السودان يدين الصمت الدولي تجاه جرائم الحرب والجرائم ضد الإنسانية التي ترتكبها المليشيا في إقليمي دارفور وكردفان    بعد غياب 8 سنوات.. عبلة كامل تعود وتثير ضجة ب"إعلان"    في طريق عودته للبلاد .. رئيس الوزراء يلتقي سفير السودان لدى إثيوبيا والمندوب الدائم لدى الاتحاد الأفريقي    "سامسونغ" تُحبط الآمال بشأن الشحن اللاسلكي في سلسلة "Galaxy S26"    هانى شاكر فى لبنان وأنغام فى الكويت.. خريطة حفلات النجوم فى يوم الفلاتنين    توضيح من سوداتل حول مشروع ممر Bypass الإقليمي لحركة الترافيك العالمية عبر السودان    حساسية الجلد أثناء الحمل.. متى تستدعى القلق واستشارة الطبيب؟    تشابه دماغ البشر والذكاء الاصطناعي يدهش العلماء    القانون يلزم الشركات السياحية بسداد تأمين مؤقت عن رحلات العمرة    تحديث ذكي جديد ل"واتساب" في آيفون    نائب البرهان يفجّرها بشأن حل مجلس السيادة واتّهام قادة كبار في جوبا    لو ليك فى الرومانسى.. لا تفوت هذه المسلسلات فى دراما رمضان 2026    كاكا قال لدوائر فرنسية إنه يتوقع إنهياراً وشيكاً لقوات التمرد السريع    اكتشاف وجود علاقة بين الاكتئاب وهشاشة العظام    دراسات: إوميجا 3 تحسن الإدراك وتعزز المزاج    قرارًا جديدًا لوزير التعليم العالي في السودان    عقوبة مالية على الإتحاد وإيقاف عضو الجهاز الفني لنادي المريخ    الجيش يفشل هجومًا عنيفًا لميليشيا الدعم السريع    والي النيل الأبيض يشيد بالليلة الثقافية الأولى لهلال كوستي    (ده ماهلالك ياهلال؟؟)    مهارات يامال تعجز مبابي ونجم مانشستر سيتي    شاهد بالصورة والفيديو.. الفنانة إيمان الشريف تشعل حفل زواج صديقها "حتة" بأغنية (الزعلان كلمو) والعريس يتفاعل معها بالرقص    شاهد بالفيديو.. نجم السوشيال ميديا "حتة" يضع يده على عروسه ويحتفل معها بطريقة طريفة على أنغام (الما بحبونا والبكرهونا)    بالصورة.. دكتورة من مريدات شيخ الأمين تكتب: (الشيخ بجيب القروش دي من وين؟ داير تتأكد تعال مسيده في الثلث الاخير من الليل)    أفراد من الشرطة يلقون القبض على السائق الخاص بالقائد الميداني لمليشيا الدعم السريع "جلحة" داخل "ركشة" بحي بري    بنك الخرطوم يتعهد بإرجاع مبالغ «ضمان الودائع» ويتحمل التكلفة كاملة    الهلال يتلقى أول خسارة بدوري المجموعات أمام مولودية الجزائري    هلال كوستي يدشن برامجه الثقافية بليلة ثقافية كبرى وتكريم رموز النادي والمجتمع    السودان يرحّب بالقرار 1591    شاهد بالفيديو.. سرقة محل مجوهرات بشارع الوادي بأم درمان وقيمة المسروقات تقدر ب(ترليون) جنيه    شاهد بالصور.. سيدة الأعمال ونجمة السوشيال ميديا السودانية الحسناء ثريا عبد القادر تخطف الأضواء من معرضها ببورتسودان    الجوهرة السودانية عامر عبد الله ينضم رسمياً لأحد الأندية الخليجية    محاولة أوكرانية جديدة لإفشال مفاوضات السلام بعيداً عن ارض المعركة    وزير الثروة الحيوانية: البنك الزراعي وبنك النيل يمولان صغار المربيين لزيادة الإنتاجية    رفض الزوج شراء سجائر لها فقتلته.. جريمة زوجة مصرية تثير الجدل    توصيات المؤتمر القومي لمعالجة قضايا الشباب    بيان مهم لوزارة المالية في السودان    المركزي يوجه بنك الخرطوم بإيقاف الاستقطاعات وإرجاع المبالغ المخصومة للعملاء    لجنة أمن ولاية الخرطوم تؤكد المضي قدما في تنفيذ موجهات رئيس مجلس السيادة لبسط الأمن وفرض القانون    ضبط اسلحة ومخدرات بكسلا    حريق كبير في سوق شرق تشاد    صعود الذهب عالميًا يرفع أسعار المعدن النفيس فى قطر صباح الخميس    صلاح يتحدى مرموش.. موعد مباراة ليفربول ضد مانشستر سيتي بكلاسيكو إنجلترا    رسالة أخيرة في بريد الرئيس البرهان قبل تمرد الحركات المسلحة الدارفورية    تعرف على سعر الأسمنت اليوم الاثنين 2 -2 -2026 فى مصر    ترامب يحذر إيران: الوقت ينفد والهجوم القادم سيكون أشد    مباحث الخرطوم تعلن توجيه ضربة موجعة لمافيا السيارات..إليكم التفاصيل    تلفزيون السودان يستأنف البث المباشر من مقرّه الرئيسي    وزير الصحة: التبغ عدو الحاضر والمستقبل و فاتورته الصحية تفوق عائداته الضريبية    هل قتل السحر الأسود الإسرائيلي عبد الناصر؟.. كتاب جديد يكشف خفايا خطيرة في مصر    سباق اختراق الضاحية باكورة بطولات الاتحاد العربي لألعاب القوى    شركة اتصالات في السودان تعلن عن توقف خدمات    "مَا حَرَّمَ إِسْرَائِيلُ عَلَى نَفْسِهِ"!    أحمد الشاكر: انا أعجز عن شكر جميع الإخوة الأشقاء في المملكة العربية السعودية    ترامب للإيرانيين: واصلوا الاحتجاج.. المساعدة في الطريق إليكم    السودان..حصيلة صادمة بمرض شهير في ولايتين    إسحق أحمد فضل الله يكتب: (حديث نفس...)    "كرتي والكلاب".. ومأساة شعب!    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



