سودارس : هسع بكرة يقولوا عاوزين يعملوا ليهم (قناة)

السودان الافتراضي ... كلنا بيادق .. وعبد الوهاب وردي إبراهيم شقلاوي يكتب: يرفعون المصاحف على أسنّة الرماح د.ابراهيم الصديق على يكتب:اللقاء: انتقالات جديدة.. لجنة المسابقات بارقو توقف 5 لاعبين من التضامن وتحسم مباراة الدوم والأمل المريخ (B) يواجه الإخلاص في أولي مبارياته بالدوري المحلي بمدينة بربر الهلال لم يحقق فوزًا على الأندية الجزائرية على أرضه منذ عام 1982…. شاهد بالفيديو.. لدى لقاء جمعهما بالجنود.. "مناوي" يلقب ياسر العطا بزعيم "البلابسة" والأخير يرد على اللقب بهتاف: (بل بس) شاهد بالصورة والفيديو.. ضابطة الدعم السريع "شيراز" تعبر عن إنبهارها بمقابلة المذيعة تسابيح خاطر بالفاشر وتخاطبها (منورة بلدنا) والأخيرة ترد عليها: (بلدنا نحنا ذاتنا معاكم) لماذا نزحوا إلى شمال السودان جمهور مواقع التواصل بالسودان يسخر من المذيعة تسابيح خاطر بعد زيارتها للفاشر ويلقبها بأنجلينا جولي المليشيا.. تعرف على أشهر التعليقات الساخرة شاهد بالصور.. المذيعة المغضوب عليها داخل مواقع التواصل السودانية "تسابيح خاطر" تصل الفاشر جمهور مواقع التواصل بالسودان يسخر من المذيعة تسابيح خاطر بعد زيارتها للفاشر ويلقبها بأنجلينا جولي المليشيا.. تعرف على أشهر التعليقات الساخرة أردوغان: لا يمكننا الاكتفاء بمتابعة ما يجري في السودان مناوي .. سلام على الفاشر وأهلها وعلى شهدائها الذين كتبوا بالدم معنى البطولة وزير الطاقة يتفقد المستودعات الاستراتيجية الجديدة بشركة النيل للبترول المالية توقع عقد خدمة إيصالي مع مصرف التنمية الصناعية أردوغان يفجرّها داوية بشأن السودان اللواء الركن"م" أسامة محمد أحمد عبد السلام يكتب: الإنسانية كلمة يخلو منها قاموس المليشيا وزير سوداني يكشف عن مؤشر خطير شاهد بالصورة والفيديو.. "البرهان" يظهر متأثراً ويحبس دموعه لحظة مواساته سيدة بأحد معسكرات النازحين بالشمالية والجمهور: (لقطة تجسّد هيبة القائد وحنوّ الأب، وصلابة الجندي ودمعة الوطن التي تأبى السقوط) بالصورة.. رجل الأعمال المصري نجيب ساويرس: (قلبي مكسور على أهل السودان والعند هو السبب وأتمنى السلام والإستقرار لأنه بلد قريب إلى قلبي) إحباط محاولة تهريب عدد 200 قطعة سلاح في مدينة عطبرة السعودية : ضبط أكثر من 21 ألف مخالف خلال أسبوع.. و26 متهماً في جرائم التستر والإيواء الترتيب الجديد لأفضل 10 هدافين للدوري السعودي «حافظ القرآن كله وعايشين ببركته».. كيف تحدث محمد رمضان عن والده قبل رحيله؟ محمد رمضان يودع والده لمثواه الأخير وسط أجواء من الحزن والانكسار وفي بدايات توافد المتظاهرين، هتف ثلاثة قحاتة ضد المظاهرة وتبنوا خطابات "لا للحرب" أول جائزة سلام من الفيفا.. من المرشح الأوفر حظا؟ مركزي السودان يصدر ورقة نقدية جديدة برشلونة ينجو من فخ كلوب بروج.. والسيتي يقسو على دورتموند "واتساب" يطلق تطبيقه المنتظر لساعات "أبل" بنك السودان .. فك حظر تصدير الذهب بقرار من رئيس الوزراء: السودان يؤسس ثلاث هيئات وطنية للتحول الرقمي والأمن السيبراني وحوكمة البيانات ما الحكم الشرعى فى زوجة قالت لزوجها: "من اليوم أنا حرام عليك"؟ غبَاء (الذكاء الاصطناعي) مخبأة في باطن الأرض..حادثة غريبة في الخرطوم رونالدو يفاجئ جمهوره: سأعتزل كرة القدم "قريبا" صفعة البرهان حرب الأكاذيب في الفاشر: حين فضح التحقيق أكاذيب الكيزان دائرة مرور ولاية الخرطوم تدشن برنامج الدفع الإلكتروني للمعاملات المرورية بمركز ترخيص شهداء معركة الكرامة عقد ملياري لرصف طرق داخلية بولاية سودانية السودان.. افتتاح غرفة النجدة بشرطة ولاية الخرطوم 5 مليارات دولار.. فساد في صادر الذهب حسين خوجلي: (إن أردت أن تنظر لرجل من أهل النار فأنظر لعبد الرحيم دقلو) حسين خوجلي يكتب: عبد الرجيم دقلو.. إن أردت أن تنظر لرجل من أهل النار!! الحُزن الذي يَشبه (أعِد) في الإملاء السجن 15 عام لمستنفر مع التمرد بالكلاكلة عملية دقيقة تقود السلطات في السودان للقبض على متّهمة خطيرة وزير الصحة يوجه بتفعيل غرفة طوارئ دارفور بصورة عاجلة الجنيه السوداني يتعثر مع تضرر صادرات الذهب بفعل حظر طيران الإمارات تركيا.. اكتشاف خبز عمره 1300 عام منقوش عليه صورة يسوع وهو يزرع الحبوب (مبروك النجاح لرونق كريمة الاعلامي الراحل دأود) المباحث الجنائية المركزية بولاية نهر النيل تنهي مغامرات شبكة إجرامية متخصصة في تزوير الأختام والمستندات الرسمية حسين خوجلي يكتب: التنقيب عن المدهشات في أزمنة الرتابة دراسة تربط مياه العبوات البلاستيكية بزيادة خطر السرطان والي البحر الأحمر ووزير الصحة يتفقدان مستشفى إيلا لعلاج أمراض القلب والقسطرة شكوك حول استخدام مواد كيميائية في هجوم بمسيّرات على مناطق مدنية بالفاشر السجائر الإلكترونية قد تزيد خطر الإصابة بالسكري

