سودارس : بكري المدينة زي الموبايل الصيني – يا يكون في الشاحن يا مقفول

قالت إنّها خرجت من آلية تحديد أسعار الوقود..الطاقة تكشف تفاصيل 20 باخرة في محيط البحر الأحمر شاهد بالفيديو.. داخل حرم إحدى المدارس.. والي النيل الأبيض ينفعل على وزير التربية والتعليم ويحظى بإشادة الجمهور: (لن أذهب حتى ينتهي البناء) شاهد بالفيديو.. الفنانة هدى عربي تخلع حذائها أثناء الحفل وتدخل في وصلة رقص مثيرة اختبار نسخة مدفوعة جديدة من "إنستغرام" "آبل" تستعد لإطلاق أول آيفون قابل للطي النفط ينخفض 1% بعد تقرير ترامب إنهاء حرب إيران "يغفر الله للجميع إلا باجيو!".. مأساة اللاعب الذي مات واقفا – فيديو عيد ميلاد إيمى سمير غانم.. خطوات ثابتة واختيارات مدروسة فى مسيرتها الفنية قرار لحكومة السودان بشأن معبر أدري قيادي بحزب المؤتمر الوطني يحسم جدل مثير صبري محمد علي (العيكورة) يكتب: *هذا ما قاله لي وزير التعليم العالي والبحث العلمي ظهر اليوم* عثمان ميرغني يكتب: فساد.. الفساد.. والي الخرطوم يوجه وزارة التخطيط العمراني بتطبيق القوانين وتسريع إجراءات معاملات الأراضي جهاز المخابرات العامة يدشن مبادرة العودة الطوعية للاجئين السودانيين من مصر إكتمال فتح الطرق والشوارع الداخلية بمنطقة وسط الخرطوم ارتفاع جديد في أسعار الوقود بالخرطوم شاهد بالفيديو.. رمى عليهم عبوة ناسفة وهرب.. جنود بالدعم السريع يضبطون مرتزق من جنوب السودان في وضع مخل مع سيدة داخل "راكوبة" بمدينة الفولة شاهد بالفيديو.. فنان "ربابة" سوداني يثير تفاعل الجمهور بعد ترديده أغنياته الشهيرة (صورة وصوت) في حفل حاشد بالسعودية الهلال يواجه أُماجوجو لتوسيع فارق الصدارة شاهد بالفيديو.. داخل حرم إحدى المدارس.. والي النيل الأبيض ينفعل على وزير التربية والتعليم ويحظى بإشادة الجمهور: (لن أذهب حتى ينتهي البناء) الأهلي يخسر من ساردية بدوري شندي (أماجوجو والنقطة 54) برشلونة يتلقى دفعة معنوية قبل مواجهة أتلتيكو مدريد شراكة استراتيجية بين "الشباب والرياضة" و"الصناعة" لتمكين المبتكرين ودعم الإنتاج الشبابي كريم عبد العزيز وفريق مطلوب عائليا يبحثون عن دولة أوروبية للتصوير الخارجى أزمة منشطات تشعل دوري أبطال إفريقيا.. الهلال السوداني يشكو نهضة بركان المغربي ل"الكاف" أيهما أكثر فائدة القهوة أم عصير البرتقال صباحًا.. والكميات المناسبة آلام الدورة ليست دائمًا طبيعية.. إشارات تكشف بطانة الرحم المهاجرة مبكرًا فصيلة الدم تكشف احتمالية الإصابة بالسكري السيسي للرئيس ترامب: لا أحد يمكنه وقف الحرب في المنطقة إلا أنت "فيفا" يتّخذ موقفًا حازمًا بشأن مشاركة إيران في كأس العالم مصر.. الدولار يقترب من 54 جنيها لأول مرة سارة بركة: أحمد العوضى مجتهد بشكل كبير وبيحب شغله جدا اختيار غير متوقع لمستقبل "الملك المصري" وجبة سمك تُنهي حياة 3 سودانيين بالقاهرة وتتسبب في إصابة 4 آخرين بحالة تسمم غذائى حاد بسبب ضعف الراتب.. وزير الثروة الحيوانية بالسودان يبحث عن عمل إضافي رئيس الوزراء يصدر قرارًا بشأن الرسوم الجديدة في المعابر محمد عبد الباسط يكتب: لهذا تحركت باكستان الآن للوساطة بين أمريكا وإيران السكوت على هذا الأمر لا يرضي الله ولا رسوله!! ارتفاع أسعار