سودارس : كرامة الابطال ( تور) وكرامة الكونفدرالية ( خروف) وكرامة سيكافا ( ضفدعة ) يا حميدة

شاهد بالصورة والفيديو.. أثناء أحياه حفل بأوروبا.. الفنان شريف الفحيل يجمع أموال "النقطة" بالدولار من إحدى السيدات ويستعجل على إدخالها في "جيبه" تكليف مجلس تسيير لاتحاد الالعاب المصغرة الوليد بكسلا *الجاموس.. كشف ضعاف النفوس..!! ثنائي الهجوم الأحمر يصل رواندا جنوب السودان..تفاصيل مثيرة في محاكمة رياك مشار قيادة الجيش بالفاشر: الأوضاع تحت السيطرة كامل إدريس إلى الولايات المتحدة الأمريكية حفل الكرة الذهبية.. هل يحقق صلاح أو حكيمي "المفاجأة"؟ القوز يعود للتسجيلات ويضم هداف الدلنج ونجم التحرير شاهد بالصور.. الفنانة ندى القلعة تصل القاهرة وتحل ضيفة على أشهر الصحف المصرية "في حضرة الكلمة والصحافة العريقة" شاهد بالفيديو.. الحرب تشتعل مجدداً.. المطربة عشة الجبل تهاجم زميلتها هبة جبرة: (نصف الشعب عرفك بعد شكلتي معاك.. شينة ووسخانة وأحذرك من لبس الباروكة عشان ما تخربي سمعتنا) شاهد بالفيديو.. الحرب تشتعل مجدداً.. المطربة عشة الجبل تهاجم زميلتها هبة جبرة: (نصف الشعب عرفك بعد شكلتي معاك.. شينة ووسخانة وأحذرك من لبس الباروكة عشان ما تخربي سمعتنا) شاهد بالفيديو.. الفنانة هبة جبرة ترد على التيكتوكر المثيرة للجدل "جوجو": (شالت الكرش وعملت مؤخرة ورا ورا ويشهد الله بتلبس البناطلين المحذقة بالفازلين) شاهد بالصور.. الفنانة ندى القلعة تصل القاهرة وتحل ضيفة على أشهر الصحف المصرية "في حضرة الكلمة والصحافة العريقة" الهلال والجاموس يتعادلان سلبيا والزمالة يخسر من ديكيداها اللجنة المالية برئاسة د. جبريل إبراهيم تطمئن على سير تمويل مطلوبات العودة لولاية الخرطوم شاهد بالفيديو.. ظهر وهو يردد معها إحدى أغنياتها عندما كان طفل.. أحد اكتشافات الفنانة هدى عربي يبهر المتابعين بصوته الجميل بعد أن أصبح شاب والسلطانة تعلق من سيحصد الكرة الذهبية 2025؟ مدير جهاز الأمن والمخابرات: يدعو لتصنيف مليشيا الدعم السريع "جماعة إرهابية " كندا وأستراليا وبريطانيا تعترف بدولة فلسطين.. وإسرائيل تستنفر ترمب .. منعت نشوب حرب بين مصر و إثيوبيا بسبب سد النهضة الإثيوبي وزارة الطاقة تدعم تأهيل المنشآت الشبابية والرياضية بمحلية الخرطوم "رسوم التأشيرة" تربك السوق الأميركي.. والبيت الأبيض يوضح مياه الخرطوم تطلق حملة"الفاتورة" ليفربول يعبر إيفرتون ويتصدر الدوري الإنجليزي بالعلامة الكاملة شاهد.. ماذا قال الناشط الشهير "الإنصرافي" عن إيقاف الصحفية لينا يعقوب وسحب التصريح الصحفي الممنوح لها بورتسودان.. حملات وقائية ومنعية لمكافحة الجريمة وإزالة الظواهر السالبة وضبط المركبات غير المقننة 10 طرق لكسب المال عبر الإنترنت من المنزل جرعات حمض الفوليك الزائدة ترتبط بسكري الحمل الأمين العام للأمم المتحدة: على العالم ألا يخاف من إسرائيل الطاهر ساتي يكتب: بنك العجائب ..!! صحة الخرطوم تطمئن على صحة الفنان الكوميدي عبدالله عبدالسلام (فضيل) وزير