سودارس : (الحالة واحدة) لجنة الاستئنافات ممكن تبقى لجنة تسيير للمريخ

ما حقيقة أسر العميد محمد منصور قائد اللواء 16 مشاة بالكرمك؟ رئيس الوزراء يصدر قرارًا بشأن الرسوم الجديدة في المعابر القنصل حازم مصطفى يجتمع بلاعبي سيد الأتيام بالمنتخب في جدة جان كلود يُسجّل هدفًا رائعًا ويقود بوروندي لانتصار ثمين أمام تشاد في تصفيات أمم إفريقيا بروح قتالية عالية.. الهلال يضع اللمسات الأخيرة لمواجهة «روتسيرو» بحثاً عن الصدارة والثأر توضيح لجنة المنشآت بنادي المريخ : دورنا فني فى ملف المنشآت واللجنة القانونية تتولى اجراءات الاخلاء تقارير تكشف عن تحرّكات كبيرة للجيش السوداني محمد عبد الباسط يكتب: لهذا تحركت باكستان الآن للوساطة بين أمريكا وإيران مسؤول الطيران المدني يعلن جاهزية مطار الخرطوم لاستقبال الرحلات الإقليمية بالصورة.. في مفاجأة كبيرة.. محترف جزائري ينضم لقائمة المنتخب السوداني استعداداً لمواجهة السعودية شاهد بالفيديو.. التيكتوكر "تجاني كارتا" يزور الفنانة مروة الدولية في منزلها ويطالبها بالعدول عن قرار الاعتزال: (لن أتزوج ولن أكمل ديني لو ما غنيتي في عرسي) ترامب ينهى تقليدا عمره 165 عاما متعلقا بالدولار.. ما القصة؟ الكرمك: ليس حدثاً عابراً ماذا قال العميد طارق كجاب بعد إحالته المفاجئة للمعاش؟؟ السكوت على هذا الأمر لا يرضي الله ولا رسوله!! حتى لا نخسر ما كسبناه الأهلي يُعيد النظر في رواتب اللاعبين لإنهاء "فتنة أوضة اللبس" هدف واحد يفصل مبابى عن لقب الهداف التاريخى لمنتخب فرنسا اتفرج واتمتع.. جميع أهداف محمد صلاح ال50 في دوري أبطال أوروبا إيلون ماسك يطعن في حكم تغريمه 2.5 مليار دولار في قضية "تويتر" عمرو دياب يحيى حفلا غنائيا فى تركيا 2 أغسطس دراسة : النشاط البدني مفتاح الوقاية من السكري رغم زيادة الوزن شاهد بالفيديو.. سودانية تطلب الطلاق من زوجها على الهواء: (لو راجل كنت منعتني من الظهور في "تيك توك" واللواء ستاير أحسن منك ياريت لو أتزوجته بدلاً عنك) شاهد بالصورة والفيديو.. بعد انتشار ظاهرة "حق الملاح".. ناشطة سودانية تحصل على آلاف "الدولارات" هدية من زوجها ارتفاع أسعار الذهب في السودان أحمد العوضي : بشكر جمهوري إنه عمره ما خذلني وصاحب الفضل فى نجاحي شيماء سيف تنشر فيديو طريف مع زوجها محمد كارتر على إنستجرام لأول مرة.. حكم يحمل إنستغرام ويوتيوب المسؤولية عن إدمان وسائل التواصل دراسة تكشف ترابطا بين أمراض معدية وخطر الإصابة بالخرف 10 أطعمة يجب تناولها لعلاج نقص البوتاسيوم 10 ثوانٍ فقط للمستبدل .. فيفا يعلن تطبيق حزمة تعديلات تحكيمية في المونديال السودان ومصر يوقعان بروتوكول مشترك لمكافحة بعوضة الجامبيا الخليج الضحية الكبرى: إيران وجهت 83% من هجماتها إليه… و17% فقط إلى إسرائيل مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية ضبط 2800 قندول بنقو بالجزيرة في عملية نوعية لمكافحة التهريب ترامب يصدر أوامره ويكشف تطورات مثيرة مع إيران هل مخالفة ترامب خلل في الكون؟! الأمن يداهم مخزن يبيع الوقود المهرب لعصابات التنقيب عن الذهب تراجع معدّل التضخّم في السودان بادي يصدر مرسوم تنظيم أعمال التعدين التقليدي وضبط آليات التعدين بالنيل الأزرق رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة شركة كهرباء السودان تحديث حول سير أعمال الصيانة الطارئة للشبكة القومية ضبط 238 كجم من "الآيس" وأسلحة بجانب نحاس بولاية البحر الاحمر ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد أغلى علبة كعك في مصر تشعل مواقع التواصل قيم الهلال المتوارثة يجب أن تبقى أبد الدهر في زمن الضجيج.. القرآن بوصلة المعنى والسكينة د.