سودارس : تراوري لو رجع..قطع شك يأجلو مباراة القمة

الهلال يشكو لاعب نهضة بركان... وتحدٍ إداري جديد يلوح في الأفق وصول الفوج الرابع من اللاجئين السودانيين بيوغندا المملكة مركز ثقل في حركة التجارة الدولية مصر.. الدولار يقترب من 54 جنيها لأول مرة البنزين الأوروبي والأميركي يتجه إلى آسيا دراسة تحذر: الذكاء الاصطناعي يميل إلى "مجاملة" المستخدمين على حساب الدقة رئيس الوزراء الباكستاني: نعرب عن تضامننا الكامل مع الشعب الإيراني الشجاع في هذه الظروف الصعبة مصادر تكشف تفاهمات سرية لوقف استهداف مطاري الخرطوم ونيالا نتفليكس تزيل الستار عن أول صورة لشخصية جو كينيدى الأب فى مسلسلها الجديد الأهلي يرفض قطع إعارة كامويش وعودته للدوري النرويجى.. اعرف التفاصيل حقيقة مفاوضات بيراميدز مع أحمد القندوسى لضمه فى الصيف سارة بركة: أحمد العوضى مجتهد بشكل كبير وبيحب شغله جدا دار الأوبرا تحتفى بذكرى رحيل عبد الحليم حافظ بحفلين اليوم وغداً لوك غريب ل فتحى عبد الوهاب والجمهور يرد: هتعمل دور الملك رمسيس ولا إيه؟ وجبة سمك تُنهي حياة 3 سودانيين بالقاهرة وتتسبب في إصابة 4 آخرين بحالة تسمم غذائى حاد 7 عناصر غذائية يحتاجها الطفل فى سن المدرسة لدعم نمو وتطور الدماغ مناوي : ناقشت بسويسرا تطورات الأوضاع في السودان وسبل دعم السلام اختيار غير متوقع لمستقبل "الملك المصري" والي الخرطوم يعلن تركيب كاميرات رقابة حديثة في المعابر الحدودية التي تربط الولاية بالولايات الاخرى حل لجنة المنطقة الشمالية بكوستي وتشكيل لجنة جديدة لإدارة مباريات الدرجة الثالثة صبري محمد علي (العيكورة) يكتب: المنصوري يا مكنة شاهد بالصورة والفيديو.. رجل سوداني يُدخل نفسه داخل "برميل" تفاعلاً مع أغنيات "الطمبور" والحاضرون يحملونه ويطوفون به ساحة الحفل شاهد بالفيديو.. بفستان مثير المودل آية أفرو تنصح النساء بطريقة ساخرة: (الرجل مثل العصفور إذا مسكتي شديد بموت ولو فكيتي بطير والحل الوحيد تنتفي ريشه) عاجل..بيان مهم للجيش في السودان شاهد بالصورة والفيديو.. ظهور علم السودان على ظهر سيارة بأحد شوارع مدينة "غلاسكو" الأسكتلندية وفاة داعية سوداني بارز وزير الشباب ووالي الخرطوم يشرفان ختام الفعاليات الرياضية بالشقيلاب هل يمكن علاج الكبد الدهنى؟.. دراسة جديدة تربط الوقاية بفيتامين ب3 شاهد بالصورة والفيديو.. مشجعة الهلال الحسناء "سماحة" تطالب إدارة ناديها بتقديم "رشاوي" للحكام من أجل الفوز بالبطولة الأفريقية وتشكر "أبو عشرين" بسبب ضعف الراتب.. وزير الثروة الحيوانية بالسودان يبحث عن عمل إضافي رئيس الوزراء يصدر قرارًا بشأن الرسوم الجديدة في المعابر محمد عبد الباسط يكتب: لهذا تحركت باكستان الآن للوساطة بين أمريكا وإيران السكوت على هذا الأمر لا يرضي الله ولا رسوله!! ارتفاع أسعار الذهب في السودان الخليج الضحية الكبرى: إيران وجهت 83% من هجماتها إليه… و17% فقط إلى إسرائيل مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية ضبط 2800 قندول بنقو بالجزيرة في عملية نوعية لمكافحة التهريب ترامب يصدر أوامره ويكشف تطورات مثيرة مع إيران هل مخالفة ترامب خلل في الكون؟! الأمن يداهم مخزن يبيع الوقود المهرب لعصابات التنقيب عن الذهب تراجع معدّل التضخّم في السودان بادي يصدر مرسوم تنظيم أعمال التعدين التقليدي وضبط آليات التعدين بالنيل الأزرق رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة ضبط 238 كجم من "الآيس" وأسلحة بجانب نحاس بولاية البحر الاحمر ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد قيم الهلال المتوارثة يجب أن تبقى أبد الدهر في زمن الضجيج.. القرآن بوصلة المعنى والسكينة د.مزمل أبو القاسم يكتب: دموع الباز.. وزاهر! (2) السودان.. الدفاع المدني يستعين ب"التوك توك" طفح جلدي في رقبة الرئيس ترمب يثير تساؤلات حول صحته ملتقي التحصين للعام 2025 ينعقد بحضور التحالف العالمي للقاحات والشركاء صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

