سودارس : الطحنية الكتيرة بتمسخ (البطيخ)

هل مخالفة ترامب خلل في الكون؟! هل تستطيع أمريكا احتلال جزيرة خارك الإيرانية؟ العليقي يؤكد اكتمال الترتيبات.. ورايون سبورت الرواندي يعلن دعمه الجماهيري للهلال في مهمته الأفريقية عودة صلاح عادل لتشكيلة الهلال قبل موقعة بركان المرتقبة فيصل محمد صالح يكتب: العيد في كمبالا بالصواريخ والمسيّرات.. هجوم إيراني يستهدف 5 دول عربية البرهان: نجدد ألا هدنة ولا وقف لإطلاق النار بدون استيفاء إنسحاب وتجميع هذه المليشيا تمهيدا لاستكمال أي عملية سلمية رئيس مجلس السيادة القائد العام للقوات المسلحة السودانية يؤدي صلاة عيد الفطر بمسجد القيادة العامة القائد العام للقوات المسلحة يشارك مواطني منطقة شمبات فرحة عيد الفطر المبارك الهلال السوداني يعلن وصول السوباط إلى رواندا شاهد بالصور.. فنانة تشكيلية تبيع لوحة للمطربة إيمان الشريف بمبلغ مليار جنيه وتعرض أخرى للسلطانة هدى عربي رسالة من المرشد الإيراني مجتبى خامنئي د.إبراهيم الصديق يكتب: الفولة تتفازع.. القتال وضعف الميليشيا..موسى هلال يفجرها مدوية الهلال السوداني يؤدي البروفة الأخيرة مساء اليوم.. و«ريجيكامب» يجهز خطته لعبور نهضة بركان الأمن يداهم مخزن يبيع الوقود المهرب لعصابات التنقيب عن الذهب شاهد بالصور والفيديو.. لقطة طريفة.. طفل سوداني يرتبك أثناء محاولته التقاط "سيلفي" مع "البرهان" وقائد الجيش يقابل الموقف بضحكات عالية شاهد بالفيديو.. قيادي بالدعم السريع: (مرتزقة من جنوب السودان يسيطرون على مدينة "الفولة" ويطردون قواتنا وأفرادنا عردوا وتركوا نساءهم) شاهد بالفيديو.. مليشيا الدعم السريع تهدي فنانة "سيارة" بعد أن اتهمت أفراد المليشيا بسرقة منزلها ومنازل المواطنين بالفاشر وساخرن: (العربية مشفشفة يا فنانة) إيران تفتح باب المشاركة في كأس العالم 2026 مشيتك تفضحك.. هكذا يعرف الآخرون إن كنت غاضباً أو حزيناً غوتيريش يخاطب إسرائيل وأميركا: حان وقت إنهاء الحرب السيسي يفاجئ الإمارات بزيارة خاطفة.. ويوجه رسالة بشأن الضربات الإيرانية ترامب: سندمر حقل بارس للغاز إذا قررت إيران مهاجمة قطر للعام التاسع على التوالي.. الفنلنديون أكثر الشعوب سعادة القوات المسلّحة السودانية تعلن استرداد محطة مهمة بالصورة والفيديو.. ناشطة سودانية تحكي قصة ارتباطها وزواجها من نجم السوشيال ميديا "برهومي": (الشاريك وعايزك بحارب عشانك وعمرو م يلعب بيك) تراجع معدّل التضخّم في السودان بعد تجريد منتخب بلاده من كأس أفريقيا..الاتحاد السنغالي يعلن أول قراراته ظهور لنجاة الصغيرة يفرح جمهورها.. والفنانة ترد "رجعت الشغل تاني".. مطرب المهرجانات مسلم يعلن انتهاء أزمته مشهد الولادة بمسلسل محمد إمام يثير غضباً.. والممثلة توضح بادي يصدر مرسوم تنظيم أعمال التعدين التقليدي وضبط آليات التعدين بالنيل الأزرق 6 عادات يوصى بتجنبها في المساء لحماية القلب دراسة : الأطعمة فائقة المعالجة تهدد كثافة العظام ابتكار علاج لسرطان القناة الصفراوية من الحليب رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة شركة كهرباء السودان تحديث حول سير أعمال الصيانة الطارئة للشبكة القومية توقّعات بارتفاع غير مسبوق في أسعار النفط ضبط 238 كجم من "الآيس" وأسلحة بجانب نحاس بولاية البحر الاحمر انقطاع طويل للكهرباء يضرب مُدناً وقُرى سودانية واسعة في رمضان ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد أغلى علبة كعك في مصر تشعل مواقع التواصل قيم الهلال المتوارثة يجب أن تبقى أبد الدهر بنك السودان المركزي يصدر توجيهًا للمصارف إبراهيم شقلاوي يكتب: الزراعة ما بعد اقتصاد الحرب في زمن الضجيج.. القرآن بوصلة المعنى والسكينة د.مزمل أبو القاسم يكتب: دموع الباز.. وزاهر! (2) السودان.. الدفاع المدني يستعين ب"التوك توك" طفح جلدي في رقبة الرئيس ترمب يثير تساؤلات حول صحته ملتقي التحصين للعام 2025 ينعقد بحضور التحالف العالمي للقاحات والشركاء صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

