سودارس : (أربعات) جمال سالم ظهرت مقدما في (برج العرب)

كاف يراوغ ببراعة قائمة المجلس الحالي تتقدم مرة أخرى لقيادة الرومان الأهلي يتعادل امام المسيكتاب بدوري شندي مقررات الاجتماع الدوري لمجلس تسيير نادي المريخ حسين خوجلي يكتب: فريقان وعميد ودم وشهيد نظرة على مؤتمر WWDC 2026.. نظام iOS 27 وSiri المدعوم بالذكاء الاصطناعي ميزة جديدة فى أندرويد 17 تمنح المستخدم سيطرة كاملة على إشعارات التطبيقات تحديثات جديدة في إصدارات "أبل" بمميزات متطورة شاهد بالصورة والفيديو.. "بلوغر" سودانية حسناء تخطف الأضواء بجمالها الملفت شاهد بالصورة والفيديو.. دخل معها في وصلة رقص مثيرة.. الفنان محمد بشير يتعاقد مع "راقصة" مصرية لإشعال حفل عيد ميلاده شك بورم في الرئة.. نجل عبد الرحمن أبو زهرة يكشف تفاصيل جديدة الزمالك فى مواجهة قوية أمام المصري بافتتاح منافسات مجموعة التتويج بالدوري على غرار روسيا.. إيران تطالب فيفا بتجميد عضوية إسرائيل مصر تستضيف بطولة أفريقيا لناشئي البادل فى يونيو المقبل قضية أثارت جدلاً.. براءة عصام صاصا من تهمة المشاجرة بملهى ليلي باسم سمرة: الدنيا بقت عين سحرية والمسلسل واكب العصر والحداثة إطلالة جديدة للفنانة كارولين عزمي بالفستان الأبيض أعمال جمعت بين دنيا وإيمي سمير غانم قبل تعاونهما المسرحي الجديد ماذا يحدث عند شرب القهوة يوميا لمدة 14 يوما؟.. فوائد لا تتوقعها كيف تقيس ضغط الدم في المنزل؟.. أخطاء شائعة قد تُفسد دقة النتائج الفواكه والخضروات مفيدة إذا عرفت كيف تأكلها.. تعرف على أفضل الطرق الصحية شاهد بالصور.. بإطلالة أنيقة الفنانة إيمان الشريف ترد على هجوم النشطاء بشأن التسجيلات المسربة لها: (التجاهل صدقة جارية علي فقراء الأدب) شاهد بالصورة والفيديو.. دخل معها في وصلة رقص مثيرة.. الفنان محمد بشير يتعاقد مع "راقصة" مصرية لإشعال حفل عيد ميلاده شاهد بالفيديو.. الفنانة إيمان الشريف تفاجئ جمهورها بظهورها "عروساً" مع ممثل مصري معروف المدير العام لقوات الشرطة يتفقد مكان حادثة الإنفجار ببرى ويطمئن مواطنى المنطقة وزير الداخلية يبحث مع نظيره المصري تعزيز التعاون الأمني وتبادل الخبرات ضبط شبكة إجرامية خطيرة في الخرطوم شاهد بالفيديو.. من هو مجاهد سهل رئيس نادي المريخ؟ تعرف على مجال عمله والشركات التي يديرها!! قوات الدفاع المدني تنفذ حملة واسعة النطاق لمكافحة نواقل الأمراض وإصحاح البيئة بمحلية جبل أولياء بالصورة والفيديو.. شاهد لحظة القبض على أخطر شبكة تقوم بسرقة العربات و"اسبيراتها" بالخرطوم بعد كمين محكم تطوّرات في ملف شكوى الهلال ونهضة بركان بالصورة والفيديو.. شاهد لحظة القبض على أخطر شبكة تقوم بسرقة العربات و"اسبيراتها" بالخرطوم بعد كمين محكم اللجنة الإقتصادية العليا تصدر عدداً من القرارات المهمة لتحقيق استقرار سعر الصرف وزير المعادن ونائب المدير العام المفتش العام للشرطة يدشنان مركبات لتعزيز مكافحة تهريب المعادن وتأمين مواقع التعدين السودان.. وزير يشرع في تكوين قوّة عسكرية ضاربة..ماذا هناك؟ ارتفاع وارد واسعار الذرة والسمسم بسوق القضارف قالت إنّها خرجت من آلية تحديد أسعار الوقود..الطاقة تكشف تفاصيل 20 باخرة في محيط البحر الأحمر عثمان ميرغني يكتب: فساد.. الفساد.. شراكة استراتيجية بين "الشباب والرياضة" و"الصناعة" لتمكين المبتكرين ودعم الإنتاج الشبابي السيسي للرئيس ترامب: لا أحد يمكنه وقف الحرب في المنطقة إلا أنت مصر.. الدولار يقترب من 54 جنيها لأول مرة وجبة سمك تُنهي حياة 3 سودانيين بالقاهرة وتتسبب في إصابة 4 آخرين بحالة تسمم غذائى حاد رئيس الوزراء يصدر قرارًا بشأن الرسوم الجديدة في المعابر محمد عبد الباسط يكتب: لهذا تحركت باكستان الآن للوساطة بين أمريكا وإيران الخليج الضحية الكبرى: إيران وجهت 83% من هجماتها إليه… و17% فقط إلى إسرائيل مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية ترامب يصدر أوامره ويكشف تطورات مثيرة مع إيران الأمن يداهم مخزن يبيع الوقود المهرب لعصابات التنقيب عن الذهب رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة الشيخ بن زومة.. إلى جنة الخلد قيم الهلال المتوارثة يجب أن تبقى أبد الدهر في زمن الضجيج.. القرآن بوصلة المعنى والسكينة د.مزمل أبو القاسم يكتب: دموع الباز.. وزاهر! (2) السودان.. الدفاع المدني يستعين ب"التوك توك" طفح جلدي في رقبة الرئيس ترمب يثير تساؤلات حول صحته صوت لا يغيب.. محمد رفعت ورحلة الآذان الخالد في رمضان شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