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

هسع بكرة يقولوا عاوزين يعملوا ليهم (قناة)

قوون نشر في قوون يوم 12 - 02 - 2013

الشعار الذي يجب ان يرفعه المريخاب هو (نحن في المريخ اخوة .. نقلد الهلال).

وقد تتلاشى (خوة) المريخ ...لكن (تقليد) الهلال راسخ وثابت غير قابل للتغيير.

من شعارات المريخ (البكائية) ايضا.

(أي دمعة حزن لا لا.. إلا في الجمع والعطلات الرسمية)..طبعا ما محتاج اقول ليكم دي (تخريمة) برة الموضوع.

ما عندها أي علاقة بالموضوع الرئيسي.

وما محتاج اقول ليكم (دمعة) المريخ قريبة ...السنة كلها يصبروا في نفسهم.

الحكاية دي زي تاجر كبير ...كرهو ناس المحلية بالرسوم ...كل يوم تجيه (موظفة) شايلة ليها دفتر.

موظفات المحلية اوصافهم كالاتي ..توب ابيض (قديم)..وشنطة ايد برضو (قديمة)... ومبايل تلاتين عشرة ...وغارة قبل الفطور.

انا ما عارف السر شنو؟..في الجية قبل الفطور...انتوا لو خليتوا الناس فطروا ...الله بحاسبكم.

بس دي الشيء الفالحين فيها.

تاجر كبير ..ناس المحلية فكوا فيه (موظفاتهم) ..كل مرة تجيه موظفة (شكل)...مرة تقول ليه نحن ناس دمغة الجريح ...ومرة ناس ضريبة الدخل ..ومرة ناس النفايات ..ومرة ناس العتب.

ومرة ناس دعم الولاية...ومرة ناس حق الطريق العام...ومرة ناس نفرة المريخ!!.

ومرة مرتب الحضري ...ومرة قروش وارغو.

دي كلها بتجيبها المحليات.

المهم ..عمنا التاجر دا ...ناس المحلية ما خلوا ليه حاجة ...بقوا ليه في رقبتو..(الستائر) المعلقها في الباب شاركوه فيها.