الطحنية الكتيرة بتمسخ (البطيخ)

قوون نشر في قوون يوم 18 - 03 - 2012

نحن في حلتنا عندنا زول خطير ...عامل لينا فيها بتاع امثال شعبية.

أي حاجة تقولها ليه يدخل ليك فيها بي (مثل).

زي استاذ اللغة العربية لمن يكون في نفس الوقت هو (ناظر المدرسة).

زولنا دا كان خطير في الامثال ....الامثال دي راضعة رضاعة.

ما بتصاقع فيها.

مثلا تقول ليه (عباس) باك فريق (الجاكات) اتوفى.

موش مفروض يقول ليك : (الله يرحمو)...لا ما بقول كدا بقول ليك : (ام

جركم ما بتأكل خريفين).

دي ما بتلفت فيها.

تقول ليه (الشفيع ود قوز الرملة) ...دخل ليه في (عمود) ...يصنقع فوق

وبقول ليك : (البسوى كريت في القرض تلقى في جلدها).

تقول ليه ناس (التايا بنت الضلمة) ....امس تلب ليهم حرامي سرق منهم (مروحة).

بقول ليك (الفي والدك بقالدك).

ما بسألك.

في الامثال دي ما بتلفت.

نقلتي بس.

اقصد مثلتي بس.

في الامثال دي ..الزول دا كان (انجليزي).

انجليزي عديل كدا ...عيونا قربن يبقن (خدر).

الظريفة الزول دا كان مرات بحور الامثال ...مثلا المثل البقول (الما

شاف البحر بتخلعو الترعة)...كان بحولواالي مثل عصري ..وبقول : (الما شاف

التفاح بخلعو النبق الفارسي).

بيني وبينكم كدا.

النبق الفارسي بخلع.

مرة في واحد اول مرة يشوف ليه (نبق فارسي).

عجبو ليك عجب شديد....وقال في نفسو والله ليهم حق ناس زمان يكونو

بالاحجام الضخمة دي ...طالما كان (نبقهم) كبير كدا.

ديل (نبقهم) كدا ..يا ربي (دومهم) كيف؟.

النبقة تفطر.

زولنا دا برضو كان المثل البقول (جلد ما جلدك جر فيه الشوك)...بحولو

الي (قميص ما قميصك سخن ليهو المكوة).

ان شاءالله يحرق.

الما بعرف يقول عدس ...صاحبنا حولو لينا (الما بعرف يقول مسلسل تركي).

رغم انو ما في أي علاقة بين العدس والمسلسل التركي.

لكن صاحبكم الخطير دا ما عندو حاجة صعبة.

تقول ليه كدا ..يقول ليك كدا انت خليها لي وتعال الصباح ...بتلقاها (جاهزة).

يا ود الناس هى (عربية).

جدادة الخلا طردت جدادة البيت ...حولها لينا الي (المدرب الاجنبي لو

بقى لبن عشر سوى في عينيك).

مرات بدخل ليك الامثال في بعض.

زي بيوت زمان ....مرات تكون نايم في صالونكم ...تلقى نفسك في مطبخ

جيرانكم ..وبتفتح في (الحلة) كمان.

الحالة كانت واحدة.

بحول ليك في الامثال دي زي (الرصيد)...ويدخل ليك دا في دا.

مثلا.

الخيل تجقلب والشكر لى الطاهر حماد.

عينك في (وارغو) وتعكس في الكشافات.

المثل دا طبعا مقصود بيه (موسي الزومة).

قالوا ليك موسي الزومة (الكشافات) بقت تعرفو.

لمن موسي الزومة يكون جاري بالكورة في الطرف ...(الكشافات) بترفع ليه

ايدو : (ارفع يا ود الناس).

هسع موسي الزومة ما موضوعنا.

موضوعنا الامثال.

سألت الزول بتاع الامثال دا مرة عن الفاتح النقر ...قلت ليه رأيك شنو

في الفاتح النقر؟.