مزمل أبو القاسم يكتب: دموع الباز.. وزاهر! (2) السودان.. الدفاع المدني يستعين ب"التوك توك" طفح جلدي في رقبة الرئيس ترمب يثير تساؤلات حول صحته ملتقي التحصين للعام 2025 ينعقد بحضور التحالف العالمي للقاحات والشركاء صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

(الحالة واحدة) لجنة الاستئنافات ممكن تبقى لجنة تسيير للمريخ

قوون نشر في قوون يوم 14 - 10 - 2015

مريخابي قال والله المريخ بعد ما يفوت جمال الوالي ببقى زي المغترب العندو قطعة ارض عمل ليها (الاعمدة) – قاموا رجعوه من السعودية
خايف الليلة ..وقت لجنة الاستئنافات تجتمع – تخلي اي شيء ...وتنظر في استقالة جمال الوالي
قالوا ليك ناس الهلال عندهم لاعب اسمو (الثعلب)...جمال الوالي من شافو قال ليهم دا عقدو بنتهي متين؟
* زول عندو (عجلة).
* عجلة عادية.
* مشى ليه لي (شيخ) قالوا ليه الشيخ دا خطير ..بقلب ليك اي حاجة.
* زولكم سمع الكلام المهبب دا ومشى على الشيخ – قال ليه اسمع يا شيخنا عاوز اقلب العجلة دي (سيارة).
* الشيخ عاين للعجلة كدا.
* فوق وتحت..وقال ليه (عجلة) ما ممكن نقلبها ليك (سيارة) – لكن لو عندك (سيارة) عاوز تقلبها (عجلة) ما عندك مشكلة.
* جيبها الليلة ..بكرة تستلم عجلتك.
* صاحب العجلة عاين للشيخ كدا – وقال ليه : هسع دي عاوزة ليها (شيخ) – دي اي زول ممكن يعملها.
* دي ما عاوزة ليها (شيخ).
* سمسار ممكن يقوم بالعملية.
* ما عارف ليه اتذكرت جمال الوالي في الحتة دي.
* يمكن يكون ما في علاقة بالموضوع ..لكن اتذكرت القصة دي الليلة.
* علي كيفي ..اتذكر زي ما عاوز.
* ولا في زول بقدر يقول حاجة.
* في مريخاب بنظروا الى جمال الوالي على انه هو الذي صنع المريخ.
* يعني المريخ ...عمرو (13) سنة.
* والحقيقة ان المريخ هو الذي قدم جمال الوالي.
* الموضوع دا ما عاوز ليه (شيخ).
* اقول ليكم شيء تانية.
* بي طريقة اخرى.
* اسحاق الحلنقي غني (للعنبة) - ونحن لا عندنا شجر عنب ولا نغش نفسنا ساكت.
* نحن تربية (نبق) ساكت.
* نبق ولالوب.
* والباقى بنتمو (ترمس).
* يعني حكاية (اسأل العنبة الرامية فوق بيتنا) لا عندنا ولا حاجة – إلّا نشوفها في الافلام العربية والروايات.
* فصاحة ساكت.
* زي الفول بتقلب فيه طلب كبدة.
* في حلة اي زول ...شجرة (لالوب) مطرفة.
* ما عارف الموضوع دا مرتب ليه – وإلّا صدفة ساكت.
* مريخابي قال والله المريخ بعد ما يفوت جمال الوالي ببقى زي المغترب العندو قطعة ارض عمل ليها (الاعمدة) – قاموا رجعوه من السعودية.
* وقف البنا.
* الاعمدة بقن واقفات زي (الشواهد).
* ومريخابي تاني قال ..جمال الوالي وقت يفوت ..بكري المدينة تاني ما بتشقلب.
* الزول البعمل ليه (الشقلبة) فات.
* يعني تاني لا شقلوب ولا ثعلوب.
