سودارس : الترجي نسانا رقبتنا

ما حقيقة أسر العميد محمد منصور قائد اللواء 16 مشاة بالكرمك؟ رئيس الوزراء يصدر قرارًا بشأن الرسوم الجديدة في المعابر القنصل حازم مصطفى يجتمع بلاعبي سيد الأتيام بالمنتخب في جدة جان كلود يُسجّل هدفًا رائعًا ويقود بوروندي لانتصار ثمين أمام تشاد في تصفيات أمم إفريقيا بروح قتالية عالية.. الهلال يضع اللمسات الأخيرة لمواجهة «روتسيرو» بحثاً عن الصدارة والثأر توضيح لجنة المنشآت بنادي المريخ : دورنا فني فى ملف المنشآت واللجنة القانونية تتولى اجراءات الاخلاء تقارير تكشف عن تحرّكات كبيرة للجيش السوداني محمد عبد الباسط يكتب: لهذا تحركت باكستان الآن للوساطة بين أمريكا وإيران مسؤول الطيران المدني يعلن جاهزية مطار الخرطوم لاستقبال الرحلات الإقليمية بالصورة.. في مفاجأة كبيرة.. محترف جزائري ينضم لقائمة المنتخب السوداني استعداداً لمواجهة السعودية شاهد بالفيديو.. التيكتوكر "تجاني كارتا" يزور الفنانة مروة الدولية في منزلها ويطالبها بالعدول عن قرار الاعتزال: (لن أتزوج ولن أكمل ديني لو ما غنيتي في عرسي) ترامب ينهى تقليدا عمره 165 عاما متعلقا بالدولار.. ما القصة؟ الكرمك: ليس حدثاً عابراً ماذا قال العميد طارق كجاب بعد إحالته المفاجئة للمعاش؟؟ السكوت على هذا الأمر لا يرضي الله ولا رسوله!! حتى لا نخسر ما كسبناه الأهلي يُعيد النظر في رواتب اللاعبين لإنهاء "فتنة أوضة اللبس" هدف واحد يفصل مبابى عن لقب الهداف التاريخى لمنتخب فرنسا اتفرج واتمتع.. جميع أهداف محمد صلاح ال50 في دوري أبطال أوروبا إيلون ماسك يطعن في حكم تغريمه 2.5 مليار دولار في قضية "تويتر" عمرو دياب يحيى حفلا غنائيا فى تركيا 2 أغسطس دراسة : النشاط البدني مفتاح الوقاية من السكري رغم زيادة الوزن شاهد بالفيديو.. سودانية تطلب الطلاق من زوجها على الهواء: (لو راجل كنت منعتني من الظهور في "تيك توك" واللواء ستاير أحسن منك ياريت لو أتزوجته بدلاً عنك) شاهد بالصورة والفيديو.. بعد انتشار ظاهرة "حق الملاح".. ناشطة سودانية تحصل على آلاف "الدولارات" هدية من زوجها ارتفاع أسعار الذهب في السودان أحمد العوضي : بشكر جمهوري إنه عمره ما خذلني وصاحب الفضل فى نجاحي شيماء سيف تنشر فيديو طريف مع زوجها محمد كارتر على إنستجرام لأول مرة.. حكم يحمل إنستغرام ويوتيوب المسؤولية عن إدمان وسائل التواصل دراسة تكشف ترابطا بين أمراض معدية وخطر الإصابة بالخرف 10 أطعمة يجب تناولها لعلاج نقص البوتاسيوم 10 ثوانٍ فقط للمستبدل .. فيفا يعلن تطبيق حزمة تعديلات تحكيمية في المونديال السودان ومصر يوقعان بروتوكول مشترك لمكافحة بعوضة الجامبيا الخليج الضحية الكبرى: إيران وجهت 83% من هجماتها إليه… و17% فقط إلى إسرائيل مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية ضبط 2800 قندول بنقو بالجزيرة في عملية نوعية لمكافحة التهريب ترامب يصدر أوامره ويكشف تطورات مثيرة مع إيران هل مخالفة ترامب خلل في الكون؟! الأمن يداهم مخزن يبيع الوقود المهرب لعصابات التنقيب عن الذهب تراجع معدّل التضخّم في السودان بادي يصدر مرسوم تنظيم أعمال التعدين التقليدي وضبط آليات التعدين بالنيل الأزرق رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة شركة كهرباء السودان تحديث حول سير أعمال الصيانة الطارئة للشبكة القومية ضبط 238 كجم من "الآيس" وأسلحة بجانب نحاس بولاية البحر الاحمر ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد أغلى علبة كعك في مصر تشعل مواقع التواصل قيم الهلال المتوارثة يجب أن تبقى أبد الدهر في زمن الضجيج.. القرآن بوصلة المعنى والسكينة د.