الزراعة والري في ختام زيارته للجزيرة: تعافي الجزيرة دحض لدعاوى المجاعة بالسودان لجنة أمن ولاية الخرطوم: ضبطيات تتعلق بالسرقات وتوقيف أعداد كبيرة من المتعاونين هجوم الدوحة والعقيدة الإسرائيلية الجديدة.. «رب ضارة نافعة» هل سيؤدي إغلاق المدارس إلى التخفيف من حدة الوباء؟! تعاون مصري سوداني في مجال الكهرباء "نهاية مأساوية" لطفل خسر أموال والده في لعبة على الإنترنت الجزيرة: ضبط أدوية مهربة وغير مسجلة بالمناقل ماذا تريد حكومة الأمل من السعودية؟ إنت ليه بتشرب سجاير؟! والله يا عمو بدخن مجاملة لأصحابي ديل! في أزمنة الحرب.. "زولو" فنان يلتزم بالغناء للسلام والمحبة إيد على إيد تجدع من النيل حسين خوجلي يكتب: الأمة العربية بين وزن الفارس ووزن الفأر..! ضياء الدين بلال يكتب: (معليش.. اكتشاف متأخر)! في الجزيرة نزرع أسفنا من هم قادة حماس الذين استهدفتهم إسرائيل في الدوحة؟ مباحث شرطة القضارف تسترد مصوغات ذهبية مسروقة تقدر قيمتها ب (69) مليون جنيه في عملية نوعية.. مقتل قائد الأمن العسكري و 6 ضباط آخرين وعشرات الجنود السجن المؤبّد لمتهم تعاون مع الميليشيا في تجاريًا وصية النبي عند خسوف القمر.. اتبع سنة سيدنا المصطفى جنازة الخوف حكاية من جامع الحارة حسين خوجلي يكتب: حكاية من جامع الحارة مشكلة التساهل مع عمليات النهب المسلح في الخرطوم "نهب وليس 9 طويلة" وسط حراسة مشددة.. التحقيق مع الإعلامية سارة خليفة بتهمة غسيل الأموال نفسية وعصبية.. تعرف على أبرز أسباب صرير الأسنان عند النوم بعد خطوة مثيرة لمركز طبي.."زلفو" يصدر بيانًا تحذيريًا لمرضى الكلى

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

كرامة الابطال ( تور) وكرامة الكونفدرالية ( خروف) وكرامة سيكافا ( ضفدعة ) يا حميدة

قوون نشر في قوون يوم 28 - 08 - 2014

ضفاري
شرق ووسط امريكيا!!
قبل الدخول:
هذه الصفحة
برعاية أغنيات الاستاذ أبوعركي البخيت!!
الوجع الخرافي!!
على الرغم من فوز المريخ بدورة سيك(آفة) الأخيرة والسيك(آفات) الماضية ووصافته لعدد لا يحصى ولا يعد لعدد من أندية هذه الدورة إلا أنه مازال وسيظل طيش افريقيا، بل ومؤسس علم الطيشولوجي حينما حاز عن جدارة استحقاق على طياشة المجموعتين من بطولة الأندية الافريقية الهلال.. لذا اتوقع أن يتم منحه (الطياشة) الفخرية من الاتحاد الدولي لكرة القدم، وبذا سيسبق حرف ال(د) اسم رئيسه جمال الوالي، وحرف ال(ط) اسم المريخ!!.
عن حبيبتي أنا بحكي ليكم!!
ترتيب سيد أسياد البلد ووصيفه حتى تاريخ مثول الصحيفة للطبع، علماً بأن الصحيفة لا تمثل للطبع إلا بعد الثانية عشرة منتصف الليل:
الهلال:
لعب: في مجموعات بطولة الأندية الافريقية الابطال!!
له: مائة وخمسة وعشرون ألف دولار بعد وصوله لدور الثمانية!!
عليه: الانتظار لحين البت في الشكوى!!
الأهداف: احراز كأس البطولة الافريقية واللعب في كأس العالم للأندية!!
الترتيب: الأول افريقياً وعربياً!!
المريخ:
لعب: في سيكافا!!
له: طابق ثاني اضاءة حديثة مطابقة لمواصفات الفيفا!!