(أربعات) جمال سالم ظهرت مقدما في (برج العرب)

قوون نشر في قوون يوم 20 - 07 - 2015

شفتوا الزول (العيان) من يقولوا ليك : هو عندو اولاد؟...اقنع منو؟.اعرف الموضوع خطير

والله قلبكم قوي ساكت...غارزيتو الشفت..غارزيتو الفرنسي بقى يفتش في البدائل..غارزيتو بقى يبدل في دولاراته

اخوك لو حلقوا ليه بل رأسك...والحلق دا ما اخوك...دا جمال سالم ذاتو

يقولوا ليك والله الزول دا جابوا ليه (ملاح القرع) .. ضربوا ليك وفقش ليه (بصلة) معاه ..ورقد مات
******************************************************

· (حسن ود خالصة) زول اخضر وطويل زي (الباب الما فيه جرس) ..كان راقد ليه في (عنبر) وحالتو تعبانة شديد.

· عنبر لا فيه دكاترة ولا مراوح.

· الدكاترة ما مشكلة – لكن في السخانة دي عنبر بدون (مراوح) يقعدوا فيه كيف؟.

· الباب الما فيه جرس علاقتوا بالموضوع دا شنو؟.

· بس دي حركات منكم ساكت يا الهلالاب.

· اي زول بشوف ليك (حسن ود خالصة) بقول ليك الزول دا ما بعيش.

· ما بمرق منها.

· زول الموت ظاهر.

· شفتوا الزول (العيان) من يقولوا ليك : هو عندو اولاد؟...اقنع منو؟.

· اعرف الموضوع خطير.

· حسن ود خالصة كان راقد جوارو في العنبر (الطيب ود كتمنبو).

· الطيب ود كتمنبو ما كان عندو حاجة خطيرة.

· زول عريض وسمين ..ويضرب ليك في اللحوم والباسطة.

· ينزلوا ليه بطيخة – بطيخة في العنبر.

· ما بقيف.

· كان زول كويس شديد ..وحالتو احسن من حسن ود خالصة مية مرة.

· لكن مع ذلك ..حسن ود خالصة ما مات.

· مات الطيب ود كتمنبو.

· لا بطيخ مرقو.

· ولا باسطة.

· راح فيها.

· الزول الكويس مات.

· والزول التعبان ما جاتو الحبة.

· في الحالة دي بالتأكيد (حسن ود خالصة) يقوم يشفق.

· ويخاف.

· ويغلبو القعاد في (العنبر).

