شاهد بالفيديو.. مواطنة سودانية تنهار بالبكاء فرحاً بعد رؤيتها "المصباح أبو زيد" وتدعوه لمقابلة والدها والجمهور: (جوه ليك يا سلك)    مدير عام قوات الجمارك: لن نتهاون في حماية الوطن من سموم المخدرات والسلاح    شاهد بالفيديو.. قائد ميداني بالدعم السريع يعلن انشقاقه عن المليشيا ويعترف: (نحن من أطلقنا الرصاصة الأولى بالمدينة الرياضية)    شاهد بالفيديو.. افتتاح مستشفى بمواصفات عالمية بمنطقة شرق النيل بالخرطوم والجمهور يشببها بأكبر المستشفيات بالخليج    مجموعة الهلال السوداني.. صنداونز يقتنص التعادل ويبقي آمال التأهل في دوري الأبطال    الجمارك في السودان تحسم جدل رسوم بشأن الأثاثات والأجهزة الكهربائية للعائدين    الأهلي يبلغ ربع نهائي أبطال أفريقيا.. والجيش الملكي يهزم يانج أفريكانز    السودان يدين الصمت الدولي تجاه جرائم الحرب والجرائم ضد الإنسانية التي ترتكبها المليشيا في إقليمي دارفور وكردفان    بعد غياب 8 سنوات.. عبلة كامل تعود وتثير ضجة ب"إعلان"    "سامسونغ" تُحبط الآمال بشأن الشحن اللاسلكي في سلسلة "Galaxy S26"    هانى شاكر فى لبنان وأنغام فى الكويت.. خريطة حفلات النجوم فى يوم الفلاتنين    توضيح من سوداتل حول مشروع ممر Bypass الإقليمي لحركة الترافيك العالمية عبر السودان    حساسية الجلد أثناء الحمل.. متى تستدعى القلق واستشارة الطبيب؟    نائب البرهان يفجّرها بشأن حل مجلس السيادة واتّهام قادة كبار في جوبا    تشابه دماغ البشر والذكاء الاصطناعي يدهش العلماء    القانون يلزم الشركات السياحية بسداد تأمين مؤقت عن رحلات العمرة    كاكا قال لدوائر فرنسية إنه يتوقع إنهياراً وشيكاً لقوات التمرد السريع    لو ليك فى الرومانسى.. لا تفوت هذه المسلسلات فى دراما رمضان 2026    تحديث ذكي جديد ل"واتساب" في آيفون    اكتشاف وجود علاقة بين الاكتئاب وهشاشة العظام    دراسات: إوميجا 3 تحسن الإدراك وتعزز المزاج    قرارًا جديدًا لوزير التعليم العالي في السودان    عقوبة مالية على الإتحاد وإيقاف عضو الجهاز الفني لنادي المريخ    الجيش يفشل هجومًا عنيفًا لميليشيا الدعم السريع    والي النيل الأبيض يشيد بالليلة الثقافية الأولى لهلال كوستي    (ده ماهلالك ياهلال؟؟)    شاهد بالفيديو.. نجم السوشيال ميديا "حتة" يضع يده على عروسه ويحتفل معها بطريقة طريفة على أنغام (الما بحبونا والبكرهونا)    بالصورة.. دكتورة من مريدات شيخ الأمين تكتب: (الشيخ بجيب القروش دي من وين؟ داير تتأكد تعال مسيده في الثلث الاخير من الليل)    أفراد من الشرطة يلقون القبض على السائق الخاص بالقائد الميداني لمليشيا الدعم السريع "جلحة" داخل "ركشة" بحي بري    بنك الخرطوم يتعهد بإرجاع مبالغ «ضمان الودائع» ويتحمل التكلفة كاملة    الهلال يتلقى أول خسارة بدوري المجموعات أمام مولودية الجزائري    هلال كوستي يدشن برامجه الثقافية بليلة ثقافية كبرى وتكريم رموز النادي والمجتمع    السودان يرحّب بالقرار 1591    شاهد بالفيديو.. سرقة محل مجوهرات بشارع الوادي بأم درمان وقيمة المسروقات تقدر