سودارس : طردوه للمرة الثانية..الحضري يطلب حق اللجوء..(غرفة) لله

قالت إنّها خرجت من آلية تحديد أسعار الوقود..الطاقة تكشف تفاصيل 20 باخرة في محيط البحر الأحمر شاهد بالفيديو.. داخل حرم إحدى المدارس.. والي النيل الأبيض ينفعل على وزير التربية والتعليم ويحظى بإشادة الجمهور: (لن أذهب حتى ينتهي البناء) شاهد بالفيديو.. الفنانة هدى عربي تخلع حذائها أثناء الحفل وتدخل في وصلة رقص مثيرة اختبار نسخة مدفوعة جديدة من "إنستغرام" "آبل" تستعد لإطلاق أول آيفون قابل للطي النفط ينخفض 1% بعد تقرير ترامب إنهاء حرب إيران "يغفر الله للجميع إلا باجيو!".. مأساة اللاعب الذي مات واقفا – فيديو عيد ميلاد إيمى سمير غانم.. خطوات ثابتة واختيارات مدروسة فى مسيرتها الفنية قرار لحكومة السودان بشأن معبر أدري قيادي بحزب المؤتمر الوطني يحسم جدل مثير صبري محمد علي (العيكورة) يكتب: *هذا ما قاله لي وزير التعليم العالي والبحث العلمي ظهر اليوم* عثمان ميرغني يكتب: فساد.. الفساد.. والي الخرطوم يوجه وزارة التخطيط العمراني بتطبيق القوانين وتسريع إجراءات معاملات الأراضي جهاز المخابرات العامة يدشن مبادرة العودة الطوعية للاجئين السودانيين من مصر إكتمال فتح الطرق والشوارع الداخلية بمنطقة وسط الخرطوم ارتفاع جديد في أسعار الوقود بالخرطوم شاهد بالفيديو.. رمى عليهم عبوة ناسفة وهرب.. جنود بالدعم السريع يضبطون مرتزق من جنوب السودان في وضع مخل مع سيدة داخل "راكوبة" بمدينة الفولة شاهد بالفيديو.. فنان "ربابة" سوداني يثير تفاعل الجمهور بعد ترديده أغنياته الشهيرة (صورة وصوت) في حفل حاشد بالسعودية الهلال يواجه أُماجوجو لتوسيع فارق الصدارة شاهد بالفيديو.. داخل حرم إحدى المدارس.. والي النيل الأبيض ينفعل على وزير التربية والتعليم ويحظى بإشادة الجمهور: (لن أذهب حتى ينتهي البناء) الأهلي يخسر من ساردية بدوري شندي (أماجوجو والنقطة 54) برشلونة يتلقى دفعة معنوية قبل مواجهة أتلتيكو مدريد شراكة استراتيجية بين "الشباب والرياضة" و"الصناعة" لتمكين المبتكرين ودعم الإنتاج الشبابي كريم عبد العزيز وفريق مطلوب عائليا يبحثون عن دولة أوروبية للتصوير الخارجى أزمة منشطات تشعل دوري أبطال إفريقيا.. الهلال السوداني يشكو نهضة بركان المغربي ل"الكاف" أيهما أكثر فائدة القهوة أم عصير البرتقال صباحًا.. والكميات المناسبة آلام الدورة ليست دائمًا طبيعية.. إشارات تكشف بطانة الرحم المهاجرة مبكرًا فصيلة الدم تكشف احتمالية الإصابة بالسكري السيسي للرئيس ترامب: لا أحد يمكنه وقف الحرب في المنطقة إلا أنت "فيفا" يتّخذ موقفًا حازمًا بشأن مشاركة إيران في كأس العالم مصر.. الدولار يقترب من 54 جنيها لأول مرة سارة بركة: أحمد العوضى مجتهد بشكل كبير وبيحب شغله جدا اختيار غير متوقع لمستقبل "الملك المصري" وجبة سمك تُنهي حياة 3 سودانيين بالقاهرة وتتسبب في إصابة 4 آخرين بحالة تسمم غذائى حاد بسبب ضعف الراتب.. وزير الثروة الحيوانية بالسودان يبحث عن عمل إضافي رئيس الوزراء يصدر قرارًا بشأن الرسوم الجديدة في المعابر محمد عبد الباسط يكتب: لهذا تحركت باكستان الآن للوساطة بين أمريكا وإيران السكوت على هذا الأمر لا يرضي الله ولا رسوله!! ارتفاع أسعار الذهب في السودان الخليج الضحية الكبرى: إيران وجهت 83% من هجماتها إليه… و17% فقط إلى إسرائيل مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية ترامب يصدر أوامره ويكشف تطورات مثيرة مع إيران الأمن يداهم مخزن يبيع الوقود المهرب لعصابات التنقيب عن الذهب رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة ضبط 238 كجم من "الآيس" وأسلحة بجانب نحاس بولاية البحر الاحمر ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد قيم الهلال المتوارثة يجب أن تبقى أبد الدهر في زمن الضجيج.. القرآن بوصلة المعنى والسكينة د.مزمل أبو القاسم يكتب: دموع الباز.. وزاهر! (2) السودان.. الدفاع المدني يستعين ب"التوك توك" طفح جلدي في رقبة الرئيس ترمب يثير تساؤلات حول صحته صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