· والكدايس في العنبر تقوم تنطط في عيونها – وتظهر ليك بدون مناسبة في (شبابيك) العنبر.

· الكدايس ذاتها ما مصدقة.

· حسن ود خالصة بقعد يعاين لي سرير الزول المات الطيب ود كتمنبو في العنبر ..يغلبو النوم ..والاكل ما يقدر ياكلو.

· الموية ما بقدر يشربها.

· خاصة لمن الناس تتخيل ان الزول المات في العنبر دا – هو الزول التعبان حسن ود خالصة.

· والمات هو الزول (النصيح) الطيب ود كتمنبو ما الزول التعبان.

· يقولوا ليك والله الطيب ود كتمنبو جابو ليه (ملاح القرع) .. ضربو ليك وفقش ليه (بصلة) معاه ..ورقد مات.

· ما خلى حاجة في الصحن.

· القرع دا شربو شراب.

· زي كأنو اذا ما خليت شيء في الصحن ما بتموت.

· وما بتجيك اي شيء.

· في ناس (الصحن) ذاتو بنسفوه ليك ..وبعد دا بموتوا عادي.

· يعني الصحن عاوز يمرقك.

· الزول من الموضوع دا يقوم ياخد ليه موقف من (ملاح القرع).

· ملاح القرع يبقى ليك موت – موت.

· البصلة ذاتها بتأخد منها موقف.

· حسن ود خالصة كان بيجيبوا ليه (الحمام) بحولو لي الطيب ود كتمنبو.

· حسن ود كتمنبو ما بخلي ليه شيء في الحمام.

· يضرب ليك الحمام ..ويقبل على (التحلية).

· لكن (الحمام) بمرقك.

· الموت لا بعرف ملاح قرع ، ولا بعرف حمام.

· لا بعرف تحلية.

· الاكل كلو عندو واحد.

· مرات بتحصل ..يموت الزول الكويس ونصيح في العنبر ..ويطلع منها الزول التعبان.

· الزول المتوقعين ليه الموت...ما بموت.

· والبقولوا ليك عنو الدكاترة الزول دا كويس وما عندو حاجة بقوم يموت.

· يروح فيها.

· نحن دكاترتنا ذاتهم بتكلموا ساكت.

· الموضوع دا خلف (الخوفة) في حسن ود خالصة والشفقة اتمكنت منه.

· شاف قدامو زول كويس وما عندو اي حاجة يموت ويطلع من (العنبر) جثة.

· عليكم الله دا عنبر يقعدوا فيه.

· انتوا بتعاينوا لي شنو؟.

· الكلام دا انتوا ما حصل عليكم برضو.

· الحالة دي منطبقة عليكم يا ناس المريخ.

· مجسدة فيكم.

· الكلام دا زي اربعة جمال سالم في الاسكندرية.

· كمان عاوزين تنكروها.

· انا عارف لو على مرادكم تسووها في بلة جابر.

· بلة جابر علاقتو بالمنتخب الاولمبي اليوغندي شنو؟.

· اربعة في برج العرب.

· عشان الموضوع يبقى ليكم واضح.

· احسن تسمعوا الكلام دا مننا نحن – بدل ما تسمعوه من زول غريب.

· انتوا حارسين شنو؟.

· دا حارسكم المتكلين عليه.

· والله قلبكم قوي ساكت.

· غارزيتو الشفت..غارزيتو الفرنسي بقى يفتش في البدائل.

· غارزيتو بقى يبدل في دولاراته.

· البصبركم على (الاربعة) شنو؟.

· اخوك لو حلقوا ليه بل رأسك.

· والحلق دا ما اخوك.

· دا جمال سالم ذاتو.

· الله يستر.

· الاربعات دي لمن تبدأ ما بتقيف.

· الاربعات دورت.

· الاربعات اشتغلت.

· اعملوا حسابكم.

· في (سيك) حايمة.

· في اربعة لافه.

· وقت الزول يكون عندو (مرض) ما عاوزين نحددوا.

· يقوم في زول من الحلة يموت.

· وزولكم العيان وعندو مرض يقوم يسأل من سبب الوفاة..يقولوا ليه الزول دا كان عندو نفس مرضك البتشتكي منو دا.

· نفس الاعراض.