ب(ترليون) جنيه    الجوهرة السودانية عامر عبد الله ينضم رسمياً لأحد الأندية الخليجية    محاولة أوكرانية جديدة لإفشال مفاوضات السلام بعيداً عن ارض المعركة    وزير الثروة الحيوانية: البنك الزراعي وبنك النيل يمولان صغار المربيين لزيادة الإنتاجية    رفض الزوج شراء سجائر لها فقتلته.. جريمة زوجة مصرية تثير الجدل    توصيات المؤتمر القومي لمعالجة قضايا الشباب    بيان مهم لوزارة المالية في السودان    لجنة أمن ولاية الخرطوم تؤكد المضي قدما في تنفيذ موجهات رئيس مجلس السيادة لبسط الأمن وفرض القانون    ضبط اسلحة ومخدرات بكسلا    حريق كبير في سوق شرق تشاد    صعود الذهب عالميًا يرفع أسعار المعدن النفيس فى قطر صباح الخميس    رسالة أخيرة في بريد الرئيس البرهان قبل تمرد الحركات المسلحة الدارفورية    ترامب يحذر إيران: الوقت ينفد والهجوم القادم سيكون أشد    مباحث الخرطوم تعلن توجيه ضربة موجعة لمافيا السيارات..إليكم التفاصيل    تلفزيون السودان يستأنف البث المباشر من مقرّه الرئيسي    وزير الصحة: التبغ عدو الحاضر والمستقبل و فاتورته الصحية تفوق عائداته الضريبية    هل قتل السحر الأسود الإسرائيلي عبد الناصر؟.. كتاب جديد يكشف خفايا خطيرة في مصر    سباق اختراق الضاحية باكورة بطولات الاتحاد العربي لألعاب القوى    شركة اتصالات في السودان تعلن عن توقف خدمات    "مَا حَرَّمَ إِسْرَائِيلُ عَلَى نَفْسِهِ"!    أحمد الشاكر: انا أعجز عن شكر جميع الإخوة الأشقاء في المملكة العربية السعودية    ترامب للإيرانيين: واصلوا الاحتجاج.. المساعدة في الطريق إليكم    السودان..حصيلة صادمة بمرض شهير في ولايتين    إسحق أحمد فضل الله يكتب: (حديث نفس...)    "كرتي والكلاب".. ومأساة شعب!    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



اجرّوا ..المسلسل بدأ
قوون نشر في قوون يوم 26 - 03 - 2013

الحضري لو عاوزنو يجيّكم راجع إلا تبقوه رئيس لاللجنة التى تحقق معه
• زمان وقت المسلسلات ...كانت في حاجة من الثوابت ..زي (جوز بلة جابر)...كانت (الكهرباء) دائما بتقطع في (الحلقة الاخيرة).
• ونحن نتشحتف.
• المسلسل يكون ماشي زي الطلقة ..اول ما يقولوا ليك الليلة الحلقة الاخيرة الكهرباء تقطع.
• ناس الكهرباء مبرمجين قطوعاتهم على (الحلقة الاخيرة).
• عشان كدا ..نحن دفعتنا كلها ما كان فيها زول بحضر (الحلقة الاخيرة).
• ناسنا هسع كلهم ما بتموا الموضوع.
• كنا في ذلك الزمن نستعيّر لينا زول (منظراتي) كدا ..ويقعد يشرع لينا براه في الحلقة الاخيرة.
• دي ح تموت ...ودا ح يعرس دي في الحلقة الاخيرة.
• ونحن نشيل ونصدق.
• ما عندنا خيار غير اننا نصدقو ...اي تشكيك في روايته ما بحكي لينا المسلسل.
• الزول (يدغمس) لينا المسلسل ، جنس دغمسة ..وما نقدر نقول ليه اي حاجة ..عارفين ليه؟.
• عشان بحضر المسلسل بي بطارية العربية.
• بفكوا البطارية ..يحضروا بيها المسلسل ويرجعوها.
• والظاهر كدا ..والله واعلم ان الحلقة التى تشاهد ب (بطارية العربية) احداثها بتكون مختلفة من الحلقة التى تشاهد بتيار الكهرباء العام.