نضارتو ..بشيلوها (خميس وجمعة) ..وبرجعوها ليه يشوف بيها باقي الاسبوع.

شاحن الموبايل العندو في الدكان ...موظف المحلية ..بجي يشيلو يشحن بيه ويرجعو اخر اليوم.

غايتو ناس المحلية ديل ..عندهم جنس حركات (شاحن موبايل) مع الناس ما عاوزين يعملوه.

مكاتب المحليات..اسألوني منها انا ...(الصبارة) البشربو منها ..بتكون في (الدكان) المجاور للمحلية.

اصلو ما عندهم حاجة حقتهم.

اقول ليكم شيء.

الدباسة ...البدبسوا بيها ..بشيلوها من اقرب مكتب محامي..وبرجعوها ليه ..وقت (دبابسها) تنتهي.

اسكتوا ساي ...الجماعة ديل ..انا حافظهم حفظ.

التاجر زهج ..وقرف من الحكاية دي ...قام فكر ..وقدر كدا ...واشترى ليه (اسد) وربطو قدام الدكان.

ناس المحلية بقوا ما بجوه ..من يشوفوا (الاسد) قدام الدكان ..بمشوا للدكان التاني.

صاحبكم اتكيف من (الاسد).

لكن مع انقطاع موظفات المحلية من الزيارات والمطالبة بالرسوم ..وسداد الضرائب ..انقطع كذلك الزبائن ...ما في زول بقول عاوز ليه (طحنية) او (بسكويت) والاسد مربوط برة قدام الدكان.

ناس الطحنية والبسكويت ديل ..من يشوفوا (الاسد) بغيّروا الشارع ..ديل ما ناس شدايد...لكن ناس اديني (موية فول) بي الف ...ديل ما بشتغلوا بالاسد ...ولا فاضين ليه في الاساس.

لكن مع ذلك صاحب الدكان ..كان مبسوط من (الاسد)..كلو يوم بجيب ليهو (خروف)..قال البياكلو الاسد دا احسن من البتاكلو المحلية ...على الاقل الاسد دا عندو (احساس).

ناس المحلية ياكلو ...ويسمعوك مية كلمة فارغة.

الشيء الغريب ...السوق الفيه الدكان القدامو (اسد) دا ....بقى كلو (اسود)...اي تاجر فتح ليه دكان ..ربط قدامو (اسد).

السوق بقى كلو (اسود)...تحلف تقول غابة.

عجبنا ليكم يا ناس المحليات.

مكاتب المحامين ...والعيادات الخاصة ...والبرندات البفرشوا فيها (الليف) كلها بقى مربوط قدامها (اسد).

انا شفت الاسود كترت في السوق ..قلت ليهم ..انتوا ما تريحوا نفسكم ..وتختصروا الحكاية ..وتربطوا قدام (المحلية)...اسد ..بدل كل واحد يربط (اسدو) بي طريقتو قدام دكانو.

واحد من المفتحين ...من الناس العارفة أي حاجة ..قال لي نحن لو جبنا لينا (اسد) وربطنا قدام المحلية ...(تماسيح) المحلية دي بتأكل ليك (الاسد)..عشان كدا احسن أي زول يجيب (اسدو) براهو.

انت تعال هنا ...شنو العمود دا بقيتوا لينا كلو (اسود)...انت قايل نفسك في فيلم اجنبي.

عشان ما تنسي ...انت عمودك دا معنونو بي (هسع بكرة يقولوا عاوزين يعملوا ليهم قناة).

يا جماعة انا الكلام دا عارفو ...ما تستعجلوا ساكت ...انا ماشي عليكم.

ناس الهلال عملوا ليهم (فضائية)...عملوا ليهم (قناة) عديل كدا ..يعني تاني ما سائلين في الاهلي القاهري.

اصلو فرق القرن ..في كل دولة عندها (فضائية)...والهلال ان شاءالله سوف يكون اول نادي سوداني عمل ليه (قناة).

اكيد ناس المريخ ..الكلام دا ...ما عاجبهم.

بضايقوا ..ويقعدوا يضاريوا ..وياكلو الكلام ..ويطقطو في اصابعهم.

اكيد ...الكلام دا عامل ليهم تكسر في كرويات الدم الحمراء ..ورفع ليهم عدد كرويات الدم البيضاء.

شفتوا الكلام دا علمي كيف؟.