جمال الوالي يقترب من الهلال..بشروا (مقصورة) المقبرة
قوون نشر في قوون يوم 08 - 02 - 2013

هيثم مصطفى بشعار المريخ وجمال الوالي بشعار الهلال واحدة بي واحدة
قبل ان يوقع هيثم مصطفى في كشوفات المريخ ...قلنا ان المريخ اذا اراد ان يسجل هيثم مصطفى في كشوفاته ...عليه ان يخلي (كرسي) جمال الوالي شخصيا.

نحن في الهلال ما عندنا أي مشكلة ...مشي هيثم مصطفى ...جبنا (الشغيل)..شفتوا قوة العين دي كيف؟.

في المريخ مشي جمال الوالي ...جابوا (هيثم مصطفى).

السن بالسن ..والعين بالعين.

المريخاب بحاولوا يرفعوا في معنويات فيصل العجب ..وبجيبوا ليك العجب مع هيثم مصطفى في الصورة ...عشان يأكدوا ان (العجب) مكانتو ما اتأثرت في المريخ.

والموضوع اكبر من كدا ....هيثم دا جيبوا معاه جمال الوالي ...العجب ما ند ليه.

كمان العجب بقى مفارق ...باقي ليه 3 شهور وعشرين يوم.

ما تخدعوا العجب ساكت ...وترفعوا ليه معنوياته على حساب هيثم مصطفى.

الكورة الباقية للعجب دا ...(صورة) ما بتصوروا ليها.

خلاص العجب قطع ...الموضوع دا اقنعوا منو؟.

العجب في يونيو القادم يمكن يمشي النسور ...يمكن اتحاد مدني ..يمكن المهدية ...(خلاص يا جماعة ...السن كمان ليها احكام).