قال لي شوف : (الزول العاوزك ما بقطع من الجرس التاني).

قلت ليه ما فهمت المثل دا.

قال لي انت عاوز تعرف المثل ...وإلا عاوز تعرف الفاتح النقر.

قلت ليه المثل اعمل بيه شنو؟...عاوز اعرف الفاتح النقر.

قال لي الفاتح النقر دا زي صلاح مشكلة ..اي هدف يسجلوه في شبكتو بقول

(تسلل واضح)...حتى لو كان هدف عكسي.

واي هدف يسجلو فريقو ..(صحيح مية المية)...حتى لو ضرب في الشباك الخارجى.

الفاتح النقر خلي.

صلاح مشكلة ذنبو شنو؟.

مرة تانية ..بدون أي سبب كدا فطرنا بي (كموينة).

طبعا الكمونية ما عندها أي موقع هنا.

بس عشان تكونو عارفين.

نحن ناس واضحين.

الكومنية ما بندسها.

بعد الفطور ..سألت ليكم الزول بتاع الامثال ..قلت ليه رأيك شنو في

المدرب محمد الطيب؟.

قال لي بدون (مثل)...محمد الطيب بركز في (بدلتو) ...اكتر من (دفاعو).

قلت ليه لكن محمد الطيب دا عندو (خبرة).

قال لي محمد الطيب دا خبرتو كلها في (كرفتتو).

والله يا محمد الطيب ...(الكرفتة) اللابسها دي ...مدرب اجنبي ما عندو.

غايتو (لبسك)...لبس مدرب اجنبي ...لكن كورتك كورة ناس (بلة جابر).

انت يا محمد تاميها (كرفتات).

معقولة بس مدرب لابس ليه (كرفتة) بالشكل دي ..ويأخذ ستة.

والله بي كرفتتك دي قون ما يجي فيني.

هسع محمد الطيب دا ما موضوعنا.

ولا الكرفتة.

موضوعنا الامثال.

زولكم بتاع الامثال الكلمتكم عنو في بداية العمود...قلت ليه اخر مثل

سمعت بيه شنو؟.

الزول ما اتلفت طوالي قال لي (اتنين لو قالوا ليك رأسك ما فيك ..قدم

الطاهر حماد واخر بشة).

انت شنو الليلة شابك لينا في (الطاهر حماد).

ان شاءالله خير.

قلت ليه المثل دا اول مرة اسمع بيه.

قال لي في مثل اخطر من دا.

قلت ليهو شنو؟.

قال لي المال تلتو ولا ورغنتو.

قلت ليه يعني شنو؟.

قال لي احسن تجيب ليك لاعب سوداني من الكلاكلة من تقعد تجنس ليك لاعب

الكورة ما بعكسها ليك إلا بعد ما يقبض الحافز.

بيني وبينكم انا الزول بتاع الامثال دا قلت احسن استفيد منو؟.

بالمرة كدا احسن اسألو ليك من مباريات الدوري الممتاز الايامات دي.

قلت ليه يا حاج رأيك شنو في الممتاز؟.

زولكم ما كذب.

طوالي قال لي (الطحنية الكتيرة بتمسخ البطيخ).

انا في البداية قلت دا شنو كمان؟.

دا يا ربي مثل روسي.

وإلا امتحان كيمياء؟.

اصلي الحاجات الما بفهما ليك طوالي بقول يا تكون باللغة الروسية ، يا

امتحان كيمياء.

وانا اللغة الروسية ما بعرف فيها أي حاجة.

بعرف فيها بس (الشولة).

تاني حرف ما بعرفو.

والكيمياء ما بعرف فيها الكوع من البوع.

قلت ليه يا حاج انت قاصد شنو بالمثل دا؟.

قال لي مثل شنو؟.

قلت ليه المثل القلتو قبل شوية دا ( الطحنية الكتيرة بتمسخ البطيخ).

قال لي تعرف المباراة لابكون فيها اهداف كتيرة ...والتسجيل بكون من اول

دقائق ..المباراة دي بتكون مسيخة ...وما عندها طعم.

لكن المباراة البكون قفيلها كتير ...والهدف بتسجل في اخر الدقايق

...بتكون مباراة مولعة ..ومباراة طاعمة.

الاستاد كلو بكون واقف على رجل واحد.

الي ان يأتي الهدف.

عندها قول المثل الشعبي : (الطحنية الكتيرة بتمسخ البطيخ)..هسع يا جنا

وقت تأكل ليك حاجة حلوة شديد ..وتجى تأكل ليك بطيخة ...بتحس بي طعم

البطيخة.