الذهب في السودان الخليج الضحية الكبرى: إيران وجهت 83% من هجماتها إليه… و17% فقط إلى إسرائيل مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية ترامب يصدر أوامره ويكشف تطورات مثيرة مع إيران الأمن يداهم مخزن يبيع الوقود المهرب لعصابات التنقيب عن الذهب رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة ضبط 238 كجم من "الآيس" وأسلحة بجانب نحاس بولاية البحر الاحمر ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد قيم الهلال المتوارثة يجب أن تبقى أبد الدهر في زمن الضجيج.. القرآن بوصلة المعنى والسكينة د.مزمل أبو القاسم يكتب: دموع الباز.. وزاهر! (2) السودان.. الدفاع المدني يستعين ب"التوك توك" طفح جلدي في رقبة الرئيس ترمب يثير تساؤلات حول صحته صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

بكري المدينة زي الموبايل الصيني – يا يكون في الشاحن يا مقفول

قوون نشر في قوون يوم 17 - 11 - 2014

الشخص كان من تلقاه شايل ليه (مناديل ورق) – يا عندو نزلة حادة يا كمان بحب
"""""""""""""""""""""""""""""""""
لمن زادوا (اللحمة) – كان الفنان بغني في الحفلة (وتمر بي من غير كلام ولا حتى بتقول السلام)
"""""""""""""""""""""""""""""""""""
زيدان – كانت فرحتو محدودة – لم يكن يفرح إلّا في (اكون فرحان يوم تكون جنبي)
"""""""""""""""""""""""""""""""""
الزول وقت يكون عندو فانلة سقط (كاربة) بشعر بي نفسو زي سفير للنوايا الحسنة
""""""""""""""""""""""""""""""
• الفنان النور الجيلاني – عندما كانت في البلاد ازمة مواصلات حادة كان ببدأ حفلتو بي (كدراوية).
• الناس تضاير.
• الناس تتحاذق.
• الناس تتراوح.
• والما عندو مناديل ورق يعمل ليه مناديل ورق.
• زمن – الثقافة كانت في (مناديل الورق).
• الشخص كان من تلقاه شايل ليه (مناديل ورق) – يا عندو نزلة حادة يا كمان بحب.
• وما في اي علاقة بين النزلة الحادة والحب.
• لكن حكمة الله – (مناديل الورق) بتلم الحاجات دي.
• كان واحد من الشفوت بقوم من آخر صف في الحفلة وبقول للنور الجيلاني وهو بغني في (كدراوية) في ازمة المواصلات : (الله عليك يا معلم).
• ثم يعود (مكرفسا) لكرسيه – زي كأنو ما قال حاجة.
• الوقت داك كان في (برد) شديد – برد بلقط (نخيران) الشفع في المدارس – والقراصة الحارة – والزلابية السخنة – وفانلة السقط.
• الزول وقت يكون عندو فانلة سقط (كاربة) بشعر بي نفسو زي سفير للنوايا الحسنة.
• البرد زمان كان عندو طعم – وعندو (قراصة) براهو.
• زلابيتو براها.
• ما زي (برد) الايامات دي – الواحد يكب ليه صفيحة موية فوق رأسو عشان يشعر بيه.
• الدنيا كانت بي ببردها.
• وكان الفنان الشفت – عندما تم تحويل المواقف – ولخبطوها لينا (بقينا نفتش في المواقف زي الشافع الرايح).
• بقينا (ننقب) عن المواقف زي الدهب.
• في الوقت داك – كان الفنان الشفت ببدأ حفلتو ب (ومشيت معاك كل الخطاوي الممكنة البقدر عليها وبعرفها).
• وكان وقت يسألوه ويقولوا ليه انت قاصد شنو؟.
• بقول ليهم : والله ما قاصد اي حاجة – يعني بكون قاصد (الكفتة).
• ما واضحة.
• والكفتة في الحتة دي ما عندها اي علاقة.
• ولا عندها دخل بالموضوع.
• انا مرات بلخبط ساكت.
• ما تشتغلوا كتير بي كلامى.