عليه: العوض ومنو العوض!!
الأهداف: الفوز بالكأس الفاز بيهو الهلال عشر مرات!!
الترتيب: العيييييييييييييييييييييييييييك (افريقياً وعربياً)!!
(قال ليك) (عمك) بلاتر من انتهى كأس العالم بقى ما عندو أي موضوع، الراجل حاسد معتصم جعفر على الموسم المقلوب، عشان كدا اليوم كلو قاعد قدام البيت في الشارع وفاتح الرادي، قال التلفزيون السويسري بقى يرفع ليهو الضغط، ولو جاب قناة الغروب الفضائية السويسرية بلقى الشعار حقها بتاع شمس سويسرا التي لا تشرق، ولو جاب قناة أم در(Man) السويسرية بلقى (سيدا) قاعد متحكر وبيتحدث عن حاجات هو بهرب منها، ولو جاب الجزيرة طواااالي بلقى ليك ميسي بمرر الكورة لي دي ماريا في الدقيقة (مافي) والموضوع دا بكلفو حبوب كتيرة اقلاها الضغط، فقال أحسن يترودد، خصوصاً وإنو سويسرا فيها كترة (اف. ام).. أها أكتر حاجة بحرص عليها نشرة عشرة عشان يسمع أخبار الوفيات، بعديها بسمع اقوال الصحف، طبعاً الأيامات دي هناك الجو (رضيعي)، في سويسرا في فصل اسمو الرضيع، ما زينا هنا الأيامات دي أنحنا جونا (باعوضي) خالص، حتى أم بارح في واحد قال للتاني انت (قرصة) الحرارة عاملة كم؟!.. التاني قال ليه عاملة خمسة وأربعين درجة؟!.. الأول قال ليه تحت الصفر؟!.. التاني قال ليهو لا تحت السرير.. ودا موضوع طويل ممكن ننظم ليهو سيكافا سيبكم منو.. نرجع لي عمكم بلاتر قال ليك قبل ما النشرة بتاعة عشرة تجي جابوا برنامج بتاع منوعات من اعداد وتقديم (Save As) الدين علي وقام قال في فقرة صدق أو لا تصدق (طيش يفوز بكأس دورة في افريقيا).. طوالي عمك بلاتر علا ليك صوت الرادي لمن الراجل قال (فاز طيش افريقيا بكأس دورة تحمل اسم سيكافا) عمك بلاتر ما انتظر يسمع باقي الكلام.. طوالي مسك ليك جهاز الآي باد حقو ودخل ليك على قووقل وكتب طيش افريقيا.. أول حاجة جاتو ليك سبعة الوحدات طوالي اخد ليهو ضحكة طووويلة وبعديها قعد يكورك يا (سعا).. يا (سعا).. طبعاً زوجتو اسمها سعدية.. وهي كانت مفتكراه بدلعها لكنها اكتشفت إنو بيتفادى دية عشان بتذكرو بي دي ماريا.. فقامت جات جارية قالت ليهو مالك يا (Man) بتكورك؟!.. قال ليها جيبي لي (ماي موبايل) من جوا.. قالت ليهو (انت اتكريزتا) وللا شنو؟!.. (يور موبايل) دا من انتهى كأس العالم وانت قافلو.. (وط) جدًا على ال(ماي) خدة (الريو) وللا الكيس (النيو).. قال ليها يا (وومن) امشي وخلي الكلام الكتير دا وجيبي لي التلفون.. جابتو ليه وطوالي فتحو وقعد يفتش ويقول لي صوت عالي: عيسى حياتو.. عيسى حياتو.. أول ما لقاه دق ليه الجرس الأول التاني طوالي عمك حياتو رد ودخل ليك فيه شمال وقال ليه: شنو يا حياتو يعني ما بتعزمني الدورة (السوبرماركتية زيس).. حياتو