سودارس : عينكم في (الوالي) وتطعنوا في (صديق علي صالح)

أمجد فريد الطيب يكتب: حياة تجلت في وضوح المبادئ: وداعا فينك هايسوم عثمان ميرغني يكتب: حرب السودان ومخطط شد الأطراف الخليج الضحية الكبرى: إيران وجهت 83% من هجماتها إليه… و17% فقط إلى إسرائيل بعثة المنتخب تصل بورتسودان وسط إهتمام كبير منتخبنا يتدرب صباح الخميس بإستاد بورتسودان قائمة صقور الجديان لوديتي السعودية كواليس صادمة... كيف تعطلت صفقة تسليح الجيش السوداني في اللحظات الأخيرة؟ 11 دقيقة إضافية من النوم ليلا تساعد فى الوقاية من النوبات القلبية 13 حزمة لغوية جديدة لترجمة محادثات "واتساب" سناب شات" يحوّل الصور إلى فيديو بالذكاء الاصطناعي بالصورة.. الصحفي السوداني الشهير حسين خوجلي يستعيد بصره وسط سعادة أصدقائه ومتابعيه: (عودة البصر لصاحب البصيرة والوان وحمدا لله على السلامة أبو ملاذ) الباشا طبيق : السيطرة على الكرمك تعيد تشكيل الخريطة العسكرية في السودان تعديل وزاري مرتقب في السودان يشمل ست حقائب وزارية هل يكون محمد صلاح الصفقة الكبرى القادمة بالدوري الأمريكي بعد جريزمان؟ جلسة مع محمد صبحى في الزمالك.. اعرف السبب استمرار محاولات الأهلي لإنهاء أزمة الشرط الجزائي مع توروب يارا السكري تكشف لليوم السابع تفاصيل دورها فى فيلم صقر وكناريا شاهد بالصورة.. فاتنة الإعلام السوداني تخطف الأضواء بأحدث إطلالة لها والجمهور يطيل الغزل في جمالها: (يا دووب كدة عيدنا) باسم سمرة: الناس بقت تناديلى ب«زكى».. ونجاح عين سحرية توفيق من ربنا ذكرى رحيل أحمد حلاوة.. ممثل جمع بين الهندسة والدكتوراه فى فلسفة الفنون نصائح لوقاية مرضى حساسية الصدر من التقلبات الجوية والرياح مشروبات تساعد على حرق الدهون بعد كحك العيد اكتشاف مرض وراثي جديد يسبب الشيخوخة المبكرة والقصور الإدراكى شاهد بالصور. الفنانة مروة الدولية تفاجئ الجميع وتعتزل الغناء وعازفها الشهير ينشر مراسلات واتساب بينهما أكدت فيها تمسكها بالقرار بالصور.. مدارس أبو ذر الكودة تلزم أسرة طالب بدفع غرامة قدرها 100 ألف جنيه بسبب كسره مفتاح مروحة بالفصل ومتابعون يتصدون للدفاع عن المؤسسة شاهد بالصورة والفيديو.. في تقليعة جديدة.. شباب سودانيون يلطخون صديقهم العريس ووزيره ب"ظهر الصابون" و"البودرة" الهلال يواجه ضغط المباريات في رواندا جبريل يلتقي المبعوث الشخصي للأمين العام للأمم المتحدة إلى السودان مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية كيف تفاعل النجوم مع خبر رحيل صلاح عن ليفربول؟ ضبط 2800 قندول بنقو بالجزيرة في عملية نوعية لمكافحة التهريب ترامب يصدر أوامره ويكشف تطورات مثيرة مع إيران طهران ترد على تهديدات ترمب هل مخالفة ترامب خلل في الكون؟! الأمن يداهم مخزن يبيع الوقود المهرب لعصابات التنقيب عن الذهب تراجع معدّل التضخّم في السودان بادي يصدر مرسوم تنظيم أعمال التعدين التقليدي وضبط آليات التعدين بالنيل الأزرق رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة شركة كهرباء السودان تحديث حول سير أعمال الصيانة الطارئة للشبكة القومية توقّعات بارتفاع غير مسبوق في أسعار النفط ضبط 238 كجم من "الآيس" وأسلحة بجانب نحاس بولاية البحر الاحمر ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد أغلى علبة كعك في مصر تشعل مواقع التواصل قيم الهلال المتوارثة يجب أن تبقى أبد الدهر بنك السودان المركزي يصدر توجيهًا للمصارف إبراهيم شقلاوي يكتب: الزراعة ما بعد اقتصاد الحرب في زمن الضجيج.. القرآن بوصلة المعنى والسكينة د.مزمل أبو القاسم يكتب: دموع الباز.. وزاهر! (2) السودان.. الدفاع المدني يستعين ب"التوك توك" طفح جلدي في رقبة الرئيس ترمب يثير تساؤلات حول صحته ملتقي التحصين للعام 2025 ينعقد بحضور التحالف العالمي للقاحات والشركاء صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

عينكم في (الوالي) وتطعنوا في (صديق علي صالح)

قوون نشر في قوون يوم 15 - 07 - 2011

سيرة الحضري وسلوكياته لم تكن مخفية على احد ...الكل يعرف عدم انضابطه.