• ولمن زادوا (اللحمة) – كان الفنان بغني في الحفلة (وتمر بي من غير كلام ولا حتى بتقول السلام).
• الناس كلها كانت (فايتة).
• ما في زول فايق.
• وما في زول بقيف ليه مع زول.
• الشاعرة حكمت يس كتبت يوما (صدقني ما بقدر اعيد) – من التاريخ داك – وزارة التربية عملت رسوم اضافية للإعادة.
• والطلبة بقوا ما بعيدوا إلّا بالمساء.
• بقوا لو عاوزين يعيدوا لينا الهدف بالبطيء – إلّا يدفعونا (رسوم).
• (وقصة غرام بالشوق بدأت – قصة غرام دابها انتهت كيف تاني نرجع من جديد).
• نرجع من جديد – عشان نعمل شنو؟.
• تاني ح تقول لي نفتح صفحة جديدة.
• ونبدأ من الصفر.
• عشان ببدأ ليك.
• هو قالوا ليك الناس فاضية كدا.
• في وقت للحاجات دي.
• بتذكر.
• من الحاجات البحكيها خالد الصحافة انه عندما سافر الى قطر وقابل الفنان الراحل مصطفى سيد احمد لاول مرة – ان مصطفى سيد أحمد اول ما سأله – سأله عن عبدالمنعم الخالدي.
• بقول خالد الصحافة ..مصطفى قال ليه الخالدي دا فنان خطير ..عندو قدرات خرافية – وكان مصطفى يسأل عن الخالدي خوفا عليه – يعرف ان الموهبة التى يحملها قلقة.
• وكان زيدان ابراهيم وهذا امر نشهد به – يحمل محبة خاصة للفنان عبدالمنعم الخالدي – عندما رحل الاخير تحدث عنه زيدان بحزن كبير – تشعر ان (الحزن) يغوص في اعماق زيدان ويحفر فيها.
• وزيدان يتغلب على الحزن بنحافته المميزة وسخرية حادة.
• زيدان – كانت فرحتو محدودة – لم يكن يفرح إلّا في (اكون فرحان يوم تكون جنبي).
• هذه هي الحالة الوحيدة التى ضبط فيها زيدان ابراهيم (فرحان).
• ومن الاغاني القليلة جدا ..واللحظات النادرة في الاغنية السودانية التى خلدت للفرح.
• نحن بنميل بطبيعة الحال الى (الحزن) – تلقونا قاعدين مكسرين كدا قدام الفصول ما عارفين نعمل شنو؟.
• في اللحظة دي اي زول بمر عليه ...(هوا) مغوبش كدا عندو صوت – يخلي ليك الزول اغبش متل شوال الدقيق.
• الله يرحم مصطفى سيد احمد.
• والله يرحم عبدالمنعم الخالدي.
• والله يرحم زيدان ابراهيم.
• الناس ديل مشوا خلوا لينا فصول الحزن للاعادة.
• فتحوا لينا مدارس في دواخلنا وفاتوا.
• بقينا منتظرين (جرس الحصة).
• عليكم الله – في اجمل من جرس حصة الانجليزي وقت يضرب.
• نتفن في الحزن ووقت نطلع على البيوت – بنرمي الكراريس – تقول بكرة ما في مدرسة.
• زي كأنو علاقتنا انتهت بالمدرسة.
• وقت الواطة تصبح ..نفتكر ان هناك مؤامرة كانت علينا (الليل مالو بقى قصير كدا).
• حالا تصبح.
• نخش ونمرق.
• اخطر زول طلع في حرف العين – هو الفنان احمد الجابري – وقت يغني ليك (ملك الطيور) تشيل تلفونك بدون ما تشعر بتلقى نفسك ضارب التلفون.
• الجابري قدم الاغنية وهى في حالة (طرية) خضراء ومقطوعة يا دوب.
• عليكم الله هسع في اخطر من كلمات ابوامنة حامد (ما نسيناك جاي تعمل ايه معانا).
• طوالي تشيل (شنطتك) وتتخارج.
• تاني ما نشوفك هنا.
• الشارع ما يجيبك.
• يلا – اقطع وشك.
• ام درمان كانت حلوة كدا – فيها الجابري وابراهيم عوض وعبدالرحمن الريح وسيف الدين الدسوقي وابراهيم الرشيد وجكسا.
• جكسا كان بقاسهم الروعة – ما فاضل ليه إلّا يغني معاهم.