فتح الاسبيكر عشان المترجم حقو يترجم ليه فقام قال ليه قال ليك شنو يعني ما بتعزمنا على الدورة (الدكاكينية) دي؟!.. قام رد ليه وقال ليهو وحياة (صمويل ايتو) أنا ما عندي أي فكرة عن الكلام البتقول فيهو دا؟!.. بلاتر قال ليهو كيف الكلام دا.. هسا انا كنت فاتح الراديو قبل شوية وقالوا طيش افريقيا بتاعكم شال ليهو كأس دورة.. حتى قالوا فاز على فريق اسمو (عزام)، حياتو عاوز يعمل ظريف قال ليه (عزام الحضري) هييييي يكا.. بلاتر الكلام ما عجبو عشان كدا ما ضحك فقام قال ليه اسمع ياخي انا ادخل ليك في الموضوع طوالي طبعاً انت عارف إنو البرازيل اتغلبت من المانيا سبعة في كأس العالم، وأنا بي صراحة يا حياتو سبعة البرازيل بتاعة كأس العالم دي داخلة علي دخلة شديدة، وشايف طيش افريقيا برضو ماخد سبعة، فقلت لو سيكافا دي رخيصة وبتطلع الناس من النفسيات الداخلة فيها فأحسن حاجة إننا نقوم نشيل الفكرة منكم ونعمل للبرازيل بطولة نسميها شرق ووسط (امريكيا) رأيك شنو؟!.. قال ليك حياتو قال ليه ما عندك أي مشكلة شوف هي من ناحية رخيصة فمافي أرخص منها، يعني (تمويل أصغر) بعملها ليك بي كاساتها وميدالياتها، ولو اجراءات التمويل بتاخد وكت ممكن نعمل (ختة) ندي البرازيل الصرفة الأولى تنظم بيها سيكافا، بعد داك شوية تصاديق من أمن المجتمع البرازيلي والدورة تنطلق، بلاتر قال ليه تصاديق من أمن المجتمع البرازيلي ليه؟!.. قال ليه لانو سيكافا دي زي (الاوفر نايت).. بلاتر قال ليه دي هينة طيب ممكن قنوات ال(bein) تنقلها لينا؟!.. حياتو قال ليه لا لا كدا انت كترت (المهلبية) خالص.. بلاتر قال ليه ما مشكلة ما ضروري ينقلوها لينا بتقنية (H.D) ممكن بي أي تقنية أقل، حياتو قال ليه شوف يا بلترة سيكافا دي ما بتتنقل إلا بتقنية ال(R.D) بلاتر قال ليه (R.D) يعني ارضي؟، حياتو قال ليه ال(R.D) دا ختم لمن تمشي البنك والشيك يكون بدون رصيد بقوموا يختموه ليك (R.D) وسيكافا دي زي الشيك البدون رصيد فمافي طريقة تتنقل إلا عبر تقنية ال(R.D)، بلاتر قال ليه كيف يعني من دون رصيد؟!.. حياتو قال ليه يعني ما عندها أي مكان من الاعراب دي لا بتصنف التيم الفاز بيها ولا بتنضف التيم من الوصافة والطياشة.. بلاتر قال ليه يا زول ما مشكلة دي محلولة أها تاني محتاجين لي شنو عشان ننجح شرق ووسط امريكيا؟! حياتو قال ليه محتاج ليك لي جمهور أحمر قنع من خيراً في البطولات الكبيرة، بالإضافة لي جمال والي، وأسامة عطا المنان، ومعاوية الجاك وسلك و(هيثمين)، بلاتر قال ليه اشمعنا معاوية واحد وسلك واحد و(هيثمين)، حياتو قال ليه لانو للصفر مثل حظ ال.....(عفواً لقد نفذ رصيدكم الرجاء اعادة التعبئة للتمكن من اتمام هذه المحادثة)!!.
بخاف!!