طردوه للمرة الثانية..الحضري يطلب حق اللجوء..(غرفة) لله

قوون نشر في قوون يوم 05 - 03 - 2013

احيانا تصبح (الافكار) ...مثل القطط ...قد (تستوحش) ..وقد تكون (اليفة)..تتمردغ على حوافي (الملايات).

وقد تبلغ (الافكار) ...حد الاستوحاش ...ان تصبح مثل قطط المستشفى السمينة..شرسة وعندها دبلوم (في المصارعة الحرة)..وخطف اللحمة من الكيس.

طبعا الفئران اتثقفت ...بقى سم الفأر ما بيكتلها.

ولا بعمل ليها (الحبة).

من قوة عين (قطط) المستشفى ...انها بلغت جرأتها ...ان تلك القطط تمتلك من القدرة استطاعة ...ان تفتح (التلاجة)..وتشغل (المكيّف)..وتنزل (الحلة) من النار....ولو شافت ليها (فأر) بالغلط كدا ..تضرب تلاتة تسعات.

طيب نحن جايبنكم (حكم رابع).

كديسة شنو الفاضية تسك ليها (فأر) وزنو ما بساوي (وقية) ..واللحمة البيضاء والحمراء قدامها اشكال والوان.

الفأر ..بقى ما بغطي.

بعدين لمن تطلع المحلية حقها في الفأر ..ويشيل البنك ..حقو في السلفية ..(الفأر) ذاتو ما بفضل فيه حاجة.

لكن كل ذلك ..لا ينقص من (الكدائس) جرأتها ..صحيح (الفئران) اتفلهمت ..لكن (الكدائس) كمان بقت ما بتسأل في زول.

فلهمة شديدة.

بعض (القطط) وصلت حد من (الفلهمة) ان تدخل صندوق ..وتشيل (الصرفة) الاولى.

وتغالطك في (ضلك).

الفلهمة دي عند (الروس)..زي الشاي باللبن عندنا.

هم عندهم كدا ..عاوزين تغالطوهم كمان.

انتوا عارفين الكديس في روسيا ..عندو مخصصات وامتيازات (الاسد) في الدندر.

وبلد ما فيها اسد ..من حق الكديس ان يقدل فيها ..ويقفل تلفونو كمان.

ويرفع القزاز.

كدايس اخر زمن.

كدايس الزمن دا ..عملن اي حاجة ...الكديسة بقى عندها (بريد الكتروني)...وشريحة ...ورصيد في البنك.

الكديس ..لو اتواضعت ..وقبضت ليها (فأر) ، لو ما مصرت فيه (ليمونة)..ما بتاكلو.

اغرب حاجة.

وحاجة تغيظ ..(زي البيبسي) لمن يطلع بالنخرة.

الكدايس بقت تطلب (الفورة) دليفري.

يعني الكديسة ....عاوزة يجبوا ليها (الفأر) وهى في سريرها.

شفتوا نحن وصلنا وين من (الكدوسة)؟.

نطلع فاصل ..ونرجع ..(قبل ان نسترسل في هذا الجانب).

كفاية كدايس.

تمسك في الشيء زي السلطة البيضا.

قد تسألون ما هي العلاقة بين الحضري ..والكدايس التى اكتب عنها في افتتاحية هذا العمود؟.