مزمل أبو القاسم يكتب: دموع الباز.. وزاهر! (2) السودان.. الدفاع المدني يستعين ب"التوك توك" طفح جلدي في رقبة الرئيس ترمب يثير تساؤلات حول صحته ملتقي التحصين للعام 2025 ينعقد بحضور التحالف العالمي للقاحات والشركاء صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

الترجي نسانا رقبتنا

قوون نشر في قوون يوم 17 - 04 - 2015

موقع كووورة عربية ..مواجهة الهلال لسانجا باليندي هي المواجهة الوحيدة التى وصفها بالصعوبة
لعب الهلال في كوستي امام الرابطة ..ولم يكن الهلال مقنعا في تلك المباراة رغم الانتصار
• اقول ليكم حاجة...(الواحد بقى لو عاوز يقول ليه حاجة يتلفت متل بدال العجلة).
• متل (مكوة الفحم).
• عليكم الله هسع في علاقة بين (التلفت) و (مكوة الفحم).
• بس ساكت الواحد بيقترع ليكم في حاجات.
• ح اقول ليكم حاجة بس ما تطلع من العمود دا.
• اعتبروها (سر).
• خشمكم خفيف.
• وطبعكم كعب.
• ما تسمعوا ليكم حاجة.
• الحلة كلها تسمع.
• الواحد ما يقول ليكم شيء...يلقاها حايمة في البلد كلها.
• الحاجة العاوز اقولها ليكم ما تطلعوها برة.
• خلوها بيني وبينكم بس.
• الموضوع دا لو سمعوا بيه ناس (سلك) ما بريحونا.
• ما بقعدونا في البلد.
• ناس هيثم كابو ..بيزيدوا الحاجات.
• بيضربوها في عشرة.
• بخلوا (الجقور) ويقبولوا علينا.
• هيثم كابو من الزيادة البعمل فيها ..الحفلة تكون بي طه سليمان يقول ليك بي عقدة الجلاد.
• تكون بي انصاف فتحي ..يقول ليك بي كورال الاحفاد.
• بيزيدها كابو.
• ريماز ميرغني بطلعها ليك البلابل.
• زيادة تقيلة.
• ومنتصر الهلالية بقول ليك ميرغني المامون ومبارك حسن جمعة.
• عشان كدا ما تطلعوا ليكم (حرف) من العمود دا برة.
• جيبوا اضانكم جاي.
• ارخوا لي سمعكم.
• لو جينا للجد .. نحن نسينا نفسنا.
• سرحنا عديل كدا.
• عملناها ليكم كلها (الترجي).
• نحن مالنا ومال الترجي.
• يجي بي طيارة خاصة ..او يجوا بي الميناء البري.
• نحن مالنا.
• لكن الطيارة الخاصة بتخلع.
• الترجي دا كان من بقية اهلنا!!.
• نحن مالنا!!.
• نسينا نفسنا.
• نسينا رقبتنا.
• وبقت شغلتنا كلها (الترجي).
• الترجي دا هسع الطيارة الخاصة دي ح يجيب لينا فيها شوال اسمنت واحد معاه للجوهرة الزرقاء.
• ح يساهم معانا بي (طوبة).
• شنو؟..كل مرة الترجي ..الترجي.
• نحن عارفين يانغ دا لو لاقى ليه (جمال سالم) بشقوا ليكم على (15) حتة.
• نحن عارفين كدا.
• لكن مالنا ومالهم.
• يانغ بخلع لكن.
• عارفين ..عندهم اليعقوبي ...ممكن (ضفر) يقطعوا ليكم على (51) قطعة.
• لكن نحن مالنا.
• الهلال امامه يوم الاحد مواجهة مولعة نار.
• نحن ساكت عملناها ليكم (الترجي).
• مباراة الهلال اصعب.
• مباراة موت عديل كدا.