زمان كان عندنا حبوبة أم أمنا اسمها الرضية الله يرحمها ويغفر ليها، الرضية دي جابت السُرة، حاجة السُرة دي قالوا كان دايرها (موناكو الفرنسي)، لكن ما عارف هي قالت ليه دايرة اقرأ، واللا حاج فرنسي قال لي موناكو سُرة شنو كمان البتمشي عشان ترتبط بيها.. لكن الرواية الراجحة إنو فرنسي كان داير (الزومة) لي موناكو، بس لكن لحدي وقتي ووقتكم دا مافي أي حركة ولا (كشيشة).. في (شيشة) بس، و(الكاف) هو اختصار للاتحاد الافريقي لكرة القدم، والقدم ليها رافع.. المهم دي قصة بحكيها ليكم في يوم من الأيام..هسا خلونا في موضوعنا.. أها الرضية دي عندها بت بت بتها اسمها سالي، سالي دي اتزوجت وانجبت وبين يوم وليلة بقت حبوبة.. اصلو بنات الزمن دا بتلاقيهم تلاتة مرات في حياتك وواحد سمع، تسمع بيها ولدوها، ودخلت الجامعة وطوالي (سيكفوها) طبعاً سيكفوها دي بلغة ناس الوصيف يعني جاء واحد (فاوض) وكيل (حياتها) اللي هو أبوها طبعاً، و(شيل دُق)، شيل دُق نادوا (معتصم جعفر) بتاع العقودات عشان يوقعوا مع العريس (إقرار) مبدئي لحدي ما (يونون) نفسو، يونون نفسو يعني لحدي شهر يونيو بلغة الكورة، ويكون نفسو بلغة (الجكسلوجي).. برضو دا ما موضوعنا أها سالي دي زمان كانت بتسمع من حبوبتها الرضية الله يرحمها كان عندها فزورة واحدة قالتها لي كل أحفادها ما تشوفك جاي ماري بي جنبها طوالي تناديك وتسألك:
=تعال أنشوفك شاطر واللا بليد!!
طبعاً مقدمتها المستفزة بتخليك تتحمشن وتقول ليها:
-أنا شاطر بليد كيف يعني؟!
=خلاص وكت اصلك شاطر وريني الماسورة بت منو؟!
تقعد تفكر وتفكر وفي النهاية تقول ليها:
-الماسورة بت ناس الهيئة بتاعة الموية!!
=كضباً كاضب..
-بت ناس البيت طيب!!
=كضباً كاضب..
-اها طيب يا حبوبة.. الماسورة بت منو؟!
=الماسورة بت (نقط)!!
تقعد تحسبها بت نقط.. بت نقط.. بعد مسافة تفهم انها (بتنقط)
أها قبل كم يوم كدا مشيت لي ناس سالي ديل قلت ياخي عيب الواحد آخر مرة مشى ليهم كان أيام المريخ بلعب في مجموعات بطولة الأندية الافريقية الابطال عارفكم هسا تقولوا (أيييييييك طولت لكن)، فأول ما دخلت لقيتها ما شاء الله تبارك الله عملت ليها تلاتة بنتين و(بليه ديناري).. أها الاجراءات بتاعة قاموا يعملوا الواجب، ومجازفات البارد.. اصلو الزمن دا لو جاك ضيف بجهجه باكاتك، وقاموا قعدوا معاي الولد فصيح جنس فصاحة، والغريبة بشبه حاجة الرضية شبه عجيب، دخلت فيه شمال قلت عشان الواحد يكسر السكات دا:
=بتقرأ في سنة كم يا شاطر؟!
-أنا في (التمهيدي)!!
=يا ساتر.. ما يكون اسمك (جمال) .. وادوكم شنو في التمهيدي؟!
-ادونا نشيد..
=نشيد شنو؟!
-نشيد لمن كنتا سغيرا..
=حافظوا؟!
-ايوا..
=قولوا..
-لمن كنت سغير جبتا لي كاسات.. واحد بتاع سيكاااافا والتاني بي بالبلنتات!!
الوالي عمل لياااا (طابق) ودكاكين ومنشآات.. وقاااال ليا لازم تغلب الوحدات!!
ومشيت الأردن وغلبوني بالسبعات.. وجيت راجع وبقيت ملك الدروووونات!!
والموزيكا تضرب و(التكاسة) تكشف.. أعمل ايه، اعمل (نفرة).. افقد ايه افقد(نقطة)
=شاطر يا ولد.. خلاص انا ح اسألك سؤال لو جاوبتني عليه بديك عشرة جنيه..
طبعاً اتذكرتا حاجة الرضية البتسألك الماسورة بت منو؟! وتجاوبك إنو الماسورة بت نقط، وطوالي قلت ليه:
=لو انت شاطر وريني الماسورة بت منو؟!
سريع سريع ردا عليّ:
-الماسورة (بت) نكت!!
=قلت ليهو:
قصدك بتنقط؟!