ليس من الضروري ان تكون هناك (علاقة).

الحكاية دي ما شرط.

احيانا بتنزل (اجازة)..وانت اصلا ما شغال.

واحيانا ...ما بتعمل اي مخالفة ..رجل المرور ..يطلع ليك (مخالفة) من مافي.

ان شاءالله من مقرر سنة ثالثة (ابتدائي).

خلوني على راحتي.

خلوني اقول (ابتدائي) بدلا من ان اقول (اساس).

بمناسبة ناس المرور ديل ..او بدون اي مناسبة...(خلوها مفتوحة كدا) بدون مناسبات.

واحد راكب في عربيتو في شارع التحدي ..ماشي عطبرة.

الموضوع لي هنا عادي.

ما فيه اي اشكالية.

زيو ..وزي اي زول مسافر عطبرة.

اول نقطة مرور قابلتو في الشارع ..سألوه من (الرخص).

طلع ليهم 112 رخصة ..قال ليهم كمان انا (الرخص) بسألوني منها ..نحن في الحياة دي عملنا شنو؟..لا عمارات ..لا عربات ..ولا ارصدة في البنوك...لا شهادات.

الحاجة الوحيدة العملناها في الدنيا دي ..طلعنا (الرخص).

ومع الرخص ..قدم ليهم كمان صورة اشعة ..وقال لي بتاع المرور ودي اوراق المواجات الصوتية العملتها الاسبوع الماضي.

رجل المرور شاف كلامو كتير واورقو مية المية ... وخاف يهاجم ليه (الوطني) ..قال ليه اتفضل.

مشى شوية ...قابلتو نقطة مرور تانية.

قالوا ليه : رابط الحزام؟.

قال ليهم : وانا لو ما رابط الحزام ...اربط شنو؟...نحن عندنا شنو في الدنيا دي غير ربط الاحزمة.

البلد كلها رابطة الاحزمة.

رجل المرور شافو كلامو كتر ..وخاف يعرج ليه على ناس الولاية ..قال ليه اتفضل.

مشى كيلو كدا ..لاقتو ليك عربية المرور ..ثبتوه...نزل ليهم.

قالوا ليه ..لابس (شبط)...وإلا (شبشب).

قال ليهم (جزمة) عديل كدا ...نحن عندنا شنو غير (الجزم)...لا عندنا بقر ..لا عندنا اراضي زراعية.

رجل المرور قال ليه اتحرك ..امشي...خاف يقوم يهاجم ليه (الوالي).

مشي شوية ..ثبتوه.

قالوا ليه معاك (طفاية).

قال ليهم بالحيل ..نحن بدون (طفاية) نمشي وين؟..في الاسعار المولعة دي.

رجل المرور من سمع كلمة (الاسعار)..قال ليه : اتفضل.

كمان شوية..تاني وقفوه.

وقف على جانب ..قالوا ليه ولع لينا النور.

قال ليهم النور اعمل بيه شنو في (النهارية) دي ..انتوا كمان شمس الله دي عندكم فيها كلام.

قالوا ليه : يا زول ولع النور ..ما عاوزين كلام كتير ..ما تبقى لينا زي عالم الرياضة وقت يكون كلو رسائل من الولايات.

ولع النور.

قالوا ليه جر نور طويل.

يا جماعة الله نور طويل في النهارية دي.

جر ليهم النور الطويل.

نور قصير.

جر ليهم النور القصير.

قالوا ليه : اتفضل ...خافوا يطلع (شعبي).

اتحرك شوية ...ثبتو ليك رجل مرور..بدون مناسبة قال ليه وين اللستك الخامس؟.

قال ليه ...تفتكر المثبت ورا دا ..اللستك (الثالث)..اكون ماشي بي لستكين ..وانا ما عارف.

بوليس الحركة ..قال ليه ما عاوز كلام كتير ..كلامك دا ممكن اعتبرو ليك (مخالفة).

ليه يا جنابو ..انا بتكلم (فارسي).

خاف يقوم يتكلم ليه عن العلاقات السودانية الايرانية ..ونحن ما مستحملين حاجات بالشكل دا.

السكوت افضل.

اتحرك يا ابوالشباب.