قلت ليه : ابدا.

قال لي خلاص ..يبقي نحن متفقين.

قلت ليه : والله عندك امثال ..بتعرفها براك.

قال لي بمناسبة (الساعة خمسة) دي ..مرة مشيت لي زول سكان المنشية...وهو

شغال في (بري).

لكن الزول الساكن المنشية دا كان ساكن في الطابق العاشر.

الاصانصير دا قدر ما مشي ما وصل.

المهم في النهاية وقت وصلنا ليه في الطابق العاشر ..قلت ليه طيب انت ما

كان تسكن (الكلاكلة)...كان اقرب ليك من (الشقة) الساكن فيها دي.

قلت ليه : تعال هنا ...هسع المثل في كلامك دا وينو؟.

قال المثل بجى بعد (الخطرات).

ما فهمت حاجة.

بعد شوية قال لي : (الفول المصلح ما بحتاج ليه لي عيش سخن).

زهجت ليك منو طبعا بعد المثل دا.

عشان انا عندي اهم حاجة للفول المصلح (الرغيف) يكون مولع نار.

عندنا زول زمان بنرسلو لي (الطابونة) لي 15 رغيفة.

الجو بارد ...والرغيف سخن.

زولكم دا يمشي ويقرض في الرغيف ...لمن يصل البيت ...بجدع (الكيس) وبدخل.

بكون نفض ال (15) رغيفة.

صاحبكم بتاع الامثال قال لي : ( تلاجة الموز بفتحوها بالبوز).

قلت لي هسع دا مثل وإلا مروحة تربيزة.

البلد دي فيها امثال عجيبة.

وبتحصل فيها حاجات عجيبة.

عشان الحكاية تبقى ليكم واضحة.

مرة في زول لاقى ليه زول ...قال ليه بكرة إلا تجى تفطر معانا بي سمك.

صاحبكم من صباح الرحمان ...مشي ليك للزول العازمو فطور.

من ستة قعد يدقدق ليه في الباب.

لمن فتح ليه الباب.

قاعد ساعة .....ما في حاجة ظهرت.

ريحة سمك ساكت تطمئن الزول دا ما في.

وقت الساعة واحدة جات ..(الصينية) جات داخله.

فتحو ليها الباب الكبير.

وقفلوا ليها (المراوح).

صاحبكم قال خلاص الليلة الواحد يشبع في (السمك) دا.

الليلة الواحد يتجدع.

يتمتع في الدنيا دي.

زولكم قام ليك على الصينية.

لقى ليك الصينية فيها (صحن فول) واحد.

قال ليه صحنك دا في الصينية مالو عامل زي (الشامة).

ضارب الصقيعة.

غضب غضب شديد من الصينية ...قال للزول العازمو ...انا خليني ...هسع

(الصينية) دي في داعي تقفل ليها (المراروح).

وكمان فاتح ليها الباب الكبير.

صينية هي وإلا قندران.

القندران هسع ذنبو شنو؟.

انا من قبيل بقول ما في ريحة سمك ...ما في ريحة سمك ...وبصبر في نفسو

واقول يمكن (سمك) الزمن دا اطّور وبقى ما فيه (ريحة)...اتاريك انت جايب

لي (فول).

والله لو عارف كدا كنت فطرت من تسعة ...مقعدني للساعة واحدة عشان صحنك دا.

ملحوظة : الفول لو لقى ليه بصلة ...إلا تجيب ليه وصلة.

هوامش

قلت اطلع بيكم من الكورة شوية.

عشان ما تزعلو.

بعدين نحن موسي الزومة ذاتو ما عندنا معاه قضية.

لا موسي لا بلة.

لكن يا موسي عليك الله ارفع الكورة صاح.

والله انا هسع شايل هم على كشافات الكاملين.

قالوا ليك عشان الحتة دي بالذات ...المباراة لعبوها بالعصر.

حرصا على الكشافات.

انا اول مرة اشوف لي زول بيلعب للكشافات وبفوز بنجومية المباراة.

غايتو يا موسي...نجوميتك للمباراة دي زي تورتة ابوجريشة.

تورتة ابوجريشة ...طلعتو من المجلس.

قلنا ليكم كلامنا دا.

لكن انتوا ما صدقتو.

بكرة (النجيلة) مشتاقة لي هيثم مصطفي (حفظه الله ورعاه).

بكرة ان شاءالله (النجيلة) بتضحك من الضرس للضرس.

ونحن في النهاية.

أي حاجة عندنا بي نظام.

عاجل : شفتو كيف؟.

انقر هنا لقراءة الخبر من مصدره.