الدوري وتدفع في سبيل ذلك الكثير من الاموال.

الدولة الان وعبر وزارة المالية تستخلص نصيبها كاملا من دخل المباريات عبر الضرائب.

قرش ما بخلوا ...(لا بعرفوا سيول لا فيضانات لا مطر).

وتنال الضرائب حقوقها كاملة في (اورنيك) تسجيل اللاعبين...شغالين بالحبة.

ويساهم الوسط الرياضي بصورة فعالة وكبيرة في (النفرات) التى غطت على كل البلاد من اجل الدعم والمساندة.

مع هذا فان قناة النيلين وتلفزيون السودان عاوزين ينقولوا المباريات مجانا بحجة (السيول والامطار والفيضانات).

ان التلفزيون القومي مثلما يدفع للشعراء والملحنين والمطربين عندما تبث لهم اعمال غنائية يجب ان يدفع لاتحاد الكرة وللاندية.

ومن عجب ان فنان شاب قبل ايام دخل للتلفزيون للتسجيل عمل غنائي عن السيول والامطار والفيضانات ....الفنان شال حقو بالكامل ..رغم من ان العمل الذي قدمه يدعو الي التطوع.

الاندية السودانية الان تعاني ..وتلاحقها الضرائب ..وتجد كل العناء في الايفاء بالمرتبات والحوافز ...مع ذلك تريد الدولة منها ان تتسامح او تتخلى عن حقوق النقل بحجة السيول والامطار والفيضانات.

وحقوق النقل هى المورد الاساسي والاول لكل الاندية في العالم.

هسع ناس الكهرباء ديل ممكن يخلوا ليهم (واط) واحد للمواطنين ..عشان السيول والامطار الفيضانات.

عندك تنور ..ما عندك تضلم ..لا بعرفوا سيول ولا امطار ولا فيضانات.

ناس الموية ..رغم من ان الموية قاطعة في كثير من الاحياء منذ بداية الخريف ..إلا انهم اول كل شهر عاوزين حقهم.

ناس النفايات ..من شهر يونيو ما شفت لي عربية نفايات دخلت للحي.

مع هذا تدفع قروش النفايات كاملة.

وعلى ذلك قس.

لذلك لم يكن جميلا من قناة النيلين ان تستجدي الحكومة للضغط على اتحاد كرة القدم على هذا النحو.

اذا كانت الحكومة غير قادرة لدفع الاقساط ..لن يجبركم احد على ان تدفعوا ..اتركوا (الجماهير) الغلبانة تدفع من قوتها اليومي لمشاهدة المباريات من داخل الاستادات.

لكن بعد ما تعملوا كدا ..تلفزيوناتكم دي شوفوا ليها زول يشاهدها ليكم.

تلقطوا في قروش الرعاية والاعلانات وتستخلصوا قيمة ثابتة من كل مغترب ..ووقت تجوا للدفع تقولوا (السيول والامطار والفيضانات).

هذا عن قناة النيلين.

شيء اخر توقفت عنده امس.

جاء في موقع (الزاوية) امس هذا الخبر :(شهدت مباراة ملعب شندى إنسحاب فريق النسور من مباراته أمام أهلى شندى فى الدقيقة 13 من الحصة الثانية بسبب تدخل عنيف على لاعب النسور محمد فضل الله إحتج معه إداريو النادى الخرطومى بعنف وغادروا الملعب الشئ الذى أضطر الحكم لإنهاء المباراة وفى تطور لاحق طالبت إدارة النسور بإجراء فحص»السكر» للحكم عماد الدين عبدالله التابع لاتحاد ود الحداد،وكان الاهلي شندي متقدما 3-0 اثنان سجلهما الاثيوبي اديس وهدف سجله باسيرو).

ادارة النسور طالبت باجراء فحص (السكر) على حكم المباراة..لا ادري هل هذا الطلب حقيقي ام هو للستدلال على ظلم الحكم وعلى قراراته (المتخبطة)؟.