اتحرك ..شوية كدا ...طلع ليه بعد اول عمود كهرباء ..بوليس حركة ..كان قاعد وين في (الهجيرة) دي ؟ ، ما تسألوني.

بوليس حركة من النوع البطلع ليك من تحت الحجر.

ثبتو ليك.

اسمع يا ابو الشباب ..المرايات دي اتوماتك وإلا يد.

قال ليه : ودي فارقة معاكم في شنو يا ناس المرور ؟...اتوماتك وإلا ايد ..انتوا مالكم ...ان شاءالله امشي بدون (مرايات).

خليتوا مشروع الجزيرة ...خليتوا مشروع سندس الزراعي ..عفراء ..الواحة .. خليتوا (الجنوب) كلو وقبلتوا على (المرايات).

تقول المرايات دي بسألكم منها مجلس الامن...لكن عشان لماضتكم دي مراياتي مية المية.

رجل المرور شاف المرايات ..وقال ليه اتحرك.

اتحرك كدا ...لاقاهو ليك رجل مرور تاني.

اسمع ..اخر مرة غيرت زيت متين؟.

امس يا جنابو..لكن انتوا مالكم ومال الزيت ...اغيرو ..وإلا اخلي يتم المباراة.

كمان في دي بقيتوا تتدخلوا.

بوليس الحركة ..قال ليه اتحرك ..اتحرك.

اتحرك كدا ..ثبتو ليك ضابط.

يا جنابو خير ..جاجاتي كلها مية ..المية ..ما عندي اي حاجة ناقصة ..اخر حاجة عملتها امس ..غيرت الزيت.

جنابو قال ليه : فاطر؟؟؟.

الفطور دخلتوه في قانون المرور يا جنابو.

ايو ..لو ما فاطر ..ممكن تعمل حادث في اي لحظة.

والله يا جنابو ماكل لي (سمك) اسكت خليه ساي ..وعشان تصدقني ..باقيه لميتو في ضهرية العربية...على بالطلاق تفطر بيه وما تقول شيء.

نزل ليه السمك ..ودور.

مشى كدا ..ثبت ليك رجل مرور تاني.

قال ليه : اسمع جنب شمال ..عشان الموضوع دا يمكن يطول.

خير يا جنابو في شنو كمان.

شكلك كدا انت بتاع جرجرة ..ولف دوران.

ابدا يا جنابو ..والله انا من يدك دي ..لي يدك ديك.

لا ..لا شكلك بقول غير كدا تماما ...الظاهر عليك زمان كنت بتغيب في حصة العربي...واحتمال تكون ما بتمشي المدرسة في الاساس.

والله يا جنابو الزول القدامك دا ..حصة ما بفوتها.

جنابو طلع دفترو..وقال ليه طيب سمع لي نشيد ( يا طير غني غني).

صاحبكم سمع ليه يا طير غني غني زي الحلاوة.

قال ليه طيب سمع لي قصيدة (النخلة الحمقاء).

سمع ليه النخلة الحمقاء.

جنابو قال ليه سمع لي نشيد (اقبل العيد).

سمع ليه (اقبل العيد).

زولكم ما لقى اي فرصة فيه...!!.

لكن يا جنابو انت المقررات دي دخلوها متين في (قانون الحركة).

انت استاذ لغة عربية وإلا بوليس حركة.

بوليس الحركة ما لقى فيه طريقة ..قال ليه امشي.

زولكم دور عربيتو وفات.

اول منعرج ..قابلو ليك بوليس حركة تاني.

بوليس من عربيتو ما نزل.

زولكم نزل ..ومشي عليه.

خير يا جنابو ..والله انا حاجاتي كلها مية المية...ما عندي اي مشكلة.

جنابو ..من غير يرفع رأسو ..قال ليه عندك قطعة ارض.

بالحيل يا جنابو ...مسجلة في الشهر العقاري كمان.

مساحتها كم؟.

600 متر مربع ..يا جنابو.

ناصية ..وإلا لا؟.

ناصية.

عاوز تعمل فيها (دكان) اكيد ..طبعا.

وانت مالك ..اعمل دكان ..وإلا مزيرة ..

رجل المرور عاوز يشوف ليه مخرج من الحتة دي.

قال ليه 74 بي كم.

زولكم قال ليه عليك الله يا جنابو لو قلت ليك 110 ..ح تقطعني مخالفة.