والكل يعرف ان الحضري لا يقدم شيء على مصلحته الخاصة.
والكل يعرف سلسلة هروب (الحضري).
هروب مع سبق الاصرار والترصد.
مصلحة الحضري هي الاهم عنده.
من بعد أي حاجة في ستين.
الحضري يمكن ان يعمل أي شيء.
لدرجة انه يمكن ان يلعب في المريخ (ثالث سيكافا) ...ويضحي بكل تاريخه ..اذا كان المريخ هذا سوف يدفع له (الغرامة).
الحضري لو ناس (وقد) الصومالي دفعوا ليهو (الغرامة) بلعب ليهم.
ما عندو أي مشكلة.
عاوز يحل مشاكله وخلاص.
يمكن ان يتخلى عن (جنسيته) ..وينال جنسية اخرى ...يستعملها كما (الاسكراتش) ...بعد ان انتهي منها (رماها) وسافر بجوازه المصري.
جوازه الاصلي ..جوازه السوداني فعاليته انتهت ...ودوره خلص.
الجواز السوداني خلص بيهو (الغرامة).
الجواز السوداني للاسف الشديد رماهو الحضري زي الزول لما ينزل ليهو (اسكراتش).
والشبكة تكون كويسة .....الرصيد ينزل ويرمي (الاسكراتش).
لو الرصيد ما نزل ..ما ترمي (الاسكراتش).
الرصيد نزل.
الغرامة (اندفعت).
هذه نهايات (الجنسيات) التي تمنح في (صالة الوصول).
وقع في المريخ ..تمنح (جنسية).
تلك هي جنساياتكم ...ترمى في (صالة المغادرة).
خلاص قضت الغرض.
انتهت.
يلا خموا وصروا.
الجنسيات عندكم زي (السيخ).
زي (الاسكراتشات).
يمكن ان يصرح (الحضري)..ويقول يوم ان وقع في المريخ انه جاء للمريخ عن رغبة.
وعن ولاء وحب.
يا راجل.
وجمال الوالي بصدق.
جمال الوالي بصدق أي حاجة.
ممكن يصدق طارق مختار ذاتو.
وممكن يقنع ليك طارق انو (مصاب).
الحضري قال جاء للمريخ عن حب.
وانه سوف يقدم كل خبراته من اجل ان يستفيد منها المريخ.
وان المريخ فريق كبير.
وانه سوف يحقق مع المريخ بطولات محلية وقارية.
تاريخ شنو؟.
ثالث سيكافا.
الانجاز الوحيد للحضري مع (المريخ).
الحضري معروف تاريخه.
تاريخه ليس هو فقط احسن حارس في افريقيا في ثلاث بطولات افريقية.
تاريخ الحضري ليس هو فقط البطولات التي حققها مع الاهلي المصري.
للاسف الشديد الاعلام السالب لم يتعامل إلا مع هذه الجزئية من تاريخ الحضري.
نسوا تاريخه الحقيقي.
نسوا انه نشأ في الاهلي المصري ولعب له اكثر من 12 سنة.
مع هذا لم يحترم هذه الفترة.
ولم يحترم هذا التاريخ.
الحضري باع الاهلي.
باع 50 مليون نسمة ...(80% من الشعب المصري يشجع الاهلي)..مثل النسبة التي تشجع الهلال في السودان.
الحضري باع ديل ...ما يبعكم انتوا (ثالث سيكافا).
انا اول مرة اشوف لي (صفوة) بتغشوا كدا.
هذا هو تاريخ الحضري.
لكن انتوا عملتوا لينا احسن حارس في افريقيا.
احسن زول.
سنو نقصتوها ليهو.
بعد الاهلي الحضري لم يسمتر موسما واحدا مع (سيون السويسري).
وهو لم يكمل ايضا موسما مع الاسماعيلي.
في الاسماعيلي شاكل الحضري أي زول.
شاكل ضلو.
دخل في خلافات مع مجلس الادارة ..وقال لو ما صرف (حوافزه) ما بيلعب.
توقف من التمارين.
وانتقل بعد ذلك الي فريق الزمالك ..ولم يستمر مع الزمالك اكثر من 5 شهور بعد ان اختلف مع الجهاز الفني للزمالك ..واختلف مع عبدالواحد السيد.