تراوري لو رجع..قطع شك يأجلو مباراة القمة

قوون نشر في قوون يوم 30 - 08 - 2013

(3) مساعدين للرئيس ..ديل (كراسي) ساكت بعملوا ازمة

فكرت بعد ان عيّن الاتحاد العام رؤساء اللجان ..وقسّم دولاب العمل في الاتحاد ...من اين لاتحاد كرة القدم السوداني بكل هذه (الكراسي) ؟ وهو يعيّن دقة واحدة كدا ثلاثة (مساعدين) لرئيس اتحاد الكورة هم حسن عبدالسلام ومحمد سيد احمد وعبدالله حسن عيسي.

اصبح هنالك (شُعبة) كاملة لمساعدي رئيس الاتحاد.

انتوا الحكاية دي فيها (قسمة سلطة وثروة) برضو؟.

معتصم جعفر عيّن المساعدين ديل ضمن مفاوضات قطر؟...وإلا الجماعة دخلوا بفقه (الصحبة).

يا جماعة الله ...الاتحاد دا اسمو الاتحاد (العام)...وليس اتحاد مدينة الحصاحيصا.

الحصاحيصا التى يقبع فريقها في مؤخرة دوري الممتاز ...تشكّل اتحاد كرة القدم بي (مساعدنه).

عفارم عليكم يا ناس الحصاحيصا.

المشكلة ما في الحصاحيصا ...المدينة الراقية ...المشكلة ان مساعدين الرئيس الذين تم تعيّينهم كلهم (مريخاب).

مساعدين الرئيس ...اكثر عصبية للمريخ من دائرة الكورة التى تقود المريخ الان.

ديل اعملوا ليهم عليكم الله غرفة في نادي المريخ ...واقطعوا ليهم فنائل معاكم ..فيها شعار المريخ.

لبسوهم (احمر)...عشان نعرف البينا من العلينا.

السيد رئيس اتحاد كرة القدم عيّن ليه (لوردات) جدد ليكوّنوا مساعدين له في رئاسة الاتحاد العام.

هي وينها الكورة العاوزة ليها (3) مساعدين.

كورتكم البتطلعوا بيها من امام بورندا والصومال في تصفيات بطولة اللامم المحلية وفي تصفيات الناشئين.

(3) مساعدين عشان شنو؟.

تفتكروا (تأجيل) مباريات الممتاز عاوز ليه (3) مساعدين.

تفصيل المباريات ..وبرمجتها على حسب هوى المريخ ...عاوز ليه (3) مساعدين.

نقل المباريات ..وحقوق التلفزة الغلبتكم دي ...عاوز ليه (3) مساعدين.

حليل الدكتور كمال شداد ...زمان (موظف استقبال) ما كان عنده.

قبل اكثر من سنتين كنا قد اجرينا حوارا صحفيا مع الدكتور كمال شداد برفقة الزملاء حسن فاروق وخالد فتحي ..وكانت المفاجأة التى خرجنا بها من ذلك الحوار ان علمنا ان البروف كمال شداد (موية الصحة) في مباني الاتحاد العام ما بشربها.