عشان ما تقعدوا تغالطوا فينا.

يا الشغيل اعمل حسابك ...انت جيت من فريق (اذاعة) fm ما عندو ...وح تلعب في فريق عندو (فضائية).

اوعك ما عاوزين أي (شلوت).

شلوت ..قانوني ...ما بنسألك فيه ...لكن شلوت ...ساكت كدا من غير أي مبرر قانوني ..ما نقبلو.

نحن بقى عندنا (فضائية)...نحن كمان بنلعب.

شلاليت المريخ دي ..ما عاوزنها في الهلال ...نحن نادي عندو قيم ..ومباديء ..واسس وفضائية.

بالمناسبة ...هسع عصام الحاج (تقليد)..بكون بفكر في يعمل ليه (فضائية)...زي ناس الهلال.

ان شاءالله بي (اريل).

ان شاءالله صوت بدون صورة ...المهم يعمل ليه فضائية زي فضائية الهلال.

يا عصام الموضوع دا صعب عليكم ...ما تقعد تطير في عيونك ساكت.

طيّر العيون دا احتفظ بيهو للاسبوع الرابع.

يمين نحن حالفين في الاسبوع الرابع ..اي مريخابي نشيل منو (الجواز).

ما عاوزين أي غلبة.

انت يا عصام الحاج ..فضائية للمريخ ..جمال الوالي ما قدر عليها ...عاوز تقدر عليها انت.

الحكومة ...الحكومة ...الحكومة ...الحكومة يا عالم ما قدرت عليها.

إلا يقولها ليكم كدا بالواضح.

والله انتوا يوم بضيعونا.

مفروض تفهموها براكم.

اوعك يا عصام الحاج تفكر في فضائية ..اوعك تفكر في حاجات زي دي...رأسك (بطق).

انتوا اذاعة fm كتيرة عليكم.

بعدين انتوا فاتورة الكهرباء ..عندكم مشكلة في سدادها ...عاوزين كمان تعملوا ليكم (قناة).

لكن اسمعوا كلامي دا ...موش الهلال عمل (فضائية)...ناس المريخ بكرة بعملوا ليهم واحدة.

بموتوا لو ما قلدونا..بتفقعوا عديل كدا ..يدينوا ..يسرقوا ..يزيدوا السكر ...لازم يعمل ليهم (فضائية).

ديل بقلدونا في أي حاجة.

الهلال دا لو عمل ليه ...(طيارة)...ناس المريخ بقولوا عاوزين يعملوا ليهم (طيارة).

الحاجة الوحيدة الما قدروا يقلدونا فيها كأس الدهب.

ناس رمضان عملوا (قوون)...بعد 17 سنة ..ناس مزمل عملوا الصدي.

الهلالاب عملوا (حبيب البلد)...المريخاب عملوا (السوبر).

وقفنا حبيب البلد ..وقفوا السوبر.

الهلالاب طلعوا (الزعيم)...المريخاب اشتروها.

أي حاجة يعملوها ناس الهلال ...ناس المريخ يقلدوها.

هيثم مصطفى دا وقت كان بيلعب في الهلال ...قدر ما حاولوا يقلدوه ما قدرو.

ما خلوا ليهم كدارة في روسيا.

جابو ليهم واحد اسمو (فيصل هارون)..قالوا دا هيثم مصطفى ...شطبوه بعد سنة طوالي.

فيصل شطبوه في التكميلية ..وهارون في الرئيسية.

جابو عنتر ...قالوا دا هيثم ...عنتر فشل.

جابو صلاح الامير ...ظنا منهم انه يشبه هيثم مصطفى ..برضو صلاح الامير فشل ...شطبوه.

مرقوها لي بلغاريا ...جابو ليهم واحد اسمو (مشاوي)...مامون ابوشيبة ..قال بس دا هو هيثم مصطفى ذاتو.

خلاص مشكلتنا اتحلت.

مشاوي فشل.

مشوا البرازيل ...جابو ليهم حبة برازيلي اسمو (نيتو).

حسن محجوب عمل أي حاجة في الدنيا دي عشان يبقى (هيثم مصطفى)..لبسو جلابية وعمة ...واكلوه (ام فتفت).

برضو (نيتو) فشل في ان يكون هيثم مصطفى.

خسارة العمة والجلابية.

اخر حاجة ...عصام الحاج ..قال ليهم احسن نحن نجيب هيثم مصطفى ذاتو.