الشافع فصيح شديد قال لي:
-ياخي انت من زمن المواسير البتنقط.. شوف يا (عمك) الماسورة ال(بت) شخر دي بتاعة ناس الموية.. وال(بت) نكت فدي بتاعة ناس التمهيدي!!.
قلت ليهو:
=طيب كويس.. وريني آخر نكتة قالتها شنو؟!
قال لي:
-نصرنا للسودان وتخوفاتنا التي ابديناها قبل المشاركة كانت موضوعية بالنظر لظروف الفريق!!.
توقيع الخروج:
شكراً جزيلاً الأخ الجميل محمد الطيب الأمين على مساحتك وعلى وقت قارئك الأجمل.. ولا أراكم الله سيكافا في نادي لديكم!!.
واحشني!!
أغرب حاجة قي كأس دورة سيكافا أنه (مقسطر)، وقد عزا البعض هذه (القسطرة) إلى أنه في حاجة ماسة لعملية بروستاتا.. يرجى من ذوي القلوب الرحيمة مد يد العون، بينما قال البعض الآخر أن الكأس (مبستر) وليس (مقسطر)، وعن نفسي أرى أن (القسطرة) أقرب من البسترة فإذا كان مبستر فهو بقعد اكتر!!.
المريخ والجيش الرواندي (تمهيدي) مُبكر!!
الناظر لدورة سيكافا يجد دائماً أنها مثل الخبز الذي يحتوي على مادة (البوتاسيوم) فهي (تتفتفت) بصورة سريعة ولا تجد لها أثراً، فهي أقرب لانتهاء العزاء الذي ينتهي بانتهاء مراسم الدفن، فكل الفرق التي تتبارى فيها هي فرق (تمهيدي) تتصارع في بداية مشوار بطولة الأندية الافريقية الأبطال لتصبح بعد ذلك معبر للفرق الكبيرة أمثال الترجي التونسي والهلال السوداني إلى دور المجموعات، ومما تقدم فإنني أقول إن مباراة نهائي سيكافا بين المريخ والجيش الرواندي هي تمهيدي مُبكر.. وليت الاتحاد الافريقي اعتمدها في البطولة المقبلة (كسباً) للوقت، ورفض الكاف لهذا المقترح سيكون مقبولاً في حالة واحدة فقط وهي أنه لا يريد أن يضع (كل البيض) في (دورة) واحدة!!.
عبداللطيف أحمد
لو كنت ناكر للهوى زيك!!
الإعلام (السالب) كما يحلو لمجلس إدارة المريخ مناداته أقام الدنيا ولم يقعدها بسبب الشكوى التي تقدم بها سيد أسياد البلد في لاعب فيتا كلوب الكنغولي، ولا أدري حتى هذه اللحظة ماهي علاقة المريخ بهذه الشكوى، فهذا موضوع (عائلي) يخص أسرة بطولة الأندية الافريقية الابطال، ولا دخل لمن هم خارجه بالحديث عنه، فبماذا سيتضرر المريخ المتطيش بستين طيشة لو كسب الهلال الشكوى؟!، وماذا يستفيد فريق الوصيف المتذيل بستين ذيلة لو خسر الهلال الشكوى؟!، هذه الاشياء عائلية، ومن الأفضل لهم أن يتناقشوا فيما يخصهم، فهم من اسرة شرق ووسط افريقيا، من حقهم أن يناقشوا من الذي يتذيل، هل هو عزام أم حسام؟!، وهل ستكون الذيلية مميزة في حال وضع رأس المجموعة الأولى في ذيليتها، أم الأفضل وضع فريق التمباك على رأس المجموعة الثانية في سيكافا، وهل يمكن أن يتم تنظيم دورة سيكافا بمناسبة عيد الام أم بمناسبة تخريج حمودي من الروضة، كل هذه اشياء لا دخل لنا فيها، ودور المجموعات من بطولة الأندية الافريقية الابطال هي مرحلة بلوغ الحُلم، وهي مرحلة لم تصلوا إليها بعد، ولا تعرفوا ما الذي يدور فيها، وعرفتكم بدور المجموعات كعرفتنا نحن بالدور (التمهيدي)!!.

انقر هنا لقراءة الخبر من مصدره.