وقد سلّم البروف كمال شداد بعد ابتعاده من اتحاد كرة القدم السوداني (رقم الهاتف) الذي كان قد استلمه من اتحاد الكرة ابان عمله وكان يستعمله وقد عرف به عند معارفه واصحابه.

شداد سلّم (رقم تلفونه) الذي عمل به اكثر من عشر سنوات ...لاتحاد الكورة ..رغم من ان الرقم منح له تكريما لشخصه واعتبارا لاسمه ..وليس لأنه رئيس لاتحاد كورة القدم السوداني.

وكثير من المؤسسات تسلم المنسوبين لها (ارقام تلفون) لا ترد بعد انتهاء الخدمة.

لكن اذا كان البروف كمال شداد طوال عمله في اتحاد كرة القدم لم يشرب (قارورة مياه صحة) في الاتحاد العام ..يبقي من الطبيعي ان يسلّم (رقم الهاتف) اول ما خرج من الاتحاد العام لكرة القدم السوداني.

الان رئيس الاتحاد العام لكرة القدم عيّن دفعة واحدة كدا (3) مساعدين ..اذ اوشك بهذا الكم الهائل من (المساعدين) ان نقول ان عددهم يقارب الي (دفعة ضباط الكلية الحربية)..او هم اقرب الي ما تقبله كلية الاداب في جامعة النيلين سنويا.

(3) مساعدين مرة واحدة ...لي شنو؟.

عشان شنو؟.

هو محمد سيد احمد بدون ما يبقى (مساعد رئيس)..ما مريّح الجماعة...لمن يبقى (مساعد رئيس) يعمل شنو؟.

رئيس لجنة ساكت ..(منجض الناس نجاض)..بعد (المساعدة) دي يعمل شنو يا رب؟.

هي وينها الكورة البكوّنوا ليها (3) مساعدين ..ونحن اتحادنا دا ممكن يشرك ليك (مساوي) في مباراة رسمية وهو موقوف.

(3) مساعدين يا مفرتين.

ديل (بطاقات اكرامية) ساكت بخسروا السودان.

الكراسي.

الكراسي ..بتجبوها من وين لهذا العدد الهائل من (المساعدين).

يعني رئيس الاتحاد لو عندو اجتماع مع المساعدين ..إلا يتصل ب (افراح الشمالية)...او ناس (كزام) ..عشان يرتبوا ليه الاجتماع.

لأن هذا العدد الهائل من المساعدين محتاج لي (صيوان)..دا غير صبارات الموية ..وترامس الشاي والغسالات.

ح تعملوا ازمة في (العمم).

جلاليب ساكت ...بتحجبوا (الرؤية).

المشكلة ان (المساعدين) كلهم اختارهم الدكتور معتصم جعفر من (عجينة واحدة).

اتي بهم كلهم (مريخاب).

ديل اصعب من ناس الحاج ابوسوط وخالد ليمونة وود الجنيد.

هذه الاسماء اشتهرت بتعصبها الشديد للمريخ ..حسن عبدالسلام كان امين خزينة لمجلس المريخ ...وعبدالله حسن عيسي كان نائب رئيس المريخ ..اما محمد سيداحمد فهو يتجازهما في (العصبية) للمريخ.

وضح ان انشغال اهل الهلال بصراعاتهم ..وما فعلته بسهم السلطة التى هزت استقرار الهلال ..جعلت اتحاد الكورة يفعل اي شيء ..ويأتي بمجلس ادارة اخر للمريخ لقيادة اتحاد كرة القدم في السودان.

لذلك نحن نقول ان السلطة تصرف الهلال في تلك الاشياء ..وتجعلهم ينصرفوا كليا نحو الشرعية والما شرعية.

وهنالك يتم ترتيب كل الاشياء للمريخ ...بما يريد.

هكذا تفصل الاشياء ...للمريخ ...اما الهلال الله يشوفو ساكت.

شغل المكاجرة هذا ...فعله اتحاد كرة القدم ..عندما اجبر الهلال لكي يلعب في الحصاحيصا ...في ميدان لا يصلح حتى للدافوري ..وسباق الخيل.

ميدان ما عندو اي علاقة بميادين الكورة ...لكن لأن الاتحاد العام يقوده ابناء الحصاحيصا ...لازم الهلال يلعب في الحصاحيصا ..ان شاءالله في (الزقاق) القدام بيت ناس محمد سيد احمد.