• انتوا ما عارفين الراجينا نحن شنو في الكونغو؟.
• موقع كووورة عربية ..مواجهة الهلال لسانجا باليندي هي المواجهة الوحيدة التى وصفها بالصعوبة.
• ونحن قاعدين هنا ما جايبين خبر.
• عاملنها ليكم كلها (الترجي).
• موقع كووورة عربية قال عن مباراة الهلال : (يواجه الهلال ، الممثل الثاني للكرة السودانية في البطولة ، مهمة ليست سهلة أمام مضيفه سانجا باليندي بطل الكونغو الديمقراطية، الذي فجر مفاجأة كبيرة بتغلبه على القطن الكاميروني في دور ال32).
• كووورة عربية قالت كدا نحن نقول شنو؟.
• بس لمعلومية كووورة عربية (المجلية)..الهلال هو ممثل السودان الاول وليس الثاني.
• الهلال بطل الممتاز يا ناس كووورة لمن تكتبوا ليكم معلومة ..اكتبوها زي الناس.
• دولارات جمال الوالي دي كمان ما تأثر فيكم.
• تاني شنو؟.
• الهلال بي عظمتو دي كلها بيقولوا عليه ممثل البلاد التاني.
• انتوا درستوها وين؟.
• نحن الاول – صلحوا كلامكم يا ناس كووورة عربية.
• لكن خلونا نتفق مع كووورة عربية ..ان مواجهة الهلال هي المواجهة الاصعب.
• وهي مواجهة تحف بها المخاطر من كل جانب.
• الكورة الكونغولية معروفة بالسرعة والمهارات ..وكل انديتها تعتمد على الهجوم والاهداف الغزيرة.
• والهلال مع ايقاع الكورة السريعة ما بعرف يتعامل. (الكلام دا ما تطلعوه برة العمود).
• احفروا ليه وادفنوه قبلو.
• سانجا باليندي فريق معروف في الكونغو وهو صاحب تجارب كانت كبيرة ومشرفة في البطولة الافريقية الحالية حقق نتائج اكثر من جيدة.
• كما ان ملعب مباراة الهلال وسانجا باليندي ملعب (تاتا رفائيل) ...معروف بانه ملعب الموت.
• موت عديل كدا.
• ونحن هنا المساكين شغالين بالترجي.
• والله اخير الترجي من سانجا باليندي دا.
• على الاقل الترجي معروف ..واسمه كبير ..الكلام (سانجا باليندي) الفريق الذي يخفي خطورته ويتعامل معه الهلال على انه فريق سهل.
• وهو فريق خطير.
• اعملوا حسابكم ..واوعكم من الخسارة الكبيرة في الكونغو.
• اوعكم تستقبلوا اهداف كثيرة في الكونغو ..سانجا باليندي ممكن يعملها.
• الهلال غادر الى الكونغو وهو يشكي من عدد من الإصابات ..كفى اننا سوف نفقد الغاني نيسلون.
• غير ذلك – والكلام دا ما يطلع برة العمود دا ..الهلال الايامات دي غير مقنع.
• لم يكن الهلال مقنعا امام مريخ كوستي وقد تعادل الهلال مع ضيفه في ام درمان.
• ولعب الهلال في كوستي امام الرابطة ..ولم يكن الهلال ايضا مقنعا في تلك المباراة رغم انتصار الهلال.
• الهلال يقوده جهاز فني جديد ..ويعاني الفريق من عدم استقرار فني ويمر معظم لاعبي الهلال بانخفاض في المستويات.
• يا جماعة الكلام دا انا بقولوا بيني وبينكم – ما يطلع برة العمود دا ..وما يسمع بيه زول غريب.
• الهلال عاوز ليه (صبر).
• وما عاوزين الهلال في ظروفه الصعبة دي يتعرض لتجربة كبيرة ..وهو في غفلة من امره.
• يجب الانتباه لمباراة الاحد.
• هي مباراة خطيرة...اللخبطة والخرمجة فيها يمكن ان تنعكس على الهلال طوال الموسم.
• على الاقل سوف تجعلنا قراب من الخروج من دوري ابطال افريقيا.
• اما اذا قدم الهلال مباراة جيدة في الكونغو باذن الله وتوفيقه وخرج بنتيجة ممتازة فان الهلال سوف يبدأ صفحة جديدة.