• عليكم الله ام درمان عاوزة اكتر من كدا شنو؟.
• ليها حق ام درمان تتفرد.
• وتطلع براها.
• وترفع السعر.
• وترفع القزاز كمان.
• ابراهيم الكاشف كان عندو ورشة نجارة في الموردة.
• وابراهيم عوض كان عندو في ام درمان ورشة حدادة.
• اتخيلوا كدا الصباح تكون في ورشة نجارة ابراهيم الكاشف – والعصر تكون في ورشة حدادة ابراهيم عوض.
• دكتور شنو؟.
• والله من (الورش) ديل تطلع زي الطلقة – ما بتكون محتاج اي حاجة.
• هسع لو قالوا ليك (الورش) الكلها حديد وخشب وزيوت ومسامير طلعت كل هذه الالحان – طلعت كل هذا الجمال بتصدقوا.
• من ورشة نجارة ابراهيم الكاشف طلعت (الشوق والريد).
• ومن ورشة حدادة ابراهيم عوض طلعت (يا ملاذ افكارنا).
• في زول بصدق الحاجات دي.
• انتوا مالكم عاوزين تكسروا فينا (ضلعة).
• ما فضل فينا شيء.
• كلهن اتكسرن.
• يا جماعة نحن الحصل علينا شنو؟.
• مالنا نحن؟.
• ليه اتراجعنا كدا؟.
• ما تعاينوا لي – انا ما عندي اي ذنب – ولا عندي مشكلة.
• عليكم الله في ابدع من (ليه بتسأل عني تاني بعد ما شلت الاماني) – الاغنية التى كتبها محجوب سراج ولحنها السني الضوي وتغني بها ابراهيم عوض.
• الزول - دي مفروض يدخل ليها (اعادة) خاصة.
• هسع لو جبت ليك (شاعر) ووديتو القمر ..ممكن يكتب كلمات زي الكلمات دي.
• والله كلمات متقاطعة ما يكتبها.
• ما في كرامة اعلى من كدا.
• ما في حتة ارفع من الحتة دي.
• نفر وشوشنا متل (طبق الكسرة).
• .........
• ملحوظة : انت الليلة مالك؟.
هوامش
• انت الليلة نسيت بكري المدينة وإلّا شنو؟.
• بكري وعلي جعفر ديل اكتر ناس (بكوركو) في الملعب.
• المباراة كلها بهرجوا.
• مع الرواشة جايبة ليها هرجة.
• غايتو راجيكم جنس موسم يا ناس المريخ.
• ح تتفقعوا لينا بين الشوطين.
• نحن زمان كنا متلخبطين.
• قلنا ليهم يا جيبوا (الكشافات) من المريخ للهلال.
• يا كمان شيلوا بكري المدينة وودوه للكشافات في المريخ.
• ديل لازم يتلموا في حتة واحدة.
• الشفوت – شالوا بكري المدينة وودوه المريخ.
• عشان يقابل (الكشافات) عدل.
• ان شاءالله المالي الليلة يكون وصل.
• طبعا ممكن عادي جدا الطيارة تفوتو.
• تقول ميسي.
• انت الطيارة بتفوتك ليها.
• البشوف جري بكري المدينة يقول الزول دا بجيب في المباراة (11) قون غير لوري الطوب البنزلو.
• وما في كلام بالشكل دا.
• بكري المدينة زي الموبايل الصيني يا في الشاحن – يا كمان مقفول.
• عاوز (كهربة) تقيلة.
• كمان نحن ما بنعرف الموبايلات الصينية.
• عارفنها.
• وعارفين بكري المدينة.
• بكري المدينة وعنكبة كنبة واحدة ما بتستحملهم.
• ح تستحملهم تشكيلة كيف؟.
• شيلوا شيلتكم.
• واحسن يا مزمل ابوالقاسم تركزوا من هسع مع الاهلي شندي.
• اخير ليكم الاهلي شندي.
• على الاقل الاهلي شندي التالت عندو مضمون.
• انتوا السنة دي لو ثبتو في الممتاز يا مزمل ما قصرتو.
• ..........
• عاجل : بكري المدينة دا لمن يقوم يسخن – الواحد بشيل هم للمقصورة.
•

انقر هنا لقراءة الخبر من مصدره.