هيثم دا ما عندو تقليد.

جابوه بعد 17 سنة ...ويا دوب حيلهم برد.

نشوف بحصل شنو؟.

هسع موضوع فضائية الهلال دا عامل ليهم ضيق في التنفس ..واكيد هسع بدخلوا ويطلعوا ..وما عارفين يعملوا شنو؟.

ولو ما شايفين الحكاية شينة ..عصام الحاج كان عمل ليه مؤتمر صحفي زي الامين البرير ...وكان اعلن قناة المريخ.

يكونوا هسع بفتشوا ليهم في (فجيرة).

هسه عصام الحاج بسافر الامارات...يمشي يشوف الامين البرير هناك عمل شنو؟.

بعد شهر ..شهرين بالكتير ..ح يعلموا ليهم مؤتمر صحفي.

لكن عشان الامور تبقى واضحة ...وعشان ما تقعدوا تقلدوا ساكت ..وتعملوا ليكم حاجة اكبر منكم ...اوعكم تتورطوا وتعملوا ليكم قناة زي الهلال.

ما في نادي وصيف في الدنيا عندو (فضائية).

الاهلي في مصر عندو قناة ...الزمالك (الوصيف) ما عندو قناة.

انتوا يا مريخاب (دكان) ...زي دكاكين البرير ما قدرتوا تعملوها ...عاوزين تعملوا ليكم (قناة).

لو كنتوا مصرين على الحكاية دي ...اعملوا ليكم (كوز) صلصة ...بالخيط ..واقعدوا اتكلموا.

اذتكرت ...عصام الحاج قال المريخاب ديل خيط في ابرة ما بعملوه.

انتوا وقت خيط في ابرة ما بتعملوه ...عاملين لينا دوشة في شنو؟.

الوصافة ذاتها كتيرة عليكم ....(وخيط في ابرة ما بتنظموه).

ملحوظة : كدا فكروا كدا ..وشوفوا ليكم حيلة ...تطلعوا بيها (قناة)...زي قناة الهلال.

هوامش

والله انا ما خايف من عصام الحاج ...موضوع الفضائية دا كبير على عصام الحاج.

انا خايف من صلاح ادريس.

خايف صلاح ادريس يعمل ليه قناة للاهلي شندي ..يملأها كلها معارضة.

لكن عصام الحاج ...اكتر حاجة ممكن يعملها ....يجيب ليه (دش).

فضائية شنو البعملها المريخ.

انتوا فاكرين الموضوع ساهل.

اليوم مهرجان الهلال ..نتمنى له النجاح ..ونرجو من الجماهير المشاركة ..والمساهمة في رفع الروح المعنوية.

نتمنى ان يكون جمهور الهلال حاضرا بقوة ..ليعلن عن مساندته للهلال ودعمه له في بداية الموسم.

ابعدوا المعارضة من المدرجات.

اتركوا المدرجات خالصة لجماهير الهلال.

هي فقط للدعم والمساندة.

واليوم ...يوم من ايام الهلال ....الهلال يحتاجكم اليوم.

تعالوا نشوف الهلال في الموسم الجديد.

وان شاءالله بالتوفيق والسداد.

تعالوا اتفرجوا في كأس الدهب.

كمان نحن بنلعب.

فريق الاهلي مدني دائما عند الموعد ..فريق محترم ..وكبير.

كما ان الاهلي مدني يمتلك مدرب كبير ..وفاهم ...وهو المصري محمود عزالدين.

لذا نتوقع ان يكون مهرجان الهلال اليوم في غاية الروعة.

تعالوا شوفوا تراوري ..قالوا شايل له (كرتونة) كاملة من الاهداف.

اتفرجوا ..واتمتعوا ...لأن الهلال دائما يمتع ..ويعجب ..ويسعد.

نبهني الاخ عمر كدودة الي ان الهلالابي صاحب المقال الذي نشرناه له في هذه المساحة هو الهلالابي الاصيل المهندس احمد الريح ...الذي نشكره على اجتهاده ...وعلى انصرافه (تكلوجيا) لخدمة الهلال.

والعتبي للمهندس احمد الريح....الذي نرجو منه ان يتابع اخبار الهلال في المواقع العالمية.

عاجل : خلوا التنظير ..وادعموا الهلال.

انقر هنا لقراءة الخبر من مصدره.