وعشان المريخ ...الهلال لا بد من يلعب.

يلعب يعني يلعب.

الحمدلله ان الهلال انتصر ..في هذا الميدان ..لأن المكر السييء يحيق بأهله.

الغريب في الامر ان محمد سيد احمد غادر ملعب الحصاحيصا ..بعد هدف بشة مباشرة.

محمد سيد احمد (ذاتو) ما قدر يستحمل سوء الميدان ..قام مشى استاد الكاملين لمشاهدة مباراة العصمة الكاملين ومريخ الحصاحيصا.

عندما ذهب محمد سيد احمد (مريخ الحصاحيصا) كان فائز.

قالوا ليك من وصل محمد سيد احمد للملعب ...النتيجة اتقلبت ليخسر فريق مريخ الحصاحيصا ..ويفوز فريق العصمة الكاملين 4 مقابل 3 اهداف للمريخ الحصاحيصا.

يعني لو محمد سيد احمد كمّل المباراة في الحصاحيصا ...كان فريق مريخ الحصاحيصا فاز.

ليخسر محمد سيد احمد مرتين في (عصرية) واحدة.

مرة في الحصاحيصا ...امام الهلال ..ومرة في الكاملين امام العصمة.

اها نوع دا.

عاوز ليه (3) مساعدين.

والله دي نحن (موظف استقبال) ما بنعملو ليها ..ناهيك عن مساعد للرئيس.

الطبخة التانية ...وبعد تراجع مستوى المريخ ...وانخفاض لياقة اللاعبين ...وعودة كروجر الذي يحتاج الي فترة طويلة عشان يدخل في الجو ...قالوا هنالك احتمالات لتأجيل مباراة القمة.

نشر في موقع (الزاوية) امس هذا الخبر : (تحصلت الزاوية على معلومات تشير إلى موافقة إتحاد الكرة على تأجيل مباراة القمة فى الأسبوع الرابع للدورى لتقام فى الختام بعد طلب من شركة سودانى الراعى للمسابقة وكشفت المصادر أن سودانى متمسكة بالطلب من أجل تنظيم إحتفال كبير يليق بالمنافسة ومن المتوقع أن يصدر القرار رسميا الأسبوع القادم).

شفتوا فايدة (المساعدين) ظهرت وين؟.

ظهرت في التأجيل دا.

وعارفين التأجيل دا سببو شنو؟.

اقول ليكم.

(ذكرت صحيفة الاسياد ان الامين البرير رئيس نادي الهلال قام بحل ازمة المالي تراوري ، وارسل له التذاكر من اجل العودة الى الخرطوم مطلع الاسبوع المقبل ، والالتحاق بتدريبات الفريق حتى يكون جاهزا لمباراة القمة ، واشارت الصحيفة الى ان ذلك يأتي استجابة من البرير لنداء جماهير الهلال التي طالبت بعودة المهاجم المالي).

انتوا البرير دا ما نصيح.

زول مجلسو فاقد (الشرعية)...يدفع في الدولارات لي (تراوري) عشان يرجع.

البنتظرك منو يا البرير لو (تراوري) رجع.

الوزير اكيد ...الموضوع دا ما ح يعجبو.

عشان كدا ...لجنة التسيير يمكن تعلن (الاحد القادم) زي ما بقولوا الجماعة.

انتوا ما لاحظتو حاجة.

في كل يوم خميس ..يقولوا ليك (لجنة تسيير الهلال) سوف تعلن الاحد القادم.

عاوزين يشموا الهوا شوية يوم الجمعة والسبت ..عشان يكون عندهم فرضة للكضب.

لذلك كل يوم خميس ..يقولوا ليك الاحد القادم سوف تعلن لجنة تسيير الهلال.

فاتوا (21) احد.

ما شفنا لينا اي (لجنة تسيير).

اللهم إلا (المساعدين) العيّنهم الوزير ديل.

17 لورد جوة ...و3 برة.

عشان الشغل يكون نضيف.

احتمال مجلس اللوردات ...عاوز يتخارج قبل مباراة القمة.