• غايتو صاحب بطارية العربية ..بدخل ليه زيدات براهو في الحلقة ..احتمال عشان (البطارية) حقتهم.
• ما نبقدر نقول ليه اي حاجة.
• زي صاحب (الكورة)..يقول ضربة جزاء ..نقول ضربة جزاء ..يقول قون ..نقول قون.
• نكتر معاه ..بشيل (كورتو) ويدخل.
• الي جانب قطوعات الكهرباء ...كان برضو (الارسال) بقطع ..قبل ما تظهر الديجتلات ..والاطباق ..والبرمجة الرقمية...والريموت كنترول.
• زمان الواحد لو عاوز يقفل التلفزيون ..يقوم ليه مسافة بتاعة (حواشة) كدا.
• الحيشان كانت كبيرة.
• تقفل التلفزيون ..النوم يطير من عينك.
• هسع تقلّب في (القنوات) من سريرك زي (الزلابية).
• زول بسألك مافي.
• زمان ذاتو ما في حاجة اسمها تحضر (السهرة).
• سهرة شنو البتحضرها ..الناس كانت بتقفل التلفزيون بعد نشرة تسعة طوالي.
• بعد (النشرة الجوية) ابوك لو لقاك قاعد في التلفزيون بقطع ليك (اضنيك).
• يا ولد انت موش عندك مدرسة بكرة.
• عالم السينما دي تحضرها بدون صوت.
• تعال شوف هسع ...(الشفع) ديل بقعدوا في التلفزيون زي (الكدسة).
• من طيور الجنة الي المصارعة الحرة.
• عليكم الله هسع في حاجة بتلم طيور الجنة مع المصارعة الحرة ..لو ما الشفع (المساليط) ديل.
• يا سلك ..تصدق ..انا من هسع بقيت ادس (الريموت) من عبدالماجد ...وهو يا دوب قفل الشهر.
• بقينا نتحادق في (الريموت).
• شغالين بالقرعة.
• انا عندي كورة عشرة ونص (البرازيل وروسيا) في الجزيرة 10...وهو عندو فيلم اكشن في mbc 2.
• شفتوا المحن دي كيف؟.
• اوعك تقول لي يا سلك (اسلام) لسع معلقة مع (طيور الجنة)...نحن ولدنا من السبوع الاول قاعد يحضر في حسين خوجلي في قناة ام درمان.
• لكن هسع دا كلو ما موضوعنا.
• موضوعنا ...قطوعات الكهرباء والارسال ..التى كانت تحدث في الماضي.
• الثانوي العالي دا كلو درسناه (قطوعات في الارسال).
• كتاحة في بانقا ...الارسال يقطع في شندي.
• مطرة في الميجا ...الارسال يطش في عطبرة.
• دي حاجة ثابتة ..ولا بتغالطوا فيها اتنين.
• في شندي نحن زمان لو (النسر) اتغلب ساكت ...بقطعو الارسال.
• ناس الديم صعبين ما بتفاهمو.
• ومن الثوابت ايضا في ذلك الوقت ..ان الناس بتكون ملخومة ..تطلع ..وتدخل ...اول ما المسلسل يجي ..يجيك زول ناطي (زي تريس الفتوح) ويقول ليكم : (المسلسل بدأ).
• لو ما عاوز تحضر المسلسل تمشي تحضرو.
• وزمان وقت المسلسل في اي بيت ..بكون في زول شايل الخرطوش ..بسقي في الشجر ..وبملأ في الازيار.
• الكلام دا قاعد يحصل قبل المسلسل بالظبط كدا.
• الشاي ذاتو كان ما بجيبوا ليك إلا في (المسلسل).
• دي حاجة ثابتة ..تشرب الشاي وتعاين لي محمود يس.
• يا احمد الحاج جيب لي صورة (محمود يس).
• ما عاوز اقول ليك .. جيب لي صورة ممثلة ..لكن لو عاوز تجيبها براك ..جيب صورة هالة صدقي.
• شفتوا اتحرفنت ليكم كيف في الصورة دي؟.
• لكن والله مسلسلات هالة صدقي القديمة ديك كلها (دلتها) ليك ..بعد الكلام القالتوا عن مطار الخرطوم.