نرجع للموضع الرئيسي ...موضوع فيصل العجب دا بعيد اصلا عن الصورة.

قلنا ذلك بدري ...لو عاوزين هيثم مصطفى يا مريخاب إلا تخلوا خانة جمال الوالي.

وقد كان ذلك مننا قطعا بان المركب الفيها (ريسين) بتغرق ...لذا كان لابد من استقالة جمال الوالي ....اذا ارادوا تسجيل هيثم مصطفى في كشوفات (الوصيف).

مع يقيننا ان عصام الحاج ح يغرق المركب ..ح يغرقها ...ويقعد يقول ليك خيط في ابرة ما بعرفوا ينظموه.

خيط شنو يا عصام الحاج ...انت قايل نفسك في مصنع غزل ونسيج.

نحن نؤمن ايمانا كاملا ان (ابرة) المريخ ما بتشيل خيطين ...وهذه هي اللغة التى يتحدث بها عصام الحاج ..وقد اردنا ان نحدث الامين العام لمجلس المريخ باللغة التى يفهمها ..وبنفس (اللسان) الذي يتكلم به.

ربما هذا ذكاء من عصام الحاج ..بعد ان ذهب الممول الرئيس للمريخ فحاول عصام الحاج ان يجد ممول اخر ..يسعف المريخ بتمريرته ونجوميته ويغطي غياب جمال الوالي..ويشغل الناس على اسوأ الفروض في الصحف والتجمعات والمنابر.

لذا كانت اول مساهمات هيثم مصطفى في المريخ هو تسديده لفاتورة الكهرباء ...بعد ان دخل نادي المريخ في ظلام (دامس)...حسب فهمنا للظلام ..وحسب الوصف الذي اعتدنا عليه ..اقترانا ب (الظلام).

والله ناس المريخ لو اتكلوا على فيصل العجب ..في حكاية فاتورة الكهرباء دي ...كان هسع نادي المريخ مدور في (الشمع) زي الما حصل حاجة.

وعلى افضل الفروض كانت (رتينة) نادي المريخ هسع بتقول يا غربتي.

لكن بس الله شافكم ساكت...ومهرجان هيثم مصطفى سدد ليكم فاتورة الكهرباء.

على المريخاب ...بما في ذلك عصام الحاج ان يعلموا ان هيثم مصطفى مشي المريخ في حتة (جمال الوالي).

وما عاوزين كلام كتير في الحتة دي.

هيثم مصطفى لو جاكم التمرين يا عصام الحاج بي (عمة وجلابية) زول يسألوا ما في.

هسع قالوا حكاية تقليص العمال دي ..فكرة من هيثم مصطفى.

هيثم مشي المريخ في حتة الرئيس شخصيا ...لذا كلموا ناس سعيد السعودي واحمد الباشا ..وقولوا ليهم ما تفوروا دمكم ساكت ...هيثم دا جاء المريخ (رئيس)..الكابتنية دي ما عنده معاها قضية ...ولا هي في طموحاته.

كابتن المريخ دي ...عندنا نحن في الهلال اخير منها القعاد في البيت.

عشان كد يا سعيد السعودي قلبك ما يطير ساكت ...بعدين انت (الشفقة) كاتلاك عديل ... انا من شفتك وانت بتطلع الكورة من القون وهي في طريقها ان تكون (هدفا) للمريخ ..عرفتك انك يا زول (متلفسف)...يا زول (الشفقة) كاتلاك.

وواضح ان (الفلسفة) ما عندك فيها أي نصيب ...لذا فان الراجح والاكيد هو انك لاعب (شفقان).

هذا عن هيثم مصطفى ...على ما يبدو وحسب النظرة اللوجستية في الهلال واضح ان الهلالاب بفكروا بصورة جادة في جمال الوالي.

اصلو جمال الوالي دا مشي المريخ ...عشان يعمل تطور وتقدم في كوكب المريخ ...يعني الزول دا جاكم (بعثة) تطوير.