اللوردات اتخارجوا من قمة كأس السودان..لأن الجمعية العمومية للمريخ سوف تكون يوم 11 اكتوبر..ونهائي كاس السودان في الدمازين يوم 25 نوفمبر.

المباراة من الخوف طلعوها من العاصمة.

مرقوها ..في الدمازين.

عشان شنو؟.

عشان ما بستحملوا اهداف (بشة).

والله كمان الدمازين دي فيها جنس (بشة).

عقارب الدمازين ..البطقو تاني ما بقوم.

ما برفع رأسو.

يلا يا بكري المدينة ورينا شطارتك.

ربما يتكون مباراة القمة في الممتاز حسب ما سرب من اخبار ..بعد انتهاء فترة مجلس اللوردات.

اللوردات ديل قاعدين ساكت.

ما بستحملوا اي (مباراة قمة).

بشة واحدة بتفرتكم.

عشان كدا السادة المساعدين ديل ..بقوموا يأجلوا مباراة القمة ..عشان اللوردات يتخارجوا من المريخ خروج آمن.

عارفين لو لاقو الهلال بي جماعتهم ديل ..ما بحصل ليهم طيب.

عرفتوا فايدة (المساعدين) شنو؟.

والله نحن (المساعدين) ديل في السياسة ما بنحبهم.

في السياسة (مكجننهم).

تجيبوهم لينا تلاتة في الاتحاد العام.

ملحوظة : فريق جزيرة الفيل لو لقى ليه (3) مساعدين ..يشيل كأس العالم.

هوامش

على الامين البرير ومجلسه الشرعي ان يجد ويجتهد من اجل حل مشكلة تراوري.

اذا عاد تراوري تبقى ما عندنا اي مشكلة.

لو قابلنا (يوناتيد) بنضربو ليك.

بس رجعوا لينا تراوري.

وابعدوا بعيد.

عشان نفترك ليكم (اللوردات)..ونفرتك ليكم (المساعدين) ذاتهم.

بس جيبوا لينا تراوري.

عصام الحضري ...محمد عبدالرحمن ..بجهجهو ...كيف لمن يرجع (تراوري).

عشان كدا الحضري قال ما بجدد عقدو مع المريخ.

المسكين زهج.

فتر في عضمو دا.

والكبر ..برضو عندو احكام.

زول في السن دي ...ما معقول يقعد ليكم في السيول والامطار والفيضانات دي.

مباراة الهلال القادمة في عطبرة ..مباراة صعبة.

فريق الاهلي عطبرة ..مستواه ارتفع ..واصبح يقدم كورة جميلة.

الجميل ان ملعب عطبرة جيد...وان كان نجيل صناعي.

نطلع من مساعد وندخل في مساعد.

طلعنا من مباراة المساعد محمد سيد احمد ..وح نمشي نلعب مباراة المساعد حسن عبدالسلام.

شفتوا المساعدين ديل اترصوا لينا كيف؟.

يجب ان يهتم الهلال بهذه المباراة ..اذا تعتبر المباراة القادمة هى اخر مباراة صعبة للهلال خارج الخرطوم.

مهمة الهلال سوف تكون صعبة ايضا مع هلال كادوقلي في كادوقلي.

لكن التفكير الان والتركيز يجب ان يكون في مباراة عطبرة امام الاهلي.

مباراة القمة في الاسبوع الرابع ..اسهل للهلال من مباراة الاسبوع الثالث امام الاهلي في عطبرة.

فريق الاهلي الخرطوم ..فاز على الخرطوم الوطني.

دا كلو ..من تصريحات سكرتير مجلس ادارة نادي الخرطوم الوطني.

لعنة الهلال اصابت الخرطوم الوطني بسبب تصريحات عزالدين الحاج.

خالد العقيد رئيس نادي الاهلي شندي ...متل الفاتح النقر تماما ...هو ايضا يهاجم التحكيم بعد كل مباراة.

بكري المدينة براهو بغلب المريخ.

يا بسكال ..صبغ شعرك من بدري.

لو ما صبغت من بدري ...ما بكون عندك طريقة تاني.

......

عاجل : المساعدون الثلاثة نقضوا هدف للهلال امام النيل ..وصرفوا ضربة جزاء.

انقر هنا لقراءة الخبر من مصدره.