* عليكم الله يتشقلب لي منو؟...(همد)!!.
* تاني كداري من البيت للاستاد.
* كهربتكم دي ح تكون في (تلتلة).
* متوكل احمد علي يمكن يقعد يحرس ليكم (العداد).
* عشان يشوف (الصرف).
* غايتو بكري المدينة اتمقلب جنس مقلب.
* اقصد اشتقلب جنس شقلبة.
* راحت عليك.
* مريخابي تالت..جابو ليه (ولد).
* اتلفت كدا – ما لقى ليه زول جنبو ..قال والله تاني بعد جمال الوالي ما يفوت ...المريخاب ديل ما فيهم زول بسمي في اسبوع.
* القريب منهم بيسمي بعد (15) يوم.
* لكن هسع دا ما موضوعنا.
* خلونا مع (العنبة).
* الحلنقي عندو دفوعاتو في الحتة دي ..وبقول كسلا كان فيها (عنب).
* والعنب ذاتو ما شرط يكون (عنب) حقيقي.
* الشعراء ممكن يحسوا ليك بالعنب من غير ما يشوفوه.
* ما شرط تكون في عنبة حقيقية.
* الموضوع ما بيستاهل.
* عليكم الله – هو البيستاهل شنو؟.
* لكن ان تصل المرحلة ان يأتي بها اسحاق الحلنقي كشاهد اثبات في اغنية عاطفية ..ببقى الموضوع كبر شديد.
* (لو مغالطنا وما مصدقنا اسأل العنبة الرامية فوق بيتنا).
* شوفوا (الرامية) دي لغاية ما نحن كبرنا ..ووصلنا لي حالتنا دي ..ما كنا مفتكرنها ممكن تجي من (العنب).
* يمكن الحلنقي يكون قاصد (رماية) تانية – والله اعلم.
* لجنة الاستئنافات تجتمع اليوم (دا لو اجتمعت) – نحن ما عندنا ليهم اكتر من ان نقول ليهم اسألوا (العنبة).
* مريخاب الجنوب.
* واتحاد القضارف.
* تقول اتحاد مصارف.
* ما تقعدوا تشرعوا لينا ساكت – وتعيدوا لينا مباريات (فات فيها الفوات).
* الاعادة في المسلسلات خلوها.
* الحلقة الاخيرة بقوا ما قاعدين يعيدوها.
* عبدالرحمن الريح عندما غني للطاؤوس ..ما كان السودان فيه ثقافة (الطاؤوس) دي.
* الناس كانوا ناس حدي وود ابرق.
* لو بالغوا كدا ...(قمري).
* عبدالرحمن الريح فتح ليهم ثقافة جديدة ..وغني لي (ملك الطيور).
* ملك الطيور ما كان في زول شغال بيه.
* وعبدالرحمن الريح نفسو ...إلتفت للزهور.
* والزهور نحن ما قاعدين نقيف فيها كتير.
* ما عندنا.
* وبنشوفها (رومانسية) ما في ليها اي داعي.
* زهور شنو كمان؟.
* قيل ان عبدالرحمن الريح اكثر من استعمل كلمة (الزهور) في الاغنية السودانية.
* قبل عبدالرحمن الريح ...(الزهور) كانت في الافلام السينمائية فقط.
* يعود الفضل (لتزهير) الاغنية السودانية لعبدالرحمن الريح.
* هسع نحن لا العنب ولا الزهور موضوعنا.
* موضوعنا لجنة الاستئنافات دي.
* قبل فترة كنت قد حدثتكم ان كان (البطيخ) من (الزواحف) ام ان الجماعة ديل دخلوه للمعادن؟.
* الاحتمالات مفتوحة.
* قالوا ليك ناس الهلال عندهم لاعب اسمو (الثعلب)...جمال الوالي من شافو قال ليهم دا عقدو بنتهي متين؟.
* قالوا ليه الزول دا لسع.
* عقدو بدري عليه.
* قال ليهم خلاص عقدي انا انتهي مع المريخ.
* يا زول (الثعلب) دا برشلونة بفرتكها ..ما يفرتك المريخ.
* جماعتكم شافوا (الثعلب) طوالي قدموا (استقالاتهم).
* لكن برضو دا ما موضوعنا.
* خلونا مع (لجنة الاستئنافات).
* لجنة (التأجيلات).
* الجماعة ديل غلبتهم عديل كدا.