بعد دا قعد (يبكي) عشان يرجع للاهلي.
جاء الحضري بكل هذه المشاكل للمريخ.
وعمرو 40 سنة.
الكل كان يعرف الغرامة المفروضة عليه.
بل الحضري عندما انتقل للمريخ كان (موقوفا) من الاتحاد الدولي لكرة القدم.
يعني ما في حاجة جديدة.
ما في حاجة غريبة.
يا هو دا الحضري.
لكن السيد جمال الوالي دقو صدرو وقال بنحل مشكلتو.
وسوف نعيد الحضري للمشاركة.
هذه الاشياء قالها (جمال الوالي) ...وكان رئيس نادي المريخ يعرف مشاكل اللاعب وعدم انضابطه.
كان يعرف العقبات التي تقف امام هذا اللاعب.
مع ذلك دفع جمال الوالي للزمالك المصري 700 الف دولار.
ودفع الغرامة 800 الف دولار.
ودفع للحضري مبلغ مماثل.
هذا ما فعله جمال الوالي.
لم يفعل ذلك (صديق علي صالح).
ولم يقم بهذه الخطوات مصطفي توفيق.
مجاهد ما عندو أي دخل.
ما عندو أي ذنب.
قضية الحضري ليس في (سفره) هذا.
وليس في (جواز سفره) المصري.
سفر الحضري لم يكن امر مفاجيء.
الكل يعرف ان الحضري لم يستمر مع المريخ.
هذا امر اكده الحضري ..وصرح بها ...وقتها كان جمال الوالي (يتفرج).
الوالي كان وين وقتها.
ولولا اصابة الحضري لشارك امام سانت جورج فقد كان مجلس ادارة المريخ مع تصريحات الحضري (المستفزة) غير قادر على ان يصدر عقوبة ايقاف الحضري او عدم اشراكه في مباريات المريخ.
ما قادرين تبعدوه حتي من المشاركة.
كان الحضري يقول : لاعبي المريخ ما عندهم طموح.
وما في أي زول فيكم بقدر يقول حاجة.
فيسجل الباشا ومصعب عمر وسعيد السعودي في شباك الحضري.
انتوا قايلين الاهداف (العكسية) دي بدون فهم.
نحن أي حاجة عندنا بي نظام.
ومجلس الادارة لا يسأل الحضري.
وكان الحضري يقول : لا مريخ بعد اليوم.
كأن الحضري جاء للمريخ من (زحل).
ويجتهد المجلس في نفي هذا التصريح.
والحضري بيلعب.
وبشارك عادي في المباريات.
وين في الوقت دا كان جمال الوالي.
والحضري يقول : اقعد في البيت وما ألعب تاني في المريخ.
ولا احد يسأله.
كلامك دا لو قالوا موسي الزومة كان قطعوه.
اين كان جمال الوالي وقتها.
ان المسؤول الاول والاخير من هذه الازمة هو جمال الوالي وليس صديق علي صالح او مصطفي توفيق.
جمال الوالي هو الذي اتفق واحضر الحضري وهو الذي كان يخرج في الفضائيات المصرية يؤكد اكتمال الصفقة.
هذا الامر قام به جمال الوالي وليس صديق علي صالح.
جمال الوالي هو الوقع.
وهو الدفع الغرامة.
وهو الذي اوصي ب (التورتة).
هذا قام به جمال الوالي وليس صديق علي صالح.
جمال الوالي هو الذي تعقاد مع حارس (هارب).
حارس سبق له (الهروب) من قبل.
جمال الوالي كان يعرف (سلوك) الحضري.
وكان يعرف ان عمره (40) سنة.
مع ذلك اتي به وراهن عليه.
الان عندما (هرب) الحضري ...الوالي عاوز يحمل صديق علي صالح المسؤلية.
بالله!!.
هي بقت على (الجواز) يعني.
انظروا لضعف المحاسبة هنا ..(ليه ما شلتوا منه الجواز).
القضية ليس في (الجواز).
عاوزين تختصروها في (جواز السفر).
صديق علي صالح لم يدفع (حافز التسجيل).
وصديق علي صالح لم يدفع (الغرامة).
وصديق علي صالح ما جاب (التورتة).
وصديق علي صالح ما جاب حارس عمرو (40) سنة وقال ح نسوقو.
جمال الوالي عمل كل الحاجات دي وعاوز يحاسب صديق علي صالح عشان ما شال (الجواز) من الحضري.
يا جماعة الحضري اصلا هو حارس (هارب).
بعيدين عندو خبرة في (الهروب).
العصر جاء التمرين.
نظام ما في حاجة.
المساء اجتمع بجمال الوالي في النادي الالماني.