· موش انت كنت بتعطش شديد.

· وبيجيك هبوط فجأة كدا.

· وبتشعر بي لفة.

· وبتشرب موية كتيرة.

· شفتوا الزول دا كان بيشتكي من نفس الاعراض.

· زولكم بقوم يشفق ويخاف.

· زي جماعتنا ديل بعد الاربعة.

· جمال سالم في الاسنكدرية اتبهدل بهدلة شديدة.

· والكلام دا عشان ما يبقى ليكم غريب.

· نحن زمان كنا بنمسك ليكم العدد.

· لمن عصام الحضري كان بتبهدل مع المنتخب المصري – بيجي يتبهدل مع المريخ.

· وبهدلة جمال سالم مع المنتخب بيجي يتمها في المريخ.

· يا جماعة الجواب بتعرف من عنوانه.

· والما بشوف من الغربال ببقى عصام الحضري.

· عصام الحضري بتعامل مع الكورة بالاحساس.

· عشان كدا اي كورة يشوتوها فيه من بعيد بتدخل في مرماه.

· هسع انتوا يا ناس المريخ (الاربعات) دي حايمة عليكم.

· جمال سالم بعد اربعة المنتخب الاولمبي اليوغندي ما بنستر ليكم.

· هو زول مع منتخب بلادو ما انستر.

· البخليه ينستر شنو مع المريخ؟.

· احسن ليكم من هسع تبعدوا جمال سالم.

· على الاقل (نفسيا) جمال سالم حالتو ما بتسمح.

· مع الحالة النفسية دي – في ارهاق السفر والترحال والتنقل من مصر الى الجزائر.

· عارفين انتوا الرحلة دي كم ساعة؟.

· زول في برج العرب – وبدون حضور جماهير بتغلب اربعة – مع جماهير وفاق سطيف وفي الجزائر بيأخد كم؟.

· احسبوها انتوا.

· احسن ليكم تقعدوا تحسبوها قبل المباراة.

· بعد المباراة بنحسبها نحن.

· انتوا احسبوها بدري شوية.

· الموضوع واضح.

· وما عاوز ليه درس عصر.

· لا درس عصر.

· ولا ملاح قرع.

· هسع (ملاح القرع) الدخلو شنو في الموضوع دا؟.

· دخلو البعمل فيه جمال سالم دا.

· اربعة يا جمال.

· اربعة.

· وفي العيد كمان.

· ..........

· ملحوظة : اربعة انتوا لاعبين (تنس)؟.

هوامش

· الشيء المستغرب فيه وما واقع لي.

· وما لاقى ليه تفسير الى الآن.

· وما عارف قصتو شنو؟.

· علي جعفر والريح علي ما بشاركوا ولا بلعبوا.

· وسافروا الجزائر وعسكروا (21) يوم – عشان يقعدوا في (الكنبة).

· الكنبة عاوزة المعسكر دا كلو.

· الكنبة خلوها.

· الناس ديل معقولة عيدوا برة البلد – عشان يقعدوا كنبة.

· والله اخير ناس بلة جابر.

· عيدوا هنا مرتاحين.

· المشكلة ناس علي جعفر

· لا بشاركوا مع المريخ ولا عيدوا في البلد.

· تبريرات الكاردينال لاقالة عبد الفتاح زغبير غير مبررة.

· وغير كافية.

· وغير مقنعة.

· عبد الفتاح زغبير قيمة هلالية كبيرة.

· وتاريخ زغبير اكبر من تاريخ الكاردينال وعماد الطيب.

· صحيح الكاردينال دفع اكثر من 40 مليار لتأهيل الجوهرة الزرقاء – لكن زغبير دفع عمرو.

· هذه الطريقة التى تعامل بها الهلال مع زغبير – ما بتشبه الهلال.

· غدا يغادر الهلال الى المغرب.

· كل الاماني للهلال بالعودة بالنقاط الثلاثة.

· الهلال قادر باذن الله وتوفيقه على الانتصار على التطواني.

· صدارة الهلال تحسم في المغرب.

· احسموها خارجيا عشان ترتاحوا داخليا.

· ..............

· عاجل : قالوا ليك ضفر في الجزائر لمن يطلع من غرفتو ما بعرف يرجع ليها.

انقر هنا لقراءة الخبر من مصدره.