* بقوا اليوم والتاني يأجلوا ليك في (الاجتماع).
* براكم بتجيبوا لي نفسكم الكلام.
* اول القال ليكم اصدروا ليكم قرار من البداية (مهبب) منو؟.
* جماعتكم ما خلوا شيء للمريخ.
* منحوه اي حاجة.
* خايف الليلة ..وقت لجنة الاستئنافات تجتمع – تخلي اي شيء ...وتنظر في استقالة جمال الوالي.
* الناس ديل استقالة جمال الوالي بتكون حارقهم اكتر من (قرار الفحص).
* واصلهم هم بنظروا في الحاجات التى لا اختصاص لهم فيها.
* بطرفوا ليك برة الموضوع.
* خلونا مع (العجور) – طول ما جبنا سيرة (لجنة الاستئنافات).
* الليلة عاوزين نتكلم عن (العجور).
* اول عجورة في الوجود قالوا ظهرت في شكل (فجلة).
* ثم تطورت – وتطورت الى ان اصبحت (عجورة).
* بعد ما بقت (عجورة) جابوها لينا ناس السوق المركزى في شكل (خضارات).
* ونحن نشيل ونشترى.
* يمكن الموضوع يطور ...والعجورة تبقى من (الفواكه).
* ما علينا بكل (جغرافيا) الخضروات تلك.
* خلونا هسع في موضوعنا.
* لجنة الاستئنافات.
* قالوا اللجنة ضموا ليها امس بكري المدينة وأحمد عبدالله ضفر ورمضان عجب.
* وفي واحد كدا ..قال يا جماعة انتوا ما تختصروا الموضوع ولجنة الاستئنافات تعملوها لجنة التسيير للمريخ.
* البتقدموا لجنة الاستئنافات ...لجنة التسيير ما بتقدمو.
* مجلس جمال الوالي ما بقدمو.
* لجنة تشيل وتعيد في اي مباراة خسرها المريخ.
* عملوها ظاهرة.
* حبة خجل ما عندهم.
* في واحد قال لي المريخ بعد جمال الوالي ممكن يلحق (الموردة).
* قلت ليه يلحق الموردة وين ؟..في دوري الدرجة الاولى ..معقولة الموضوع يصل المستوى دا.
* قلت ليه بعد جمال الوالي يفوت ..اتوقع اي شيء.
* اي شيء ممكن تحصل في المريخ.
* ..............
* ملحوظة : اتخيلوا المريخ رئيسه عبدالصمد.
هوامش
* المريخ كان من الاسبوع الرابع بنزل من الدوري.
* الفرق بين الهلال والمريخ (6) نقاط.
* جمال الوالي ليه حق يستقيل.
* لجنة الاستئنافات ..الليلة ما ح تصدر قرار.
* الجماعة ديل ما عندهم قرار.
* الهلال فاوض ولاءالدين ...المريخ مشى عليه.
* الهلال فاوض ابوعاقلة ..المريخ خلى لعيبة المنتخب كلهم وقبل على ابوعاقلة.
* زي ما كان موقف مجلس الاهلي مدني قوي ..عاوزين نشوف موقف مجلس ام بدة.
* وام بدة عندهم مجلس صاحب مواقف.
* لكن طبعا (السماسرة) بيشتغلوا.
* دا سوقهم.
* ودا وقتهم.
* لو ركز ناس المريخ مع امير كمال احسن ليهم.
* قالوا حسموا امير كمال وكوفي وراجي.
* زي بكري المدينة.
* هو قالوا ليكم (الحسم) كدا.
* بالمناسبة امير كمال مباراة القمة الاخيرة ما ح يلعبها.
* مصاب.
* موقوف.
* المهم ما ح يلعبها.
* عشان الموضوع يبقى ليكم واضح.
* والنوم يطير من عينكم.
* ساكيين لي (ابوعاقلة)...وامير كمال بنزل في (السيخ).
* الجماعة ما جايبين خبر.
* كوفي ذاتو – فرحتو دي فرحة زول ماشي الهلال.
* هو جمال الوالي ما قاعد ..البقعد (كوفي) شنو؟.
* عاوزين امير كمال يقعد لي عبدالصمد.
* لي همد.
* معقولة بس.
* ...............
* عاجل : كوفي (حلاقتك) دي في الهلال ما بتنفع.

انقر هنا لقراءة الخبر من مصدره.