واتعشي كمان.
الصباح لقو مافي.
اتخارج.
ضربو تلفون الحضري.
جاءهم الصوت (هذا المشترك هرب الان).
جمال الوالي ممكن يعفي صديق علي صالح ومصطفي توفيق.
وممكن يحاول يحمل الذنب لجهة اخرى.
عشان هو يطلع منها.
جمال الوالي طبيعي يعمل كدا.
الما طبيعي هو ان يسكت الاعلام السالب ...ويقعدوا يهاجموا في الحضري او صديق علي صالح.
السبب في كل هذا الموضوع هو جمال الوالي.
جمال الوالي هو السبب.
لا الحضري.
ولا صديق علي صالح.
الشيء الغايبة على كل الناس هو ان عصام الحضري لا يمكن ان يفعل هذه الخطوات ما لم يكن هناك سند قانوني يدعمه.
الحضري اكيد آمن نفسو بالعقد.
واكيد ناس المريخ فاتت عليهم (ثغرات) في عقد الحضري.
وإلا ما كان الحضري هرب صباحا ولم يشتغل بكلام الحضري ولا تهديدات عبدالله علي عيسي.
الشيء المدهش هو ان مجلس المريخ لم يقم باي خطوة قانونية بعد هروب الحضري.
اقلها كان مجلس المريخ يخاطب الاتحاد العام لايقاف الحضري الذي هرب وترك الفريق وهو مقبل على مباراة هامة.
مجلس المريخ بدل ما يوقف الحضري.
المجلس اوقف صديق علي صالح.
اقصد المجلس اوقف (الشريحة).
قالوا قفلوا (الشريحة).
زي الزول وقت تروح منو (الشريحة) بمشي يقفلها.
اقول ليكم حاجة.
نحن أي حاجة عندنا بي نظام.
هسه (صديق علي صالح) ذنبو شنو؟.
ملحوظة : افضل انجازات الحضري مع المريخ احراز (برونزية) سيكافا.
هوامش
الهلال ح يلعب يوم الاحد امام انيمبا.
اوعكم تقولوا لينا في (مطر).
حركات المريخاب ديل ما تعملوها لينا.
الهلال كل ما يمشي نيجيريا يقولوا ليك (ارضية) الملعب غير جيدة.
والاستضافة.
نحن فترتا من الكلام دا.
من اسباب هروب الحضري.
مباراة المريخ القادمة مع (الاهلي) شندي.
والحضري أي (اهلي) بعمل ليهو مشكلة.
واضح ان الحضري كلمتو واحدة.
قال بعد سيكافا ما بقعد في المريخ.
جاء وطبق كلامو.
بعد سيكافا زولكم (اتخارج).
المريخاب زمان كانوا بتكلموا عن (غرامة) الحضري.
هسه تاني برجعوا (للغرامة).
عشان يمكن تاني يفرضوا (غرامة) على الحضري.
يا دوب فهمت ليه سجل سعيد السعودي في (الحضري).
اتاريهو السعودي سجل في الحضري بي فهم.
الجماعة ديل حاسيين ان (الحضري) ما حارسهم.
عشان كدا سجلوا فيهو.
نجم الدين.
الباشا.
مصعب عمر.
سعيد السعودي.
لو الحضري قعد قلت ليكم كان (السعودي) بقي (هداف السودان).
الحضري عرفها.
المريخاب خلوا (حضريهم) الهرب.
وقبلوا على (سادومبا) الذي سافر مع الهلال في مهمة وطنية.
لكن.
نحن الحضري دا ما بنخليهو.
معاهو في (المقاصة).
الحضري لو لعب في الزمالك او لعب في مصر المقاصة ما بقعد اكتر من 6 شهور.
6 شهور وبهرب.
الحضري شريحتو بتحرق بعد 6 شهور.
زول عاقل عمرو 40 سنة.
عشان كدا بيلعب مع كل فريق 6 شهور.
لاحق السوق.
زمن مافي.
حارس شفقان.
المعز محجوب ومساوي واسامة التعاون يجب ان يتمرنوا هنا ويعدوا حتي يكونوا جاهزين للمباريات القادمة.
مباراة الهلال والرجاء في ام درمان تبقي لها اسبوعين.
نتمني ان يلحق بهذه المباراة المعز محجوب وسيف مساوي.
الحضري (هرب).
وحسام البدري ح يهرب بعد مباراة الاهلي شندي.
اتوقع ان يتولى تدريب فريق المريخ ابراهومة.
ابراهومة مدرب المريخ القادم.
شوفوا كلامي دا.
وخليكم فاكرين.
عاجل : البدري عمل تلفونو (صامت)..قولوا واحد.

انقر هنا لقراءة الخبر من مصدره.