زي هيثم مصطفى الذي ذهب الي المريخ ..عشان يسدد فاتورة الكهرباء القاطعة عندكم.

واحسب ان جمال الوالي في المريخ قام بالمهمة على اكمل وجه ..وادى رسالته ...وهو الان راجع الي قواعده.

جمال الوالي في الهلال ما كعب معانا ...ان صلح لينا (مقصورة) المقبرة ساكت ما بطال معانا.

على الاقل نعوض جمال الوالي شوية ...ونخلي يفوز ليه بي كم كأس وبطولة ..بدل (الوصافات) التى اغرقه بها ناس المريخ.

جمال الوالي عاوز يشم الهوا شوية في الهلال.

بعدين يا جمال الوالي نحن في الهلال ما بسنتنفذك ...ولا بنحفر ليك ...لو في زول عندو رأي بقولوا عديل ...ما بمشي ويلف ويدور.

الامين البرير دا في الهلال ...اعتصموا ليه في النادي ...بصورة حضارية وديمقراطية ...ومازال الي وقتنا هذا الامين البرير رئيسا لنادي الهلال.

يعني في الهلال الحاجات واضحة...ما زي الحاجات عندكم في المريخ ...عصام الحاج يقول ليكم استقيلوا ..ويجي يرفض يستقيل.

الشيء العاوز اكدوا هو ان الامين البرير لو لقى ليه زول في الهلال بدفع زي جمال الوالي ...بخلي الهلال دا مولع عديل كدا.

لا حكومة ..ولا نفط ..جيبوا لينا جمال الوالي ...على الاقل نرتاح من حكاية شكاوي (يوسف محمد) الما بتنتهي دي.

بالمناسبة اقتراب جمال الوالي من الهلال ...انا ما جبتوا من فراغ ...الكلام دا حصل بالجد.

حصل في الواقع.

جمال الوالي في تأبين الراحل المقيم عبدالمجيد جعفر تزين وتجمل بالازرق وظهر في صور لموقع (الزاوية) وهو يتلفح شعار الهلال.

والله الزول دا فيه مقطعية نائب رئيس في الهلال ...ما بتخلص.

طبعا جمال الوالي لو جاء للهلال ما بنبقي رئيس طوالي ..رغم من ان جمال الوالي اصلا هو هلالابي.

جمال الوالي بنخلي نائب رئيس في الهلال 3 سنوات ...بعد كدا ...ممكن يبقى رئيس نادي الهلال.

انتوا ما شفتوا يا جمال الوالي نحن أي زول بجينا للهلال من المريخ اول حاجة بنعالجو ...من ثم بندخلوا مع الجماعة.

زمان جانا من المريخ عبده الشيخ ...شلناه ..ومشينا عالجناه برة .....عملنا ليه علاج شامل.

بعد العلاج ...دخل الكشف.

حمودة بشير دا ذاتو وقت سجلناه في الهلال...اول حاجة (عالجناه).

عارفين عالجناه من شنو؟.

عالجناه من (المريخ).

علاءالدين يوسف ..بدلنا ليه (بصمتو) عديل كدا...بعد كدا دخل (الفورمة).

هسع انتوا عارفين الشغيل وين؟.

الشغيل في مرحلة (العلاج).

نحن ما عندنا زول بجي من المريخ ..وما بنعالجو ..ونشيل ليه (المرارة) كمان.

نحن أي حاجة عندنا بي نظام.

نحن ما عندنا حاجة ساكت.

نحن أي حاجة عندنا بي نظام.

اها يا جمال الوالي انت ..وعشانك عندك مكانة خاصة ...وعشان ما فيك كلمة ...ما عاوزين نعمل ليك (علاج).

انت من قولك تيت عاوزنك نبقيك (نائب رئيس)..ونوعدك بعد 3 سنوات فقط ..تبقى رئيس.

ناس عصام الحاج ديل ...الا تمشي منهم الهلال ..لو استقيلت او ما استقيلت ما بريحوك.

بدفعوك في كل الاحوال.