جنابو لقى كلامو ما منطقي ..قال ليه امش.

مشي ..ثبتوه.

تلب ليه رجل مرور..عاين ليه كدا ..وقال ليه القميص اللابسو دا ..تركي وإلا صيني.

لا تركي ولا صيني يا جنابو ..تصدق من (الحصاحيصا).

من الحصاحيصا ..طيب اتفضل اطلع.

طلع ..ثبتو ليك بوليس حركة مع مدخل مدينة عطبرة.

نزل من العربية ..بوليس الحركة قال ليه دكتور كمال ابوسن دا وقفوه ليه؟.

صاحبكم قال ليه يكون ما رابط الحزام يا جنابو.

جنابو ما كضب ..وكتب ليه (مخالفة).

نطلع فاصل.

شفتوا المشوار دا طويل كيف ..من بحري الي عطبرة ..تقول ماشينو (كدارة) من كترة رجال المرور.

غايتو البلد دي الواحد لو عاوز يغلط فيها ..يعمل ليه (عربية).

ناس المرور يخلوا شغلهم كلو ..ويقبلوا على عربيتك دي.

عدنا.

الموضوع الاساسي العاوز احدثكم عنو ..طيرتو من رأسي.

الحضري دا مالو ببهدلوا فيه كدا.

شنو كل خميس بطردوه من (الفندق)؟.

والله زلة زي دي ...حارس ناشيء ما بقبل ليها.

زول عمرو 44 سنة ..بتبدهلوا فيه كدا ليه؟.

عصام الحضري دا اصلا لما جاء للمريخ ..كان قد فقد الامل في الاهلي والزمالك والاسماعيلي.

جاء الي الخرطوم ..وهو ما عندو اي خيار غير (المريخ).

لعب في المريخ (لاجيء) رياضي.

وقد ثبت ذلك من (الطرد) الذي ظل يتعرض له من الفنادق.

مرة يطردوه من الشقة ..ومرة من الفندق ..ومرة يجدعوا ليه (الشنط) في الباب.

زول ما دافع البقعدو شنو؟.

اللاعب ممكن يطردوه من الملعب ...لكن يطردوه من الفندق دي جديدة علينا.

الظاهر الفندق دا نازل فيه جمال الشريف.

عشان كدا من يشوف عصام الحضري ...بلصق ليه كرت احمر.

يا الحضري ..والله مع عصام الحاج دا ..من هدومك يطردوك.

طرد الزول بعد الاربعين ..ما لذيذ.

بدل البهدلة دي امشي (الخرطوم الوطني).

ناس الخرطوم ديل لو اتلوموا معاك ..بسكنوك في (شقة) في الخرطوم تلاتة.

الشيء الخطير ..تراوري دا جنو وجن الحراس البطردوهم من الفنادق.

ممكن تراوري دا يسامح في اي شيء ..إلا الطرد من الفندق.

الموضوع دا ..عندو عيب عديل كدا.

لذلك ..عصام الحاج دا ..مفروض يشوف ليه حل من بدري ...قبل الاسبوع الرابع.

الحضري بقى قاعد في (السهلة) ساكت.

والله يا الحضري بي حالتك دي ..ذكرتنا السيول والفيضانات.

ذكرتنا سنة 1988م.

البلد كلها قاعدة في الشارع.

عليكم الله زول غرفتو طردوه منو ..غرفتو ما حارسها ..ح يحرس ليكم (قونكم).

الحضري مسكين..قالوا بقى يمشي القاهرة ينوم ..ويرجع للخرطوم عشان التمرين.

ملحوظة : الحمدلله ..هيثم مصطفى جاء المريخ بي شقتو.

هوامش

غدا ان شاءالله نكتب عن الغراء (الاسياد)..والاخ الحبيب (110) الرشيد علي عمر ..وهو يكرمنا بدل المرة الف مرة.

وربما نكتب عن (كبوتش)......!!!!!!!.

ونفتح قوس.

قلنا ربما!!!.

خلوها بكرة.

يا سلك ..شايف (اسلام) مشرورة في حدايق السلام.

دا منو الشاريها دا.

غايتو عبدالماجد ما فاضي الايامات دي.

انقر هنا لقراءة الخبر من مصدره.