• إلا مطار الخرطوم.
• نحن نقبل اي حاجة ..إلا الحاجة البتمس مطار الخرطوم.
• كلو ولا مطار الخرطوم.
• والله ايام يا زمان.
• في زول في اي اسرة بكون متخصص في حكاية (المسلسل بدأ).
• بس دي شغلتو ..يكون (مصاقر) التلفزيون دي من يبدأ الارسال ..وقت المسلسل تجي ..يلف البيت حوش حوش ..وغرفة غرفة ..وزول زول عشان يقول ليه : (المسلسل بدأ).
• وكان عملت فيها نعسان ..واطارشت الكلام دا ..تاني بجيك زول يقول ليكم : (ها القاعد ليها شنو المسلسل بدأ).
• كأنو المسلسل دا حاجة فرض.
• او حاجة لا بد منها.
• الوقت داك ..الدعايات ذاتها كانت طويلة ...لكن مع ذلك كانت الدعايات حلوة ..الناس كلها حافظنها.
• فترة كدا ...الدعايات كلها في التلفزيون كانت (بسكويت).
• التلفزيون بس زي (الفرن).
• لو عاوز تقعد في التلفزيون ..تجيب معاك ترمسة الشاي..وتدور في البسكويت.
• اي بسكويت في الدنيا دي كان عندو اعلان في التلفزيون.
• الحاجة بخيتة ..بتعمل ليها (بسكويتات) لاولادها في الداخلية ..كان برضو بتعمل ليها دعاية للبسكويت دا في التلفزيون.
• التلفزيون كان هامل.
• ومرات بتكون الاعلانات الفي التلفزيون كلها (حنة).
• يمسكوا ليك (الحنة) دي من تاج محل في الهند الي ان يوصلوها ليك الدامر.
• البتحنن والما بتحنن وقت يشوف اعلانات الحنة دي بتحنن.
• اعلانات قوية كانت.
• ومرات بتكون الاعلانات في التلفزيون كلها (دلالات).
• شفت لو عاوز تبيع ليك (شبشب) ..تمشي تعمل ليه اعلان في التلفزيون.
• برضو زمان كان المسرح القومي دائما بيعلن عن عروضه المسرحية ..باستمرار ...وكان طوالي بنشوف الحفل النهاري الكبير بالفندق الكبير والفنان زيدان ابراهيم.
• او الفنان ابوعركي البخيت بالنادي القبطي.
• ومحمد الامين في نادي الضباط ..وعبدالكريم الكابلي في قاعة الصداقة.
• كنا وقت نحضر (الدعايات) دي زي الحضرنا الحفلة.
• نتبسط في الدنيا دي جنس انبساطة.
• كنا قنوعين.
• (القنوعة) كاتلانا.
• دي زمان الاعلانات كانت كدا ..تقعد تحرسها في التلفزيون ..قبل المسلسل زي الزول الراجي قيّمو.
• فك الشايب.
• جر.
• وارمي تسعة الاسود.
• عليكم الله في الزمن دا ...(النحن فيه هسع دا... في تسعة اسود بتترمي).
• الجماعة بقوا يمسكوا ليك (التسعة) لمن يدكوا (الكوتشينة).
• طبعا اسوأ حاجة في الكوتشينة الناس البقعدو وراك ..يقعدوا ينظروا ليك ..ويحللوا زي ناس (سيد محمد صالح).
• انتوا بتتكلموا ساكت ...انتوا لو عندكم شيء ...كان بتقعدوا برة.
• الواحد برة يعمل ليك فيها (مورنيهو)...تمسكو الورق يطلع (محمد الطيب).
• كرفتة ساكت.
• الموضوع دا ..انا هسع ما سقتكم فيه ساكت.
• ولا قاصد ليكم (المسلسلات)...والكهربة البتقطع.
• الموضوع دا ..انا سايقوا عشان حاجة واحدة بس.
• بس يا جماعة لو سمحتوا ....لو سمحتوا (الكلام دا ما يطلع من العمود دا).
• عشان نبقى واضحين.
• الاولو شرط ...اخرو نور.
• او حسب كلام المسلسلات...الاولو (مهند) ...اخرو (نور).