الحل الوحيد ...تمشي الهلال يا جمال الوالي ...دي الطريقة الوحيدة التى يمكن ان ترتاح بيها من دوشة ناس عصام الحاج.

بس ان شاءالله ناس عصام بعد ان توشح جمال الوالي بالازرق يكونوا فهموا حاجة.

طبعا جمال الوالي من يومه متوشح بالابيض.

لكن انتوا ما فهمتوه.

عشان كدا ...المرة دي اتوشح ليكم ب (الازرق).

بس ان شاءالله بعد كدا ..تكونوا فهمتوا القصة.

انتوا يا عصام الحاج ...إلا يعملوها ليكم واضحة كدا.

الواحد ان (استقال) ...ما بتريحو.

فاتورة الكهرباء ....عاوزين يدفعها ليكم.

مجلس ادارة يفشل في دفع فاتورة الكهرباء ...دا مجلس شنو؟...ودا منتظرين منو شنو؟.

هسع يا عصام شوفوا العداد ..قبل ناس هيثم مصطفى يرجعوا.

هيثم مصطفى لو لقى عدادكم في النادي فيه 15 وحدة ..ما برضى.

انتوا عداد الكهرباء إلا يذكروه ليكم.

تقعدوا تتطارشوا فيه ..لمن الكهرباء تخلص.

ملحوظة : اعملوا نفرة للعداد...وخلوا أي مريخابي يتبرع ليكم بي (وحدة).

هوامش

نذكر الهلالاب ..ونذكر مرة اخرى مجلس ادارة نادي الهلال.

يا جماعة كشف الهلال اصلا ناقص سيدي بيه ..وناقص دومنيك ..وناقص (الشغيل) المصاب.

اوعكم ...تعاقبوا بكري المدينة وايكانغا ..ليفقد كشف الهلال 5 لاعبين مرة واحدة.

انتوا عاوزننا نلعب الدورة الاولي في الممتاز تحت السن.

اختفت من الساحة تصريحات هاشم ملاح.

كدا يعني الامور في الهلال ماشي كويس.

اصلو هاشم ملاح من يصرح ...يعني في كارثة في الهلال.

تصريحات هاشم ملاح ...زي تصريحات مدير هيئة الطيران...ما بصرح إلا لمن تكون في (طيارة) وقعت.

عشان كدا الايامات دي الاوضاع في الهلال مية المية...والدليل على كدا ..ما في تصريح لهاشم ملاح.

الممتاز خلاص على وشك الانطلاق.

والله اشتهينا الهلال ...وعاوزين نشوف فصاحة غارزيتو.

غارزيتو قالوا في اثيوبيا ما خلي ليه (جبل).

ان شاءالله هلال مريخ ...تكون في الاسبوع الاول للممتاز.

عشان ننتهى ليكم من موضوع المريخ دا من الاسبوع الاول.

بلا تونس ..بلا لخمة معاكم.

نكتب قبل القرعة.

غدا ان شاءالله ان كان في العمر بقية ..نعود للتعليق على قرعة الدوري.

ان شاءالله الممتاز كالعادة هلالي.

هو جمال الوالي هلالي.

يعني بقى على الممتاز.

اقترح على لجنة مهرجان الهلال يوم الثلاثاء تكريم جمال الوالي.

الزول دا قلت ليكم اقترب من الهلال.

طبعا تسجيلات الاداريين في مارس.

يعني قبل يونيو.

ونحن أي حاجة عندنا بي نظام.

يا البرير ...جمال الوالي دا ما ترسلوا ليه هاشم ملاح.

يا البرير الوالي دا امشي ليه براك.

احسم الموضوع بي نفسك.

ناس المريخ ..قالوا بقوا يطفوا من عشرة.

عشان يوفروا (كهربة).

طبعا ما في (مروحة) شغالة في نادي المريخ.

المكيفات باعوها عديل كدا.

عاجل : جمال الوالي لو جاء الهلال كل اعلام المريخ بقلب...إلا احمد محمد احمد وابوبكر عابدين.

انقر هنا لقراءة الخبر من مصدره.