غايتو إلا يلكزوا حكم الراية.

دا المباراة كلها بكون بأشر على (السنتر).

على كدا الزول دا ممكن يحسب ليه (جدعة تماس) قون ..وزول يقدر يقول ليه حاجة مافي.

يصفر (ضربة ركنية)..اللاعب عادي ممكن ينفذها (ضربة جزاء).

ولا في زول بسألو.

يكون عاوز يطرد (باسيرو) يقوم يطرد (ابوعشرين) حارس النسور.

ما بتلخبط ..عادي يا ابوالشباب.

وعلى كدا برضو.

ممكن الدقيقة (40) تجي من اول خمس دقائق في عمر المباراة.

الزول دا عندو (كرت احمر) وإلا شغال (هرش) ساكت.

على العموم انا بستبعد هذا من حكم المباراة ..ولا بد ان ادارة نادي النسور زودت الحكاية شوية.

خاصة ان ادارة نادي النسور انسحبت بعد (مخالفة)...يعني ما بعد الهدف.

والمخالفة دي حكامنا (الواعيين) ديل ممكن يمرروها.

وان كنت اشعر ان تصريحات الفاتح النقر الكتيرة ومهاجمته للحكام (تسكر).

الزول دا شغال هجوم على الحكام لمن بقوا يدخلوا مبارياته (سكرانين) عشان يريحوا اضنينهم من (النقة).

اها يا الفاتح النقر بعد التلاتة دي بتهاجم منو؟.

شوف لو عندك قريبكم (حكم) ...هاجمو.

غايتو (التلاتة) دي ما (شرعية) يا صلاح ادريس ..عشان فيها شبهة (خمر).

ملحوظة : بعد كدا افتكر نقبل على مباراة الهلال ومريخ الفاشر.

هوامش

الهلال فاز بالخمسة ..وبرضو استقبلت شباكه هدف.

لا ادري لماذا يصر صلاح محمد آدم على اخراج نزار حامد.

التغيير دا حفظناه حفظ.

رغم من ان نزار حامد افضل لاعب وسط في الهلال.

يمكن (الجنرلات) بعملوا كدا.

المدرب الحاجتو محفوظة غير مطلوب.

زمان ريكاردو عندو حنك (محفوظ)..يبدل مهند الطاهر..وينزل حمودة بشير.

كروجر كان بطلع عبدالحميد السعودي ..اها تاني بتعمل شنو يا كروجر.

نصرالدين الشغيل بقى يجيب (اهداف).

زولكم دا طموح ...من اول هدف بكون فكر في (هداف الدوري).

حداثة لو بنفذ ربع تصريحاتو ...الليلة المريخ مضروب.

لكن المشكلة دا بصرح في الجرايد ...ولمن يدخل الملعب بنسي اي حاجة.

ببقى زي محسن عمر.

اجمل ما فعله صلاح محمد آدم هو انه اعاد لنا بكري المدينة.

ناس المريخ ديل طبعا برجفوا (قصب) من بكري المدينة.

لو عازم ليكم (مريخابي) فطور ..جيب ليه سيرة بكري المدنية ما بفطر.

لو جبت ليه (سمك) ما بمشي عليه.

عشان كدا القمة القادمة قمة بكري المدنية.

اما الحضري ...فهو يشوف العمى ما يشوف (مهند الطاهر).

مهند الطاهر من (الميناء البري) بجيب قونو في الحضري.

عشان كدا الحضري قال مهند مفروض يحترف برة.

الزول دا من (برة) بجيب قونو.

برة اكتر من كدا كيف؟.

....

عاجل : كروجر دا كان قاعد في (الكاملين) بعد ان تخلى منه المريخ ..مالو جاء سريع كدا ..مدرب قاعد على الهبشة.

انقر هنا لقراءة الخبر من مصدره.