في الحلقة الثانية من إشهار الكرت الأحمر للتدخين، نواصل في الأمراض التي يسببها التدخين. التدخين عامل مهم في حدوث السكتة الدماغية. تليف الرئتين التهاب القصبة الهوائية يفرز مخاط مما يسبب سعال وبعد فترة يصبح السعال مزمناً. يؤدى إلى نقصان مساحة سطح الرئتين مما يقلل الأكسجين في الدم يؤدي إلى أمراض الجهاز الهضمي مثل الحرقة، والقرحة الهضمية التدخين يعيق عمل الكبد يزيد من احتمالية الإصابة بحمى المرارة خاصة عند النساء يتسبب التدخين في وفيات سرطان الرئة يسبب سرطان الحنجرة والفم والمثانة يرتبط التدخين بتطور بعض سرطانات الدم تأثيرات التدخين على العيون والنظر: يظل خطر الإصابة بالعمى كثيراً لدى المرضى ولمن ترك التدخين حالات الماء الازرق ترتبط بالتدخين هداية الحلقة: رباطابي في الحرم سمع جاره بيدعو: يا ربنا اجعلني من العشرة المبشرين بالجنة، قال ليه يعني يشطب ليك واحد منهم ولا شنو؟!. مذيع مصري قابل اثنين أصحاب خيال في الشارع قال للأول ماذا تمثل لك مصر؟ قال ليه مصر دي امي، سأل الثاني ماذا تمثل لك مصر؟ قال ليه ما بحب اتكلم في أم واحد صاحبي!. واحد مسكته الكهرباء قال ليها مش أنا. كيف اكتشفوا جنون البقر؟ شافوا بقرة ماشة في الشارع وبتقول انا بطة انا بطة. مكنيكي اشترى سرير نام تحته. صرصور قاعد رافع رجليه وبيضحك علشان البضرب فيه أحوص. لاعب كورة مشى يسخن في الملعب اتحرق. نجار زوجته تغسل وهو بينشر. الزوجة لزوجها: السيارة ما عايزة تدور. الزوج: الحصل شنو؟ الزوجة: دخلت موية في المكنة الزوج: ما مشكلة حنصلحها وقفتيها وين؟ الزوجة: انها في قاع النهر يا عزيزي. بخيل ولده قال ليه عايز 50 قرش يا بابا، أبوه قال ليه: عايز 40 قرش حتعمل ايه بال 30 قرش.. ما عندي غير عشرين تاخد الريال ده. عربية سايقة حمير لقوها أولاد حبوا يشاغلوها قالوا ليها ازيك يا ام الحمير، قالت ليهم اهلاً يا أولادي. واحد بخيل قال للفكهاني ادينا تفاح لى واحد عيان قال ليه دستة التفاح ب 45 جنيه، قال ليه: لا الراجل أصله ما عيان شديد كده. بتاع خيال عزم أصحابه وشتت سكر على الكراسي قال علشان القعدة تبقى حلوة! زوج لم يعد ذات ليلة لبيته تاني يوم قال لزوجته انه كان نائماً مع صديقه، زوجته اتصلت بعشرة من أصدقائه، 8 أكدوا انه كان نايم معهم 2 حلفوا انه ما زال معاهم. واحد صعلوك كان بغازل في واحدة قال ليها: الحلوة وراها مشوار؟ قالت ليه الحلوة وراها حمار. المرة مشت تخطب لولدها، ام العروس سألتها هل ولدك بدخن؟ قالت ليها لا ابداً والله ما بيشرب سيجارة إلا لمن يسكر. خاتمة: كيف تحمي نفسك وعائلتك من التدخين السلبي؟ لا تدخن في المنزل لا تترك الآخرين يدخنون في منزلك اطلب من المدخن الخروج للتدخين خارج المنزل اذا كان لابد من التدخين فخصص غرفة لذلك لا تدخن قرب الأطفال لأنهم اشد حساسية اسأل الله لكل المدخنين الإقلاع عنه، آمين يا رب العالمين مع تحياتي د. أحمد دولة