• شفتوا كيف؟.
• عشان ما تقولوا اتجاوزت ليكم المسلسلات التركية دي ساكت.
• يا احمد الحاج بالمناسبة دي عليك الله جيب لي صورة (مهند).
• وانت لو عاوز تجيب صورة (نور)...جيب صورة نور ..ما في مشكلة.
• ولو المساحة ضاقت عليك ..جيب صورة (نور)...مهند بنجيبوا باكر في اي موضوع تاني.
• ان شاءالله في موضوع (هوبة).
• بنعرف نجيبو ...نحن ما بنتلفت.
• خلوني هسع اقول ليكم (الجرة) الطويلة دي ..عشان شنو؟.
• عشان مسلسل عصام الحضري يا جماعة.
• انتوا إلا يقولوها ليكم كدا بالواضح.
• عليكم الله ..هسع نحن مسلسل الحضري دا شغال عندنا من متين؟.
• الحضري يسافر.
• محمد كمال اصبعو اتكسر.
• الحضري يرجع.
• تقول (يس) دا حارس ليه مدرسة.
• نفسي اعرف ..(يس) دا عاوزين توقوفه متين؟.
• الحضري يسافر ...توقفوا محمد كمال.
• محمد كمال ..اصبعو (يتكسر).....ترجعوا (الحضري).
• الحضري يقوم من نومو ..يلقى نفسو في التشكيلة ...(بين الخشبات).
• اكرم الهادي سليم ...يزعل ..ويشيل شنطتو ويطلع من المعسكر.
• يس يقول خلاص ..انا المرة دي ح اقيف.
• يرضوا اكرم الهادي سليم ..يشيلوا يس من المرمي.
• يس يزعل.
• بالمناسبة اي حارس في المريخ اسمه (يس) ما بيلعب.
• يس كلو بقعد في الكنبة.
• زمان ايام حامد بريمة كان في حارس في الكنبة اسمو (يس).
• اها يس دا ما شفناه إلا في الهلال.
• هسع يس دا ..زي يس داك ...(الاتنين كنبة).
• المسلسل الحضري السنة كلها شغال.
• الحضري يوقع عقد مع (سموحة).
• الحضري يحضر يوم الاربعاء ..للتحقيق معه.
• تحقيق ليه ؟...سارق ليه (طبق) عشان تحققوا معاه.
• سارق ليه (خروف).
• انتوا ما عارفين (الحضري) دا حارس كبير.
• زول عمرو 44 سنة ..كيف يعني تحققوا معاه.
• حارس فاز بلقب افضل حارس في بطولة الامم الافريقية 3 مرات...كيف تحققوا معاه.
• لو عاوزين تحققوا ...حققوا مع (عصام الحاج).
• ولو عصام الحاج ...صعب عليكم ..حققوا مع (يس).
• شوفوا ليكم اي (بلوة) كدا ..وحققوا فيها مع (يس).
• بعدين يس مسكين ..ما عندو مشكلة ...ممكن يخليكم (تحققوا) معاه.
• الزول دا لو كل خميس حققتوا معاه ..ما عندو مشكلة.
• لكن الحضري ...لا.
• إلا الحضري.
• الحضري وقع عقوداته ..وانهى تعاقده مع المريخ ..(عمل الحاجة الفي رأسو).
• ما تقعدوا تغشوا في الناس ساكت.
• هسع الزول دا ح يجيكم عشان يكسر ليكم (تلج).
• شغل بتاع فهلوة كدا.
• والله انا خايف ..الحضري لو جاء الخرطوم ولقاكم بي (فوضتكم) دي يقوم يعمل لي عصام الحاج لجنة تحقيق.
• يعني يقوم يقلب اللجنة.
• يبقى عصام الحضري هو رئيس اللجنة ..ووكيله شيحة هو مقرر اللجنة ..وعضوية اخرين.
• اخرين دي فيها ناس ازهري وداعة الله ومتوكل احمد علي.
• نبدأ التحقيق.
• يا عصام الحاج ..انت دفعت المقدم.
• لا.
• يا عصام الحاج انت دفعت الحوافز.
• لا.