• صفحة اكثر اشراقا.
• سوف نكون قاب قوسين او ادنى من مرحلة المجموعات.
• ومرحلة المجموعات يمكن ان يضيف فيها الهلال وهي مرحلة في حد ذاتها تمنح الهلال دفعة معنوية تجعله قادر على الذهاب بعيدا في كل البطولات التى يشارك فيها.
• مهم جدا ان يحسن الهلال التعامل مع مباراة الاحد ..وان يعرف بان يخرج بافضل النتائج.
• اذا لم يكن امام الهلال امكانية للفوز في مباراة الاحد او التعادل يجب ان لا يخسر خسارة تجعل تأهله لمرحلة المجموعات امرا مستحيلا او صعبا.
• يجب ان لا تستقبل شباك الهلال اهداف تصعب مهمته في الخرطوم.
• نخشى على الهلال لأنه يلعب مباراة الاحد دون ان يضع احتمالات للحذر ..ولا يضع حسابات للحيطة.
• والمباريات التى تأتي في مثل هذه الظروف دائما الخسارة تكون فيها واردة.
• لذلك يجب الانتباه والتعامل مع المباراة بعقلانية.
• الفريق الذي يستقبل الهلال الاحد بعد غد فريق غير ساهل ..وصاحب خطورة كبيرة.
• اضف الى ذلك ..كما اشرنا وظللنا نردد كثيرا ان الهلال مستواه الى الآن غير مقنع.
• فوزي المرضي شاهد سانجا باليندي في مباراته السابقة وهو قادر على تقييم الفريق بصورة اقرب الى الواقع.
• مطلوب من الهلال ان يعرف ماذا يريد في مباراة الاحد.
• ما تدخلوا لينا المباراة دون ان تضعوا حسابات لسانجا باليندي.
• الفريق خطير ..وهو اخطر من (الترجي).
• بس ناس المريخ ديل نحن ساكت قاعدين نطيّر في قلوبهم.
• نحن ساكت شايلين حالهم.
• وهم قاعدين يصدقوا.
• المريخ خلوه.
• نحن البمرقنا شنو؟.
• ان شاءالله الله يشوفنا ..ونعود من الكونغو بالنتيجة التى نحسم بها موضوع التأهل لمرحلة المجموعات من هناك.
• ما عاوزين نحمل مباراة ام درمان اكثر مما تحتمل.
• ما عاوزين نعيّش جماهير الهلال في حالة ضغط.
• عاوزين الهلال يلعب مباراة ام درمان وهو قد حسم أمر التأهل لمرحلة المجموعات من مباراة الذهاب.
• مباراة الإياب ..(خروف) واحد ما عاوزنو ليها.
• ..........
• ملحوظة : لكن الترجي صعب!!.
هوامش
• المدير الفني للترجي الرياضي التونسي لكرة القدم ، جوزي ديمورايس قال في مؤتمر صحفي امس : (تعليماتي للاعبين واضحة لابد ان نعود الى تونس والفوز في الجيب وانا اعرف جيدا ما أقول وانا واثق من ان الترجي يملك الإمكانيات التي تؤهله لذلك).
• الزول دا ما واضع اي اعتبار لي ناس بكري المدينة.
• ديمورايس قال الفوز في الجيب.
• نوع دا يلعبوا معاه كيف؟.
• ناس (ضفر) الحاجات دي لا بقدروا عليها ولا حاجة.
• اوعكم تكونوا عشمانين (ضفر) يجيب ليكم قون.
• انتوا بتحلموا.
• يا زول انت احسن ليك تركز في سانجا باليندي.
• الترجي دا هسع ابعد منو.
• انساه.
• انساه كيف؟.
• الكلام البقول فيه ديمورايس دا بتنسي.
• دا كلام ما بنسوه بالساهل.
• زول قال الانتصار في الجيب.
• قدر ما نقول نركز مع سانجا باليندي..مدرب الترجي ديمورايس يقول ليه كلام يرجعنا تاني للترجي.
• لكن برضو يا ناس الهلال احسن تركزوا في الكونغو.
• مباراة الهلال صعبة.
• وأخطر من مباراة الهلال.
• .........
• عاجل : نحن لو سكتنا عن (الترجي)..الطيارة الخاصة دي نسكت عنها كيف؟

انقر هنا لقراءة الخبر من مصدره.