• يا عصام الحاج انت دفعت المرتبات.
• لا.
• يا عصام الحاج انت حضرت الشقة.
• لا.
• يا عصام الحاج انت حضرت العربية؟.
• لا.
• يا عصام الحاج انت دفعت مرتبات العاملين في اشرف الاصدارات صحيفة (المريخ).
• لا.
• طيب وقت الحاجات دي كلها ما عملت حاجة فيها ..المقعدك شنو؟..ولجنة تحقيقك ذاتها في شنو؟.
• قوم يا شيحة خلينا نشوف (سموحة) حقتنا وين؟.
• يلا ..بلاش كلام فارغ معاكم.
• ملحوظة : مسلسل الحضري فيه 27 جزء.
هوامش
• طبيعي ان يخسر المنتخب في ظل هذه الفوضي.
• مازدا شال المنتخب زي (شنطته) سافر بيه ..اتغلب بيه اربعة ورجع.
• دا منتخب هسع وإلا شنطة؟.
• منتخب يلقطوه في المطار.
• عشان كدا الخسارة منطقية.
• غارزيتو سافر اديس ابابا ورجع.
• عارفين ليه؟.
• عشان يراقب (سيوي) من المرتفعات الاثيوبية.
• الفرنسي دي خطير.
• عارف هو بيعمل في شنو؟.
• ناس المريخ يموتوا ويعرفوا الزول دا سافر ليه؟.
• انتوا مالكم؟.
• يمين لو الوقت ضايقهم ..كان سفروا الكوكي اديس ابابا.
• يقولوا ليه ..بس اعمل لينا نفس الحاجات البعمل فيها غارزيتو.
• الكوكي دا تاني شندي ما بسافر.
• شندي ممنوع منها.
• تأجيل مباراة الهلال في مدنى ومباراة المريخ مع الامل ...كان قرار صائب من الاتحاد.
• معقولة اللاعب يحضر من غانا ..اليوم التاني يلعب مباراة في الدوري الممتاز.
• حافظوا على صحة وسلامة اللاعب السوداني.
• حتى لو كان اللاعب السوداني لا يحسن المحافظة على صحته.
• اوصيكم بمباراة الاتحاد مدني.
• سيوي اسهل من الاتحاد.
• احسموا الاتحاد في مدنى.
• ما عاوزين نفقد ولا نقطة.
• الصدارة دائما هلالية.
• الاهلي شندي من حقه ان تأجل له مباراته مع المريخ.
• الاهلي مطلوب منه السفر قبل وقت كافي من المباراة.
• لكن واضح ان اتحاد الكورة دائما براعي الهلال والمريخ ...واندية الولايات في الستين.
• بالمناسبة المريخ ايضا ليس في صالحه ان يلعب مع الاهلي قبل المباراة الافريقية.
• لأن المريخ سوف يخسر في شندي ان شاءالله وسوف تنعكس النتيجة السلبية على المريخ افريقيا.
• لذلك تأجيل المباراة افضل.
• غارزيتو قال عاوز يلعب مع فريق يكون بشبه سيوي.
• ليه يا كوتش؟.
• عشان تاني نتغلب اربعة.
• احضر الشريط اكثر من مرة.
• نحن سيوي دا لا عاوزين نشوف شبهو ولا عاوزين نشوفو إلا يوم 5 ابريل.
• ما عاوزين نفش غبينتنا في فريق شبيه.
• عاوزين سيوي ذاتو.
• جيبوا لينا سيوي وخلوا لينا الباقي.
• الحضري ح يحضر للخرطوم يوم الاربعاء.
• السؤال.
• ح يقيف الحضري وإلا اكرم؟.
• يس طبعا اصلا هو ما معدود.
• يس دا تموا بيه لجنة التحقيق ..لو النصاب ما اكتمل.
• المشكلة الحضري المرة دي جايب وكيلو معاه.
• الحضري جايب (شيحة).
• انتوا عارفين شيحة دا مين؟.
• شيحة دا مع الحضري ممكن يشيل فوق البيعة (كلتشي).
• عاجل : ألحق ..سعيد السعودي قفل تلفونو.

انقر هنا لقراءة الخبر من مصدره.